REFUS

substantif masculin

[T-L : refus ; GD : refus3 ; GDC : refus ; FEW (X, 199b) : *refusare ; TLF (XIV, 630a) : refus]

A. -Rebut.

...pour le menage de 400 d'autres carraulx de grez prins audict chantier de Jehan Colas, avecque une voye de raffins [l. reffus] prins devant l'hostel du receveur de Paris, et iceux 400 de carraulx et voye de reffins [l. reffus] menés à la fontaine de la Royne pour achever la besongne de chaucée (Comptes Paris V.L.D., t.1, 1450-1451, 737)

...à Robin de Nicolle, charretier, c'est assavoir, pour 12 voyes de carreaulx menés en la grant rue Saint Jacques, près Saint Benoist, 11 s. p., et pour 2 voyes de refus prins devant Nostre Dame et menés oudit lieu, 12 d. p. (Comptes Paris V.L.D., t.1, 1455-1456, 871)

...une autre voye de carreaulx de refus, prins en ladicte rue Saint Germain devant Me Jehan de Grant Rue et menez en ladicte rue Saint Denis, devant Saint Sauveur, pour y achever le pavement, 12 d. p. (Comptes Paris V.L.D., t.1, 1456-1457, 926)

Remarque : Doc.1340 ds FEW.

Locution figurée. De refus. Sans valeur.

Car s'en ce monde plus n'eüsses De li, fors sans plus ce qu'il t'a Donné vie et qu'il t'aquita De mort d'enfer par ton baptesme Fait de parolë et de cresme, Se tu estoies pardurables Par ton merite et aggreables A li plus qu'onques sains ne fu, N'iès tu que chose de refu, Ne dignes n'iès, pour li servir, Tant que peüsses desservir De cinc cens mil fois une part Des grans biens dont il te repart Et dont meintes fois reparti T'a, de son bien, non pas par ti. (Mach., C. ami, 1357, 72)

Remarque : T-L VIII, 585

CHASSE [À propos du cerf, du sanglier...] Caractère d'une bête qui n'est pas courable, chassable.

Aussi li vueil je aprendre que, s'il encontre d'un tel cerf qui ait les signes dessus diz et on li demande quel cerf ce est, il puet dire que c'est cerf chassable de dis cors ou il n'a point de refus. (Gast. Phébus, Livre chasse T., 1387-1389, 151)

Et, s'il li semble grant cerf et on li demande quel cerf ce est, il doit dire cerf qui a autre foiz porté dis cors ou il n'a point de refus (Gast. Phébus, Livre chasse T., 1387-1389, 157)

Remarque : LA BUIGNE, Rom. deduis B., 1359-1377, 7916 ; 7926 ; 11059 ; HENRI FERR., Modus et Ratio, Livre deduis T., c.1354-1377, gloss.

B. -Fait de ne pas accorder ou de ne pas faire ce qui est demandé, refus.

LE PREMIER SERGENT. (...) Or ça, belle amie, Voz deux mains avoir me convient Pour lier. Refus n'y vault nient : Delivrez vous. (Mir. femme, 1368, 202)

Ne la bele que j'aim tant et desir Ne scet quant prist mon cuer par son viaire, Ne ne sara par moy ; j'aim mieus morir. Car il n'est riens qui tant me puist detraire Com le refus dou haut don de merci ; Car se ne l'ay, si vair oueil ont trahi Moy et mon cuer, par le consentement Celle que j'aim de cuer entierement. (Mach., L. dames, 1377, 17)

Honte, paour, doubtance de meffaire, Attemprance mettre en sa volenté, Large en refus et lente d'ottroy faire, Raison, mesure, honneur et honnesté Doit en son cuer figurer, Et mesdisans seur toutes riens grever Et estre en tous fais amoureus couarde, Qui de s'onneur vuet faire bonne garde. (Mach., L. dames, 1377, 181)

...pour lequel reffus ilz lui donnerent et frapperent, c'est assavoir : ledit prisonnier et sondit frere chascun un coup de baston (Reg. crim. Chât., II, 1389-1392, 216)

