PRIVÉ

adjectif

[T-L : privé ; GD : privé ; GDC : privé ; DECT : privé ; FEW (IX, 396b, 397b) : privatus ; TLF (XIII, 1218b) : privé]

A. -[Dans les relations entre les pers.]

1.[Idée de familiarité, d'intimité, de proximité]

a)Familier, qui vit dans l'intimité de qqn, intime, proche.

Ainsi des cieulx je sui privez, Se par vous, que tien pour privez, Bon conseil n'ay. (Mir. pape, 1346, 369)

Je ne vous mentiray de rien : Vous estes mes amis privez (Mir. ev. N.D., c.1348, 81)

Si fist samblant de l'aler querre Et, en deffermant une serre, Comme dame avisée et sage, Dist a un sien privé message : 'Va sans arrest a mon ami Et si li di que mal pour mi, Se mon anel ne me renvoie. Et ne demeure pas seur voie, Car mon signeur le vuet avoir...' (Mach., J. R. Nav., 1349, 235)

Aprés il determine ceste question quant est des amis privéz. (Oresme, E.A.C., c.1370, 489)

Il se tient moult privés de mi (Froiss., Joli buiss. F., 1373, 109)

L'EMPEREUR. Biau filz, il fault que je vous voie Bagnier avecques vostre femme ; Ce n'est a vous point de diffame : Ici n'a que privées gens. Despoulliez vous, si entrez ens (Mir. fille roy, c.1379, 104)

Et lors tes subgiez, estrangez et privez, hardiement et par ton commandement joueront a toy liement aux eschez en nostre eschequier propose, voire sans avoir aucun regart que aucun des poins de l'eschequier en riens soit bestourne. (Mézières, Songe vieil pèl. C., t.2, c.1386-1389, 182)

.II. chevaliers De ses plus privez conseilliers... (Chr. Piz., M.F., IV, 1400-1403, 14)

...en la court il estoit l'un de ses plus obeissans amis et privé d'elle, et pour ce la royne ly avoit envoié (La Sale, J.S., 1456, 261)

...cuidant de vray que sa belle fille deust faire ung tresbeau filz pour le temps advenir de Dieu eleu pape de Romme, ne se peut tenir que a sa plus privée voisine ne le comptast (C.n.n., c.1456-1467, 104)

Ce bon marchant se donna garde du gouvernement de sa femme ; il en fut aussi adverty par aucuns des plus privez amis et voisins. (C.n.n., c.1456-1467, 319)

...tantost après la feste faillye, que les jeunes gens furent retraiz (...) la bonne mere, les cousines, voisines et aultres privées femmes prindrent nostre dame des nopces et la menerent en la chambre ou elle devoit coucher pour la nuyt avec son espousé (C.n.n., c.1456-1467, 496)

Estre privé à/de qqn. Avoir avec qqn des relations familières, amicales.

Soies doulz et privez a touz. (Dupin, Mélanc. L., c.1324-1340, 175)

Et que quant eu palais seroient, Tres bonnes gardes metteroient En tous les lieus de la maison ; Et li princes qui par raison Devoit estre li plus privez Dou roy et tous li mieus amez, Tout bellement et sans effroy, Yroit hurter à l'uis dou roy ; Car on li ouvroit sans demeure S'il y hurtoit, et à toute heure. (Mach., P. Alex., p.1369, 266)

Or bien, dist l'escuier, quand je seray si eureux que d'avoir rien de beau, je vous seray aussi pou privé que vous m'estes estrange. (C.n.n., c.1456-1467, 208)

Par dieu ! par dieu ! noz sire, vous estes trop privé de ma chambriere. Je ne sçay qu'il y a entre vous deux (C.n.n., c.1456-1467, 455)

Emploi absolu. Estre privé. Faire partie des familiers.

...il en avoit racointée une plus belle, plus jeune beaucop, et plus riche, qui desja estoit tant privée qu'elle avoit la clef de sa chambre. (C.n.n., c.1456-1467, 274)

Se faire privé de qqn. Devenir son familier.

...il s'accointera de sa dame et se fera privé d'elle. (C.n.n., c.1456-1467, 228)

Estre privé de + inf. Être assez intime (de qqn) pour.

