JOUIR

verbe

[T-L : jöir ; GD : joir ; GDC : joir ; DEAF, J 477) : joïr ; AND : joir ; DECT : jöir ; FEW (IV, 75b) : gaudere ; TLF (X, 753a) : jouir]

A. -[Idée de joie, de plaisir, de satisfaction]

1.Emploi intransitif ou pronominal. Se réjouir, avoir du plaisir.

Qu'Amours par sa signourie Humelie L'amoureus cuer a souffrir, Et par sa noble maistrie Le maistrie, Si qu'il ne puet riens sentir, Que tout au goust de joïr Par plaisir Ne prengne, je n'en doubt mie. (Mach., R. Fort., c.1341, 106)

Et pour lez dis de l'apostre ensuivre [Rom. VII, 15] , Lié ert o ceulz qui joïssoient Et plorout o ceulz qui ploroient (Vie st Evroul S., c.1350, 93)

Et com plus la boy plus me seche Ceste yvresce, et touzjours m'esleche, Et me fait joir et doloir (Mir. emp. Julien, 1351, 222)

Qu'Ardans Desirs mourdrist secretement Son triste cuer en doleur et en haire ; Pour ce ne fait pas si joliement Com cilz qui joit et ou joie repaire Et s'en li prent Souvenirs son repaire, Quant il y vient, il le fait sans demeure Triste, dolent, qui larmes de sanc pleure. (Mach., Bal., 1377, 558)

Le dous attrait de son tres bel accueil Au commencier me volt tant enrichir Que j'estoie de tous biens en l'escueil, Et me tenoit en l'espoir de joïr. Las ! or me fait de haut en bas venir Et sans raison me vuet dou tout deffaire, Quant loyauté ne meint en son viaire. (Mach., L. dames, 1377, 69)

Dure à moy seul, de tous biens assevie, Vie d'onneur plaisant à maintenir Tenir m'estuet du tout en vo ballie Liement, et, pour joie desservir, Servir vous vueil et mes maus conjoïr. Joïr n'espoir, helas ! et sans laidure Durement vif et humblement l'endure. (Mach., L. dames, 1377, 78)

S'amours tous amans joïr Au commancement faisoit, Son pris feroit amenrir, Car nuls amans ne saroit Les grans deduis qu'on reçoit En dame d'onnour servir. (Mach., Motés, 1377, 493)

...il est escript que le pueple en jouissent, de haute voys louet Diex, et disoient : 'Benoit soit le roy qui vient ou nom de Nostre Seigneur...' (Songe verg. S., t.2, 1378, 49)

...La lavende, marjolayne, muguet, Semblablement le lis et le mirguet, Le doulx aspic et redolant cyprés Dont la santeur suyt les gens de si prés Que bien souvant le cueur s'en resjoÿst Et le couraige de lïesse joÿst. (La Vigne, S.M., 1496, 332)

Se jouir de qqc. Se réjouir.

JÉSUS. Abraham a maint jour pensé A moy voir, dont il se checha [l. il s'esliecha] Pour voir mon jour, il desira, Il le vit, dont il se joy Et en eut grant leesse en lui (Marcadé, Myst. Pass. Arras R., a.1440, 104)

2.Emploi transitif direct. Joïr qqn/un animal.

Gratifier qqn.

Souviengne vous de voz povres servens, Ne les mettez pour autre en oubliance : Pechié seroit et grant deffault de sens. Mais je me doubt que pas ne soit ainsi, Car oublier voy les servens d'enfance Souventefoiz, et que plus sont joy [l. joÿ] Les derreniers, c'est male acoustumance. (Desch., Oeuvres Q., t.6, c.1370-1407, 75)

[D'une chose] Réjouir qqn.

Mais doulz espoirs maint en moy et repaire Qui ne s'en puet à nulle heure partir, Ains me conforte et joït et esclaire Par doulz penser et plaisent souvenir. Et se Diex veult que la voie à loisir, Je li diray et jurray par ma foy Que sur tout l'aim et pou souvent la voy. Quant je ne voy ma dame n'oy, (Mach., L. dames, 1377, 233)

Caresser (un animal).