...et en cas d'opposicion, refus ou contredit, le debat et la chose contentieuse en cas de saisine et de nouvelleté prise et mis en la main du roy nostre sire comme souveraine pour le debat des parties, la nouvelleté ostee et restablissement fait, se il y chiet, donnez et assignez jour certain et competent aux opposans pardevant nous, oudit Chastellet, contre lesdiz religieux ou leur procureur pour eulz, pour venir dire et declerer les causes de leur refus ou opposicion, respondre a yceulx religieux en cas de saisine et de nouvelleté et autrement, deuement, se mestier est, et proceder en oultre selon raison (Chartes Abb. St-Magl. T.F., t.3, 1400, 773)

Pour quoy requeroient lesdiz procureur et d'Aigny ledit adjornement de la dicte Court, attendu le refuz dudit Chancellier. (Baye, I, 1400-1410, 22)

...il sera mandé au bailli de Tournay et de Tournesiz qu'il contraigne les religieux de S. Martin par prise de leurs corps, se mestier est, et les amener ou Chastellet de Paris, en cas de rebellion ou refus (Baye, I, 1400-1410, 188)

Après ce, Claudius, voyant le reffus de la battaille, deslya deux prisonniers et les manda a Hanibal conter leur malaventure. (La Sale, Salade, c.1442-1444, 45)

Comment, dit elle, le povois je refuser, voyant sa grand espée, dont il m'eust tuée en cas de refus ? (C.n.n., c.1456-1467, 51)

Et, pour leur refus, à aucuns d'eulx fut dit et declairé de par le roy que de lui ilz estoient privez de toutes offices royaulx, comme à maistre Jehan Cheneteau, greffier du Parlement, maistre Martin Picart, conseiller des Comptes, et autres. (Roye, Chron. scand., I, 1460-1483, 72)

[Lang. de l'amour]

Car refus de dame perit En amant cuer et esperit, Chiere dame, et se je l'avoie, Certes, bien sai que je morroie. (Mach., R. Fort., c.1341, 135)

Se li amans s'en donne garde, Il ne se tient pas pour confus, Mais prent en bon gré le refus, Ou cas qu'en lui ait loiauté ; Car il congnoist la verité Que sobretez appert en bouche Assez plus que nulle autre touche. (Mach., D. Aler., a.1349, 305)

Trop me valoit, Car quant refus en ma dame venoit, Cils dous regars tantost le desdisoit Et doucement pour sien me retenoit, Si que des lors Mes esperis asseürez estoit, Ce m'estoit vis, ne riens plus ne doutoit. (Mach., F. am., c.1361, 152)

Vous devés tant savoir, ma dame, Que celle que j'ains plus que m'ame Ne voelt avoir pité de moi, Je n'ai el que refus de soi (Froiss., Par. am., c.1361-1362, 54)

Car j'ai vescu longement en doubtance, Pour les refus que j'ai tous jours oïs De ma douce dame gaie (Froiss., Ball. B., c.1362-1377, 28)

Se vos regars, douce dame, n'estoit, Jamais pouoir n'aroie d'endurer Vostre refus qui me tient si destroit Qu'il fait maniere et sens en moy muer. (Mach., L. dames, 1377, 24)

Helas ! dolens, et je n'os onques jour, Puis que premiers vi ma dame d'onnour Que j'aim en foy, Qui ne fu nez et fenis en dolour, Continuez en tristesse et en plour, Pleins de refus pour croistre mon labour, Et contre moy. N'onques ma dame au riche meintieng coy Mon dolent cuer, qui ne se part de soy, Ne resjoï, Ne n'ot pitié dou mal que je reçoy. (Mach., Motés, 1377, 509)

[Personnif.]

Dangier, Refus et Escondit, Honte et Paour par mos exprés Me sont contraire et ennemit En dis, en oevres et en fes. (Froiss., Pris. am. F., 1372-1373, 59)

Dangier, Refus et Escondit Me sont contraire et ennemit. (Froiss., Joli buiss. F., 1373, 177)

Quant en plourant li depri qu'elle m'aint, Desdains ne puet souffrir qu'oïr me vueille, Et s'elle en croit mon cuer, quant il se plaint, En sa bouche Refus pas ne sommeille, Eins me point au cuer trop fort ; Et son regart rit et a grant deport, Quant mon cuer voit qui font et frit et art. (Mach., L. dames, 1377, 184)

Si sui pris en regardant, Et pour ce que je doubt tant Refus, qui ne me doit plaire, Et Dangier, mon adversaire, Qui me livre estour si grant, Que d'Amours m'estuet retraire (Mach., Motés, 1377, 486)

Dangier, Reffus et sa mesgnie et les quarente mesdisans qui s'estoient embuschez davant la porte, comme le conte vous a divisé, saillirent sur eulx (RENÉ D'ANJOU, Cuer am. espris W., 1457, 199)

En particulier. Rebuffade.

