OBEISSANCE

substantif féminin

[T-L : obëissance ; GD : obeissance ; FEW (VII, 277a) : oboedire ; TLF (XII, 330a) : obéissance]

A. -Fait d'obéir.

1.Fait d'obéir, de se soumettre, soumission.

Je pensay en secret recoy, Selonc contrainte oubeïssance, Entremeslée de doubtance, Que s'il muoit de son plumage, Qu'il ne muast de son corage Et qu'il ne fust plus dongereus Que devant, et meins amoureus. (Mach., D. Aler., a.1349, 282)

Et pour ce que ou chapitre precedent fu faite question de obeïssance au pere et au medecin ou au maistre d'un ost, et aussi pour ce que obeïr est faire honeur, aucuns font ici questions de teles choses. (Oresme, E.A.C., c.1370, 459)

Se loyautés a vertus ne puissance Ne bien amer ne celer sagement N'amer de cuer, en pure obeissance Ne redoubter n'endurer humblement, Bien me devroit venir aligement, Car par ces sept ay ma dame servie Et serviray tous les jours de ma vie. Mais tant ne puis envers li desservir Qu'a son ami me vueille retenir. (Mach., L. dames, 1377, 116)

Et si liement recueil Adès, plus que je ne sueil, Que par souffrir les fleurs cueil Dont j'espoir estre garis : C'est bonne esperance, C'est obeissance, C'est douce plaisence, C'est jolie pacience, C'est deduis, se Diex me gart, C'est douce aligence, C'est ma souffisance, C'est la congnoissance De la tres noble puissance D'amour fine et de son art. (Mach., Les lays, 1377, 390)

NOSTRE DAME. Secretain, pour ce que je voy Que vouloir as d'obeissance, Je t'en vueil donner congnoissance (Mir. st Alexis, 1382, 339)

...Qu'adez [Griseldis] amende en souverain Maintieng, et en obeïssance, Comme s'onques n'eust desplaisance Eü puis que fu espousee. (Gris., 1395, 70)

...bonnement il ne pooient ce faire sans le conmandement de lor souverain, c'est a entendre dou roi d'Alemagne auquel devoient toute obeisance. (Froiss., Chron. D., p.1400, 289)

Ja Dieu ne veuille, sire, que par une telle maniere ou par autre, de trop grans demandeurs vous chargiez tant vostre bon peuple povre sans evidente et juste necessité, que tout se doye rompre, et que pour amour viengne hayne, pour obeissance rebellion, pour oroisons devotes maudissons huchans a Dieu vengence ! (Gers., Noël, p.1404, 314)

...ilz font traïson a celle a qui ilz monstrent bel semblant et obeissance (Chr. Piz., Trois vertus W.H., c.1405, 145)

...un des souverains biens est obeissance et au contraire desobeissance à son prince et souverain seigneur est très grant mal. (Fauq., I, 1417-1420, 31)

Marius, consulle des Rommains, (...) pour savoir la foy, loyaulté et obeïssance de pluiseurs de ceulz de Galles qui estoient en son ost, leur envoya lettres (La Sale, Salade, c.1442-1444, 49)

Vous nous debvez obeissance (Feste roys, c.1475-1500, 309)

Faire obeissance à qqn. Se soumettre à qqn, faire acte de soumission à qqn.

Or t'ay je dont tout descouvert, Que je ne t'y ay riens couvert, De ceuls que vois en ma presence, Qui tuit me font obeïssance, Les noms, la force, le servise, Et si t'ay dit toute la guise De moy, et comment li amis Est de joie par moy saisis. (Mach., D. verg., a.1340, 49)

Amis, dessous le firmament N'a creature qui t'eschape, Tant ait cours draps ne longue chape. Tuit congnoissent ta grant puissance Et tuit te font oubeïssance. Vesla Pluto, le dieu d'enfer, Qu'est plus dur et plus noir que fer. Moustre li ce que tu sces faire, Car il est de si put affaire Que signeur ne te vuet clamer. (Mach., C. ami, 1357, 85)

