ORPHELIN

substantif et adjectif

[T-L : orfenin ; GDC : orphelin ; DECT : orfenin ; FEW (VII, 420a) : orphanus ; TLF (XII, 653a) : orphelin]

A. -Au propre. [D'un enfant] Qui a perdu son père et sa mère (ou l'un de ses parents).

...seray je orphelin filz ? (Mir. Theod., 1357, 121)

...sa femme veve et ses enfans orpheniens (Hemricourt, Patron Temp. B., c.1360-1399, 72)

La firent mainte veofe dame Et mainte poevre enfant orphanin (Héraut Chandos, Vie Prince Noir T., c.1385, 55)

...je vous fais [Uriien] heritier de mon royaulme. Mais, pour Dieu, preingne vous pitié de mon povre enfant, orpheline, desnuee de tout conseil et confort, se vous lui failliez. (Arras, c.1392-1393, 141)

...Guillemin Byam, soubzaagé et orphelin de l'aage de XIX ans ou environ (Chancell. Henri VI, L., t.1, 1423-1426, 97)

Mais quoy que soit, le nouvel chevalier qui telle charg prend (...) il y doit entrer (...) en voullenté de soustenir nostre tressainte foy et les commandemens de sainte esglise (...) et a tout pooir garder et soustenir le droit des nobles et honnestes femmes vesves et des enffans orphelins. (La Sale, Salade, c.1442-1444, 234)

En la dicte conté nagueres avoit ung jeune filz orphenin, qui bien riche et puissant demoura puis le trespas de son pere et sa mere. (C.n.n., c.1456-1467, 131)

Les peres lairront orphelins Leurs enfans, ainsi que le treuves, Maris feront leurs femmes vuefves, Et au contraire povres femmes Leurs maris veufz pour les infames Pechez, en quoy les humains vivent. (Cene dieux, c.1492, 123)

Emploi substantival.

Je sui nourrice d'orphelins, Hostelaine de pelerins. (Guill. Digull., Pèler. vie hum. S., c.1330-1331, 273)

Les vesves et les orphenins, Tant masculins com femenins, Et les eglises dois deffendre, Et si ne dois riens dou leur prendre (Mach., C. ami, 1357, 139)

De Marie me niece (...) Feray le marïage ainchois le mois de juin. Sy se pora vanter (...) Que donné ly aray le plus noble orfenin C'aujourd'ui soit regnans par decha le marin (Hugues Capet L., c.1358, 188)

Il doivent meintenir justise Et si doivent garder l'eglise, Les orfenins, les vesves dames. Helas ! or est a euls grans blames, Que justice est vague et en fuite Et l'eglise est toute destruite ; Les vesves et les orfelins N'ont maisons ne fours ne molins (Mach., F. am., c.1361, 185)

Et se fait on les chevaliers Armez aus chams, sus leurs destriers, Quant on vuet entrer en bataille, De ceste espée qui bien taille, Pour garder raison et justise, Orphenins, vefves et l'Eglise. C'est leurs mestiers. Dieus leur doint grace, Que chascuns saintement le face. (Mach., P. Alex., p.1369, 16)

...il mist une lay que les princes qui seroient esleus eussent les cures des choses communes et des estrangez et passans et des orphenins (Oresme, Pol. Arist. M., c.1372-1374, 95)

Saint pére, dont peut ce venir Que vous me laissiez en la fin Après vous conme un orfelin ? (Mir. st Lor., 1380, 167)

Mes seigneurs, il est verité que tous ceulx qui aiment honneur et chevalerie si doivent aidier a soustenir en leur droit les vefves, dames et les orphelins et orphelines. (Arras, c.1392-1393, 149)

...dames, damoiselles, vesves et orphelins (Chr. Piz., Paix W., 1412-1413, 136)

...faictes jugement et justice, et délivrez celui qui est opprimé par force, de la main de l'imposant faulsement par péchié d'aultrui, et délivrez l'orphenin et la vesve (Monstrelet, Chron. D.-A., t.1, c.1425-1440, 338)

Car le duc Charles ne laissa pour tous heritiers que madame vostre mere, qui demoura jeune orpheline, en dangier et peril de ses ennemis, et en petite obeissance de ses subjectz, envyée et en debat de moult de princes pour l'avoir en mariage (La Marche, Mém., I, c.1470, 143)

...après la mort de ce grant et doubté duc, son pere, se trouva jeune orphenine (La Marche, Mém., I, c.1470, 154)