Quand elle l'eut matté comme son compaignon, elle ne fut pas mains privée de luy dire son courage. (C.n.n., c.1456-1467, 349)

Traire qqn privé de soi. Compter qqn parmi ses intimes.

Et ne creez ja conseil de garcon, ne ne trayez ja trop privé de vous homme que vous n'aiez bien essayé ses meurs et ses condicions. (Arras, c.1392-1393, 85)

Maisnie privee. La suite d'un seigneur.

Et donna le roy d'Ausay a ses hommes congié d'aler en leurs pays et demoura avecques Anthoine a privee mesgnie, pour acomplir ce qu'il avoit en convenant au traictié de la paix. (Arras, c.1392-1393, 171)

À privee maisnie / à privee compagnie. Avec une petite suite de gens.

...et ala, à privée mesgnée, audit lieu de Mante devers le roy d'Angleterre (Monstrelet, Chron. D.-A., t.4, c.1425-1440, 48)

Et aussi, ce mesme jour, le roy à privée mesgnée ala jusques au joignant de Conflans parler à mondit seigneur de Charrolois, laquelle chose sembla à toutes personnes voulans son bien estre bien simplement fait à lui. (Roye, Chron. scand., I, 1460-1483, 124)

Et puis le roy, qui estoit à Noiom, s'en party, et ledit duc de Bourgongne s'en party pour aler à Peronne ; auquel lieu le roy s'en ala bien hastivement pardevers ledit de Bourgongne audit Peronne, et y ala à bien privée mesgnée, car il n'avoit avecques lui que ledit cardinal et ung peu de gens de son hostel, monseigneur le duc de Bourbon et autres. (Roye, Chron. scand., I, 1460-1483, 213)

Et, puis le samedi matin, XIIIe jour dudit moys de mars, à l'eure de six heures de matin, le roy, qui estoit au Plesis du Parc, jadis nommé les Motifz lez Tours, s'en party à privée compaignie et s'en ala à Bordeaux et Baionne (Roye, Chron. scand., I, 1460-1483, 294)

b)Emploi substantival. [Désignant des pers.] Intime, proche, ami.

Car a nul fuer n'ottrieroie Joie a nul amant ne donroie Dont dame fust deshonnourée ; Eins vueil que l'onneur soit sauvée Des dames, quel part que ce soit. Et s'aucuns autrement faisoit, Ja ne seroit tant mes privez Qu'il ne fust de ma court privez. (Mach., D. verg., a.1340, 49)

Or vous ay dit Pour quoy il sont venu oïr mon dit. Et sans doubte, cuers qui einsi languit Se destruit moult et a grant doleur vit. Si m'en devez Donner conseil au mieus que vous poez ; Car chascuns est mes drus et mes privez, Et moult me fi en vous, bien le savez. (Mach., J. R. Beh., c.1340, 119)

Et le franche roïne (...) Et Marie se fille (...) Furent ou hault paillais aveuquez leur privez. (Hugues Capet Lab., c.1358, 102)

Mervilleusement [le prince] se combat ; Il en tue tant et abat Qu'il fist place à plus de sexante, Qui descendirent sans atente. Niés fu dou roy et ses privez, Sages, vaillans et esprouvez. (Mach., P. Alex., p.1369, 70)

Là le Tricoplier atendoit, Et souvent de li demandoit À ses privez, tant qu'il avint Qu'en brief temps en Rodes revint. (Mach., P. Alex., p.1369, 202)

...n'ay amy ne personne en ce monde, tant soit mon privé, a qui je vouldroye en nulle maniere descouvrir. (C.n.n., c.1456-1467, 388)

Chascun scet que celuy Jhesus Avoit des disciples foison Et, dit on, que de sa maison Avoit dix ou douze du mains, Que ses privéz, que ses germains, Et encores a l'ayde d'eulx En avoit bien soixante et deux Tous en son comment, je suppose. (Myst. Pass. Troyes B., a.1482, 763)

Les plus privés (de qqn.)

