REBELLION

substantif féminin

[T-L : rebellïon ; GDC : rebellion ; FEW (X, 136a) : rebellio ; TLF (XIV, 474a) : rébellion]

A. -Révolte, rébellion.

Et les clefs des milleurs fortresses, Qui dou païs sont plus maistresses, Ont baillié au prince son frere, Par quoy la chose soit plus clere. Et s'en a la possession Paisible, sans rebellion, Et tient toute la signourie Dou bon royaume d'Ermenie, Pour le roy qui procheinnement Y sera, s'il puet bonnement. (Mach., P. Alex., p.1369, 223)

L'EMPERIÉRE. Certes, on n'espergnera riens. Le feu partout bouter feray Ou rebellion trouveray. (Mir. Oton, c.1370, 321)

Apres il [Aristote] parle en especial des rebellions qui ont esté pour main mise ou pour injure faite ou corps. (Oresme, Pol. Arist. M., c.1372-1374, 237)

Et, certes, il n'est nul crime plus grant que le crime de rebellion et de lese majesté. (Songe verg. S., t.1, 1378, 264)

...obstant les perilx des chemins de Jannes pour la rebellion que les Janenoix ont fait au Roy en la personne du mareschal Bouciquaut (Baye, I, 1400-1410, 298)

Et telz manieres de paroles leur dira la sage princepce qui pourront estre valables en tel cas, car ce les esmouvra a plus voulentiers y mettre du leur et a les garder de rebellion (Chr. Piz., Trois vertus W.H., c.1405, 86)

...par les commissaires deputez à cognoistre des rebellions et inobeyssances faictes au Roy nostredit Seigneur (Baye, II, 1411-1417, 61)

...quant ilz eurent desservi, par pluiseurs rebellions, que leur cité fut toute confondue et destruite par les Rommains (La Sale, Salade, c.1442-1444, 34)

Et, le roy, estant audit lieu de la Victoire, ot nouvelles que cinquante archers de son ordonnance estoient venus à Peronne pour y mettre et loger cinq prisonniers de par le roy, ausquelz on avoit fait refus d'y entrer : pourquoy il s'en party et ala audit Peronne, cuidant qu'on y voulsist faire aucune rebellion ; où il fut depuis par aucun temps que autres nouvelles lui furent apportées que les Flamens et autres tenans leur parti estoient sur les champs, pour nuire le roy et ses pays. (Roye, Chron. scand., II, 1460-1483, 50)

En rebellion

...ceulx de Gand, qui, paravant qu'il entrast audict pays de Liége, estoient comme en rebellion avecques aucunes des autres villes (Comm., I, 1489-1491, 116)

Commettre (une) rebellion

En après, au pont, eult une figure de Pompée, cappitaine de Romme, qui avoit prins le roy d'Arménye nommé Tigranes, pour les rébellions par lui commis contre les Rommains. (Chart. J., Chron. Ch. VII, V., t.3, c.1437-1464, 84)

Faire (une) rebellion

...les rebellions et desobeissances par lui faites et commises contre lesdiz roys de France et d'Engleterre (Reg. crim. Chât., II, 1389-1392, 206)

Son mary et pluseurs autres bourgoiz furent de par le roy emprisonnez pour une rebellion que le commun avoit faite. (Ménagier Paris B.F., c.1392-1394, 79)

En oultre, lesdictes lettres donnent occasion aux subgez du Roy de faire guerre et rebellion (Fauq., I, 1417-1420, 33)

...aulcuns grans seigneurs du pays furent cause d'une rebellion qui lors y fut faicte (Juv. Urs., T. crest., c.1446, 105)

Il avoit bonne oppinion de dire que les autres villes prendroient exemple à son entrée qu'il feroit à Gand, car plusieurs firent rebellion à son exemple, comme de tuer officiers et autres excès. (Comm., I, 1489-1491, 119)

Faire (une) rebellion à/contre qqn

Par aucune espace de temps apres, les gens d'un chastel qui estoit a quatre lieues d'illec empres Romme firent rebellion a l'empereur qui ala mectre le siege devant (Ménagier Paris B.F., c.1392-1394, 52)