...L'enfant a li faisant obeissance Conme vraiz filz a sa mére et amie (Mir. chan., c.1361, 183)

La li firent obeissance Tuit et toutes, et reverence, Et je aussi li fis brief et court. Chascuns d'eulz ala a sa court (Mach., Voir, 1364, 474)

Li sains peres l'envoia querre Et il vint à li sans enquerre Qu'il li voloit, que oubeissance Li faisoit et grant reverence. Li papes par la main le prist, Et lez li doucement l'assist (Mach., P. Alex., p.1369, 236)

Pour ce li miens cure Qui de Nature est formés, Et obeissance assés Vuet faire à Nature Et à celle qui m'a point De male pointure, Puis que n'a de pité point Dou mal que j'endure (Mach., Motés, 1377, 485)

Moult furent les IIJ. freres fiers et escoux et orguilleux, et vouloient suppediter tous leurs voisins et estre seigneurs de tous. Gieffroy envoya devers les freres, en disant comment ilz venissent faire obeissance a Remond son pere. Et ceulx dirent au messaige : Pour Remond ne pour homme de par lui, ne feroient ilz rien, et qu'il n'y retournast plus, car il feroit que folz. (Arras, c.1392-1393, 198)

...les maistres, procureur et escoliers et chappellains du college de Dormans (...) sont venus ceans et ont fait reverence et obeyssance à ycelle Court en suppliant qu'elle les ait pour recommendez (Baye, I, 1400-1410, 142)

...la somme de cent frans en deniers paiez à maistre Jehan Mercier et à Jehan Bertault pour voyaiges et autres fraiz par eulx faiz pour entretenir l'obeissance faite au roy et à mondit seigneur par les habitans de Mascon (Comptes Etat bourg. M.F., t.2, 1418, 70)

...aprez ce qu'ilz nous ont fait l'obeissance du dit pays et aussy de la dicte ville d'Arras, es mains de noz commis et depputéz et que puis, en demonstrant par effect plus grant et effectuelle obeissance, nous ont apporté et baillié entre noz mains les clefz de la dicte ville d'Arras (Hist. dr. munic. E., t.1, 1477, 427)

LE SOUBDAN. Beaux chevaliers, a petit de langaige Dedens voz cueurs prenez resjoyssance, Car nostre roy plain de grant vassellaige Je voy venir avecques sa puissance. LE CONNESTABLE. Allons luy donc faire l'obeÿssance Qu'il luy affiert, sans aulcun desarroy. (La Vigne, S.M., 1496, 234)

L'EMPEREUR. (...) Tous les roys m'ont fait obeissance Sinon luy ; j'en suis mal content (Myst. st Laur. S.W., 1499, 127)

Toutesfois, si ledit seigneur de Barbazan ou autres se tirent devers vous, et qu'il facent que la possession de Lestore et de toutes les autres places de par delà vous soient royallement baillées, et qu'il facent au surplus entiere obeyssance, en ce cas et non autrement, pour soupporter le povre peuple, et afin qu'ilz puissent mieulx payer les tailles, je suis content que l'armée n'entre point audit pays et que vous les supportés de charge au mieulx que faire se pourra. (Le Clerc, Interp. Roye, c.1502, 235)

...et sont venus les consulz devers moy, ont apporté les clefz et ont fait toute obeissance. (Le Clerc, Interp. Roye, c.1502, 237)

Porter obeissance à qqn

Car en m'enfance Me feïs loiaument amer, Et les biens de toy desirer, ... Et si doucement savourer Qu'en vraie foy te vueil porter Obeïssance. (Mach., R. Fort., c.1341, 119)

Venir à obeissance

Et lors a ses grans os mandé, Et si bien les sot pourvëoir Que la ville vint assëoir ; Et la fist tant qu'en sa presence Vinrent tuit a obeÿssance. (Mach., Voir, 1364, 440)

2.En particulier.

a)DROIT FÉODAL Hommage du vassal qui promet sous serment à son seigneur de lui être fidèle et de le servir.