LA FILLE AU ROY. (...) Grant despit m'a fait et grant ire, Mais, par ma foy, s'il vient a taille, Je li renderay bien sanz faille Ce refus ci. (Mir. st J. Cris., c.1344, 270)

À refus. Refusé.

Partout me trouvoye a refus (Chast., Temps rec. D., 1451, 84)

Sans refus. Volontiers.

JEHAN. (...) Venez vous deux avecques moy Sanz targier plus. LE PREMIER CLERC. Voulentiers, sire, sanz refus (Mir. st J. Cris., c.1344, 295)

Jeunesse croyt a Cerberus, Sans refuz (Pass. Auv., 1477, 117)

Raby, j'estime certes que mieulx Est amé celluy a qui plus L'usurier donna sans reffus. Aussi le doit il plus aimer. (Pass. Auv., 1477, 153)

Avoir refus. Être refusé, repoussé.

Car sans retour Je morroie, Se j'avoie Refus, et, se je vivoie, Ma baudour Seroit tristour. (Mach., R. Fort., c.1341, 21)

Avoir qqc. en refus. Mépriser qqc..

De la lignee Ruban fu, Le filz Jacob, et en reffu Avoit les choses terrïennes. (Chr. Piz., M.F., II, 1400-1403, 221)

Donner refus à qqn. Repousser qqn.

...d'ilec les mena en l'ostel de Yvonnet Thias, son serourge, qui semblablement li donna reffus (Reg. crim. Chât., I, 1389-1392, 504)

Faire (le/des/aucun...) refus. Refuser.

L'EVESQUE. (...) touz a ma table serrez, Fors vous, sire, qui trencherez Devant moy : n'en faites refus (Mir. ev. arced., c.1341, 129)

...celui le fist plus [le voloir de son pére] Qui premier ot fait le refus, Et puis ouvra. (Mir. nat. N.S.J.C., c.1343, 235)

Or vien ça, ma fille, Dis moy Sans songier në faire refus Combien y a il que tu fus Despucellee premierement. (Myst. jeune fille L., c.1413-1445 [c.1530], 32)

Toutesfoiz, dist la mere, je veil savoir la cause pourquoy vous avez fait le refus (C.n.n., c.1456-1467, 500)

...mondit seigneur Charles et qui avoit prinses les villes du roy en Normandie, lequel on disoit avoir intelligence avecques les Anglois, anciens ennemis de la couronne de France, fut dit et deliberé par lesdiz trois estaz qu'il seroit sommé de rendre au roy lesdictes villes, et que où il en feroit refus et que le roy seroit deuement adverti de ladicte aliance aux Anglois, que incontinent le roy recouvrast sesdictes villes à main armée et de lui courir sus (Roye, Chron. scand., I, 1460-1483, 200)

Or vous mectés cy devant Et ne faytes pas reffux (Oudin, St Genis M.S., c.1490, 61)

J'ay ordonné pour ceste guerre que toutes les monnoies se prengnent ainsi qu'ilz faisoient par avant certaine ordonnance nagueres faicte, car on m'avoit dit que les cappitaines et gens de guerre y faisoient aucuns reffuz. (Le Clerc, Interp. Roye, c.1502, 271)

Je vous prie que lui faictes delivrer de la pouldre de canon et deux culevrines, et je vous feray envoyer de Noyon autant de batons et de pouldres que delivrerez. Et, ou cas que ceulx de Noyon en feront reffuz, je vous en envoiray en ce lieu de la mienne de ceans. (Le Clerc, Interp. Roye, c.1502, 322)

Sans faire (nul) refus

Dame, oil, sanz faire refus (Mir. nat. N.S.J.C., c.1343, 210)

A ! sire, je vous prye que dire me voelliés ou vous me volés emmener. Bien est raison que partout ou aler volés je voise sans faire nul refus, car la vye m'avez saulvee (Gérard de Nevers L., c.1451-1464, 98)

Faire refus de qqn. Repousser qqn, opposer un refus à qqn.

