CHIRURGIEN

substantif masculin

[T-L : cirurgiien ; GDC : chirurgien ; AND : cirurgien ; FEW (II-1, 641) : chirurgia ; TLF (V, 731a) : chirurgien]

Celui qui est spécialisé dans la chirurgie, chirurgien.

Il n'est nul qui m'en garisist, Ce m'ont dit les cirurgiens (Mir. emper. Romme, 1369, 297)

Et se un cirurgien fendoit ou trenchoit aucun membre pour garir .I. homme et il le occioit et se aucun vouloit monstrer a un autre comment champions se doivent combatre, et en ce faisant, il le ferist par quoy il le bleçast malement contre son entencion. (Oresme, E.A., c.1370, 182)

Le mardi ensuïant, XXIJe jour dudit moiz, l'an dessus dit, fu rapporté à maistres Jehan Truquam, lieutenant dudit mons. le prevost, par maistres Jehan Le Conte, cirurgien juré du roy nostre sire, que ledit jour au matin, icellui Rotisseur estoit alez de vie à trespassement, par les navreures qui faites lui avoient esté lundi darrenierement passé au soir. (Reg. crim. Chât., I, 1389-1392, 255)

...et eulx, par le rapport de maistre Jaques Saquespée, medecin, maistres Jehan de Troyes et Gilet Desoubzlefour, cirurgiens jurez, ont trouvé que ledit prisonnier estoit très foible et entachié d'une espiece de melencolie (Baye, I, 1400-1410, 294)

À maistre Jehan de Poligny, cireurgien de mondit seigneur, la somme de quarante frans que mondit seigneur lui a donnez et ordonné estre bailliez pour certaines drogueries (Comptes Etat bourg. M.F., t.1, 1419, 53)

Baudet de Limon, povre homme cirurgien, (...) lequel suppliant et Jehan Sauvage, cousturier, (...) en la compagnie de plusieurs marchans des parties de Bernay (Chron. Mt-St-Mich. L., t.1, Pièces div., 1425, 216)

Quant Madame refut atournee et que toutes eurent assez plouré et que damp Abbés fut desarmé, fut le serurgien mandé. (La Sale, J.S., 1456, 299)

Et, le lendemain dudit assault, environ le point du jour, fut derechef envoyé par ledit sire Denis Hesselin, prevost des marchans, audit lieu de Beauvais grant quantité de traict à arbalestre et des cordes pour y servir, des pouldres à canon et coulevrine, et des cirurgiens pour penser et guerir les navrez. (Roye, Chron. scand., I, 1460-1483, 277)

La jambe fut visitée des siurgiens qui donnèrent en conseil de le coper. (Molinet, Chron. D.J., t.1, 1474-1506, 556)

Les condicions qui sont requises au cirurgien sont quatre : la premiere est que il soit lettré, la seconde que il soit expert, la tierce que il soit ingenieux, et la quarte que il soit bien moriginé. (Panis, Guidon, 1478, chap. sing.)

Aussi appert que il convient le cirurgien en ouvrant artificiellement sçavoir les commancemans de medicine et avec ce est convenable que il sache aulcun peu des aultres ars. (Panis, Guidon, 1478, chap. sing.)

Mais le cirurgien est ouvrier de la santé du corps humain (Panis, Guidon, 1478, tr.I, doct.1, chap.1)

Car ainsi comme l'aveugle qui tranche le boys souvent ou toujours erre en tranchant (...) ainsi fait le cirurgien semblablement quant il ne scet l'anathomie. (Panis, Guidon, 1478, tr.I, doct.1, chap.1)

Les cirurgiens qui ne congnoissent l'anathomie errent plusieurs foys es incisions des nerfz et des colligacions. (Panis, Guidon, 1478, tr.I, doct.1, chap.1)

Berthelemy le Flameng, l'un des meilleurs cirurgiens de ce temps, lequel avecque les experiences de son art fut très entendu en la science de astrologie (Simon De Phares, Astrol., c.1494-1498, f° 104 v°)

Guidon de Caillac, François du païs d'Auvergne, souverain sirurgien et assez souffisant astrologien, stipendié et bien apprecié du pappe Clement VIe, resident en Avignon. (Simon De Phares, Astrol., c.1494-1498, f° 137 r°)

Chirurgien de rompture et de taille. Chirurgien spécialisé dans les réductions de fracture et l'extraction des calculs formés dans la vessie.