Mais a vostre requeste je m'en yray par devers vostre pere pour faire la reverence, et aucuns de mes plus privez avec moy, car j'ay grant voulenté de lui veoir pour le bien que j'en ay ouy dire. (Arras, c.1392-1393, 52)

Lors, quant ly admiraulx, qui estoit maistre de l'artillerie, vit la desconfiture tourner sur paiens, si fist gecter hors de la grant nef une petite galleote a VIIJ. runs, et y entra, o lui de ses plus privez environ XX., et prindrent l'avanture du vent. (Arras, c.1392-1393, 129)

'Mons. le grant maistre, depuis les dernieres lettres que je vous ay escriptes, j'ay eu nouvelles que monseigneur de Guienne se meurt, et qu'il n'y a point de remede en son fait, et le m'a fait savoir ung des plus privez qu'il ait avec luy, par homme exprès, et ne croyt pas, ainsi qu'il dit, qu'il soit vif à XV jours d'icy, au plus que on le puisse mener...' (Le Clerc, Interp. Roye, c.1502, 280)

c)[Qualifiant p. méton. les choses qui touchent les pers.]

[D'un comportement] Détendu, qui se déroule en toute familiarité.

Et n'y dansoient à ceste heure que danses à cours, au son de clarons. Et telle damoiselle y avoit, qui mettoit hors d'allaine deux ou trois gentilz hommes pour une danse. Certes, on n'eust sceu faire meilleure chière, ne plus privée, à nulles personnes au monde. (Escouchy, Chron. B., t.2, a.1465, 383)

Estre privé à qqc. (qui touche qqn) Être sensible à qqc..

Nous perdons aujour d'uy la plus vaillant dame [Mélusine] qui oncques gouvernast terre, et la plus saige, la plus humble, la plus charitable, la mieulx amee et la plus privee a la neccessité de ses gens, qui oncques feust veue. Et la commencent a plourer et a plaindre et a mener telle douleur qu'ilz entroublierent les deux amans qui par terre gesoient. (Arras, c.1392-1393, 257)

d)Emploi substantival. [à valeur de neutre] À/en (son) privé. À part, en particulier, dans l'intimité.

...a privé fasoient lez sollas natureus, A leur privé n'estoient de ce fait perecheus Tant que celle fu grosse et cez ventre bocheus. (Hugues Capet Lab., c.1358, 83)

...on n'i scet descongnoissance Trouver en privé n'en commun, C'on ne die que c'est tout un (Mir. Amis, c.1365, 4)

...je te fas assavoir (...) Que quant Amille aras trouvé Et tu le tenras a privé, Que li dies, s'il te vouloit Gairir, le sanc te convenroit Avoir de ses deux filz (Mir. Amis, c.1365, 53)

...a son privé et non devant hommes (Chr. Piz., Trois vertus W.H., c.1405, 89)

...quant ilz seront a part et a privé (Chr. Piz., Trois vertus W.H., c.1405, 93)

Il puet bien dire son plaisir, Nous sommes cy tout aprivé [l. a privé]. (Marcadé, Myst. Pass. Arras R., a.1440, 121)

...tant que son filz en fut abbés, qui de l'age de XXV ans estoit, grant de corps, fort et abille pour luictier (...) et a la paulme jouer ne trouvoit moynne, chevalier, escuyer ne bourgois quant estoit a son privé qui avenist a lui. (La Sale, J.S., 1456, 244)

...ces seigneurs moisnes en sont les maistres, aussy jouer a la palme (...) et tous aultres essais, quant ilz sont en leur privé ['entre eux'] (La Sale, J.S. E., 1456, 412)

...et parlerent bien ung quart de heure ensemble, es presences de mesdiz seigneurs de Bourbon, Lion, et autres seigneurs et gens des finances que le roy avoit fait ilecques venir jusques au nombre de cent. Et puis, après ce qu'ilz orent parlé ensemble en general, le roy fist tout reculer et parlerent à privé ensemble, où aussi ilz furent et demourerent une espace de temps. (Roye, Chron. scand., I, 1460-1483, 344)

Messeigneurs, c'est bien advisé Que tel est qui dit mal de nous, Bien loing d'icy a son privé Quant il vous verra, sera pour nous [l. vous] . (Myst. siège Orléans H., c.1480-1500, 123)