[Pierre est arrêté en mer et ramené au roi son père] Biau fils, or enten à mon dit, Tu es mes fils et fui tes peres : Or m'est avis que tu te peres De faire contre mon voloir, Mais le cuer t'en feray doloir. Tu me dois toute oubeissance, Foy, pais, honneur et reverence, Et tu t'en vas sans congié prendre ? Au ciel cuides la grue prendre, Quant tu vas en estrange terre, Et ne scez que tu y vas querre. (Mach., P. Alex., p.1369, 18)

[Le pape engage le roi à reprendre les négociations de paix avec le sultan] Li roys respondi : 'Je le vueil, Car je sui seins de tele corde Que quan qu'il vous plaist je l'acorde, Et tout vostre voloir feray, En tous cas, tant com vis seray ; Car je vous doy oubeissance, Foy, pais, honneur et reverence.' (Mach., P. Alex., p.1369, 221)

...si le seigneur succombe envers son subgit ès cas dessusdiz, il pert l'obéissance de son homme (Cout. instit. Anjou Maine B.-B., t.1, 1411, 452)

Acte de soumission (d'une ville, d'une région...) à celui qui détient le pouvoir.

À mon très chier et redoubté seigneur, monseigneur le bailli de Vitry ou son lieutenant, commissaire du Roy nostre sire en ceste partie, Gerard Chardet, sergent d'icellui seigneur en la prevosté de Sainte Manehoult et le vostre, honneur, service et reverence avec toutes les obeissances en voz commendemens (Trés. Reth. L., t.4, 1413, 344)

Pour laquelle cause, Sigimont conte de Hohemberg, Sigmont de Stoeffee, Erard de Neuverouche, bailli dudit conté de Montbelliart et Wolffen de Nunhusen, eulx disans et portans conseilliers et officiers de nobles seigneurs, Loys et Horrich, contes de Wiertemberg et dudit Montbelliart, freres, et eulx disans avoir puissance de par eulx sont venuz par devers nous, en nous humblement requerant qu'il nous pleust à prendre liberallement l'obbeissance des dits villes et chastel de Montbeliart (Ecorch. Ch. VII, T., 1444, 8-9)

JUPITER. Mes enfans, fayte feste grande, Car nous aurons obeïssance Tantost des parties de France ; Chascung se rendra en ma grace. (Myst. st Bern. Menth. L., c.1450, 43)

Par métonymie. Devoir, service féodal.

...pour lesdites cent livres de rente, ledit conte de Vendosme ne sera tenu de les prendre en lieu de l'obaissance deu su yceulx synon estaigies pour doze deniers en non estaigies pour seix deniers. (Cartul. Laval B., t.5, 1433, 75)

...en ce que touche l'obbéissance lige du Boy Geffroy. Il y a cleins et enquestes appointées es advouz du procureur de Rennes (Cartul. Laval B., t.3, 1452, 145)

b)[Au Pape] Reconnaissance officielle de l'autorité du pape par un souverain.

...messire Simon de Lalaing [ambassadeur du duc de Bourgogne] devoit aller porter obeÿssance a nostre Saint Pere le pape Pius, comme son accointe et afin a cause d'Allemange ou s'estoient entreveus ensamble aultreffois (Chastell., Chron. IV, D., c.1461-1472, 171)

Si comparurent a court a l'heure que nostre Saint Pere les manda, et fit la proposition bien solempnele l'evesque d'Aras, ensamble aussi l'obeïssance que ces deux nobles chevaliers [ambassadeurs du duc de Bourgogne] representoient, laquele fut aggreable et bien joyeusement receue de nostre Saint Pere, qui moult recommandoit la personne du prince leur maistre, comme qui bien le cognoissoit. (Chastell., Chron. IV, D., c.1461-1472, 219)

Remarque : S'inscrit dans le contexte d'une époque de remise en cause de l'autorité pontificale par la doctrine de la supériorité du concile sur le pape et par le développement de tendances nationales au sein de l'Église, en particulier en France (cf. J. Favier, Dict. de la Fr. médiév., 1993, 299-300, s.v. concile). Le duc de Bourgogne, Philippe le Bon, reste fidèle au pape (cf. F. Lot, R. Fawtier, Hist. des instit. fr. au Moy. Âge, t. 3, 1962, 463).

c)Soumission à l'un ou l'autre pape durant le schisme.

