NOBLEMENT

adverbe

[T-L : noblenoblement ; GDC : noblement ; FEW (VII, 159a) : nobilis ; TLF (XII, 167b) : noblement]

A. -[En lien avec la noblesse comme statut social]

1.Estre marié noblement. Avoir épousé une personne de condition noble noble.

Et sachiez que Melusigne donna tant, et a grans et a menus, que nulz ne fu a la feste qui ne se louast des grans dons que Melusigne leur donna, et s'esmerveillent tuit dont tant de richesse povoit venir. Et dirent bien tuit que Remondin estoit puissaument et noblement mariez. (Arras, c.1392-1393, 43)

2.DROIT FÉODAL Avec les droits et prérogatives des nobles.

...li dit religieus, qui noblement en iustice et seignerie estoient fondé, avoient en la ville de Bappaumes et dehors pluiseurs hostises tenues de eulz, en saisine estoient de avoir en ychelles seul et pour le tout toute iustice et seignerie haute, moienne et basse, de avoir et faire le ues et desues des dictes hostises (...), de faire prinses et esplois de leurs hostes et sur leurs hostes et sousmanans (Hist. dr. munic. E., t.2, 1340, 27)

Tenir noblement. Tenir en fief.

Et par telle voie est entre les coustumiers quant aux chosses tenues noblement. Et quant aux chosses rousturières, se partent rousturièrement. (Cout. instit. Anjou Maine B.-B., t.1, 1385, 186)

...ceulx qui pas ne tiennent noblement, ne pevent pas faire prinses de fief et ne peve[n]t faire justice (Instruct. ensaign. B.G., c.1386-1390, 51)

Celuy qui tient en paraige a autele justice comme son paraigeur, et tient aussi noblement et gentillement comme luy, s'il n'est party de conté ou de baronnie, ouquel cas il ne pourroit pas demander ne avoir sur ses subgiz les droiz et prerogatives qui appartiennent à conté ou à baronnie (Cout. instit. Anjou Maine B.-B., t.3, 1463, 318)

De nobles personnes, Fouques de Campront, escuier et damoiselle Katherine son espouse, seignours et dame de la Mare et du Mesnil Saint-Jehan, à cause de ladite damoiselle, auxquielx lieux ilz tiennent franchement et noblement à simple gaige-pleige, court et usage (Cartul. Hôtel-Dieu Cout. L., 1478, 323)

B. -Avec les qualités attribuées à la noblesse, avec noblesse, avec dignité.

Dame, il a noblement preschié, Et si s'en est biau depeschié Conme droit maistre. (Mir. emper. Romme, 1369, 244)

Le roy Tros aprés lui regna, Qui noblement si gouverna. (Chr. Piz., M.F., III, 1400-1403, 26)

Et quant à son fait, dit qu'il est noble de generation et chambellain du Roy, lequel a servi noblement et comme il appartient (Baye, I, 1400-1410, 106)

...la subtillité aussy de Demostenès secourut noblement a une meschine, laquelle avoit prins peccune en garde de deux hostes, par celle condicion que elle leur renderoit a tous deux enssemble. (La Sale, Salade, c.1442-1444, 32)

En particulier. Avec vaillance, avec courage, fièrement.

...il seroit bien temps que nous alissions adventurer pour acquerir l'ordre de chevalerie, car ce n'est pas l'entencion de nul de nous de le prendre, fors au plus prez que nous pourrons de l'avoir, comme Uriiens et Guyon, noz freres, l'ont eue, combien que nous ne sommes pas dignes de l'avoir si noblement ne en si nobles places, mais nous en ferons, se Dieu plaist, bonne diligence. (Arras, c.1392-1393, 146)

Comment les VJ. freres entrent noblement a Lussembourc, a tres grant noblesce, et leurs gens se logent dehors en paveillons. (Arras, c.1392-1393, 282)

Li Macedonois bien semblerent Vaillant gent, car moult pou estoyent Et tres noblement contrestoyent Contre leur ennemis (Chr. Piz., M.F., IV, 1400-1403, 34)

En conformité avec les qualités de noblesse.

...je vous avoye entre aultres choisie comme la non pareille en [beaulté], genteté, et gracieuseté, et que je y trouveroye largement et a comble la tresnoble vertu de loyauté. Et a ceste cause m'estoye de mon cueur defait, et du tout l'avoye mis en vostre mercy, cuidant a la verité que plus noblement ne en meilleur lieu asseoir ne le pourroie. (C.n.n., c.1456-1467, 233)

C. -Par extension.

1.De manière honorifique.

Item, il appert en exemple de ceulz qui sont assis a une table ronde, car se celui qui est a ma destre est en plus noble lieu que je ne sui et ainsi ensuianment des autres, donques, en procedant, il s'ensuit que je sui plus noblement assis que je meisme ne sui assis. (Oresme, C.M., c.1377, 348)

De manière prestigieuse.