HERODES. Biaux seigneurs, selond vostre advis, Vous demande icy en privé S'il est certain et esprouvé Que ayez apperceuz ceste estelle Par une façon si nouvelle, Comme vous nous en avez comptéz. (Myst. Pass. Troyes B., a.1482, 299)

Seigneurs Scribes, nous retornon Du lieu ou nous aviez transmis, Mais sachez que Jhesus c'est mis Hors de la voye en son privé. (Myst. Pass. Troyes B., a.1482, 546)

...la pluspart de drap d'or, d'argent, de veloux, de cramoisy, et les moindres de soye, tappis, veloux de Turquie, de Chipres, de Venise et de toutes sortes en grant nombre, tant es chappelles comme es chambres, salles et autres lieux ou le roy se alloit jouer a son privé. (La Vigne, V.N., p.1495, 262)

Gentil herault, courtois et saige, Vous soyez le bien arrivé ! Or me dictes cy a privé Que vous avez de luy a faire. (Myst. st Laur. S.W., 1499, 136)

Au tiers point, du bruit qu'il est de mondit seigneur de Bourgoigne qu'il a volu entreprandre le gouvernement du royaulme et faire des choses au prejudice de mondit seigneur, la responce est que Monseigneur s'est trouvé avec vous bien familierement et en privé et par plusieurs jours, mais que à vous, en vostre hostel ne ailleurs, il n'a point oÿ parler de laditte matiere et croit que ce sont rappors controuvez qui ont esté faitz à Mons. de Bourgoigne. (Le Clerc, Interp. Roye, c.1502, 222)

Remarque : Hist. Berthe Pépin T., c.1400-1500, gloss.

2.En particulier. [Idée de proximité]

a)[Dans le domaine des relations amoureuses]

De vostre amour sui cy espris Que je ne scé qu'en doye faire, (...) Bien cuit mourir s'il n'est ainsy Que vous aiez de moy mercy Et que de vous soie privez (Mir. marq. Gaudine, 1350, 133)

[P. ell. du subst. déterminé ; p. oppos. à femme estrange] Femme légitime.

Estrange femme est d'omme appetit, Mais la privée est trestout le contraire, Qu'en une estrange prent on plus de delit C'on ne pourroit en cent privées faire ; Car la privée est de si rude afaire Qu'elle ne vault vers l'estrange .J. denier, Ce dient ceulx qui femme ont en grenier. (Mach., App., 1377, 642)

b)Qui est proche par le pays, par l'appartenance au même pays, à la même communauté.

[D'un peuple] Proche, indigène.

Il [Jésus] est blecié en fantasie D'avoir plus tost fait sa retraicte Vers ce pecheur, qui tant deshaicte Aux peuples privéz et forains. (Myst. Pass. Troyes B., a.1482, 481)

Local, autochtone.

Las, que je suis mal envoyer ! Que mauldit soit le faulx villain, Du dieu privé et du loingtain ! (Myst. st Adr. P., c.1450-1485, 14)

Pays privé. Pays qui est le sien (p. oppos. à l'étranger).

Encore estoient a l'exploit importun Frez, sejournez sur leurs pays privez, Et les François loing de leur ranc, grevez Du grant chemin qu'avoyent fait par davant (La Vigne, V.N., p.1495, 280)

[P. oppos. à estrange, estrangier ou à lointain] Celui qui est proche, qui est du pays, de la cité....

Quant il furent tuit arrivé, N'i ot estrange ne privé Qui en son cuer ne se resjoie, Et qui ne meinne feste et joie, Quant il ont passé tel fortune ; Aussi toute la gent commune Dou païs grant feste en feïrent. (Mach., P. Alex., p.1369, 110)

La demorerent tut l'yver Jesqes au mois du feverer, Tant qe tut fuist assemblée Et li lointaigne et li privée. (Héraut Chandos, Vie Prince Noir T., c.1385, 104)

...ne alever coustumes inraisonnables, car, se peuple est povre, le seigneur est mendiz, et, se besoing lui orisoit de guerre ou d'autre neccessité, il ne se sauroit de quoy aidier, dont il pourroit cheoir en grant servitute, et n'en seroit ja plaint ne d'estrangiers ne de privez. (Arras, c.1392-1393, 86)

