SEPULTURE

substantif féminin

[T-L : sepouture ; GDC : sepulture ; DECT : sepouture ; FEW (XI, 486a) : sepultura ; TLF (XV, 371b) : sépulture]

A. -Inhumation, cérémonie d'inhumation, funérailles.

...en la messe on fait mencion et memoire de la Passion, de la mort, de la sepulture, de la resurrection et de l'ascension Jhesucrist (Jean Golein, Rational B.D., c.1370-1372, 267)

...après leur mort ilz se font ardoir en lieu de sépulture, vestus et aournez chascun de leurs meilleurs aournemens, en ung leur plus prochain bois ou forest qu'ilz ont, en feu fait de purain bois de quesne (Lannoy, Voy. amb. P.H., p.1450, 30)

Le .III^me [exemple] de Povreté traicte de la très grande povreté de Meninius (...), et de l'onneur que le Senat et peuple de Romme lui firent a sa sepulture (La Sale, Sale D., 1451, 18)

Il nous fault lenguacges changer Et finer ceste sepulture, Car il me semble qu'il est heure D'aler au temple ouyr complie. (Pass. Auv., 1477, 261)

Ordonna de sa sepulture, et qu'il vouloit qui l'accompaignast et par quel chemin (Comm., II, 1489-1491, 324)

La royne qui saige dame estoit, après la sepulture du roy, print le gouvernement du royaulme (Jehan de Paris W., 1494-1495, 17)

Et fut ledit seigneur de la Gastine fort plaint dudit grant maistre et autrez [gens] de guerre qui estoient en laditte ville. Et si luy fut donné par lesditz Bourguignons honneste sepulture. (Le Clerc, Interp. Roye, c.1502, 293)

Mener un corps à sepulture. Ensevelir un corps.

Item, de la tierce musique meisme firent mencion pluseurs anciens paiens qui establirent que l'en menast les corps a sepulture en chantant en signe que les ames retournent a la douceur de la musique divine selon ce que recite Macrobes. (Oresme, C.M., c.1377, 482)

Ecclesiastique sepulture. Funérailles chrétiennes.

...puisque ce corps mortel que nous portons n'est que de terre, il est bien raison et expediant que le livrons et rendons à la terre et aux vers de la terre, engendré(e) à estre d'iceulx rongé(e) et consummmé(e) en terre, icelluy doncques, à l'exemplaire des bons chrestiens, instituons estre baillé à ecclesiastique sepulture, laquelle nous elisons en l'eglise de Saint-Andry de Bordeaux, devant le grant autel (Le Clerc, Interp. Roye, c.1502, 282)

B. -Par métonymie.

1.Catafalque.

...veloux noir pour border le drap d'or qui est ordonné mectre sur la sépulture de la royne, et pour faire le bas des parements des deux austelz des deux coustez du grant autel de la chappelle et pour faire le fronteau dudit grant autel de la chappelle (Comptes roi René A., t.2, 1453, 405)

LE PREMIER PRESTRE. (Icy doibt avoir ung autel devant lequel sera une sepulture ainsi que d'un corps sainct et autour plusieurs veux de cire.) Mes amys, il nous fault entendre A chanter le divin service Et graces et louenge rendre Au bon sainct qui vesquit sans vice. (La Vigne, S.M., 1496, 424)

2.Lieu d'inhumation.

Et puis de là aus Jacobins Fu portez et en terre mis Avec son pere et ses amis. Car là li roy de Chypre gisent, S'ailleurs sepulture n'eslisent. (Mach., P. Alex., p.1369, 272)

...car aussi come les corps sont encensez a l'entrée de leur sepulture... (Mir. Oton, c.1370, 318)

Et estoit encores la fosse toute ouverte et bien maconnee. Et y avoit bons anneaulx de fer au travers, pour soustenir la biere, se on vouloit mettre le corps, car la avoit il ordonné sa sepulture. Et estoit le corps en bonne toile ciree, et gesoit en sa biere sur deux haulx treteaulx devant le maistre autel de layens, et y avoit grant luminaire, et tousjours VIII. des freres de layens autour, jour et nuit, qui disoient pseaulmes et vigilles de mors. (Arras, c.1392-1393, 290)

Icy voulons vivre et morir, nous n'en partirons jamais ! Ce sera la sepulture de nous et de nos hoirs jusques en la fin du siecle. (LEFÈVRE (R.), Hist. Jason P., c.1460, 179)

Item, j'ordonne a Saincte Avoye, Et non ailleurs, ma sepulture ; Et afin q'un chascun me voye, Non pas en char, mais en painture, Que l'en tire mon estature D'encre, s'il ne coustoit trop cher ; De tombel, riens, je n'en ay cure, Car il greveroit le plancher. (Villon, Test. R.H., 1461-1462, 141)

Tombeau.

