MUER

verbe

[T-L : müer ; GD : muer1 ; AND : muer1 ; DECT : müer ; FEW (VI-3, 284b, 285b) : mutare ; TLF (XI, 1198a) : muer]

I. -[Avec une idée de mouvement]

A. -Au propre.

1.Emploi transitif.

Muer qqn. Déplacer, muter qqn.

Thibere ne muoit pas souvent ne legierement sa gent, c'est a sçavoir ses officiers. (Renart contref. R.L., t.1, 1328-1342, 236)

...par ce vouloit Ses gens en leur debites tenir senz remüer Ne ses officiaux ne vout sovant müer. (Gir. Ross. H., c.1334, 192)

Et dist, sur ce requis, que lesdites parolles il dist lors ausdiz mons. Le Begue et clerc dudit maistre Pierre Fresnel, pour ce qu'il cuidoit que quant un prelat est prononcié en son estat, que jamais il ne feust muez (Reg. crim. Chât., I, 1389-1392, 522)

Et ce qui estoit en bonnes mains quant pour justice et raison faire, il n'y mua nul officier, et ou il veoit que besoing estoit, il y pourveoit de remede par le conseil de ses barons, et leur commanda a tous que ilz feissent raison et justice au grant et au petit, sans faveur ne moleste, par my juste verité (Arras, c.1392-1393, 124)

Car, quant ilz vouldroient muer leurs officiers, ilz en trouveroient assez d'autres. (Bueil, I, 1461-1466, 55)

Estre mué de lieu en lieu

...mes des anges il me samble que l'en peut ymaginer eulz estre mués de lieu en lieu en .IIII. manieres simples (Oresme, C.M., c.1377, 292)

Estre mué. Être amené à changer de fonction ou de lieu, être muté.

Car par aventure, aucun pourroit dire que se tels princes estoient vertueux et souffisanment introduiz en androgachie, ce est a dire en bonté de homme, il seroit expedient a la cité qu'il ne peussent estre mués (Oresme, Pol. Arist. M., c.1372-1374, 103)

Muer une armée. Déplacer (une armée) d'un lieu à un autre.

Castrametor (...) : muer l'ost et aler logier aultre part (Le Ver, Dict. M.E., c.1420-1440, 56)

Muer un lieu.. Quitter un lieu pour se déplacer vers un autre lieu.

Il nous fault d'icy remüer. Nous ne sommes pas en seurté, Veu que l'en a ja debouté Nostre maistre. Or müons lieu. (Pass. Auv., 1477, 123)

Las, mon Dieu, j'estoye dampnee, Si ne fust vostre bonne grace. Corps pugnais, il fault müer plasse. Va t'an charcher le bon prophete ! (Pass. Auv., 1477, 150)

2.Emploi intransitif ou pronominal.

Se déplacer.

Item ne se transporte ne mue de lieu en lieu, car par tout est present. (Somme abr., c.1477-1481, 143)

Se dépêcher.

On luy envoya trois ou quatre fois prier qu'il se hastast, mais il ne se mua point, et ne venoit que le pas (Comm., I, 1489-1491, 32)

Bouger.

...et ne te muef [var. mue] ne ne sonne mot, quer lievres sont de telles condicions que, quant il oent les gens parler, il retornent ou prannent le travers (Henri Ferr., Modus et Ratio, Livre deduis T., c.1354-1377, 163)

Et le roy manda Macquart, sy luy dist : 'Il toy convient faire ung champs contre le chien...' (...) Et le Danois at ameneit le chien. Et le roy fait crier qu'il ne soit nulz qui se mue jusque a tant que vaincut soit l'ung, car il seroit pendus. (JEAN D'OUTREM., Myr. histors G., a.1400, 132)

Mais le bacelier qui receut ce coup ne se mua de rien comme a merveilles preu qu'il estoit, ains de sa puissance pourta Peleüs par terre (Percef. IV, R., c.1450 [c.1340], 30)

Tressaillir, trembler.

Comment dessous la mamelle Mes cuers teint, tramble et chancelle, Faut, fremist, mue et sautelle ; N'il n'a joieuse nouvelle. (Mach., Les lays, 1377, 313)

Declairez moy a plain, s'il vous agree, Qu'ainsi vous fait muer et tressaillir (Compl. lion G., c.1470, 303)

Se démener.

Il [Polyphème] va hullant com beste mue, Il brait, il crie, il huche, il mue ; Mais assés puet braire pour voir, Car son oeil ne puet il ravoir. (Mach., Voir, 1364, 624)

[D'une foule] S'écarter d'un espace réservé, déborder (notamment pour manifester).

Le peuple estoit grant sur le marchié, et estoit conduit par ung nommé Nycolas du Gardin, qui se tenoit, en une garite, à l'hostel de la ville, à tout ung grant baston ; et s'il veoit que le peuple se desrivast ou muast en riens, il feroit de son baston et crioit : 'Guare le ban !' Et sur ce mot chascun se tenoit coy, et doubtoit la punicion de justice ; et, à la verité, tout le peuple et ceulx de la ville estoient pour Mahuot en couraige, pour ce qu'il combatoit pour la querelle de la ville. (La Marche, Mém., II, c.1470, 404)

[De la Fortune] Se déplacer, bouger.