...et avoit le roy pour l'eure fait crier une moult noble feste ou il vouloit festoyer en paix et en repos ses barons de Poictou et tous privez et estranges. (Arras, c.1392-1393, 140)

La n'ot estrange, ne privé, Qui a l'encontre ne lui viengne. (Chr. Piz., M.F., III, 1400-1403, 81)

Item, vueil que le jeune Marle Desormaiz gouverne mon change, Car de changer enviz me mesle, Pourveu que tousjours baille en change, Soit a privé ou a estrange, Pour troys escus six brectes targes, Pour deux angelotz ung grant ange, Car amans doivent estre larges. (Villon, Test. R.H., 1461-1462, 104)

S'il y a ribault qui s'embusche, Quoy qu'il soit, estrange ou privé, Et s'il y peut estre trouvé, Il ne fauldra pas a la feste, Car les espaules et la teste Je luy pourfendré jusqu'aux dens. (Myst. Pass. Troyes B., a.1482, 819)

c)[D'un diable, d'un esprit] Familier.

Ilz [les Juifs] sont plains de sortilieges et font plusieurs Crestians errer ; ilz se dient avoir dyables privés enclos lez uns en aneaux, lez aultres en pos et en aultres vesseaux et lez vendent aux Crestians pour divers pris, en faignent que ilz aient diverses vertus (Songe verg. S., t.1, 1378, 361-362)

Et certes, lez Juys ne pue[n]t mie dire que ce ne soit tres grant pechié, selon l'Encien Testament, lequel ilz gardent a la lettre, que de croyre en teulx dyables privés ne en leurs responses, ou a dyvinalles, car il est escript (...) 'nul ne doit soy aler conseillier aux dyables privés, ne aux divins' (Songe verg. S., t.1, 1378, 362)

3.[Idée de familiarité, mais avec une valeur négative] Qui ne garde pas ses distances, qui est (trop) familier.

Et la tierce temptacion si est de diable ; et de celle fai geo comparison as mouches, car ords sont et envenymés ly uns et ly autres, et si malement privez se font qe, quant aersez se sont ascune part sur les plaiez, trop sont males a enchacer (Henri Lanc., Seyntz medicines A., 1354, 210)

...ne soient trop acointables ne privees a homes que on voye frequenter souvent en leur maison se ilz ne sont leurs parens (Chr. Piz., Trois vertus W.H., c.1405, 192)

4.Qui concerne un particulier.

a)[Qualifiant personne, p. oppos. à personne publique] Personne privee / privee personne. Simple particulier.

Encore pourroit aucun dire que ce n'est pas semblable du marié et du juge es deux cas dessus diz, pour ce que le marié est personne privee et le juge est personne publique, et par ce il est plus lié et obligié a jugier selon droit que le marié n'est obligié a tenir la sentence de droit. (Oresme, E.A.C., c.1370, 318)

Et proteste le procureur du Roy d'en faire poursuite contre lesdictes gens dudict Conseil, comme privées personnes et comme coulpables de crime de lese magesté (Fauq., III, 1431-1435, 125)

Homme privé. Simple particulier.

Certes il me samble que c'est une tresgrande chose et difficile a trouver, mesmement que icelles gens ne ayment a paines nul homme privé, c'est a dire sans office, et toudis ayment tous le preteur, c'est assavoir le gouverneur de la cité ['homme... office' trad. lat. homo privatus] (Miélot, Cicéron, 1468, f° 13c)

b)Prison privee. Incarcération qui est le fait d'un simple particulier.

...et que nul, sans licence ou auctorité de justice, arrestast aucuns prisonniers ne fist prisons privées. (Fauq., I, 1417-1420, 128)

...selon lesquelz advis ledit de Bar, par cry publique et à son de trompe, fist deffendre telles manieres de roberies, prisons privées (Fauq., I, 1417-1420, 130)

B. -[Dans les relations avec les animaux (ou les plantes)]

1.[D'un animal] Apprivoisé, dompté, familier, domestique.