...et pour quoy creature ose tant presumer contre son Createur, qu'elle face rebellion au Tout Puissant, et force en la maison du prince de toute vertu (Chart., L. Esp., c.1429-1430, 61)

Et si est vray que Philippe le bel pour une rebellion que luy feist le roy d'Angleterre, il mist et saisist et aplica a luy toute la duchié de Guienne (Juv. Urs., Aud. celi, 1435, 206)

Et la premiere cité qui luy fist rebellion ce fust Pampillonne (Bagnyon, Hist. Charlem. K., c.1465-1470, 177)

Il subjuga ceulx de Bruges qui luy firent rebellion (La Marche, Mém., I, c.1470, 102)

Et disoit on que c'estoit celluy qui plus estoit cause de la rebellion faicte contre ladicte duchesse, et le tenoit on pour punicion divine (La Marche, Mém., II, c.1470, 274)

Se mettre en rebellion

...icelli commissaire dist à part à lui qui parle, tout seul, qu'il se tenist fort et se deffendeist tout le mieux qu'il pourroit et sauroit, puisqu'il se [mettroit] en rebellion. (Reg. crim. Chât., II, 1389-1392, 193)

...ilz le mesprisent ou se mectent en rebellion et desobeissance contre luy en commectant offense et vont contre le serment de fidelité qu'ilz luy ont fait. (Comm., II, 1489-1491, 222)

Tirer qqn à rebellion

...quelle tempeste lui sourdit quant son filz Absalon tira a rebellion son peuple contre lui (Chart., L. Esp., c.1429-1430, 96)

[Comme état d'esprit]

...de celle gent inique [les Parthes] Qu'est plus rebelle c'um lyon, Rabaissés la rebellion. (Myst. st Adr. P., c.1450-1485, 33)

LE JUGE. Treshault prince digne de vivre, (...) Pour accomplir vostre ordonnance, Amener vous ay em presence Adrien et ses compaignons, Faulx et plains de rebellions (Myst. st Adr. P., c.1450-1485, 149)

[Domaine de l'amour]

...Comment qu'en moy subjection Fust sans nulle rebellion Et qu'en rien n'avoie mespris Par devers ma dame de pris (Mach., Voir, 1364, 472)

Tisbé (...) Pour amer sans rebellion Piramus en son cuer ficha (Taillev., Congé am. D., p.1440, 252)

[Cont. métaph.]

Mais Desirs et Merancolie, Doubtance de perdre m'amie, Longue Demeure, Longue Attente Du vëoir, Pensee Dolente Et ce que je n'ai congnoissance Ou elle maint ne acointance, N'en ce monde n'a creature Qui li die ce que j'endure, Font souvent murmuration En mon cuer et rebellion (Mach., Voir, 1364, 442)

B. -Par métonymie. Action féroce, sauvagerie.

LUCIFFER. (...) Puisqu'a vous maintenant je recours, Admenez moy, pour me donner secours, De toutes ames cent mille legions. SATHAN. Pour en avoir deux ou troys millions, Ains que soit nuyt nous nous humylions Au grant conseil que present nous envoye ; Et pour monstrer noz grans rebellions, Comme affamez et enraigez lyons, Sans plus de plait nous nous mectons en voye. (Pause de tourmens, de cris et (et) hurlemens terribles en enffer, puis jouent trompetes et clerons.) (La Vigne, S.M., 1496, 139)

C. -Par extension. [D'une chose abstr., d'une disposition de la pers.] Soulèvement, transport.

...car en celui qui est sobre, concupiscence ne fait nulle rebellion contre raison ou peu (Oresme, E.A.C., c.1370, 144)

Et les .III. estas opposites different ainsi : car le continent a en soy grant rebellion de l'appetit sensitif ; le vertueus n'a point de tele rebellion ou peu (Oresme, E.A.C., c.1370, 363)

...point n'y eust rebellion de la charnalité ou sensualité contre raison (Gers., Concept., 1401, 399)