...et outre persuaderent lesdiz messages ou ambassadeurs à la Court qu'elle voulsist conseiller le Roy de rendre l'obeissance à nostre Saint Pere le pape Benedic XIIIe, qui lui avoit esté ostée en France par la sustraction à lui faicte (Baye, I, 1400-1410, 31)

...sur ce qu'avoient proposé aucuns legas du royaume de Castelle sur la restitution de l'obeyssance soubstraicte à Benedic, derrainement esleu en pape (Baye, I, 1400-1410, 57)

Et que après la conclusion de l'assemblée des princes et prélas des deux obéissances qui au plésir de Dieu se fera, dont en sesdictes responses est faicte mencion ; ledit Boniface ne puisse faire aucun trouble ne empeschement à la paix et union de l'Église (Ch. VI, D., t.1, 1401, 206)

...le jour precedent on avoit approuvé ladicte election et donné obeissance au Pape. (Fauq., I, 1417-1420, 116)

3.Par métonymie. Manifestation d'obéissance.

...Et tant de courroux lui [à Griseldis] [le marquis] offri Qu'onques femme tant n'en souffri Qui si bien s'en sceust deporter, Car d'obeïssance porter A son seigneur en tous endrois Vint, ainsi comme ce fu drois, En l'estat de perfectïon A tresgrant consolacïon (Gris., 1395, 2)

Trouvant le Pappe sur les champs, subitement descendit de son destrier et se getta a ses piez pour lui faire honneur et obeïssance telle que a Pappe appartenoit. (La Sale, Salade, c.1442-1444, 169)

B. -Fait de se faire obéir.

1.Fait de se faire obéir, autorité, pouvoir, domination.

...vous mandons et commettons, de grace especial, que tous ceulz qui vouldront retourner et demourer à nostre obeissance, vous y recevez de par nous et en nostre main, et leur pardonnons toutes leurs malefaçons et toutte poinne criminelle et civile qu'il ont encouru par les causes dessus dites (Doc. Poitou G., t.3, 1351, 45)

...Jehan, son mari, nostre rebelle, adherent et de l'obéissance de noz dis annemis (Doc. Poitou G., t.4, 1369, 8)

...lesquelles nouvelletez et entreprises la Court met au neant et exempte lesdis habitans de Nuefchastel et leurs successeurs, d'ores en avant à tousjours mais, de la jurisdiction, obeissance et subjection dudit duc de Lorreinne et de ses successeurs (Baye, II, 1411-1417, 77)

... [Jean Juvénal des Ursins au roi :] il en y a pou en l'obeissance du party contraire qui aient terre hors des marches qui doyvent demourer a vosdis ennemis (Juv. Urs., Loquar, 1440, 423)

À Mre Fouques Guillet, prestre, commis par monseigneur l'evesque de Paris à desservir et gouverner la chapelle Monseigneur Saint Loys fondée en l'eglise Saint Jehan en Greve, en l'absence de Mre Lucas Lesueur, prestre chappelain d'icelle chappelle, à present absent en l'obeissance des Anglois (Comptes Paris V.L.D., t.1, 1440-1441, 216)

OFFICIAL. Il convient, sans plus de sejour, Pater Sancte, vous consacrer Pour le peuple d'icy autour En vostre obeÿssance ancrer. (La Vigne, S.M., 1496, 417)

Et aussi sur le prix d'une queue de vin [ou] de quelque marchandise que ce soit qui seroit amenée desditz pays dudit duc de Bourgoigne ou royaulme et pays de l'obéissance du roy ou qui seroit traicte hors du royaulme et obéyssance du roy et menée esdits pays du duc de Bourgoigne, ung escu d'or sur chascune queue de vin (Le Clerc, Interp. Roye, c.1502, 338)

Avoir obeissance sur qqn. Avoir autorité sur qqn.