Et bestes privees et savaiges... (Dupin, Mélanc. L., c.1324-1340, 222)

Et pour ce qu'on dit que cremour N'est pas volentiers sans amours, Et il me crient tant comme il puet, Et croy qu'Amours a ce l'esmuet, Et si l'ay longuement au doy Peü et norri, je le doy Mieus amer c'une beste estrange ; Car volentiers fui et m'estrange Des bestes qui ne sont privées, Pour ce que condicionnées Sont de si divers esperis Qu'il y a tout pleins de peris ; Car l'une mort, l'autre esgratine, L'autre point, l'autre a mal s'encline (Mach., D. Lyon, 1342, 227)

Si fis tant que j'eus une prise Qui fu en un certein lieu prise Au conseil d'un de mes amis Et fu dedens uns oiseaus mis, Tous afaitiez et tous privez. Lors fu a bon port arrivez, Quant einsi me vi assevis A mon gré et a mon devis, Si bien comme il le couvenoit. (Mach., D. Aler., a.1349, 265)

Puis fait on venir lions privez, qu'i faicent reverance a l'empereur. (Jean Le Long, Voy. Odoric A.M., 1351, 55)

Mansuetude est dite a la semblance des bestes privees et debonnaires et signifie mansuet aussi comme acoustumé a la main. (Oresme, E.A.C., c.1370, 260)

...et un elefant de merveilleuse grandeur si s'offri a lui du tout. Et, comme tout privé et adouci, il le reçut sur son dos (Foul., Policrat. B., V, 1372, 438)

Boef mal privé qui hurte et rue... (Thomas Maillet, Prov. Alain H., c.1375-1400, 66)

...vous doiez user de cy en avant de la doctrine de la precieuse forge des deux qui par la vieille orgueilleuse sont appellez apostaz de sa forge et de vostre dignite, c'est assavoir Hieroime a tout son lyon prive et le preudomme Pierre Damiens, qui de voz grans estaz et deliz et pompes saigement deslya le lyen. (Mézières, Songe vieil pèl. C., t.1, c.1386-1389, 378)

...et puis se courent fort pour atteindre les chivalx ; et quant ils les ont atteinz, ils les frotent tres bien de leur bastons et fouetes, de les faire plus privez. Et puis s'en chivalchent à l'ostel (Man. lang. G., 1396, 78)

Les bestes privees fuyrent Aux boiz (Chr. Piz., M.F., IV, 1400-1403, 5)

...de boeufz, de moutons, de porcz privez (Percef. I, R., t.1, c.1450 [c.1340], 658)

...une tigre privee que ceulx de l'ost assaillirent pensant que fust sauvaige (La Sale, Sale D., 1451, 260)

Plaisant Follie, ma pucellete, Vous vous sarrez, soubz se abresseau. Mais quant il viendra quelque oyseau privé ou saulvage ou boucaige, Regardés de quel plumage Il est ne quel semblant il fait (Pipée R., c.1470-1480, 186)

Pour leurs peines et sallaires de mener deux serfs privez, qui avaient esté donnez audit seigneur, depuis Dreux jusques à la forestz d'Amboise (Comptes hôtel rois Fr. D.-A., 1478-1481, 392)

DIEU. (...) Les bestes privees et sauvages Seront mis hors de ton plaisir, Car tu perdras tous les usages Du bien que tu souloye choisir. (Myst. Pass. Troyes B., a.1482, 64)

Emploi substantival.

Boef mal privé qui hurte et rue Quant on l'atelle a la carue, Le harnas debrise et reverse Et les privés gaste et perverse. (Thomas Maillet, Prov. Alain H., c.1375-1400, 66)

...entre les sauvaiges les meilleurs chairs sont ceulx qui sont de bonne grandeur et de bonne grosseur, fors sans maladie. Les privés universalement sont de telles complections come les gelines et quasi d'une mesme espesse, fors que il sont de plus legier nourrissement et de plus grant excercité. (Rég. santé corps C., 1480, 70)

2.[D'une plante] Cultivé.

La rose privee a moult de feuilles et est toute rouge ou toute blanche et est de bonne odeur et un pou mordant et agu au goust (Corbechon, éd. G. Sodigné-Costes, 1372. In : Bien dire et bien aprandre 11, 1993, 396)

C. -[Dans les relations avec les choses, idée de ce qui est propre à qqn (et non pas partagé ou public) ; idée de familiarité avec la façon de faire]

1.[D'une chose ou d'un endroit]

a)[D'une chose, p. oppos. à public] Qui n'est pas public.