Mais pour ce qu'elle ne sejourne, Eins se change, mue et bestourne En fait, en dit, en renommée, Est elle Fortune nommée. (Mach., R. Fort., c.1341, 93)

Tout einsi Fortune se mue, Ne jamais ne seroit tenue Par force, ne par biau parler, Si tost qu'elle s'en vuet aler. (Mach., R. Fort., c.1341, 98)

[D'un élément du corps] Se déplacer.

La palle du genoil n'est pas souvent rompue mais souvent est muee (Panis, Guidon, 1478, tr.V, doct.1, chap.8)

[D'une douleur] Se déplacer.

...se c'est de ventosité la douleur se mue d'ung lieu en ung aultre et semble que une ageulle poingne les intestins et que on les perce d'ung foret (Gordon, Prat., c.1450-1500, V, 18)

Le sang mue à qqn. Le sang de qqn ne fait qu'un tour, qqn est bouleversé.

Et de ce eut si grant fraieur que tout li sans lui mua, et jeta un sy grant cry, que toute la forest en retenty, et puis se refery dedens le boys. (Bérinus, I, c.1350-1370, 275)

Qant li rois Phelippes de France (...) les vei, se li mua li sans, car moult les avoit encargiet en grant haine, et perdi tous pourpos et arrois (Froiss., Chron. D., p.1400, 727)

L'hermitë y cuida aller Mais tout son sang si luy mua, Com vous orrez icy parler, Car grande merveilles veu a Laquelle ne se doit celer. (Régn., F.A., 1432-c.1465, 113)

Pelleus, oyant ces nouvelles, fu si pressé au cuer que le sang lui mua par toutes les veines. (LEFÈVRE (R.), Hist. Jason P., c.1460, 219)

[D'une portion de temps] Passer.

Item dist [un ange dans un rêve de Nabuchodonosor] que sur ledit roy se mueroient sept annees, pour ce que la passion de Jhesu Crist devoit durer sept heures canoniales. (Miélot, Spec. hum. salv. L.P., 1448, 142)

B. -Au figuré. Muer qqn de qqc. Détourner qqn de qqc..

Et posé que infortunes li venissent, si ne pourroit il [tout homme bon et sage] pas de legier estre mué ou osté de sa félicité (Oresme, E.A., c.1370, 136)

Se muer de qqc. S'écarter de qqc..

Laquelle venue une nuyt vers luy, elles se coucha delez luy, mais, oncques pour chose qu'elle sceust faire, il ne se mua de sa continence. (Colart Mans., Dial. créat. R., 1482, 272)

II. -[Avec une idée de transformation]

A. -Muer qqn/qqc. Changer, transformer qqn ou qqc..

1.Muer qqn

Faire changer qqn.

Vostre filz un cuer de pierre a. Il n'est nul qui le puist flechir Ne muer. (Mir. Barl. Josaph., c.1363, 296)

2.Muer qqc.

a)[Le compl. d'obj. désigne un élément naturel] Transformer.

Au passif. Être transformé.

Et c'est impossible que les elemens soient perpetuelz, car nous voions que feu et eaue et chascun des corps simples est resolut et comme mué. (Oresme, C.M., c.1377, 630)

b)[Le compl. d'obj. désigne un comportement, une façon d'être, d'agir]

Mettre me vueil en autre point Et mes meurs changier et muer. (Mir. march. larr., c.1349, 110)

Aigres, qui estoit sages homs et moult bien atrempez, ne respondi adonc nul mot ne oncques ne mua contenance ne maniere, ains regardoit le roy afin qu'il eüst responce de lui. (Bérinus, I, c.1350-1370, 301)

Biaux amis, mue ton courage : Renie ta foy chrestienne (Mir. st Ign., 1366, 99)

Quant le medecin fait toutes choses selon raison, il ne doit muer son gouvernement, se ainsi est que ce qu'il a veu ou commencement ne se mue. (Saint-gille, A.Y., 1362-1365, 65)

...[il] le fist citer pour le corriger et luy faire muer ses meurs. (C.n.n., c.1456-1467, 530)

Quant aincy je veulx müer meurs, Puis que Dieu m'a donné respit, Si de corps suis ung peu petit, Augmenter me fault en virtus. (Pass. Auv., 1477, 117)

Muer en mieux qqc. Rendre meilleur.

Chier frere, j'ay entencïon, Pour müer en mieulz mon coraige, De prendre femme a marïage A ceste prouchain Penthecouste, Si vueil faire, combien qu'il couste, Joye et feste a tous mes amis, Et m'est certainement a viz Que de vostre presence lie Vauldra toute la compaignie (Gris., 1395, 23)

Ne pas muer tel comportement. Persister dans tel comportement.

