PRONOSTIQUER

verbe

[T-L : pronostiquer ; GDC : pronostiquer ; FEW (IX, 435b, 436a) : prognosticus ; TLF (XIII, 1322a) : pronostiquer]

A. -[D'une pers.]

1.Pronostiquer qqc./de qqc. Conjecturer d'après certains signes ce qui doit arriver.

Pronostiquer qqc.

Et anciennement, Hermes, en prenostiquant les maulz qui estoient a venir en Egipte, disoit que la divinité retourneroit ou ciel, c'est a savoir les bons anges, et ne demorroient fors les mauvés : Divinitas repetet celum - soli nocentes angeli remanebunt. (Oresme, C.M., c.1377, 296)

Mez, ja soit ce que lez Anemis n'aient mie certaineëment la cognoissance dez choses advenir de soy meismez, neantmoins ilz prenostiquent souvante foys lez choses advenir et lez puent savoir en quatre manieres (Songe verg. S., t.1, 1378, 371)

Car meismes comme on lit, il prenostica un deffault du soleil ou temps de Ozias et de la fondacion de Romme bien .C. ans ains qu'il fust. (Chr. Piz., Avision T., 1405, 118)

...trespassa mon dit pere a l'eure que devant ot prenostiqué (Chr. Piz., Avision T., 1405, 153)

Des signes et argumens, par lesquelz on peut conjecturer et pronostiquer des mortalitez à venir. (La Haye, P. peste, 1426, 50)

Aussi povons par conjecture, Qui veult en ce mettre sa cure, Pronostiquer mortalité Quant en terre a stérilité (La Haye, P. peste, 1426, 55)

Pronostiquier, c'est cognoistre, sentir et dire selon la disposition de Nature aucunes choses avenir. (La Haye, P. peste, 1426, 218)

Car il a laissé l'heritaige qui doit estaindre toute infidelité et venger la mort des chrestiens. Autresfois a esté parfaict par tes successeurs et ainsi a esté prenostiqué, dont a bon droit et juste tiltre tu doibs veritablement estre le roy des roys en toute la terre, duc sur les ducs, seigneur sur les seigneurs qui sont ne qui furent oncques. (La Vigne, V.N., p.1495, 297)

Remarque : GILLES LE MUISIT, Poésies K., t.1, c.1347-1353, 346 ; HENRI FERR., Modus et Ratio, Livre deduis T., c.1354-1377, 246, 16 (T-L) ; DESCH., Oeuvres Q., t.1, c.1370-1407, 33 ; LE FÈVRE, Lament. Math. V.H., c.1380, 256 ; MOLINET, Faictz Dictz D., 1467-1506, gloss. ...

Prophétiser, savoir qqc. à l'avance par inspiration divine.

...si povons conclurre que cognoistre lez choses advenir appartient a Dieu seulement, ou ce vient de Dieu. Et, pour tant, ceulx qui prenostiquent lez choses advenir sont appellés dyvins, car c'est fait dyvin. (Songe verg. S., t.1, 1378, 371)

Pronostiquer de qqc.

Quant, en ung temps de l'an, un jour il fait froit, et puis chaut, on peut pronostiquer de la venue des maladies de amptonne (Saint-gille, A.Y., 1362-1365, 66)

Anciennement aucuns par le chant et par le vol ou volement des oiseaux divinoient et prenostiquoient d'aversité et de prosperité, de maladie et de santé, selon ce que il vouloient a destre ou a senestre. (Oresme, C.M., c.1377, 308)

2.En particulier. ASTR. Prédire les événements futurs à partir des constellations célestes.

La premiere [partie], qui est introductoire, nous aprent les principes et les rigles premieres qui sont neccessaires a savoir ainçois que on puist prenostiquier des choses dessus dictes qui cy dessoubz adviennent par la vertu du ciel et des estoilles. (Evr. Conty, Harm. sphères H.P.-H., c.1400, 19)

Et de toutes ces choses parlent et prenostiquent les astronomiens par la figure du ciel et l'ordonnance des estoilles a l'eure de la nativité de la personne (Evr. Conty, Harm. sphères H.P.-H., c.1400, 25)

...bien est il que icelui Ionicus peut estre inventeur de la pratique d'aucunes parties [de l'astrologie] , au moïen de quoy, entre autres choses, prenostica et predist au peuple ce qu'il devoit advenir des quatre principaulx regnes du monde et de leur deffinement (Simon De Phares, Astrol., c.1494-1498, f° 14 v°)

Cestui prenostica le deluge des eaues qui fut en Thessalle soubz Deucalion et les feux qui furent en Ethioppe et les horribles pestillences qui furent en divers lieux, de quoy il fut moult aprecié. (Simon De Phares, Astrol., c.1494-1498, f° 25 v°)

Menados le Grecq, notable philosophe et astrologien, fut en ce temps moult aprecié du roy Xerxes, fils de Daire, auquel il prenostiqua sur sa nativité les infortunes qui lui advindrent (Simon De Phares, Astrol., c.1494-1498, f° 46 v°)

Maistre Phelippe de Montoire, docteur à Paris en medicine et souverain astrologien, fut en ce temps à Paris, prenosticant chacun an, et, entre aucunes siennes prenosticacions, prenostica les subsides que le pappe Ignocent vouloit mectre sus (Simon De Phares, Astrol., c.1494-1498, f° 148 r°)

3.MÉDECINE Formuler le pronostic (de).

Vecy donc regle generalle que le medecin ne doit point ouvrer en aulcune maladie s'il n'a devant prenostiqué. (Gordon, Prat., c.1450-1500, I, 4)

Le premier maistre, c'est Ypocras qui enseigne la maniere de prenostiquer qui dit que les escoillés ne podagrissent point (Gordon, Prat., c.1450-1500, VII, 19)

Remarque : MONDEV. ds TLF.

B. -[D'une chose] Être le signe avant-coureur de, laisser présager, annoncer.

Le vendredy, veille Sainct Jehan, nous eusmes maulvaise journée comme avoit esté prenostiqué par le signe des poissons. (Voy. Jérus., c.1395, 40)

Eclipses de souleil et lune Je vi merveilleuses, dont l'une Pronostiquera maint meschief (Chr. Piz., Chem. estude P., 1402-1403, 95)

Ponostiquer que

...celle baniere bailliee par la vision de l'empereur de Constantinoble a Charlemaine pronostiquoit qu'il devoit estre empereur du pueple rommain (Jean Golein, Rational B.D., c.1370-1372, 708)

MÉDECINE Être le pronostic, le signe de.

Les labours qui vienent de cause non magnifeste pronostiquent les maladies. (Saint-gille, A.Y., 1362-1365, 58)

La plus grant partie de la pronosticacion est devant dicte, car toutes ces concussions et douleurs pronostiquent maladies a venir et pour ceste partie vault moult en regime preservatif (Gordon, Prat., c.1450-1500, I, 17)