...aux messes privees (Jean Golein, Rational B.D., c.1370-1372, 425)

...monseigneur Loiz de France, ainsné filz du Roy nostre sire (...) desirans grandeur d'onneur de par dehors, grant despensier à ornemens de sa chappelle privée à avoir ymages grosses et grandes d'or et d'argent (Baye, II, 1411-1417, 231)

[P. oppos. au bien public] Bien privé

Mais se il avenoit que les commandemenz fussent incompassibles et que l'en n'en peüst acomplir fors un tant seulement, adonques pour ce que le bien publique est meilleur que le bien familiaire ou que le bien privé et propre, l'en devroit plus obeïr au commandement du prince que au commandement du pere (Oresme, E.A.C., c.1370, 459)

Et pour tant est tout achevé, Pour le bien publique et privé, Le premier traictié de la Somme Qui le Livre second se nomme (La Haye, P. peste, 1426, 111)

Et, com tousjours le bien publique Doit estre augmentez et premis, Et le privé darriere mis (Myst. st Adr. P., c.1450-1485, 40)

En son (propre et) privé nom. Voir nom

...donnons, aux troiz ou deux de vous, plain pouvoir de finer et composer avecques tous non nobles et gens d'eglise, qui nous doivent (...) aucune finance à cause des fiez ou choses nobles par eulx faiz et acquis, ès diz païs et ès mettes et ressors d'iceulx, de personnes nobles ou en fiefz nobles, pourveu que les gens d'eglise les aient acquises en leurs propres et privez noms, selon la juste valeur d'iceulx (Doc. Poitou G., t.6, 1397, 266)

...Guillaume du Porche, demourant à Luques, presta auxdiz arcevesque et evesques IIIc florins, lesquelx promidrent de rendre et paier à Paris en leurs personnes et privez noms dedans le mois de septembre derrain passé (Baye, I, 1400-1410, 313)

b)Qui concerne qqn en propre, personnellement.

Tu dois cognoistre vasselaige Et touz faiz privez et salvaige, Si seras prisiez et amez. (Dupin, Mélanc. L., c.1324-1340, 165)

...celi qui a a cognoistre les privees causes... (Foul., Policrat. B., V, 1372, 415)

En audience privee

Or qu'en audïence privee Soit sceu ou chascun de nous tire ! (Myst. Pass. Troyes B., a.1482, 241)

MÉDECINE Privees maladies. Menstrues.

La vayne de dessoubz la cheville du pié par dedans saigne l'on pour filz et pour apostumes qui viennent es aignez et aussi pour esmovoir les priveez maladies des femmes quant elles ne les pevent avoir en temps deu. (Le Lièvre, Traité saignée W., a.1418, 17)

Remarque : Syntagme att. ds FEW VI-1, 90b, s.v. male habitus.

c)[D'un endroit] Où le public n'est pas admis, intime, personnel.

Lieu privé. Endroit retiré, secret.

Si me mis outre la haiette Sus la fonteinne clere et nette Ou mon vis lavay et mes yeus ; Et puis je m'assis ; car li lieus Ou einsi m'estoie arrivez Me sambloit estre moult privez. Lors pris a penser durement, En moy blasmant, quant tellement De ma dame estoie partis. (Mach., R. Fort., c.1341, 31)

Quant vers li seras arrivé Poursui le tant qu'en lieu privé Lui puisses gehir ton affaire (Mir. parr., 1356, 44)

Taverniere, se Diex vous voie, En un lieu privé nous metez, Puis a boire nous aportez A bonne chiere. (Vie st Fiacre B.C.P., c.1380-1400, 32)

Chambres privees. Lieux d'aisances.

...II cloutures en tour les chambres privéez de M. Guillaume Erenbert (Comptes Archev. Rouen J., 1399-1400, 42)

2.[Idée de familiarité avec la façon de faire, à propos d'un voleur] Adroit.

Remarque : Livre Regnart S.-H., c.1460, 33.