SEDITION

substantif féminin

[T-L : sedicïon ; GDC : sedition ; FEW (XI, 413a) : seditio ; TLF (XV, 257b) : sédition]

A. -Résistance ouverte contre l'autorité établie, révolte, sédition.

Et par ce il guerissent ou gardent la policie de sedicion et la funt estre durable et permanente. (Oresme, Pol. Arist. M., c.1372-1374, 111)

Et pour ce, il ne ont pas occasion de faire sedition. (Oresme, Pol. Arist. M., c.1372-1374, 223)

Mez aprés, quant la seignorie de l'Impereur fust en tres grande sediction, amaindrie et en division, par especial ou temps que le siege de l'Ampire de Ronme vaca par lonc temps, il [les papes] reconmencerent a dire que ceste puissance et prerogative il avoient de Droit devin. (Songe verg. S., t.1, 1378, 95)

...par influence de Saturne la planecte conjoincte avecques Mars, non tant seulement batailles foraines, mais sedicions, selon le dit la saint Gregoire, dedans la nef, de patron a patron, de prince a conseillier, de marchant a mariniers, saillirent en place (Mézières, Songe vieil pèl. C., t.1, c.1386-1389, 550)

...confessèrent de leurs bons grez, bonnes, pures et libérales voulentez sans mal, sanz fraude, sans barat, sans feudicion [l. seudicion] ou introduction d'aucun advenir et sans aucun pourforcement, mais de leur pur esmouvement et pour ce que très bien leur plaist, que de et sur les débaz et contens dessus diz ont transigé, pacifié (Cartul. Laval B., t.2, 1404, 379)

Item, aussi fu advisié sur la seurté de la ville de Paris, car il y avoit grant murmure de sedition (Baye, II, 1411-1417, 229)

Non obstant que nul ne croye que j'entende des principaulx malfaicteurs, desquelz sedicion passée est venue, pervertisseurs des autres et semeurs de mauvaise exortacion, qu'ils doient estre espargnéz n'est mon entent, ains de la pugnicion qui leur affiert m'en raporte aux lois. (Chr. Piz., Paix W., 1412-1413, 125)

...on ne doit point donner occasion aux officiers et subgez de son prince de faire sedicion ou commocion (Fauq., I, 1417-1420, 31)

...sans faire monopoles, conspiracions, assembleez ou consultacions particulieres pour mettre greigneurs divisions entre lesdis subgiez, ou pour yceux esmouvoir à sedicions ou commocions les ungs contre les autres (Fauq., I, 1417-1420, 255)

...et souspeçonnoit on vehementement ledit Pelaut d'estre venu à Paris pour susciter aucune sedicion et conspiracion ou prejudice de la ville de Paris et des habitans d'icelle. (Fauq., I, 1417-1420, 265)

Henno ne les osoit pugnir [les soldats] , pour paour de sedicion. (La Sale, Salade, c.1442-1444, 60)

Et ancores le prince doit avoir intelligence pour congnoistre et eschever le grant peril des sedicions : c'est assavoir, de faulses langues de flateurs (La Sale, Sale D., 1451, 31)

...[le peuple] se leva encontre le seigneur. Si fuz accusé avec les aultres, mes compaignons, d'avoir esté cause et moyen de la sedicion, pour quoy je fuz mis en prison (C.n.n., c.1456-1467, 575)

Voire, mais je doubte trop, moy, Qu'il n'en sourde sedicion Après la maledicion Que de ce Jhesus avons eue. (Myst. Pass. Troyes B., a.1482, 771)

...fut envoyay par Tullius pour apaiser les sedicions qui estoient entre les Romains et les seigneurs d'Asie contre le roy de Perse et autres (Simon De Phares, Astrol., c.1494-1498, f° 45 v°)

Predist aussi, deux ans devant, la sedicion de Roncevaux par laquelle il mourut environ XVm chrestiens, par la traïson de Guennes. (Simon De Phares, Astrol., c.1494-1498, f° 105 v°)

En particulier. Révolte contre l'autorité ecclésiastique.

...les clers (...) scismatiques en faisant tourbes et sedicions contre toute l'Eglese (Cout. instit. Anjou Maine B.-B., t.4, 1426, 44)

B. -Par métonymie. Fait de pousser à la révolte, volonté de révolte.

...le seigneur de Raix, qui pour lors estoit mareschal de France, et estoit noble homme et très grand terrien et yssu de très grande et très noble généracion, fut accusé et convaincu de hérésie, laquelle il avoit par long temps maintenue. C'estassavoir par la sédicion [ou seduction ?] et enort principalment du déable d'enfer, et aussy d'aulcuns ses complices et serviteurs. (Monstrelet, Chron. D.-A., t.5, c.1444-1453, 425)

L'EMPEREUR. La ne gist pas ta faulce entencion Ne ton vouloir parvers et detestable, Ains tu le faiz par grant sedicion Et par cautelle a aulcuns trop nuysable. (La Vigne, S.M., 1496, 245)

C. -Par extension. Dissension, discorde.

Lors Papirius commanda porter les banieres hors et si mist hors ses copies, en vituperant celle tres vainne gent, laquelle pour cause de leurs sedicions et discordes privees n'avoit pas assez puissance de soy deffendre et de soy gouverner, et si s'entremetoit d'ordonner les manieres de pays et de bataille entre les autres genz. (Bers., I, 9, c.1354-1359, 14.5, 25)

Et esse bien fait, je t'en pry, Quant tu sçais qu'il est huy sabbat, Tu nous mettes en pril de debat Et en grande sedition ? (Marcadé, Myst. Pass. Arras R., a.1440, 94)

En tout le pays d'environ Avoit ja [Jésus] mis sedition, Et encore par ses paroles Aulcunes gens simples et folles En sont demourés en erreur (Marcadé, Myst. Pass. Arras R., a.1440, 209)

Et pour mieulx tousdis garder ladicte paix et toutes les manières des entreprinses, débas, divisions et sédicions eschiever, nous avons volu et ordonné, volons et ordonnons et nous plaist, que tous ceulx qui depuis ladicte paix de Pontoise, estans des hostieulx de nostre très chière et très amée compaigne la Royne et de nostredit filz, eslongiez ont esté de leurs hosteulx et de nostre ville de Paris jusques à deux ans prochains venans, demoureront eslongiez... (Monstrelet, Chron. D.-A., t.6, c.1444-1453, 167)