...et perdra par ta fole emprise le IXe de ta lignie le royaume que tu tiens. Et portera cellui roy nom de beste mue. Et t'en va, car cy ne pues tu plus demourer. Quant le roy l'entendy, oncques pour ses paroles ne mua sa fole errour, mais la cuida prendre par force. Melior s'esvanoy de lui. (Arras, c.1392-1393, 306)

Muer de qqc.

Quant li roys oy ceste note, Dedens son cuer forment la note, Mais onques ne s'en effrea, De sa maniere n'en mua, Eins respondi arreement : 'Biau sire, je voy bien comment Vous consilliez en verité Que ne tenons pas la cité, Et qu'elle n'est mie tenable, Comment qu'elle soit deffensable...' (Mach., P. Alex., p.1369, 103)

Proverbe. Les honneurs muent les moeurs

Lorens, biau filz, se dire t'ose, On dit souvent que les honneurs A quoy on vient muent les meurs. (Mir. st Lor., 1380, 155)

c)[Le compl. d'obj. désigne un objet mental ou verbal]

Quant Godefroys l'oy, sy mua la penssée : D'autre part vint amours et douce désirée (God. Bouillon R., t.2, c.1356, 534)

...mais quant vient la passion adonques ou commencement il vacille et varie et pense une fois que avoir delectacion avecques ceste femme est bon et puis repense que c'est mal et mue pensee pluseurs foiz. (Oresme, E.A.C., c.1370, 373)

Mais ja pour ce ne quier ne vueil Muer mon vueil, Comment que dueil Aie, qui va de mal en pire. (Mach., Les lays, 1377, 284)

Lesqueles paroles ouyes et entendues par icellui maistre Pierre, il appella ses compaignons, qu'il avoit leissiez au devant de ladite porte, et leur dist ce que ledit hermite lui avoit dit ; mès icellui hermite, veant iceulx compaignons ensemble, commença à muer et changier lesdites paroles, disant qu'il lui avoit dist qu'il avoit ouy dire que... (Reg. crim. Chât., I, 1389-1392, 311)

Muer la parole. Mettre de la variété dans le discours.

Auchunefois aussi ce fait la varieté des paroles, comme dist Tulle en sa premiere Rethorique : 'Il convient par grand labeur changier ou muer la parole, car en toutes choses samblance est mere de rasasiement'. (Daudin, De la erudition H., c.1360-1380, 25)

Muer les langages. Varier, multiplier les langues.

Et se po de chose fut a Dieu de abatre la haultesse de si grant edifice comme estoit la tour Nembroth et a la part de fin de muer les langaiges (Premierfait, Cas nobles hommes G., 1409, 110)

Emploi pronominal à sens passif.

...et une bonne conclusion une foys bien prinse jamais ne se doit muer ou changer (Juv. Urs., Nescio, 1445, 488)

Muer (son) propos. Changer d'avis.

Finablement il mua son pourpos, ne sçai se il le fist par cautèle ou de volenté ; mais il dist à ses gens que il creroit leur conseil. (Froiss., Chron. L., IV, c.1375-1400, 34)

Et le roy lui respont : Toutesfoiz ne vueil je autre chose que le corps de vous, car pour autre chose ne suiz je cy venuz. Et lors que la dame voit qu'il ne muera point son propos, si fu moult courroucee, et lui dist : Folz roy, or as tu failly a moy et a ton don, et t'es mis en adventure de demourer ceans a tousjours mais. (Arras, c.1392-1393, 305)

Et se, d'aventure, tu congnois que ton ennemy en soit adverti, tu dois muer propos et non le executer comme il est conclu, affin que ton enemy soit deceu. (Fillastre, Traité Conseil H., c.1472-1473, 146)

Or, pour continuer, le roy mua propos à force d'estre pressé du duc de Milan par lettres et par ce conte Carlo, son ambassadeur, et aussi des deux que j'ay nomméz. (Comm., III, 1495-1498, 34)

Un propos mue à qqn

Mais ce propoz luy mua, quant il sceüt la mort dudit duc. (Comm., II, 1489-1491, 160)

d)[Le compl. d'obj. désigne un état de choses]

Item, quant Dieu fait aucun miracle, l'en doit supposer et tenir que ce fait Il sanz muer le commun cors de nature fors au moins que ce peust estre. (Oresme, C.M., c.1377, 536)

Et ainsi roys Cirus fina, Par Fortune, qui ne fina Tant que du tout l'ot affiné, Et bien cuidoit estre affin né Que tout le monde deust conquerre, Mais follie lui faisoit querre Ce que Fortune donne et tolt, Et change et mue tart et tost ! (Chr. Piz., M.F., II, 1400-1403, 210)

Et te prie, Justice, considere comment le souverain Empereur souventes foys pour trop meindre cause que pour honnourer sa mere et amie il mue et change le commun et acoustumé cours tant de nature comme de l'Escripture et faisant miracles souvent, graces, pardons et privileges. (Gers., Concept., 1401, 403)

...mais Dieu prepare telz vouloirs extraordinaires aux princes, quant il luy plaist muer leurs fortunes. (Comm., II, 1489-1491, 135)

...laquelle [comète] il predist estre fort dommageable aux roys et haulx hommes puissans et qu'elle signiffioit venir en bref et apparoistre hommes qui se efforceroient de muer ou changer les loyx et en mectre de nouvelles (Simon De Phares, Astrol., c.1494-1498, f° 36 r°)

e)[Le compl. d'obj. désigne un état physiologique (le teint), un élément du corps]

Muer couleur. Changer de couleur (rougir ou pâlir sous l'effet d'une émotion).