...Dieux lui donna triumphe sans char, et de tant plus noblement que Livius ne triumphoit ; car Livius triumpha seullement pour la victoire faicte en sa province, et Claudius triumphoit pour sa grant doulceur et humilité (La Sale, Salade, c.1442-1444, 46)

2.Majestueusement, avec faste.

...Et enaprès sa resurreccion En ame, en corps coronna noblement Ma dame en qui j'ay mis m'entencion. (Mir. st Val., c.1367, 170)

Item, il appartient au magnifique preparer et ordener tout edifice et habitacion noblement et avenantment, selon la quantité de ses richesces. (Oresme, E.A., c.1370, 245)

...uns anciens chevaliers (...) noblement acompaignié jusques a douze hommes de grant honneur et de grant estat (Arras, c.1392-1393, 38)

Les tables furent mises et le disner prest. Ilz laverent, et s'assistrent a table, et furent moult noblement serviz. (Arras, c.1392-1393, 282)

Lors renforcerent leurs pourveances, et d'argent, et de joyaulx, et d'estat, et de gens, pour ce que, se ilz trouvoient leur pere trespassé, qu'ilz ayent de quoy si noblement faire son obseque qu'ilz n'y aient nulle reprouche, et se mettent au chemin. (Arras, c.1392-1393, 289)

LE MARQUIS. [à Griseldis] : Et pour ce que bien vouldroye Qu'a grant honneur et a grant joye Le conte, mon frere, et sa gent Feussent receüz noblement, Et de paroles et de fait, Si qu'a chascun plaisir feust fait Endroit soy, selon sa personne (Gris., 1395, 89)

Et aprés le recueil fait et aucuns devis, le roy le fist mener [le duc de Ferrare] au logis ou le dict marquis de Mentoue avoit esté festié ; semblablement aussi par le commandement du roy, fut il noblement festié, ensemble son filz et tous ses gens. (La Vigne, V.N., p.1495, 309)

En particulier. [À propos de l'habillement, de l'ornement...]

Tu fusses noblement vestu, Et fusses un grant maistre, voire, Se voulsisses en noz dieux croire. (Mir. st Ign., 1366, 95)

...les chantres sont noblement revestus et precedent les ministres (Jean Golein, Rational B.D., c.1370-1372, 300)

Entre Remondin et la dame a un moult riche days, et aval le paveillon avoit grant foison de tables drecies et moult de honnourables gens assiz. Remondin fu moult esmerveilliez et demanda a sa dame : Ma dame, dont viennent tant de gens et si noblement abituez ? (Arras, c.1392-1393, 30)

...uns anciens chevaliers, moult noblement acesmés et ceint d'une ceinture a pierres precieuses et a perles, monté sur un hault palefroy lyart, noblement acompaignié jusques a douze hommes de grant honneur et de grant estat (Arras, c.1392-1393, 38)

Et estoit l'espousee tant belle et si tres noblement paree que chascuns disoit que oncques si belle n'avoient veue, ne si richement atournee, et s'esmerveilloient tuit de sa grant beauté et de la grant richesse de son habit. (ARRAS, c.1392-1393, 39)... la chappelle, qui estoit tant noblement aournee que nulz ne sauroit esprisier la richesse tant des paremens qui y estoient le plus estrangement ouvrez et si richement, d'or, de brouderie, de perles, que on n'avoit oncques mais veu les paraulx, comme de ymages, de croix, d'encensiers d'or et d'argent, de livres (Arras, c.1392-1393, 39)

La pooit on veoir dames noblement parees et richement acemees (Froiss., Chron. D., p.1400, 116)

Dames, damoiselles assez Y ot richement, ce pensez, Moult noblement enjouellees Et joliement affublees (Chr. Piz., M.F., I, 1400-1403, 37)

3.Remarquablement, excellemment.

Excusacion et commendacion de ceste oeuvre. Prescian dit, en un petit livre que il fist des maistres de Terente, que de tous les langages du monde latin est le plus habile pour mieulx exprimer et plus noblement son intencion. (Oresme, E.A., c.1370, 100)

Et ce desclaire noblement la resplendeur du treslarge empire (Foul., Policrat. B., V, 1372, 336)

Sarrasin, tu es faulx et recreuz, quant tu es si bien montez et si noblement armez, qui t'en fuiz pour un homme seul. (Arras, c.1392-1393, 230)

...la ville de Jugon, (...) est moult fortement fremee et sciet tres noblement. (Froiss., Chron. D., p.1400, 558)

Or est mort le sot renommé, Qui estoit Triboullet nommé, Lequel tout le temps de sa vie Entretint noblement la pie. (Vig. Trib., c.1480, 230)