SAVOURER

verbe

[T-L : savorer ; GD : savorant, savoré, savorer ; GDC : savourer ; FEW (XI, 207a) : sapor ; TLF (XV, 141b) : savourer]

I. -Emploi transitif. [D'une pers.]

A. -Au propre. Apprécier par le sens du goût, goûter qqc. en l'appréciant pleinement.

E ! Diex, que cest mès soef flaire ! Amis, l'avez vous savoré ? (Mir. enf. diable, c.1339, 40)

[En enfer] ...quant j'oi les mors sauvouré, Et mengiet de l'homme tué... (Jean De Le Mote, Voie d'enfer P., 1340, 50)

...Excellent en toute valour Que cuers porroit ymaginer, Yeus vëoir, oreille escouter, Main figurer, ne bouche dire, Soutils entendemens descrire, Goust savourer, ne tast sentir, Desirs, voloirs, cuers asentir, De Dieu amie et de Nature Et de toute autre creature, Exemples vrais, miroirs de joie, Estoile clere qui ravoie (Mach., R. Fort., c.1341, 83)

...trop de riches viandes ou trop deliciouses desir pur ma orde bouche emplier et savourer (Henri Lanc., Seyntz medicines A., 1354, 49)

B. -Par métaphore. au figuré. Jouir de qqc., y trouver du plaisir.

1.Savourer qqc.

[Dans un cont. métaph.]

Lors s'en parti ; je demouray Et moult doucement savouray En mon cuer ce que dit m'avoit ; Et si trés bon goust me savoit, Que je fui tous asseürez Des mouvemens qui figurez Estoient en mon cuer si fort Qu'en moy ne savoie confort. (Mach., R. Fort., c.1341, 117)

Il nous est expedient des fleurs cueillies en la sainte Escripture ordonner a vous viande espirituele, et a vous appartient icelle en grand desir savourer (Daudin, De la erudition H., c.1360-1380, 61)

O s'on pouoit savourer ou palais du cuer la grand merveille que contient en soy ! (Daudin, De la erudition H., c.1360-1380, 352)

...tout ce qu'elle me disoit Trop hautement me souffisoit, Et tout le bien que je sentoie A goust de merci savouroie Sans penser mal ne tricherie, Car trop estoit de moi cherie. (Mach., Voir, 1364, 340)

Et che me fait savourer Toute douçour sans amer, Dont je me desjune (Froiss., Pris. am. F., 1372-1373, 74)

Et pour ce di, cui qu'il doie desplaire, Que cilz fait miex qui d'amour goust saveure Triste, dolent, qui larmes de sanc pleure. (Mach., Bal., 1377, 559)

Et s'aray d'or en avant Cuer joiant, Pour ce que j'ay savourée De vo face coulourée La fine douçour, Et tout par honnour. (Mach., L. dames, 1377, 98)

Et se doucement savour Des biens d'amours la savour, Garis seray, Si qu'en chantant loeray La grant douçour De ma dame et son honnour (Mach., Les lays, 1377, 442)

Tel viande veult l'esperit, Dont les bons ont la vision, La saveur, la replection, Qu'ilz savourent en aourant, Qu'ilz aourent en savourant, Et qui oyent les chans nouviaux Delectables, plaisans et biaux. (Desch., M.M., c.1385-1403, 241)

...car elle donne en tribulation tresgrande consolacion cest celle qui separe lame du bruit et strepillement des choses terriennes, cest celle qui fait ia en ceste vie gouster et sauourer la doulceur du repos pardurable et des ioyes celestielles. (Cib., p.1451, 180)

Machons, savourons la lecçon Du bon patrice Severin Boece, qui a ceste fin Invehit a tous mortelz hommes, De ces quatre ponderans sommes Eulx regarder souverainement. (Exc., Science A.R., c.1465-1468, 59)

...et en icelle partie l'apeller bonne [l'astrologie], et les autres qui sont très utilles parties et fructueuses, desquelles il ne gousta jamais, ne savoura nul fruit, parce qu'il l'ignore (Simon De Phares, Astrol., c.1494-1498, f° 5 r°)

Au figuré.