S'en tressailli, dont sa belle façon Coulour mua. (Mach., J. R. Beh., c.1340, 115)

Mais onques coulour n'en mua, Einsois premiers nous salua Et dist : 'A bien soiez venues...' (Mach., F. am., c.1361, 210)

...qu'avez, mon seigneur chier ? Trop malement pensis vous voi Et couleur muer. (Mir. emper. Romme, 1369, 256)

[Yres ou courrous] Le font eschauffer [le corps] , refroidier ou muer couleur. (Oresme, E.A.C., c.1370, 372)

MARIE. (...) Certes, bien je debvroye perir Quant je voy mon filz en croix morir. Beaulx, bien avés muër coleur - Helas, c'est pour vostre grant doleur - Qui tant estoit vermoille et freche (Pass. Autun Biard F., 1470-1471, 113)

Et quant ledit conte le vit, si mua couleur, et, sans aultre chose dire, luy demanda quelles nouvelles il apportoit, lequel luy respondit qu'il les apportoit bonnes selon le temps. (Le Clerc, Interp. Roye, c.1502, 151)

Muer une couleur. Prendre une autre couleur.

Lors qu'elle vint en la chambre, elle enclina Anthoine et tous les barons, et en lui regardant, elle mua une couleur plus vermeille que rose. (Arras, c.1392-1393, 170)

Muer (sa) couleur et sorte. Changer de couleur et de contenance (sous l'effet d'une violente émotion).

Las, elle [la blessure au flanc du Christ] me rent toute morte ! J'en mue ma coleur et sorte, Quant je recorde Une si forte - et tresinurbaine malice, Que vient de l'orde Nacïon torte - que vous est si tresmal propice. (Pass. Auv., 1477, 257)

Elle a müé coleur et sorte. (Pass. Auv., 1477, 258)

Sans muer couleur. Sans crainte.

L'EMPEREUR. (...) Messeigneurs, sans muer couleur, Conseillez moy pour le milleur A parvenir ou je pretens. (La Vigne, S.M., 1496, 500)

Emploi factitif.

Quant ma dame mes lettres vid, Amours (...) Mua telement sa coulour, Qui estoit vermeille et rosine, Qu'elle devint pale et terrine. (Mach., Voir, 1364, 524)

La couleur mue à qqn

Quant l'en parle, couleur li mue, Ne respont mot, ains devient mue Et esbahie. (Mir. Berthe, c.1373, 249)

Et lors monseigneur de Bourgoingne qui ces parolles oÿt fut esbay et lui mua couleur (Le Bouvier, Chron. Ch. VII, C.C.J., c.1451-1455, 24)

Et quant Maguelonne luy vit, toute sa couleur luy mua et se change comme coleur de roses (Belle Maguel. C., 1453, 17)

Muer (son) semblant/sa semblance. Changer de visage, d'expression (sous le coup d'une émotion).

Quant Esmeret l'oÿ, si mua son samblant, Ou chemin s'ariesta en yaus contratendant (Flor. Rome W., c.1330-1400, 212)

Et quant einsi li os dit ma grevance, Un pou muer vi sa douce samblance, Ce me fu vis ; dont je fui en doubtance D'estre escondis (Mach., J. R. Beh., c.1340, 76)

Et quant le roy l'ouÿ si mua sa semblance, Regarda ses barons qui sont de sa tenance. (Galien D.B., c.1400-1500, 34)

Et quant le roy l'ouÿ si mua sa semblance, Regarda ses barons qui sont de sa tenance. (Galien D.B., c.1400-1500, 34)

Mesme ledit comte, un si noble chevalier, et qui tant avoit vu et vescu en honneur, ne se savoit contenir de plorer et de muer semblant (Chastell., Chron. K., t.4, c.1456-1471, 176)

Muer la voix

Egar ! com muée as la vois ! Di moy, qu'as tu ? (Mir. st J. Cris., c.1344, 271)

Egar ! com muée as la vois ! Di moy, qu'as tu ? (Mir. st J. Cris., c.1344, 271)

Le coeur mue à qqn. Qqn est bouleversé.

Quant il regarde le pavement que autreffois avoit veu, si lui en mua tout le cuer. (Percef. IV, R., c.1450 [c.1340], 538)

[D'une chose]

Ladicte tristesse mua tant sa complexion, qu'il luy failloit faire boyre le vin bien fort sans eaue (Comm., II, 1489-1491, 129)

f)En particulier. Muer une monnoie. Changer ensemble ou séparément les rapports du métal or/argent de la monnaie réelle à la monnaie de compte.

