RUDEMENT

adverbe

[T-L : ruderudement ; GDC : rudement ; FEW (X, 541b) : rudis ; TLF (XIV, 1342a) : rudement]

A. -À la manière d'un homme fruste, insociable.

Car j'estoie tous arrudis Et d'oÿr leesce assourdis ; Et, perdu mon entendement Et mon amoureus sentement, En ma bouche n'avoit loenges De dames privees n'estranges, Et aussi pas ne les blasmoie, Quar de toutes riens ne disoie. Je me tenoie rudement Et haoie l'esbatement Et fuioie les compagniez Ou on menoit les bonnes viez ; En riens de moy ne me chaloit, Qu'a mon gré autant me valoit A faire une tresgrant rudesce Com de faire une gentillesce. (Mach., Voir, 1364, 104)

Grossièrement, sans élégance.

Et en vesteüre, les uns se vestent trop court, les autres trop lonc, les uns trop cointement, les autres trop rudement (Oresme, E.A.C., c.1370, 266)

Je lui donne [à mon père adoptif, Guillaume de Villon] ma librarye Et le roumant du Pet au Deable, Lequel maistre Guy Tabarye Grossa, qui est homs veritable. Par cayeulx est soubz une table ; Combien qu'il soit rudement fait, La matiere est si tres notable Qu'elle admende tout le meffait. (Villon, Test. R.H., 1461-1462, 78)

Grossièrement, stupidement.

Nous avons penssé a l'erreur Du fait de Jhesus l'enchanteur, Ou rudement vous comportez En tant que vous nous rapportez Nouvelle de luy fort a croire (...). Car ce nous semble chose dure A ung homme et tout impossible Que ung homme mortel et passible, Qu'on a peu vivant tant grever, Aprés la mort peust relever. (Gréban, Pass. J., c.1450, 403)

Ça, messeigneurs, voicy le cas : Nous avons pensé a l'erreur Du fait de Jhesus l'enchanteur, Ou rudement vous comportez, Et tant que vous nous rapportez Nouvelle de luy forte a croire, Que ne crëons pas estre voire, (Ne) ne croirons tant que ciel dure (Myst. Pass. Troyes B., a.1482, 893)

B. -Avec brutalité, violemment, sans ménagement.

Et comment elle m'assailli De parole cusansonneuse, Et comment elle fu crueuse De moy rudement ramposner, Pour moy seulement agoner Et en merencolie mettre, Dont bel se savoit entremettre. (Mach., J. R. Nav., 1349, 186)

...Que de sa lance ou corps bouté Ly ait si rudement le fer Que trebuchiez est en enfer Son corps et s'ame (Mir. emp. Julien, 1351, 200)

...la Estoit le signeur de Lesparre, Qui sa bouche pas bien ne barre, Car s'il l'eust très bien barrée Et de sylence seellée, Il n'eüst pas dit les paroles Qu'on tint pour nices et pour foles, Qu'il avoit parlé rudement Au roy de Chypre, et folement, Et en champ l'avoit appellé, Qui ne doit pas estre celé. (Mach., P. Alex., p.1369, 224)

Mais ce forment li desplaisoit Que rudement li escrivoit Et qu'il li disoit villenie, Ce que faire ne deüst mie. (Mach., P. Alex., p.1369, 231)

Et ne scet l'en ceste chose jecter si rudement ne si souëf que elle ne chiece tousjours en une meïsme maniere et toute droite sus une de ses .IIII. faces et une pointe dessus. (Oresme, E.A.C., c.1370, 134)

Et lors lesdiz Hays et Thevenin la bouterent hors de la chambre bien rudement, en lui disant : Alez-vous-en. (Reg. crim. Chât., II, 1389-1392, 83)

Les deux l'enferrent sur le comble de l'escu, et ly autre en la couppe du bacinet, et tant rudement le fierent qu'ilz portent lui et le cheval par terre, et passerent oultre. (Arras, c.1392-1393, 72)

Et Anthoine boute l'espee ou fourreau et l'ahert par le millieu du corps et le tire jus du cheval et le gecte si rudement a terre que a pou que il ne lui a crevé le cuer ou ventre. (Arras, c.1392-1393, 162)

Lors, quant elle [Mélusine en forme de serpent] ot le fort environné troiz foiz, si se vint fondre si rudement et si orriblement sur la tour Poitevine, en menant tel tempeste et tel escroiz, qu'il sembla a ceulx de leans que toute la forteresse cheist en abisme, et lors sembla que toutes les pierres du massonnage se remuassent l'une après l'autre. (Arras, c.1392-1393, 261)

Qant les varlés de ce d'Artevelle les veirent ensi venus, si furent tout esmervilliet que il demandoient, car il n'avoient point a coustume que chil de Gaind, ne aultres gens venissent ensi de fait et en cel estat parler a lor mestre et voloir esforchier la maison. Si conmenchierent a parler rudement a euls et voloir metre hors a force, mais il ne peurent ; avant furent batu et vilené et blecié. (Froiss., Chron. D., p.1400, 637)

...car elle se pensera comme saige : se tu lui disoyes rudement, tu n'y gaingneroyes riens, et s'il t'en menoit male vie, tu poindroies contre l'aguillon ; il t'esloingneroit par aventure, et tant plus les gens s'en moqueroient, et croistroit la honte et le diffame, et t'en pourroit encore estre de pis. (Chr. Piz., Trois vertus W.H., c.1405, 55)

Car g'y ferray sy rudement Qu'il n'y avra sy fort capeline Tant soit d'assier, bonne ne fine, Que je n'effondre sur la teste. (Myst. st Adr. P., c.1450-1485, 47)

Le [prieur], du dos du cousteau, fiert au col de l'yvroigne ung grant et pesant cop, et a terre l'abbat bien rudement. (C.n.n., c.1456-1467, 63)

...sur ce mot, part et s'en va, et vint heurter bien rudement a l'huys du marchant. (C.n.n., c.1456-1467, 148)

Si l'embrassa bien doulcement et la voulut baiser ; et elle s'en defend tresbien et luy dit assez rudement... (C.n.n., c.1456-1467, 316)

Le diable y ait part : Que vous y allez rudement. (P. Jouh. D.R., a.1488, 18)

SATHAN. (...) Encore viens je ceste foys Pour t'advertir que briefvement L'Ennemy, comme aux aultres foys, Te vouldra tempter rudement ; Mais, affin que plus fermement Ses assaulx puisse soubstenir, Des cieulx tresamÿablement Je suis volu vers toy venir. (La Vigne, S.M., 1496, 540)

Et alors ledit Guerin le Croing, qui estoit allé chevaulchier lesditz ennemys, fut rembarré avec lesditz quinze hommes d'armes et trente archiers qu'il avoit menez par deffaulte de puissance et non pas de cueur qui fust failli en luy, mais pour ce qu'il estoit chargé de quatre enseignes, acompaigné de cent ou six vingtz hommes d'armes, lesquelz les ramenoient bien rudement, en criant sur ledit Guerin le Groing : à l'ousse ! à l'ousse ! (Le Clerc, Interp. Roye, c.1502, 302)

Sans ménagement, en toute franchise.

L'EVESQUE. Ore, par ta loy, qui te meut ? Que je le sache. LE JUIF. Se rudement, sire, et en tache Le vous compte, prenez en gré, Et ne le tenez pas secré (Mir. march. juif, c.1377, 221)