...il luy souffissoit de avoir obeÿssance sur ceulx qui avoient les tresors. (La Sale, Sale D., 1451, 193)

Avoir qqn en son obeissance. Commander à qqn.

Merigot Marchez, auquel, par ledit mons. le prevost, fu dit et commandé que de sa vie, estat, gouvernement, maintieng, acointances, aliances, feaultez et promesses qu'il avoit faites, tant aus François et aucuns François à lui, s'aucuns en savoit, comme Engleiz qu'il avoit en son obeissance, et des machinacions que faites avoient contre le bien, honneur et estat du roy nostre sire (...) il deist la vraye verité (Reg. crim. Chât., II, 1389-1392, 183)

Estre de/en l'obeissance de qqn. Être soumis au pouvoir de qqn.

J'ay seur tous cuers humeins puissance ; Il sont tuit en m'obeïssance ; Je les donne, vueil haut, vueil bas, Sans garder raison ne compas. Il ne pueent riens contredire Que je vueille faire ne dire. (Mach., D. verg., a.1340, 23)

...le roy ( ...) ne pouvoit faire nul exploit que de retourner sus Londres et monstrer puissance et tant faire, par belles parolles ou aultrement, que les Londriens fussent de son accord et obeissance (Froiss., Chron. M., XIV, c.1375-1400, 50)

- Voz gens... s'esparderont sus les villes et chastiaulx qui sont en vostre obeyssance, et passeront le temps au mieulx que ilz pourront. (Froiss., Chron. M., XIV, c.1375-1400, 97)

...lequel fort de Moustiers estoit en l'obeissance du roy nostre sire au temps que par ycellui Testenoire, sondit maistre et lui qui parle fu prins et mis en la subjeccion dudit Testenoire (Reg. crim. Chât., I, 1389-1392, 24)

LE DUC DE BOURGOIGNE. (...) Et se de ce sont reffusant, Tu publiras a haulte vois Que sans delay incontinant, Vides hors de l'oust des Englois Tous mes subjectz et mes convois Qui sont de mon obeissance, Sans plus guerroyer les François, Ne faire aucune violence. (Myst. siège Orléans H., c.1480-1500, 363)

LE ROY. (...) De Jargueau je suis tres joyeux Qu'i soit en nostre obeissance (Myst. siège Orléans H., c.1480-1500, 587)

Et à ceste cause je partiray demain d'icy, au plaisir de Dieu, passeray la riviere et iray loger en l'Isle Jourdain, qui est à present en vostre obeissance (Le Clerc, Interp. Roye, c.1502, 237)

Mettre/remettre qqn/qqc. en l'obeissance de qqn. Mettre ou remettre qqc. sous la dépendance, sous l'autorité de qqn.

...il, en obeissant aus criz et ordonnances sur ce faites, se parti et vuida de toutes les forteresses qu'il tenoit et occupoit oudit pays, et les mist en l'obeissance du roy de France (Reg. crim. Chât., II, 1389-1392, 199)

...que tous ceulx qui à ce vouldroient résister seroient mis à leur obéissance [des Bourguignons] (Ch. VI, D., t.1, 1417, 396)

...devant la ville de Meleun, laquelle avoit esté reduite et remise en la puissance et obeissance du Roy de France (Fauq., I, 1417-1420, 389)

Or ça, sire, pour le tresgrand bien, honneur et courtoisie que j'ay oy et veu de vous, j'ay esté contente mectre en vostre obeissance et joissance la rien que plus en ce monde doy cher tenir. (C.n.n., c.1456-1467, 122)