...pour ce qu'il semble à plusieurs que aucun Roy ou Prince puisse, de sa propre auctorité, de droit ou de previlège, franchement muer les monnoyes en son Royaume courans et en ordonner à sa volunté et plaisir (Oresme, Monnoies W., c.1365, I)

Pour avoir changié la somme de (...) en blancs de Savoye et grox de Bretaigne, qui se trouvent à ung paiement de 600l, avant la mutacion des monnoyes qui après furent muées. (Archives servit. Louis XI, T., 1473-1475, 51)

Muer pied et prix en la monnaie. Changer le type (l'empreinte) et la valeur de la monnaie.

...et ne dot le Roy muer pié ne pris en ses monnoies de Paris ne d'ailleurs (Fauq., II, 1421-1430, 63)

Muer (de l'argent). Changer (de l'argent).

...mais elle avoit iceux IJ frans par espargne que elle avoit faite, muez esdites deux pieces d'or sur elle trouvées. (Reg. crim. Chât., I, 1389-1392, 326)

B. -Muer qqn/qqc. en. Changer, transformer qqc. en.

1.Emploi intransitif ou pronominal.

a)[D'une pers.]

Se muer en + subst. Se métamorphoser en.

Atheleüs avoit maniere Tel qu'en une grant riviere Se muoit ou en un serpent Qui tenoit de terre un erpent, Ou tor sauvage se faisoit Toutes les fois qu'il li plaisoit. (Mach., F. am., c.1361, 95)

Et lors se mue [Mélusine] en une serpente grant et grosse (Arras, c.1392-1393, 260)

Se muer en guise de/ en figure de

Comment Melusigne se party de la fenestre et se mua en guise de serpente. (Arras, c.1392-1393, 259)

Et dist Cersuelle, que, grant temps après, elle se mua en figure de femme aulte et droicte, et estoit vestue d'un gros burel, et ceinte dessoubz les mamelles, et estoit affublee de blans cuevrechiez a la guise du viel temps. (Arras, c.1392-1393, 309)

b)[D'une chose]

...et, quant je pense et voi que par nulle voie je ne puis aler vers vous pour saouler mon cuer et mes yeus de vous veoir, ma joie en dolour se mue... (Mach., Voir, 1364, 126)

Mes richesces [de Paris] muent en povreté Et mes joies sont tournées en plour (Desch., Oeuvres Q., t.2, c.1370-1407, 10)

...mais, par succession de temps, celle union se changea et mua entre eux deux en soupeçon et defidance et dont j'ay ouy recorder diversement. (La Marche, Mém., I, c.1470, 191)

Tropt grant joye est fort nuyzible, Si charnalité dilicieuse La regit en mal appetible ; Telle joye se mue en neuse. (Pass. Auv., 1477, 107)

2.Emploi transitif.

Muer qqn en. Métamorphoser qqn en.

Si que Juno y ouvra tellement Que pour ses plains En deus oisiaus mua leurs corps humains Qui sus la mer volettent soirs et mains. (Mach., F. am., c.1361, 167)

Et fist muer Piquus en pique Qui de son bec les arbres pique ; Et aussi mua les messages Dë Ulixes en pors sauvages (Mach., Voir, 1364, 614)

...mais a la priere de Lathone, Phebus, son filz, tua les .VII. filz de Nyobé et leur pere, et Dyane tua les .VII. filles, et Nyobé fu muee en une pierre de marbre que tousjours pleure. (Legrand, Archil. Sophie B., c.1400, 174)

...et voiant les Centores que ne le pouoient de fer blecier, monterent en une montaingne et gecterent sur lui arbres et bois a si grant planté que du fait il mourut et fut mué en un oysel nommé phenix, le quel n'a point de per au monde. (Legrand, Archil. Sophie B., c.1400, 200)

Vous diray qui je suis, qui parle, Qui de femelle devins masle Par Fortune, qu'ainsy le voult ; Si me mua et corps et voult En homme naturel parfaict (Chr. Piz., M.F., I, 1400-1403, 12)

Yragnes, ce dit une fable, fu une damoiselle moult soubtive en l'art de tissir et de fillerie, mais trop se oultrecuida de son savoir, et de fait se vanta contre Pallas, dont la deesse s'ayra contre [contre] elle, si que pour ycelle vantance la mua en yraigne. (Chr. Piz., Ep. Othea L., c.1400-1401, 240)

Ou il vous pourroit muer en une estatue, comme il fist la femme de Loth ! (Miélot, Spec. hum. salv. L.P., 1448, 136)

Muer qqc. en qqc. Changer, transformer qqc. en qqc..

