PRATICIEN

adjectif et substantif masculin

[T-L : praticïen ; GD : praticien ; GDC : praticien ; FEW (IX, 274b) : practice ; TLF (XIII, 986a) : praticien]

I. -Adjectif.

A. -[D'une pers.] Qui a la pratique, qui est expert en qqc..

Item, un homme ne est pas prudent pour ce seulement que il scet et cognoist que est a faire, mais est prudent par ce que il est practicien et operatif. (Oresme, E.A., c.1370, 397)

Qui a le sens pratique, qui se consacre à la pratique (p. oppos. à la spéculation).

...mais il peuent bien avoir l'un et l'autre et estre prudens et sages, speculatis et practiciens, si comme Eustrace dit de Aristote ou commencement de son escript sus cest livre (Oresme, E.A.C., c.1370, 344)

De l'entendement speculatif et practicien. (Somme abr., c.1477-1481, 90)

Qui pratique une discipline (en partic. la médecine).

Mais que dirai je des phisiciens practiciens ? (Foul., Policrat. B., II, 1372, 204)

B. -[D'une chose]

1.[P. oppos à la conception, à la décision] Qui met en pratique.

Apres, pour le gouvernement praticien en la dicte nef, il y avoit un vaillant homme, saige et expert en fait de mer et de bataille, qui avoit nom de comistre ou noclier ; lequel en paix et en guerre, en fortune et en chalme, il avoit la cure de toute la nef, voire tousjours par le commandement du patron ou patrons. (Mézières, Songe vieil pèl. C., t.1, c.1386-1389, 541)

2.Propre à être mis en pratique.

Mais quant en eult par loy practicïenne Ce qui est dit construit et abregé, Ensemble tous prindrent du roy congié Pour s'en aller a toute leur descharge Es lieux nommez executer leur charge. (La Vigne, V.N., p.1495, 142)

3.Qui est mis en pratique.

...Plusieurs dictons faitz sur nouveaux misteres, Prins et cueilliz sur les loix ancïennes ; Semblablement invencions entieres De grans sentences et parfondes matieres En fiction furent practicïennes ; Bergeronnettes, bonnes musicïennes Et pastoureaux monstrerent leurs effectz [Ou faut-il modifier la ponctuation et rapporter practicïennes 'expertes' (sens A) à Bergeronnettes ?] . (La Vigne, V.N., p.1495, 166)

C. -[D'une chose] Actif (?).

De Sainct Germain, le lundi ensuivant, Dedens Pont Corve alla la bende syenne Et le mardi la fit tirer avant Pour s'en aller coucher a Cyprienne, Petite ville assez praticïenne [Éd. : «habile en affaires, en choses pratiques»] . (La Vigne, V.N., p.1495, 269)

II. -Substantif masculin.

A. -Celui qui est versé dans la pratique de qqc., celui qui est expert en qqc..

Aucuns autres dient qu'il estoit grant praticien en geomance, qui signiffie la terre, et quant en venoit pour en disputer, il doubloit de sapience sur Herculles. (Simon De Phares, Astrol., c.1494-1498, f° 26 r°)

Albaterius de la nacion de Arabie, expert praticien ès sciences de medicine et astrologie. (Simon De Phares, Astrol., c.1494-1498, f° 93 v°)

L'EMPEREUR. (...) Le Barbarin, Sarrazin, mauldit chien, Dedens brief temps congnoistra ma fureur De se cuyder si grant praticïen : Il n'est c'un roy et je suis empereur. (La Vigne, S.M., 1496, 236)

Portez ennuys, parfaitz Practiciens (La Vigne, Compl. roy Bazoche M.R., 1501, 395)

B. -En particulier. Celui qui est versé dans la pratique juridique, homme de loi.

Item, se aucuns sunt sans grande industrie et qui ne sunt mont eloquens ne grans praticiens, mes qu'il soient excellens en bonté et en preudommie, il est expedient qu'il soient as conseulz (Oresme, Pol. Arist. M., c.1372-1374, 329)

Aultres qui sont praticiens, Mettent leurs filz a Orliens, Pour aler aprandre les drois (Desch., M.M., c.1385-1403, 72)

...et, en cas de refus, soient contrains les officiers royaulx et autres qui ont gouverné les finances, et praticiens, soient clers ou laiz, par privacion de leurs offices et pratiques (Fauq., I, 1417-1420, 22)

Ce jour, la Court a enjoint et commandé aux advocas, procureurs et praticiens de la Court qu'il soient chascun jour non ferial, ceans à IIJ heures après midy. (Fauq., II, 1421-1430, 160)

...raençonner et destrousser toutes manieres de gens qu'ilz ont trouvé sur les champs et ailleurs, tant gens d'eglise que nobles, praticiens et autres, de quelque estat ou condiction qu'ilz feussent (Doc. Poitou G., t.8, 1446, 293)

...maistre François Ferrebourg, praticien en court d'eglise (Comptes Paris V.L.D., t.1, 1450-1451, 742)

...nous avons esté informez que ladite refformacion est et sera au desplaisir de pluseurs advocaz et praticiens en court laye, qui par le moyen d'icelle doubteront perdre grant partie de leurs pratiques et prouffiz particuliers (Roi René vie L., 1460, 292)

Après y estoient tous les praticiens et officiers du Chastellet de Paris en bien belle et grosse compaignie. (Roye, Chron. scand., I, 1460-1483, 195)

Parleray je de gens de court Ou praticiens en court laye ? Assez bien contrefont le sourt Qui ne leur aporte monnoye. (S. fol, c.1480-1490, 7)

Semblablement jeunes practicïens, Baillifz, prevostz et autres potestatz, Pour recueillir le roy et tous les siens Mirent avant leurs tres riches estatz. (La Vigne, V.N., p.1495, 200)

Remarque : TARDIF, Facéties Pogge D.H.-P., c.1490, 52/4.

[En appos.] Avocat praticien. Avocat en exercice, en activité.

Ce jour, maistre Guillaume Barthelemi, par avant advocat praticien ou Chastellet de Paris, a esté receu en l'office de procureur general du Roy (Fauq., II, 1421-1430, 39)

C. -Médecin.

Tous ceulx qui sont praticïens Sont tous lïez de mes lÿens. (Renart contref. R.L., t.1, 1328-1342, 53)

Mais quant aucuns phisiscïens Ou aucuns des praticïens Font pour malades chirop faire, Et pour sa garison attraire, Le derrain mot si fenira Tout en çucre le confira, Ainsiques l'escript le devise Que tout en chucre le confise. (Renart contref. R.L., t.2, 1328-1342, 45)

Et s'on sent son corps empirer, Aler fault aux praticiens, Qui soient bons phisiciens, Pour seignier ou pour vantouser Ou pour medecine donner. (Desch., Oeuvres R., t.8, c.1370-1407, 346)