...Jehan Merlin, cirrurgien de rompture et de taille (Ch. VI, D., t.2, 1381, 153)

[P. oppos. au mire, medecin, physicien, barbier]

D'avocas, de phisiciens, De cirurgiens, de mareschaulx Gardez vos corps, gardez voz biens, Car ilz tuent gens et chevaulx (Desch., Oeuvres R., t.7, c.1370-1407, 247)

Nous n'entendons, ne n'est pas pourtant, ne n'est pas pourtant entendu, que iceulx Barbiers ayent par ce, l'autorité et condicion desdicts Cirurgiens jurez ; pour ce que ceste maniere pour estanchier, ne leur est soufferte ou attribuée, fors pour éminente nécessité (Ordonn. rois Fr. B., t.14, 1453, 283)

...il n'y a medicin ne cyrurgien en Paris qui n'ait veu mon cas. (C.n.n., c.1456-1467, 535)

Et jusques a luy [Avicenne], estoient les phiziciens cyrurgiens. Mais depuis (...) cirurgie fut separee et delaissee entre les mains des mecanicques. (Panis, Guidon, 1478, chap. sing.)

Et ceste chose [les complexions des membres] est la grant mer en laquelle n'apartient point au cirurgien nager car convenable chose est au meige recepvoir la complexion d'iceulx membres du philozophe naturel. (Panis, Guidon, 1478, tr.I, doct.1, chap.1)

...necessaires choses est aux meiges, especiallement aux cirurgiens, savoir l'anathomie. (Panis, Guidon, 1478, tr.I, doct.1, chap.1)

Il est necessaire et moult prouffitable souventefoys aux meiges, especiallement aux cirurgiens, qui saichent trouver et composer et aussi administrer les aides des maladies pource que plusieursfois les convient ouvrer en lieux esquieulx l'en ne trouve nulz appoticaires ou se l'en les y treuve, ilz ne sont pas soufficiens ne garniz de toutes choses. (Panis, Guidon, 1478, tr.VII, doct.1, chap.4)

[P. oppos. à d'autres qui ne connaissent ni la médecine, ni la chirurgie, et qui interviennent auprès de malades]

Et pour ce que soubs les abbus d'aucuns comme triacleurs, drameurs, inciseurs, et autres non connoissans ladicte science de cirurgie, moult de simples personnes ont esté et sont souvent déceuz est ordonné que tel triacleur, drameur, inciseur de pierre (...) ne pourront faire incision sans le congié de justice, et que en leur compaignie ait un ou deux desdicts Cirurgiens, appellé des Apoticaires, sur peine de prison (Ordonn. rois Fr. B., t.14, 1453, 283)

[Appréciations bonnes ou mauvaises sur les chirurgiens]

Plusieurs se font serorgiens Qui n'y scevent mettre les mains ; (...) Par malvais serorgiens Muert ung hons de petite plaie. (Dupin, Mélanc. L., c.1324-1340, 73)

Car de son mal bien garira, Les bons cirurgiens querra (Renart contref. R.L., t.1, 1328-1342, 34)

D'avocas, de phisiciens, De cirurgiens, de mareschaulx Gardez vos corps, gardez voz biens, Car ilz tuent gens et chevaulx (Desch., Oeuvres R., t.7, c.1370-1407, 247)

Medecins et cirurgiens, Et gens saiges de tous estas. (Myst. Viel test. R., t.3, c.1450, 36)

Remarque : Sur les limites (très floues) entre l'activité du médecin et celle du chirurgien, cf. Ch. Thorn, Z. fr. Spr. Lit. 55, 1931-1932, 150, 262.

Voir aussi surgien