Lonc temps a qu'apris en Savoie Comment on doit le chien garder Par especial d'afoler. Nen le doit tenir netement Et amer et jouir souvent (La Buigne, Rom. deduis B., 1359-1377, 329)

[D'une pers.] Jouir qqn. Accueillir qqn avec bienveillance.

Et se aucuns des Griex viennent au temple ou de leur ligniee, il ne sont pas seulement pesibles ['ils ne se montrent pas seulement paisibles'] , mes les joïssent. (Vignay, Le Miroir historial C, 1333, III, 491)

[D'un animal]

...La une louve s'avoia Qui tous deux crïer les auÿ. Selon nature les joÿ ; Les [lez 'à côté'] eulx se coucha erramment, Et les alaita doucement. (Renart contref. R.L., t.1, 1328-1342, 204)

...quant il y fu revenu [dans sa maison] Oncques nul ne le [re]congnu Fors que son chien tant seulement, Qui le joïssoit tellement Que chascun moult se merveilloit De la joye qu'il li faisoit. (La Buigne, Rom. deduis B., 1359-1377, 295)

3.Emploi transitif indirect.

a)Jouir de qqc

Tirer plaisir, satisfaction de qqc..

Lors me commanda que je fusse Loyaus, secrez, et que j'eüsse Memoire des autres vertus Qu'il m'avoit moustré par dessus, Se je voloie ja joïr De ce que j'aim tant et desir (Mach., D. verg., a.1340, 51)

De tous les biens pooit mes cuers joïr Par li vëoir seulement et oïr. Tous mes confors Estoit en li (Mach., J. R. Beh., c.1340, 63)

Et des autres y a qui ne vuelent joïr Fors d'un tres dous regart ou de leur dame vir, Ou de ce qu'il feroit [l. feront] doucement conjoïr, Ou d'amer loyaument, s'on le deingne souffrir ; Et si bien leur souffist qu'il ne leur puet venir Cuer de plus desirer : tant y ont grant plaisir. (Mach., Les lays, 1377, 339)

Le temps passé, les Rommains ont eu empereurs de plusieurs contrees et nations (...) et par succession de temps ont esté jouyssans de ladicte empire rommaine ; puis après est l'empire survenue entre les mains des Françoys, lesquelz ont jouy longuement de ladicte empire. (La Sale, Salade, c.1442-1444, 225)

...si tresroide sa besoigne poursuyt qu'en pou de temps il joyt de ses amours. (C.n.n., c.1456-1467, 92)

...pour rien n'eust souffert que l'amy eust joy de ce que a son mary avoit donné. (C.n.n., c.1456-1467, 318)

...[il] tenoit a belle adventure que d'(...) avoir joy de l'amour de sa dame (C.n.n., c.1456-1467, 393)

Venir à bout de qqc, et en tirer satisfaction.

Tant avons bien continué, Et tant nous a mal anuyé, Que l'Anemy s'est talentis, Et pour ce s'est de nous partis, Car il voit bien, en nous sieuir, Au lon il n'en orra goïr. (Renart contref. R.L., t.1, 1328-1342, 151)

Modus a toutes emperiques Par quoi scet les ars mecaniques. Il n'est rien c'on face de main Qu'il n'ait apris d'ui a demain A ceulz qui en veulent oïr, S'i veulent d'ouvrages joïr. (Henri Ferr., Modus et Ratio, Livre deduis T., c.1354-1377, 5)

De Chipre et de Jherusalem Fu roys : Pierre l'appela l'em. Or vous ay je nommé son nom, Qui est et fu de grant renom, Et sera, s'il joit de s'emprise, Qu'il a à l'onneur Dieu emprise. (Mach., P. Alex., p.1369, 43)

'Seigneurs, qui voulés oïr des deduis des oisiaux, il faut que celui qui en veut joïr ait en soi trois choses...' (Henri Ferr., Modus et Ratio, Livre deduis T., c.1354-1377, 172)

b)Jouir de qqn/d'un animal

Prendre de l'agrément à la compagnie de qqn, se distraire avec qqn.

