PROFERER

verbe

[T-L : proferer ; GDC : proferer ; FEW (IX, 428b) : proferre ; TLF (XIII, 1264b) : proférer]

A. -Proferer qqn en. Pousser qqn en.

Et pour ceste cause sunt faites tyrannies en olygarchiez et en democracies ; car en l'une policie et en l'autre, quant aucuns tiennent les princeys par longtemps, ceulz qui par ce sunt devenus et faiz tres grans sunt proferés en tirannie. (Oresme, Pol. Arist. M., c.1372-1374, 226)

B. -Proferer qqc.

1.Dire, prononcer, déclarer qqc. à haute voix.

...en proferant des paroles on fait le signe de la croix (Jean Golein, Rational B.D., c.1370-1372, 498)

...aucune foys lez Anemis cognoissent lez disposicions dez honmes, et non mie seulement cellez lezquelles sont proferees de voys, mez aussi et celles qui sont encore dedans la pensee (Songe verg. S., t.1, 1378, 375)

...la maniere et cause de convoitise qui mouvoit et a meu icelle prisonniere de proferer les parolles dessus escriptes, par elle dites contre icellui seigneur de Nouvion (Reg. crim. Chât., II, 1389-1392, 130)

Ledit mons. le prevost (...) dit et profera par sa bouche à icelle prisonniere, pour ce presente en jugement, que se elle ne lui confessoit et disoit autre chose que fait avoit, que il la feroit questionner. (Reg. crim. Chât., II, 1389-1392, 202)

...les parolles par elle dites et proferées en sadite confession estoient vrayes (Reg. crim. Chât., II, 1389-1392, 320)

Si dit Tulles en sa Rethorique, en louant façonde et maniere de parler, que ja soit ce que un homme ne sceust dire ses motz biaulx ne polis, et il savoit les proferer gentement, de belle maniere, et par biau point, si seront ilz louéz (Chr. Piz., Paix W., 1412-1413, 167)

Pere, pere, enteng le clamour, Les piteux regrez et les plaintes Et les lacrimeuses complaintes Que proferent en ta presence Carité avec Sapience (Marcadé, Myst. Pass. Arras R., a.1440, 8)

...et sy avoit proferé langaiges contre l'onneur du duc. (Escouchy, Chron. B., t.1, c.1453-1460, 451)

Et auquel lieu de la Bastide ledit monseigneur l'admiral presenta ledit connestable ausdiz chancelier, presidens et autres dessusnommez, où il profera et dist telles ou semblables paroles en effect et substance : 'Messeigneurs, qui icy estes tous presens, veez cy monseigneur de Saint-Pol, lequel le roy m'avoit chargé d'aler querir...' (Roye, Chron. scand., I, 1460-1483, 351)

Sa, sa, approuchez vostre layne [l. alayne ?] Mes sotes sotement nommees, Le roy vous a tresfort ayme[e]s De ce que (vous) avez preferay [l. proferay ?]. (Feste roys, c.1475-1500, 308)

Barons du ciel (...) Conseillés moy, dictes moy par exprès Que me reste il a faire cy après Fors seullement propherer ma sentence ? (Cene dieux, c.1492, 120)

Heracleus Cerebrosus, le grant philosophe et astrologien, escripvant en ce temps livres en moult hault stille et comme il fust requis par ses disciples qu'il proferast quelque notable, sans parler donna entendre que les choses inferiores comme les superiores estoient en continuel mouvement. (Simon De Phares, Astrol., c.1494-1498, f° 45 r°)

Je n'ay langue qui sceust mouvoir, Levre ne gencive ne dent Dont propherasse nullement Parolle qui fust entendible Mais Dieu, a qui tout est possible, M'aministre voix et langaige. (Myst. st Laur. S.W., 1499, 230)

...messire Charles de Meleun, seigneur de Normenville (...) fut condempné à estre decapité comme criminel de lese majesté, pour aucunes forfaittures, traïsons, violences et autres crimes par luy commis et perpetrez, lesquelz estoient sy grans et abhominables que quasi l'air seroit infect de les proferer (Le Clerc, Interp. Roye, c.1502, 212)

Proferer que + complét.

Nennil, car trop fort nous blasma, Et de sa bouche profera Que Jhesus estoit filz de Dieu (Marcadé, Myst. Pass. Arras R., a.1440, 227)

Proferer qqc. à qqn

Sire, mon voloir est pareil As aultres, créez ce conseil Puis qu'a tous il est acceptable, Car il vous est moult profitable. Et, chier sire, en tant qu'il me touche, Je vous profere de ma bouche, Se vous en estes conseillies, Je suis prest et appareillies De faire ceste grant justice (Marcadé, Myst. Pass. Arras R., a.1440, 54)

Dictons joyeux tant en prose qu'en rime Soubz oraisons d'arangues referez Reveramment luy furent proferez. (La Vigne, V.N., p.1495, 190)

Messaiger, sans lonc sejour faire Lieve sus et si nous prophere Ce qui t'amaine ceste voye. (Myst. st Laur. S.W., 1499, 131)

2.Par extension. Faire savoir, exposer qqc..

Dy ce que tu veulx proferer ? (Feste roys, c.1475-1500, 310)