Et se tu qui beauté desires Par aventure ne remires Des corps vivans les grans ordures, Si voiz tu en ces sepoultures Que le beau corps que tant amoies, Pour qui tant forment te prisoies, N'est riens fors I.. femier paré (Tomb. Chartr. Trois contes S., c.1337-1339, 87)

L'en mectoit anciennement aveques les mors en leur sepulture aucune chose de grant valeur, et aucune foiz l'en les embloit. (Oresme, E.A.C., c.1370, 240)

Et aprez le service fu enseveliz le corps, et bien seellee la sepulture par dessus, qui fu riche et noble selon l'usance du temps de lors... (Arras, c.1392-1393, 292)

...et est la sepulture en icelle chappelle soubz ladicte roche, a la senestre partie du grant autel, en ung anglet. (Voy. Jérus., c.1395, 73)

Et fu li rois logiés en une moult belle petite ville, que on apelle Donfremelin. Et là a une abbeie de noirs monnes, qui est assés grande et belle ; et là dedens celle abbeie sont les sepultures conmunelment des rois d'Escoce. (Froiss., Chron. D., p.1400, 219)

En icelle église leur fut monstré tout le trésor, les vestemens du sacre, les corps saints qui sont en ladite église en chacune chapelle, et aussi les sépultures des roys et roynes en icelle église inhumez. (Chart. J., Chron. Ch. VII, V., t.3, c.1437-1464, 79)

Et après lui ne tarda gaires que la royne Elizabeth, sa femme, trespassa. Laquelle fut enterree en sa meisme sepulture (La Sale, Salade, c.1442-1444, 175)

À maistre Jacques Moreau, ymagier (...) trante et quatre livres sept solz six deniers, à lui ordonnéz par ledit seigneur, par supportation de sa despense allant d'Angiers, partant de Saint-Poussain, pour visiter la sépulture d'icellui seigneur (Comptes roi René A., t.1, 1453, 227)

...en une aultre cité, qui se disoit Actentina, le corps de saint Torquestre pousoit, qui fut disciple de saint Jacques, et sus sa sepulture l'on veoit l'olivier flourir et pourter fruyt meur ung certain jour de may tous les ans sans faillir. (Bagnyon, Hist. Charlem. K., c.1465-1470, 178)

Item y sont plussieurs autieulx bien paincts de tables et au cloistre sont plusieurs sepultures de segnieurs et bourgoiz, hault au long des parois en tombeaulx de marbre de pourfil (Barbatre, Voy. T.-C. P., 1480, 103)

Derniere sepulture

JEHAN. (...) Et vezci le puis ou je mis Le corps de vostre fille (...). LE ROY. Ha ! belle fille, envis cuidasse (...) c'on vous deust ici mettre Pour derreniére sepulture. (Mir. st J. Paulu, c.1372, 137)

...sa derreniere sepulture (Chart., Q. inv., 1422, 11)

[La privation de sépulture comme marque d'infamie]

...et tant fu puis vilment occis que oncques n'ot sa maleureuse charoigne sepulture, ains demoura en un ort fossé (Chr. Piz., Faits meurs Ch. V, S., I, 1404, 76)

...et à la parfin mouru miserablement tout seul es desers sans avoir sepulture, ne meismes les oysiaulx n'en daignassent mengier. (Chr. Piz., Paix W., 1412-1413, 144)

Joseph est digne de morir Aux champs sans avoir sepulture, Il met no loy en adventure, Comment ! et il est convertis ! (Marcadé, Myst. Pass. Arras R., a.1440, 226)

[Cont. métaph.]

Huiseuse sans lettres est la mort et la sepulture de l'omme vif (Daudin, De la erudition H., c.1360-1380, 90)

Garde toy dont que ton dormir ne soit non repos du corps lassé mais sepulture de chelui qui est extaint, non pas reparation mais extinction de ton esperit (Daudin, De la erudition H., c.1360-1380, 370)