Vous avez veu que, par sa guerre, Il [le roi d'Angleterre] a toute France soubz mis, Et (si) en a du tout desmis Charles, soy disant roy de France, Et sa grant ville de Paris L'a mise en son obeissance. (Myst. siège Orléans H., c.1480-1500, 115)

Et pareillement en ce temps la ville et chastel de Sevrac furent rendus et mys en l'obeissance du roy par composition faicte par Mons. l'admiral Loys, bastard de Bourbon, estant soubz la charge dudit grant maistre, avec les cappitaines, gens de guerre, manans et habitans de laditte ville et chastel (Le Clerc, Interp. Roye, c.1502, 237)

Se mettre en l'obeissance de

Qant li chevaliers qui dedens estoit, vei que point li Englois ne se departiroient point de la, ne se cesseroient de lors assaus, et que secours ne li apparoit de nul costé, si tretia deviers le conte Derbi. Trettiés se porta que il se mist, et toute sa terre, en l'obeisance dou roi d'Engleterre, et jura a demorer homs et feauls au dit roi. (FROISS., Chron. D., p.1400, 624).Si se tint le duc de Lancastre à Bayonne ung long temps et sejournerent grandement, et se gouvernoit et estoffoit des revenues de Baiennois et de Bourdelois et de la terre d'Acquitaines, de ce qui estoit en l'obeissance du roy Richard d'Angleterre, car il avoit commission de prendre, lever et recepvoir (Froiss., Chron. M., XIV, c.1375-1400, 134)

Sire, il vous a pleu m'escrire par unes autres lettres, j'en ay parlé à Mons. de Lebret plusieurs foiz par avant et depuis voz lettres receues ; mez il m'a tousjours dit qu'il y a fait le mieulx qu'il a peu, et qu'il vouldroit que le feu fust en la ville et ou païs puisqu'ils ne se veullent mettre en vostre obéissance. (Le Clerc, Interp. Roye, c.1502, 363)

Se partir de l'obeissance de qqn. Quitter l'autorité de qqn.

Lequel le Monnier, en obtemperant a la voulenté ou commandement de sondit maistre, sans le congié, licence ou auctorité de nous ou nostre justice, par temptacion d'ennemi et pour la paour des Anglois qui le menaçoient, se parti, le jour de la Trinité derrenierement passé ou environ, de nostredicte obeissance (Chancell. Henri VI, L., t.1, 1424, 157)

Reduire qqn en l'obeissance de qqn

...pour reduire à nostre obeyssance aucuns de ceulx de nostre sang et linage (Baye, II, 1411-1417, 79)

Et combien que les ennemis, voyans les duretés et tirannies que nous faisoient [à nous, les habitans de la cité de Beauvais] les dessusdis [des gens de guerre qui se dient estre au roy] [,] par divers moyens ont fait plusieurs entreprinses sur ceste cité, et par parolles deceptives les ont cuidé reduire a leur obeissance... (Juv. Urs., Prop. I, c.1438, 290-291)

Et se d'avanture, aucunes des places d'icellui pays estoient prinses ou occupées par aucuns noz rebelles ou désobéissans ou autres, ou saucuns faisoient rebellions ou désobéissances à nous et à nostre justice et officiers illec de prandre, mectre et réduire en nostre obéissance toutes les places (Archives servit. Louis XI, T., 1477, 112)

Audit temps, le duc de Bourgoigne envoya son herault d'armes, nommé Flandres, par devers les manans et habitans de la ville d'Amyens pour le(s) reduire à luy et son obeÿssance, et leur envoya les lettres dont la teneur s'ensuit: ... (Le Clerc, Interp. Roye, c.1502, 265)

Rendre qqn en l'obeissance de qqn

...vostre grand ratelée (...) me baille a cognoistre (...) que j'ay trop tost adjousté foy a voz semblans et decevables parolles, et qu'elles m'ont conclud et rendue en vostre obeissance ; vous en tenez a present trop mains de bien de moy. (C.n.n., c.1456-1467, 235)

Se rendre en l'obeissance de qqn

...lequel prenostica de la bataille qui fut à Rosebecq contre les Flagmens, où il en fut occiz environ XXVm, et fut cause que ceulx de Bruges se vindrent rendre en l'obeïssance du roy. (Simon De Phares, Astrol., c.1494-1498, f° 145 v°)

S'en retourner en l'obeissance de qqn. Revenir en la dépendance de qqn.