Dont il mue en grief plaint son chant Maintes fois par droit couvenir. (Mach., D. Aler., a.1349, 269)

...Pour le temps qui, de sa nature, Mue sa chaleur en froidure, Un po après le temps d'autonne Que chascuns vandange et entonne (Mach., J. R. Nav., 1349, 138)

Longuement pas ne demoura Que ma dame son demour a Mué en un autre manoir, Plus loing que ne soloit manoir, Ou cuer d'une tresbonne ville (Mach., Voir, 1364, 602)

...il [le feu] mue et convertist en sa nature tout ce en quoi il se met et en quoy il oeuvre (Corbechon, Propriétés, 1372, X, 4, 181 r°)

Si ne seroit pas s'onnour, S'elle en amer muoit si grant douçour ; Et s'il avient, mors sui pour sa biauté. Si m'ara tost selon droit oublié. (Mach., L. dames, 1377, 213)

Item, une autre similitude est, car une chose corporele, si comme une quantité de cire, peust estre muee en moult de figures, mais ce est impossible que elle soit sans figure et aussi est ce impossible que figure soit sans aucun subject. (Oresme, C.M., c.1377, 616)

Certes, ma joie en douleur change Et en tristesce changera, Et mon ris en pleurs muera, S'il est ainsi que dites, fille. (Mir. st Alexis, 1382, 313)

...item, la cruche a deux menevelles, qui est de mette a maniere de voirre, en laquelle Nostre Seigneur Jhesus Crist mua l'eaue en vin (Voy. Jérus., c.1395, 3)

Et doncques tu, vassal de Dieu, de lui permis, n'es tu pas le restoreur, le repareur, le conforteur de toute France qui as mué guerre en paix, dueil en joye, mort en vie, hayne en amour, effusion de sang en convalescence, cherté en habondance et tout mal en bien ? (Chr. Piz., Paix W., 1412-1413, 61)

Dont, se ainssy est, laquelle chose je ne croy, Dieu lui avoit bien monstré sa tresgrande et evidente grace, comme ne sy trespeu d'espasse avoit mué une sy tresgrant tristresse en tout plaisir. (La Sale, Salade, c.1442-1444, 121)

...le Saint Esperit mua la malediction en beneicon [l. beneiçon] . (Miélot, Spec. hum. salv. L.P., 1448, 124)

Veez cy piteuse mutacion, Müer la joye en passïon. (Pass. Auv., 1477, 221)

Locution. Muer choses carrees en rondes. Entreprendre des choses impossibles à réaliser.

Ung jour ediffient, l'autre destruissent, selonc le dit de Orace ou livre de ses Epistres : 'Che que ung jour a demandé, en l'autre ne tient compte ; il redemande che que nagaires avoit laissié ; il est ardant et discouvenable a toute ordre de vie ; il abat puis ediffie ; il mue choses quarrees en rondes. (Daudin, De la erudition H., c.1360-1380, 330)

C. -Emploi intransitif ou pronominal. Changer, se transformer.

1.[D'une pers.]

Changer d'attitude.

...n'onques mais dame ne fu tant amee ne si loialment desiree come je vous aim et desir sans partir ne muer. En ceste pel mourrai (Mach., Voir, 1364, 314)

Mais l'autre qui est pertinax et affichié ou enterin, il ne se mue pour raison que il oe. (Oresme, E.A., c.1370, 395)

...la damoiselle, qui n'estoit pas femme a effrayer de legier, ne s'en mua oncques. (C.n.n., c.1456-1467, 254)

...à ce propos de coustance raconte Valeres que, ou temps que furent ces philosophes, c'est assavoir, Demoetus, qui se fist crever les yeux affin qu'il en eust meilleur entendement, Eraclitus, qui est appellé tenebreux, Anaxagoras et Herciles, auteur de dragedes, de Naxagoras est escript que, comme il disputast es escoles, un message li vint dire que ses filz estoient mors, mais oncques ne s'en mua, ne laissa la disputaison (Chr. Piz., Faits meurs Ch. V, S., II, 1404, 63)

Devenir différent, changer.

Sces tu qu'il sera, Maubüé ? Saches, mon courage est müé. Je cuide que nostre creance N'est que fantosme et decevance ; Et pour ce je la vueil lessier. (Mart. st Pierre st Paul R., c.1430-1440, 151)

Se muer en mieux. S'améliorer.

LE QUINT CHEVALIER. (...) vous voulez argüer Que marïage fait müer Par sa grant vertu les corages, En mieux se müera li saiges, Et le fol ja bien ne fera ; Ne ja pour ce ne devendra Ta complectïon feminine, Car bien scez que pas ne domine La femme, maiz ce fait li homs (Gris., 1395, 15)

Sans muer ne changer

Avec ce tuit li estrangier, En tout, sans muer ne changier, L'avouerent et l'ensuirent [l'avis du vicomte] , Et au roy tout en haut deïrent Qu'il n'en convenoit plus parler, Car il s'en voloient raler (Mach., P. Alex., p.1369, 102)

Et je la ser, sans muer ne changier, Tres loiaument de toute ma vigour (Mach., L. dames, 1377, 23)

[Sentence] L'homme sage demeure en sapienche comme le soleil, et le fol se mue comme la lune

Pour che est il dit en Ecclesiastique ou .XXVIIe. chapitre : 'L'omme sage demeure en sapienche comme le soleil, et le fol se mue comme la lune'. (Daudin, De la erudition H., c.1360-1380, 72)

(Se) muer (de qqc.). Être ému, s'émouvoir (à cause de qqc.).

