NOTOIRE

adjectif

[T-L : notoire ; GD : notoire ; GDC : notoire ; FEW (VII, 200b) : notorius ; TLF (XII, 253a) : notoire]

A. -Connu.

1.Connu généralement, connu de tous.

...si requeroit le dit procureur que, par vertu dudit deffaut et de la coustume notoire, qui telle est conme dit est, que nostre (que) nostre dit devancier condempnast le dit Pierre en sa demande ou requeste baillee par escript devers la court (Chartes Abb. St-Magl. T.F., t.3, 1332, 51)

Or disoit que la coustume de la ville de Paris estoit tele et toute notoire que, se aucune maison assise a Paris devenoit wide et vague, ruineuse et inhabitable, et en tel point et estat comme la maison dessus dite estoit ad present, sicomme il disoit, le derrenier censier de la dite maison estoit tenuz de faire valoir au premier censier sa rente ou crois de cens (Chartes Abb. St-Magl. T.F., t.3, 1339, 81)

Il savoient de verité, et ce estoit tout notore, que li rois d'Engleterre, leurs sires, et si enfant (...) estoient sus mer. (Froiss., Chron. R., VIII, c.1375-1400, 100)

Se aucun est prins ou detenuz en aucune juridicion du prince ou d'autre, soit pour cas criminel ou civil, il doit estre renduz à son seigneur pour justicier, s'il n'estoit prins au cas present ou eust despit fait au prince qui feust notoires. (Cout. bourg. glosé P.M., c.1380-1400, 106)

...les ordonnances et estatus anciens fait sur la pugnicion de ceulx qui sont trouvez delinquans ès cas et matiere dessus dit, le cry et edit solempnel sur ce fait et crié publiquement, qui est et doit estre chose notaire à tous (Reg. crim. Chât., I, 1389-1392, 304)

...combien que le fait soit notoire, tamen facte sunt plures informationes, si requierent que soit verifié en la Court (Baye, I, 1400-1410, 105)

LE PREVOST. Veu le cas contre toy prouvé Par gens qui sont dignes de foy (...) Comme de crime convaincue, Faulce larronnesse tenue, Par experïence notoire Qui est evidemment a croire Dont convient que la mort s'ensuive, Je te condampne toute vive Estre enfouye soubz le gibbet. (Myst. jeune fille L., c.1413-1445 [c.1530], 48)

La premiere cause est qu'il soit chose notoire, certaine et evidente que le malefice soit advenu, et ce signiffie la clause ou il appera evidenment omicide, traison ou autre vray semblable malefice par evidente suspection. (La Sale, J.S., 1456, 32)

S'il en est encores de telz, ils se doyvent mirer a cest exemple, qui est notoire et vray (C.n.n., c.1456-1467, 181)

(Il) est notoire (que)

...et, au devant de son emprisonnement, ne cuidoit que jamais de ceste chose feust aucunement parlé, pour ce qu'il estoit tout commun et nottoire que ledit mons. l'evesque de Poitiers estoit fait arcevesque de Sens. (Reg. crim. Chât., I, 1389-1392, 522)

Sire, vous vez il est notore Que ceste femme Cananée A sa voix moult hault eslevée, Et crie apres nous haultement, Pour quoy te prions humblement Que lui veulles donner congiet. (Marcadé, Myst. Pass. Arras R., a.1440, 91)

Par ce et par pluseurs autres raisons, il est tout notoire et evident que ceulx qui par orgueil si entreprennent guerre sur autruy, sont souvent frustrez de leur intencion. (Bueil, I, 1461-1466, 121)

...et aussi il est assés commun et notoire que mal lui en advint (Bueil, I, 1461-1466, 129)

Il est tout notoire que monsieur le conestable, que Dieu absoille, et monsieur de Dunois estoient chiefz commis et ordonnéz de par le roy pour le fait de l'entreprinse qui fu faite pour ladicte cause (Chastell., Chron. IV, D., c.1461-1472, 198)

NYVELET. C'est le cas. MALOSTRU. Il est tout notoire. (Copp. lard., a.1488, 177)

Cestui, comme est notoire, fut pur astrologien (Simon De Phares, Astrol., c.1494-1498, f° 54 v°)

Notoire à qqn. Connu de qqn.

Et cecy est tout noctoire ou manifeste a ceulz qui sont exercités en geometrie. (Oresme, C.M., c.1377, 196)

...celle qui auparavant par sa beauté, bonté et genteté congneue estoit de pluseurs gens, devint notoire a tout le monde par ce mauldit mal de broches (C.n.n., c.1456-1467, 37)

S'i vous plaist, en vostre presence Vous reciteray mon affaire, Dont j'ay douleur et desplaisance, Qui a chacun est tout notoire. (Myst. siège Orléans H., c.1480-1500, 224)

Notoire à qqn d'être + attribut. Connu de qqn comme étant.