...il eust tenu le parti de celui à qui il feust venu et escheu, jà soit ce que tousjours il qui parle eust esperance de s'en retourner en l'obeissance du roy nostredit seigneur. (Reg. crim. Chât., II, 1389-1392, 189)

Soumettre qqn en l'obeissance de qqn

Et quant les gens percoivent la fierté de son visaige, si dient : Cilz homs est dignes de soubzmettre tout le monde en son obeissance. Par foy, dient ly autre, il le monstre bien, car il est entré en ceste cité comme se il l'eust conquise. En nom Dieu, dient les autres, la rescousse du dangier dont il nous a ostez vault assez conqueste. (Arras, c.1392-1393, 117)

Soiez doulz et debonnaire a voz subgiez, et a voz ennemis fiers et crueulx, tant que ilz soient soubzmis en vostre obeissance, se par force le fault faire. (Arras, c.1392-1393, 153)

Ad ce propos, dit Policrates le philozophe, que les Rommains, ou temps de leur prosperité, avoient la science de astrologie en si grande estimacion et usage que au moïen d'icelle ilz ont soubzmis en leur dominacion et obeissance forment tout le monde (Simon De Phares, Astrol., c.1494-1498, f° 7 v°)

[Cont. métaph.] Tenir en obeissance

Ceste vertus par ton ordonnance l'eust gouverné tellement, et tous ceulz qui l'eussent eue et gardee, que l'ame eust tenu paisiblement en subjection et obeissance la char, les membres et les sens corporelz, sans point rebeller ou desobeyr en riens a ce que Raison la saige eust deliberé (Gers., Concept., 1401, 397)

Venir en l'obeissance de qqn

De ces nouvelles fu la dame toute desconfortee, et vei bien que rendre le couvenoit et venir en l'obeissance dou roy de France (Froiss., Chron. R., VIII, c.1375-1400, 69)

2.En particulier.

a)Autorité du Pape.

...parce que aucuns s'estoient trop legierement determinez à l'obeissance d'aucuns qui se disoient avoir esté esleuz en Pape (Fauq., I, 1417-1420, 61)

b)Pouvoir de la dame aimée.

Et puis qu'Amours vuet que de sentement Je soie amis pleins de bonne esperence, Vueilliés m'amer aussi parfaitement Com je vous aim : si ferés grant vaillance ; Car j'ay tout mis en vostre obeissance, Mon cuer, mon corps, sans penser mauvais signe : Amours le vuet qui ainsi me doctrine (Mach., L. dames, 1377, 109)

3.Par métonymie. Territoire soumis à qqn.

[Sedicion à France :] Et si apparçois evidement que tous ceulx de l'obeissance de tes ennemis, gens d'esglise, nobles et le peuple sont las d'estre soubz eulx, prests et appareilliés de venir a toy et de eulx reduire. (Juv. Urs., Aud. celi, 1435, 221)

En ce temps, la royne, femme du roy Charles, acoucha d'un filz, lequel fut nommé sur les fons Loys, premier Daulphin de Viennois. Pour la nativité duquel fut faite grand leesce et grand joye par toute son obéissance, et par espécial en sa bonne cité de Tournay. Et furent fais grans feux par toute la ville, et crioit le commun Noël ! à haulte voix, en menant grant joye et leesce. (Monstrelet, Chron. D.-A., t.4, c.1444-1453, 173)

Et aprés la prise [du roi de France Jean II le Bon] en Angleterre publicquement et notoirement et en toute l'obeyssance des Anglois on disoit que le roy de France est prins (Juv. Urs., T. crest., c.1446, 53)