Thibault, comte de Champaigne, fut en ce temps, pere des orphelins et des euvres de misericorde et des pelerins. (Simon De Phares, Astrol., c.1494-1498, f° 116 v°)

...la derniere clause de ses lettres [du prince de Vendôme, malade, au roi de France] estoit celle ou semblable : 'Mon tres chier seigneur, je vous dy adieu, en vous recommandant troys choses principalles aprés ma mort. Premierement ma povre ame, ma tres bonne et loyalle famme et mes petiz enfans, lesquelz demeurent vefve et orphelins...' (La Vigne, V.N., p.1495, 312)

[Par dérision]

Item, je lessë en pitié A troys petis enffans [Colin Laurens, Girard Gossuïn et Jehan Marceau, trois vieux usuriers] tous nudz Nonmés en ce present traictié - Povres orphelins inpourveuz, Tous deschaussez, tous despourveuz, Et desnuez comme le ver (J'ordonne qu'ilz seront pourveuz, Au moins pour passer cest yver) (Villon, Lais R.H., c.1456-1457, 23)

Item, j'ay sceu en ce voyaige Que mes troys povres orphelins [trois vieux usuriers] Sont creuz et deviennent en aage Et n'ont pas testes de belins, Et qu'enffans d'icy a Salins N'a mieulx saichant leur tour d'escolle. (Villon, Test. R.H., 1461-1462, 104)

Orphelin de pere/ de mere

JEHAN. Doulce mére Dieu, que feray ? Je ne congnui onques mon pére ; Or sui jeune orfelin de méres (Mir. st J. Cris., c.1344, 265)

...or seray orphenine De la trez milleur lere (...) Qui... (Hugues Capet Lab., c.1358, 250)

...ce bon gentil homme (...) estoit orphelin de pere et de mere, jeune, et a marier (C.n.n., c.1456-1467, 331)

Orphelin sans pere/ sans mere

Et premierement elle recite comment la dicte nef a present est parvenue par heritage et droicte lignie a un jeune, roidde et volant maistre de la nef, qui est orphelin sans mere, et comment ses prochains amis, patrons de la nef, regnoient pour lui (Mézières, Songe vieil pèl. C., t.1, c.1386-1389, 553)

B. -Par extension.

1.Qui a perdu un proche, un être cher, un ami, un protecteur....

Car par moy est se gent de signeur orphenine (Hugues Capet Lab., c.1358, 151)

Et comme soit juste cause à un chascun plaindre son dueil, moy, comme femme vesve, orpheline d'amis, ay cause de douloir et plaindre cellui par lequel digne commandement j'empris ceste presente oeuvre... (Chr. Piz., Faits meurs Ch. V, S., I, 1404, 111)

Halas, chetis ! Et que feron, Quant ce malvaiz tirant Neron A fait mourir le meillieur homme Qui fust en l'empire de Romme ? Or est orphelin tout le monde. (Mart. st Pierre st Paul R., c.1430-1440, 151)

JHESUS. (...) Mes amys et freres devostz, Non relinquam vos orphanos : Orphenins pas ne demourrés ; Devant vous monter me verrés En l'arche de gloire infinye [Réf. à Jean 14, 18] . (Myst. Pass. Troyes B., a.1482, 1020)

2.[Dans un cont. relig.] Qui a perdu son guide spirituel.

Derechief, certes, se Jhesuchrist n'eust fait un vicaire en son absence il eust, aprés sa mort, laissié son Eglyse orpheline et sanz chief et ne l'eust pas bien ordenee... (Songe verg. S., t.2, 1378, 145)

Emploi substantival. Celui qui a perdu son guide spirituel.

O tres doulx et tres begnin Saint Esperit, protecteur certain et conforteur des desolez, pere des povres, tuteur des orphelins, lumiere des aveugles, conduiseur des forvoiez, joye des tristes, secours des affigiez, le vray et seul ami qui ne failliez au besoing (Gers., Pent., p.1389, 74)

Et car saint Pol n'a pas perdue ceste compassion et misericorde - pour ce [c]il est en paradis -, mais est plus parfaicte, supplions luy fyablement qu'il nous vueille nourrir et gouverne[r] comme ses propres enfans ou orphenins jusques a ce que nous soyons parcreuz et parfais en l'amour de Dieu et confermez en gloire. (Gers., P. Paul, a.1394, 508)