Par laquelle chose Baudius le reprocha moult souvent a couardise, ja fust que Quincius fust a tous notoire d'estre assez meilleur chevalier de luy. (La Sale, Sale D., 1451, 112)

2.Par extension.

a)Reconnu par tous comme tel (pour ce que dit le subst.).

...car chascun puet juger dez fais et dez crimes manifestes et notoires du Pape, non mie en jugement contencieux, ne conme juge ordinaire, mez puet, de cuer et de pensee, avoir sez fais abhominables et detestables, et si ne lez doit mie excuser ne soubstenir (Songe verg. S., t.1, 1378, 203)

...lequel seigneur et ses diz depputez prétendoient et maintenoient que la prinse de ladicte galée et desdiz cathelans et de leurs robes et marchandies avoit esté faicte deuement et de bonne guerre, veu que lesdiz cathelans sont notoires ennemis dudit seigneur le roy de Secille et dudit païs de Prouvance. (Aff. Jacques Coeur M., 1453-1457, 186)

Il est notoire verité que en la ville d'Ostelleric en Casteloigne nagueres arriverent pluseurs freres mineurs (C.n.n., c.1456-1467, 215)

b)Évident.

...car, a parler largement, aucune foiz est eleccion de chose notoire et qui n'est pas doubteuse, et ainsi n'est elle pas a mectre en conseil. (Oresme, E.A.C., c.1370, 193)

Il repute la seconde conclusion notoire et preuve la premiere aussi par .IIII. moiens, c'est assavoir, que bestialité n'est pas si imputable comme est malice humainne. (Oresme, E.A.C., c.1370, 386)

Secondement, quant lez crimes et delis sont touz manifestes et notoires, conme murtres, ravisemens et semblables... (Songe verg. S., t.1, 1378, 29)

Et s'il y a aucuns articles contenans divers fais ou poins, confessent ou ne nyent pas ce qu'ilz verront de l'article estre vray ou notoire. (Fauq., II, 1421-1430, 255)

...quand il oyt si vives enseignes tant notoires, il ne sceut que dire ; si luy fut force de confesser ce qu'il eust tres voluntiers celé [Un homme donne à son ami la preuve qu'il est au courant de sa liaison amoureuse] (C.n.n., c.1456-1467, 229)

c)Habituellement connu.

Il est notoire que coulombes et aigneaux sont presentés a Dieu, maiz bonne devotion fait le present digne. (Chart., L. Esp., c.1429-1430, 173)

d)Digne d'être connu, remarquable, notable.

Et ainssy Romain .III. victoires Horent, en un an, moult noctoires : Corince, Auffrique et Macedoyne (Chr. Piz., M.F., III, 1400-1403, 253)

...Son filz, le prince, a qui victoires Donna maintes grans et nottoires Sur pluseurs roys, sur pluseurs princes, En maintes diverses provinces. (Chr. Piz., M.F., IV, 1400-1403, 75)

Vecy beau miracle et notoire ; Regardez, le mort parle et vit ! Qui oncques mais tel chose vit ? Maistres Symons, maistre Symons, Plus n'irez n'en tres n'en lymons. (Mart. st Pierre st Paul R., c.1430-1440, 129)

En la grant rue magnifique et notoire, Dens ung parquet ou gracïeux parvis Fut demonstré par une belle histoire Le triumphe de celeste victoire Que jadis eult le noble roy Clovis (La Vigne, V.N., p.1495, 166)

B. -En particulier. Art notoire. Voir artMagie cérémonielle, théurgique et divinatoire, fondée sur une ascèse sévère et promettant à son adepte un savoir total.

Item, oultre les ars nommez ou premier chappitre encor en est il d'autres qui ont aussi peu ou mains d'aparence et nulle certainneté, comme de la teste Saturne, art notoire, art contre notoire, piromance (Oresme, Divin. C., c.1366, 92)

Car tout art, la ou il y a aucune serimonie supersticieuse et dampnable, est et doit estre reprouvee, conme est l'Art notoire. (Songe verg. S., t.1, 1378, 387)

Pour tant que vous avés pallé de l'Art notoire, certes, c'est bien vray que c'est une art dampnable et mauvaise, car l'en y use d'aucunes choses pour science acquerir, lezquellez n'ont mie vertu en soy d'acquerir science, conme est user de l'inspeccion d'aucunes figures (Songe verg. S., t.1, 1378, 388)

...et en la fin d'iceulx sera adjousté que c'est de l'art notoire, de ciromance et geomance, que l'on dit ars divinatoires, et consequemment sera aussi traittié de l'art de augure, aruspice, auspice, ornimance, de chacun selon ses parties, puis de ydromance et de toutes ses espesses de prestige, de songes et de leurs manieres de deviner (Simon De Phares, Astrol., c.1494-1498, f° 9 r°)

Art contre-notoire. Magie permettant de combattre les effets de la précédente.

Item, oultre les ars nommez ou premier chappitre encor en est il d'autres qui ont aussi peu ou mains d'aparence et nulle certainneté, comme de la teste Saturne, art notoire, art contre notoire, piromance (Oresme, Divin. C., c.1366, 92)