Si goïrent paisiblement, chevalier et escuier, de leurs prisonniers et les rançonnèrent courtoisement (Froiss., Chron. R., IX, c.1375-1400, 46)

...Et tous passans par devant le sercueil Les ungs pleurant, les autres lamentant, Mesme le roy qui eult de l'ennuy tant Que nul n'estoit qui le peust resjouÿr, Ny bonnement a point de luy jouÿr. (La Vigne, V.N., p.1495, 192)

Avoir du plaisir (avec un animal).

Chascun ne puet ne scet mie fere einsi, mes je loe au bon veneur qu'il face aux chienz leur droit et leur playsir et qu'il les tieigne en amour et en doubtance, s'il veult d'eulx bien jouyr et qu'ilz facent bien son playsir. (Gast. Phébus, Livre chasse T., 1387-1389, 221)

[Domaine sentimental] Tirer plaisir de la présence, de la compagnie, de l'amour de qqn.

Certes, de lui ne puis jamais joïr, Ne n'en joï, Ne ne le vi, ne senti, ne oï, Puis que ma dame ot fait nouvel ami ; Car adonques se parti il de mi. Si vueil prouver (Mach., J. R. Beh., c.1340, 95)

Mais s'il eüst par mon conseil ouvré, Quant sa dame ot nuef ami recouvré, Il n'eüst pas Continué l'amour ; car, en tel cas, Se la dame chante en haut ou en bas, On doit aler ou le trot ou le pas. Après li dist Biauté qu'il fait mieus assez, s'il languist, Pour li amer, que se d'autre joïst. Si fait Amour. Juenesse le norrist Avec folour En ce meschief, en celle fole errour ; Car il en pert le sens et la vigour. (Mach., J. R. Beh., c.1340, 123)

Tart m'est que de vous puisse oir : 'Amis, or peuz de moy joir Com de t'amie.' (Mir. emper. Romme, 1369, 263)

...mon cuer desmestre Ne puis de ma dame chiere. S'en vif com homs sans maniere, Pleins de forcené desir, Dolereus, à cuer iré, Quant je voy autrui joïr De ce que j'ai tant amé. (Mach., L. dames, 1377, 68)

Je m'aim trop miex tout à paressillier En ma dame servir et honnourer Que j'aie ja voloir ne desirier Ne pensée de li entroublier ; Et miex pour li vorroie definer Que de toutes joïr à mon talent : Tant l'aim je et serf et desir loyaument. (Mach., L. dames, 1377, 145)

...mais le conte, oyant la belle et doulce si humblement parler, le loa sur toute rien et en le serrant ung petit par lez dois luy dit tout basset : 'Belle, de vous puist joïr a sa plaisance celuy qu'en ce monde mieulx est de vous navrez amoureusement...' (Comte Artois, c.1453-1467, 63)

En particulier. [Domaine sexuel] Jouir (d'une femme).

En l'ostel de ce chastellain Vueil aler contre le serain. C'est la nuit que mon seigneur doit Joir de sa fille [au chastellain] (Mir. femme roy Port., c.1342, 173)

LE FRÈRE. Certes, dame, quant je vous voy, Amoureux vouloir me contraint, Et Desir m'enlace et estraint Si que je pers maniére toute, Ne de contenance n'ay goute. Tart m'est que de vous puisse oir : 'Amis, or peuz de moy joir Com de t'amie.' (Mir. emper. Romme, 1369, 263)

La tierce cause fut pour ce que Egistus ami de Clitemestra lui admonesta de tuer le dict Agamenon, afin qu'il peust pleinement joir de elle aprés qu'il seroit mort. (Premierfait, Cas nobles hommes G., 1409, 195)

...[il] n'estoit pas si large (...) de donner dix escuz pour joyr d'une telle damoiselle. (C.n.n., c.1456-1467, 121)

...maistre curé, esperant de joïr de sa dame quand elle seroit mariée, conduisit les besoignes en tel estat (C.n.n., c.1456-1467, 298)

...elle passa legerement les requestes de ceulx qui mieulx luy pleurent, et joyrent d'elle. (C.n.n., c.1456-1467, 327)

LE .II.^e GENTIL HOMME. Sy vous plaist me laiser [sic] joyr De vostre corps un jour sans plus, Je presteray sis vins flipus ['monnaie d'or'] Aveques sent soubz de monnoyee. (Gent. moun. T., c.1500, 351)

4.Participe passé en emploi adjectival. Joyeux, réjoui.