[Polyphème à Galatée] Vien a ton ami qui t'apelle, Si ne te repon ne ne celle Vers moi, qui tant t'aim et desir : Fai mon voloir, fai mon plaisir ! Et se tu fai[s] de moi refu, Onques plus crueuse ne fu (Mach., Voir, 1364, 632)

RAPHAEL. Martin, tu te peulx bien venter, Quelque part que ton corps sera, Quoy qu'il [le diable] te vueille espouenter, Que jamais ne t'actemptera ; Mais ton parler le vaincquera Et le rendra tousjours confus Ne jamais mal ne te fera, Car tu fais trop de luy reffus. GABRIEL. Jamais le hault Dieu de lassus En rien ne t'abandonnera, Ains decoste toy, soubz et sus, De tresbon cueur s'ordonnera. (La Vigne, S.M., 1496, 535)

Faire (le/des/aucun...) refus à qqn. Repousser qqn, opposer un refus à qqn, ne pas lui accorder ce qu'il demande.

...a li alez Et doulcement a li parlez ; Et s'elle vous fait des refus N'en soiez ja pour ce confus, Maiz s'amour touzjours requerez, Et certainement vous l'arez (Mir. nonne, 1345, 320)

...[il raconta] comment [sa] femme luy avoit tousjours fait refus quand il avoit voulu faire le devoir. (C.n.n., c.1456-1467, 500)

On luy mect sus [à Jésus] Que des pechés, tant soient ilz ors, Donne remors Es pecheurs sans estre confus, Et qu'ad nul il ne fait reffus, Mes sans abus Il veult a chascun complaire. (Pass. Auv., 1477, 136)

Faire (le) refus de qqc. Refuser qqc..

Vous m'avez de vostre grace baillé la joyssance de vostre beau et gracieux corps tout entierement, et d'un petit baiser vous me faictes le refus ! (C.n.n., c.1456-1467, 317)

LE JUIF. (...) Venez jurer tout a cest heure Dessus l'hostel sainct Nycolas De me le rendre [l'argent emprunté] . LE CRESTIEN. Sur ce pas ; Du faire ne fois nul reffus. (Mir. st Nic. juif, c.1480-1500, 90)

Faire refus à qqn de qqc.

Et se tu me fais reffus de ce que je te demande, je te prometz que, avant qu'il soit nuyt, tu seras par moy assaillis et desconfiz, et si te coupperay la teste comme meschant sans prouesse quelconques. (Bagnyon, Hist. Charlem. K., c.1465-1470, 29)

Faire refus de + inf. Refuser de.

Maiz il vit bien que c'estoient gens de petit fait, pourquoy il fit reffuz d'en avoir le gouvernement (Chron. Valois L., c.1377-1397, 71)

...on disoit qu'il [le receveur de Paris] avoit fait refus et desobeissance de faire et laissier expedier certaine quantité de busche du bois de Vinciennes (Fauq., I, 1417-1420, 335)

...pour avoir l'advis et deliberacion de la Court sur le refus que faisoit l'evesque de Paris de baillier denombrement de son temporel (Fauq., II, 1421-1430, 77)

...elle avoit fait reffus de le prendre a mariage (Comte Artois S., c.1453-1467, 58)

...oncques ne fu si malade ne si deshaitée pour quoy j'eusse fait refus de combatre [Cont. grivois] (C.n.n., c.1456-1467, 516)

Nous n'y ferons nul refus. Nous n'y manquerons pas.

Nous n'y farons ja nul reffus. (Pass. Auv., 1477, 172)

Mettre qqc. en refus. Refuser qqc..

Aprés la mort son pere fu Rebelle a Romme, et, en reffu Mist des Rommains la signeurie (Chr. Piz., M.F., III, 1400-1403, 245)

Mettre qqn en refus. Repousser qqn.

Quoy que m'aiez, pour moy desconforter, Mis en reffus, Espoir dit que si sure Ja ne serés, que vo cuer ennorter Ne voit Amours quelque fois (Chr. Piz., Cent ball. amant dame C., c.1409-1410, 36)