...elle estoit en son vergier, Ou j'entray sanz faire dangier. Treshumblement la saluai, Mais au saluer tout muai ; Lors elle me prinst par la main (Mach., Voir, 1364, 230)

Trembler, fremir et muer me couvient. Douce dame, je ne sai dont ce vient, Mais par ma foi nes d'un seul souvenir (Mach., Voir, 1364, 294)

Quant les Bretons veirent venir la nouvelle bataille ou il avoit bien quatre mille hommes, oncques ne s'en muerent, car autant convoytoient la mort que la vie. (Percef. IV, R., c.1450 [c.1340], 628)

A ces mots le comte, qui bénigne et familier estoit en respondre, mais auques près muoit en la face de leur dire, leur dit... (Chastell., Chron. K., t.4, c.1456-1471, 250)

....ne vous veuilliez muer de la relation horrible que nous vous ferons touchant à vostre personne. (Chastell., Chron. K., t.4, c.1456-1471, 250)

Sy lui dit l'aventure et le cas advenu, en quoy le roy se mua très-fort. (Chastell., Chron. K., t.3, c.1456-1471, 381)

FAUSTINIEN. Pareillement oy dire ay je Que Firmins, mon enfant tres gent, A relenqui par fausse gent Nostre loy, mais je ne m'en mue. Je murdris mon anoy en mue Tousjours tellement quellement. (Molinet, Myst. st Quentin C., c.1482, 60)

[D'un animal] Se muer en qqc. Adopter, par mimétisme, qqc. (une couleur).

Et [une lesarde] se mue et varie en toutes telles couleurs comme ont les choses que elle resgarde longuement, excepté .II. couleurs, rouge et blanche. (Oresme, E.A.C., c.1370, 133)

b)[D'une chose]

[Concrète] Changer, se modifier, se transformer.

Quant le medecin fait toutes choses selon raison, il ne doit muer son gouvernement, se ainsi est que ce qu'il a veu ou commencement ne se mue. (Saint-gille, A.Y., 1362-1365, 65)

DIEU. (...) Je suis contens que le lyeu meue [où se trouvait la statue de Jupiter] , Et qu'om il face belle egleyse Et une mayson bien assise A recepvoir le pouvre gent. (Myst. st Bern. Menth. L., c.1450, 121)

[Abstr.]

Changer de forme.

Et c'est trop fort que l'affection humaine ne se mue pour les eviter [les douleurs] . (Oresme, E.A.C., c.1370, 178)

[D'une convention] Subir des modifications.

DACIEN. Je n'estriveray pas a toy Pour trois jours ; va, je le t'acors ; Mais garde bien que cil accors Ne mue goute. LORENS. Non fera il, sire, sanz doubte (Mir. st Lor., 1380, 175)

C. -En particulier. [Idée de changement saisonnier dans l'apparence de certains animaux]

1.Emploi intransitif ou pronominal.

Dont moult bien et moult bel mua, Et la mue continua Jusqu'a tant qu'il fu tous muëz, De sa vieil plume desmuëz Et de nouvelle revestis. (Mach., D. Aler., a.1349, 283)

Il avient souvent que un faucon (...) giete ses panes et se mue si tart que la saison d'iver se passe (...) avan que il puisse estre prest de voller (Henri Ferr., Modus et Ratio, Livre deduis T., c.1354-1377, 203)

Ja soit que c'est le meilleur que l'esprevier vole tant comme l'en trouvera a voler, et par especial tout le Karesme, car a fort et souvent gecte il plus naturellement ses plumes pour muer. (Ménagier Paris B.F., c.1392-1394, 162)

Item, en Karesme il [l'oiseau de proie] se mue et est bien troiz ou quatre moiz avec du foing et de la rame et troiz perches pour le percher. (Ménagier Paris B.F., c.1392-1394, 167)

Nota que en may le faucon commence a muer, et le couvient paistre de chaude viande. (Ménagier Paris B.F., c.1392-1394, 169)

Leur saison cesse : Oyseaulx muent et cerfs perdent leur gresse, Les chiens ullent et font ennuy et presse. (Chart., D. Fort., 1412-1413, 177)

Certes, ce n'est qu'une folie [la chasse] Qui ne peut durer longuement. On doit querir esbatement Qui touzjours dure et jour ne cesse. L'oiseau mue, le cerf prent gresse, Les chiens ne font qu'ennuy et noise, On pert l'oiseau, dont souvent poise. (Narcissus, p.1426, 295)

Muer de qqc.

Je pensay en secret recoy, Selonc contrainte oubeïssance, Entremeslée de doubtance, Que s'il [l'épervier] muoit de son plumage Qu'il ne muast de son corage Et qu'il ne fust plus dongereus Que devant, et meins amoureus. (Mach., D. Aler., a.1349, 282)

Mué de haie. Qui a mué à l'état sauvage.