Dès qu'il est einsi conjoïs, Comme je l'ay dit, et joïs, On puet bien auques près vëoir Comment il se puet pourvëoir (Mach., D. Aler., a.1349, 241)

5.Participe présent en emploi adjectival. Joiant (de qqc.). Qui se réjouit (de qqc.).

Atant de ma dame parti ; Mais d'un regart me reparti Si vray et d'un si dous langage, Qu'elle retint mon cuer en gage. Dont si liez fu et si joians Que de tous les biens fu joians, Quant Esperence ot assevi Si bien ce qu'elle m'ot plevi, Et pour la joie que j'avoie Ce rondelet fis en ma voie... (Mach., R. Fort., c.1341, 150)

C'est qu'il doit mettre en ordenence Son penser, son fait, son parler En la fourme de bien celer, C'est assavoir des poins estrois Ou Amours tient mains cuers estrois Et meins autres liez et joians, Quant sont de leur amour joians. Seur ces poins se doit si garder Qu'il ne s'en face regarder Et que sa dame en soit gardée, Si qu'elle n'en soit resgardée. (Mach., D. Aler., a.1349, 247)

Tantost que Aigre perçut le cheval, sy fu moult joyans et apperçut bien qu'il avoit fain et soif. (Bérinus, I, c.1350-1370, 239)

...et d'autre part vous en devez estre tous liez et joyans, car par ce est congneüe la bonté et la prouesce de vous. (Bérinus, I, c.1350-1370, 318)

Vers le palais s'en vont moult lïez et joyant (Gir. Vienne D.B., c.1350-1400, 142)

Dessus une letiere alerent amenant De Beaulande le roy qui le cuer ot joyant (Hern. Beaul. D.B., c.1350-1400, 53)

De sa prise et venue furent les oncles du roy tout joyant et distrent qu'on ne le garderoit point trop longuement, mais mourroit de la mort samblable que les aultres estoient mort. (Froiss., Chron. M., XIV, c.1375-1400, 75)

Dont quant ilz orent sentu la teneur des lettres, ilz furent moult joyans, et louerent Jhesucrist de l'onneur et de la bonne aventure qu'Il donnoit par sa saintte grace a leurs enfans, et donnerent de moult riches dons aux barons qui leur avoient apporté les nouvelles. (Arras, c.1392-1393, 145)

Quant les freres ouyrent la response de leurs gens, si furent moult joyans, et firent l'ost deslogier. (Arras, c.1392-1393, 160)

6.infinitif substantivé. Satisfaction, joie, bonheur.

Si que la estoient si plains De plours, de souspirs et de plains, Si enlaciez, si entrepris Et d'Amours telement espris Que de flair, de vëoir, d'oïr, D'odourer, de tast le joïr Perdoient ; car transi estoient, Ne nulle chose ne sentoient, Qu'Amour leur tolloit leurs cinc sens (Mach., D. Lyon, 1342, 196)

Ses cuers qui est liez et joians Devient la de merci joians, Joians qu'on appelle joïr, Quant on puet de merci joïr. (Mach., D. Aler., a.1349, 306)

Et quant joie ne joïr Ne riens qui à joie affiere Ne me deingnent resjoïr, Long ne près, et Amour fiere M'est par son orgueil, Estre doy plus que ne sueil En tristece main et tart, Pour ce que de li me part. (Mach., L. dames, 1377, 99)

B. -[Idée de possession, de bénéfice] Jouir de qqc. Disposer de qqc. en tant que propriétaire, en tant que bénéficiaire.

1.Disposer d'un bien en pleine possession.