Celle est par qui li requerans merci Doit de merci le hault don savorer. (Mir. enf. diable, c.1339, 55)

Et quant mes corps s'en departoit, Mes cuers qui au soulas partoit Vosist bien adès demourer, Car trop ne pouoit savourer Dou lieu la trés douce plaisence, Tant y avoit grant souffissance. (Mach., D. Aler., a.1349, 256)

...com plus ceste biauté goust Plus suis espris de desirer ; Si que je ne puis savourer Nulle autre chose. (Mir. emp. Julien, 1351, 212)

Se nous estions en nous mesmes mors parfaictement, et tres petitement impliquiés es choses terriennes, lors nous porrions aussi savourer les choses divines et aucune chose experimenter de consolacion celeste. (Internele consol. P., 1447, 294)

En faiz d'honneur as si bien labouré, Et haultz escriptz cogneu et savouré Que armes et lettres tout en ton corps s'acoustre (Robertet, Oeuvres Z., c.1450-1500, 107)

Quand la dame eust bien savouree et entendue la parolle de son pere ataint de foiblesse par jeunez et contemplacions, elle, recongnoissant que c'estoit son pere, esmeue d'amour filialle, faindy de non le congnoistre (Fille comte Pontieu B., c.1465-1468, 105)

Savourer droit. Être sage.

Se tu saveures droit, tu t'esjoïras en moy seul et espereras en moy seul (Internele consol. P., 1447, 95)

Emploi absolu.

O comme savoura bien celle sainte ame qui disoit : Ma pensee est solidee et fondee en Jhesucrist ! (Internele consol. P., 1447, 198)

2.Savourer de qqc.

Mais si tu fais que joie aqueure Et que de confort me sequeure, Par quoy de ses douçours saveure, Tres bien feras. (Mach., Compl., 1340-1377, 247)

Se une fois tu fussez entré parfaictement es interiores de Jhesucrist et eusses savouré ung petit de son ardant amour, lors il ne te chaulroit rien de ton prouffit ou dommage. (Internele consol. P., 1447, 7)

II. -Emploi intransitif.

A. -Au propre. [D'une chose concr.]

1.Avoir de la saveur.

Participe présent en emploi adjectival. Savourant. Qui a de la saveur, qui est agréable par son goût.

Et qui veult lors de vin user Le doit choesir sans abuser, Tel qu'il soit cler et odorant, Soubtil et meur et savorant (La Haye, P. peste, 1426, 99)

De subtil vin et odourant De bonne vigne et savourant (La Haye, P. peste, 1426, 134)

Participe passé en emploi adjectival. Mal savouré. De mauvaise saveur, peu agréable au goût.

Et tout ensi est il quant un homme est malade : tout pleyn de choses ly fait ly meistre et ly ordeyne siropes a boire et letuaires a prendre, qe sont par aventure a la foize ameres et male savourez a receyvoir (Henri Lanc., Seyntz medicines A., 1354, 196)

...en tout le karesme povres gens ne mengeoient que pain aussi noir et mal savouré c'om pouroit faire. (Journal bourgeois Paris T., 1419, 123)

2.Savourer à qqn. Être agréable au goût de qqn.

...celuy a qi cest vyn ne purroit savourer est en malveise poynt, et les plaies serroient trop perillouses et trop pleines d'ordure qe ceo vyn ne purroit nettoier par laver (Henri Lanc., Seyntz medicines A., 1354, 146)

B. -Au figuré.

[D'une chose abstr.] Savourer à qqn. Être agréable, plaire à qqn.

O se ces choses te savouroient et passoient a ton cuer profondement, comment te oseroies tu mesmement une fois plaindre ? (Internele consol. P., 1447, 208)

Car, combien que ce n'est sinon de la grace et vertu de Dieu que les choses celestes saveurent aux justes et les choses temporeles et transitoires sont viles reputees, Dieu pourroit bien par sa grace oster toute difficulté (Traité S. Sacr. B., c.1450-1500, 155-156)

Participe présent en emploi adjectival. Savourant. Agréable.

...mais que par negligence les euvres quy doibvent estre faittes ne soyent delaissees, car tele doulceur est souveraine et capital, et jamais n'est ostee du bon cuer sinon quant Dieu n'est plus savourant et que le monde plus plaist que Dieu. Et se quelque chose, oultre ce, est supereroguee et concedee, cela soit comme gaigné reputé. (Traité S. Sacr. B., c.1450-1500, 162)

Remarque : GD VII, 335a.

Participe passé en emploi adjectival. Savouré. Agréable.

Qu'esperence d'estre amée Est en moy plantée Et plaisance savourée Fort enracinée Et fois d'amour embrasée Florie et germée (Mach., Les lays, 1377, 364)