De X coupes de bos (...) dont la dicte castelaine got de le moitié a present pour son domaine... (Arch. Nord, 1333, B 13598, f° 49 v°, IGLF)

Et volons et ordenons que nosdis clers tiengne tres maintenant lesdis acqués et en goisse paisiulement, sans debat et sans contredit. (Trés. Reth. S.L., t.2, 1346, 71)

Mais encore ameroie je mieulx qu'il me laissast en paix joïr de la terre, que ce qu'il me convenist combatre, et bon gré lui en saroye, se il s'en vouloit souffrir. (Bérinus, I, c.1350-1370, 167)

Tant leur dist le roy d'unes choses et d'autres, et tant les emparla doulcement, comme cil qui estoit moult soustis, que en la fin tuit li baron s'assentirent a faire la voulenté du roy, et jura chascun et fiança que bien et en paix il laisseroient le Rommain joïr du royaume sanz jamais aler a l'encontre en nulle guise. (Bérinus, I, c.1350-1370, 181)

Des troys maisons que vous avez Decoste moy ne joirez Tant com je soie homme vivant (Mir. prev., 1352, 240)

Tart m'est que de vous puisse oir : 'Amis, or peuz de moy joir Com de t'amie.' (Mir. emper. Romme, 1369, 263)

Je vous lairay tout franchement Joir d'Espaigne. (Mir. Oton, c.1370, 342)

Oye laquele confession faite par icellui prisonnier, ledit mons. le prevost demanda ausdiz presens conseillers leurs advis et oppinions que bon estoit faire dudit prisonnier, et s'il devoit jouir de previlege de clert. (Reg. crim. Chât., I, 1389-1392, 295)

...li dus Jehans de Braibant (...) li pronmetoit que, se il l'espousoit, il le feroit joir plainnement et pasieuvlement (...) de la conté de Flandres. (Froiss., Chron. D., p.1400, 797)

Et joirent assés pasieuvlement (...) casquns et casqune, de ce que sien estoit et que en devant il tenoit. (Froiss., Chron. D., p.1400, 810)

Nos dis tres redoubtés sires s'estoit deshiertés de le dicte ville de Boussoit tout le cours de le vie no dicte tres redoubtee damme, a intention que se elle le survivoit, elle en goesist sa dicte vie durant. (Arch. Nord, 1412, B 8830, f° 6, IGLF)

...plenitude de tous biens plus que ymaginé ne pourroit estre, dont ilz joïront à perpetuité. (Chr. Piz., P.V.H., 1416-1418, 50)

Il sembloit que vous eussiés Perdu vo regne a toujours mais, Dont vous goez bien et a paix. (Marcadé, Myst. Pass. Arras R., a.1440, 50)

...recevez nostre dit cousin (...) en seigneur desdictes ville, chastel, ban, terre et seigneurie d'Espinal, pour en joir par luy de par nous (...) selon la teneur de noz lettres de don que luy avons octroyées. (Lettres Louis XI, V., t.3, 1465-1469, 13)

Et de là s'en alla à Dampmartin, où elle trouva ledit de Meleun qui joïssoit et possedoit de tous les biens de la conté, sans en vouloir aucune chose bailler pour vivre à la contesse ne à son filz (Le Clerc, Interp. Roye, c.1502, 163)

Et lequel duc Philippe de Savoye (...) donna audit conte la somme de dix mil escuz d'or, dont, pour seureté de ce, il luy bailla la baronnye de Cleremont en Genevoys, pour en joyr luy et les siens jusquez ad ce qu'il eust payé ladicte somme de dix mil escuz. (Le Clerc, Interp. Roye, c.1502, 146)

Durant ces choses, le viconte et seigneur de Thouars en Poictou ala de vie à trespas, et lequel en son vivant avoit donnée et laissée sa succession au roy, pour en joyr par lui incontinent après son trespas. (Roye, Chron. scand., I, 1460-1483, 237)

Avoir la jouissance d'une personne.

En l'ostel de ce chastellain Vueil aler contre le serain. C'est la nuit que mon seigneur doit Joir de sa fille [au chastellain] (Mir. femme roy Port., c.1342, 173)

Posséder, avoir la jouissance de choses abstraites et intemporelles.

Car je te feray tes labeurs oublier, et joïr de repoz internel, et espandray devant toy les praieries des Escriptures afin qu'en cuer dilaté tu commenceces a courre en la voie de mes commandemens. (Internele consol. P., 1447, 228)

Nous usons des choses utiles, transitores et temporeles, mais proprement nous fruissons et joyssons des choses eterneles et espiritueles ou celestes. (Somme abr., c.1477-1481, 118)

2.Bénéficier (d'un privilège, d'un droit...).

Ici voiéz comme les princes joïssent de grans privileges quant sanz la pardurable beatitude, qui tout seurmonte, encore il leur est promis que la gloire du royaume leur sera perpetuelment gardee en leur char et en leur sanc. (Foul., Policrat., IV, 1372, 77)

Item, se ly evesque de Liege voloit encombreir le advoweit de ses droitures et ne l'en laissaist plainnement goiier enssi qu'ilh est deviseit (Hemricourt, Patron Temp. B., c.1360-1399, 115)

Et, affin que vos sachies lesqueis sont citains de Liege, qui de dit advoweit doient eistre deffendus, et qui doient goiier des previleiges que les emperreur et roys romans ont donneit anchienement alle citeit de Liege (Hemricourt, Patron Temp. B., c.1360-1399, 116)

... [ils] delibererent et furent d'oppinion qu'il n'estoit pas homme habile pour porter tonsure, et que celle qu'il avoit sur sa teste estoit faulse et abusive, et n'en devoit aucunement joïr ne user, mais devoit estre rez tout jus, comme homme inhabile pour joïr et user dudit previlege de clerc. (Reg. crim. Chât., II, 1389-1392, 104)

...ycellui lieutenant declaira et par jugement que ledit prisonnier ne joyroit aucunement de privilege de clerc, mais le tenoit et reputoit comme homme lay, et avec le condempna [à] estre rez tout jus. (Reg. crim. Chât., II, 1389-1392, 464)

Si donnons en mandement au verdier et tous autres sergens et officiers à qui ce peult touchier et appartenir, que desdits usages, droitz, franchises et libertés souffrent et laissent joïr et user plainement et paisiblement sans aucun contredit, reservé le bois d'entrée, la sye et les chievres (Hector De Chartres, Cout. R., 1398-1408, 344)

...le Roy voloit que les eglises de son royaume usassent et joissent de leurs droiz, franchises et libertez, acoustumées d'ancienneté et qui sont de droit. (Baye, I, 1400-1410, 231)

...voulans que d'iceulx privileges icele nostre fille et ses vrays suppos, sans fraude usent et joïssent paisiblement (Paris domin. angl. L., 1420-1435, 325)

Et supplie au surplus que on le face et laisse joïr des drois et prouffis de ladicte prevosté acoustumez. (Fauq., II, 1421-1430, 164)

...li nobles dus poisans Traita tant la dame à qui estoit Breubans, Que de celle ducée, (...) Fu mis en la saisine Antonnes (...) Résiervé que la dame devoit estre posessans D'aucunes des droitures pour joïr tout sen tans (Geste ducs Bourg. K., c.1410-1419, 293)

Et le samedi, tiers jour d'aoust, oudit an LXV, le roy, aiant singulier desir de faire des biens à sa ville de Paris et aux habitans d'icelle, remist le IIIIe du vin vendu à detail en ladicte ville au VIIIe, et voult que tous privilegiez peussent joyr de leurs privileges tout ainsi qu'ilz avoient fait durant la vie dudit defunct roy Charles. (Roye, Chron. scand., I, 1460-1483, 76)

3.Jouir d'un pouvoir. Disposer d'un pouvoir.

Et dudit povoir ledit grant maistre joyst et usa par bien longue et espace de temps. (Le Clerc, Interp. Roye, c.1502, 336)

Être titulaire (d'un office).

...et a esté receu pour joir dudit office aux drois et prouffis acoustumez (Fauq., I, 1417-1420, 225)

...vous mandons et expressement enjoignons que ledit Pierre Arbaleste vous faictes et souffrez joïr et user dudit office de maistre de noz comptes tout ainsi qu'il faisoit par avant ladicte interdiction (Lettres Louis XI, V., t.9, 1481-1482, 261)

Jouir (un office). Être titulaire (d'un office).

Et est bien vray que les mesmes offices, Rogier de Lichtervelde, mon grand sire, tenoit et gouissoit bien l'espace de XVI ans. (Arch. Nord, 1416, B 17620, dossier Lichtervelde, IGLF)