Et se l'esprevier qui ainsi est priz aux pans est mué de haye, il couvient qu'il soit mis au baz par veillier et affamé par la maniere que dessus. (Ménagier Paris B.F., c.1392-1394, 164)

Et ceulx sont muez de haye, et toutesvoyves n'ont ilz point pont ne couvé en ceste annee pour ce que leur jennesse leur a tolu, et sont priz aussi apres leur mue. (Ménagier Paris B.F., c.1392-1394, 164)

Or nous couvient parler des muyers qui sont de deux manieres: c'est assavoir les ungs qui sont muez en la ferme et les autres qui sont muez de haye. (Ménagier Paris B.F., c.1392-1394, 165)

Penne muee. Penne tombee à la mue.

Et pour ce faire [enter la penne de l'épervier] faut que tu soies garni d'estranges panes muees, ou soient semblabes a celles de ton oisel. (Henri Ferr., Modus et Ratio, Livre deduis T., c.1354-1377, 213)

2.Emploi transitif. Muer (un animal à plumes ou à poils). Mettre un animal dans une cage pendant sa mue.

Si qu'einsi fui lonc temps en mue, Si comme un esprevier qu'on mue, Et tant qu'une fois entroÿ (...) Cornemuses, trompes, naquaires, Et d'instruments plus de set paires. Lors me mis a une fenestre Et enquis que ce pooit estre ; Si que tantost me respondi Uns miens amis qui m'entendi Que ceuls demouré estoient Einsi com tuit se marioient Et faisoient festes et noces ; Car la mortalité des boces Qu'on appelloit epydemie Estoit de tous poins estanchie ; Et que les gens plus ne moroient. (Mach., J. R. Nav., 1349, 153)

Jehan de Millan, fauconnier monseigneur Philippe, pour faire faire la mue à muer les oiseaux dudit monseigneur Philippe, 7s. 2d. (Comptes argent. rois Fr. D.-A., I, 1359-1360, 249)

Et, belle seur, s'il est ainsi que vous le voulez muer, pour ce que autant couste a muer ung mauvaiz esprevier comme ung bon, ayez premierement regard se vostre esprevier a esté bel et bon et paisible, car icelluy doit l'en muer. (Ménagier Paris B.F., c.1392-1394, 162)

À Jehan Maschefoing, faulconnier de mondit seigneur, la somme de soixante dix frans demi qui par ledit Fraignot lui ont esté bailliez, c'est assavoir deux frans demi pour faire rapareiller et mectre à point la mire de Rouvre pour y mirer [l. prob. muer] plusieurs faucons et oyseaulx (Comptes Etat bourg. M.F., t.2, 1419, 439)

...pour les gaiges dudit Machefoing et dudit Haymé Le Cropt depuis le premier jour de janvier jusques au derrain de may suigant, comme pour la despense de certains faulcons et levriers que, par ledit temps, ont (...) esté muez à Rouvre, ainsi comme plus à plain est contenu en ung roole de parchemin à la fin duquel est escript le paiement de ladicte somme (Comptes Etat bourg. M.F., t.2, 1420, 834)

III. -[Avec une idée de substitution]

A. -Muer qqc. Remplacer qqc. par autre chose.

Pretaxate jadis tres noble fenme, par le commandement de Omecie son mary qui fut oncle de Euscoche vierge, mua son habit et son aornement et ses cheveulx, dont par avant ne tenoit compte, et le aorna selonc la maniere du monde, convoitant son dit mary vaincre le propos de la vierge et le desir de la mere. (Daudin, De la erudition H., c.1360-1380, 379)

Et lors pour l'amour de son peuple le tres bon roy mua secretement son habit royal et prist habit estrange et s'en entra dedenz les chastiaux des Dorens, ses adversaires (Foul., Policrat., IV, 1372, 55)

Quant ce vint donques que Theseus retournoit de la victoire de Minotaurus, ceulx qui estoient avec lui oublierent a muer les voiles et a les mectre blans (Legrand, Archil. Sophie B., c.1400, 184)

...mais oncques n'en mua son habit tristre et douloureux, ne aussy fist il sa barbe ne ses cheveux (La Sale, Salade, c.1442-1444, 40)

Ma suer, si a moy volés croire, Vous muarés tous voz abis. (Pass. Auv., 1477, 138)

Muer les larmes. Changer l'objet de ses pleurs.

O femmes, voz lermes müés [;] Sur vous mesmes [,] femmes, plorés ! Helas, ne plorés rien sur moy ! [Cf. Luc 23, 28 : 'Filles de Jérusalem, ne pleurez pas sur moi ; mais pleurez sur vous et sur vos enfants'] (Pass. Auv., 1477, 191)

B. -[D'un animal] Muer ses dents. Faire des nouvelles dents après avoir perdu les premières.

Et, quant ilz auront mués toutes leurs denz, si les aprenez a mengier dou pain sec et de l'eaue petit a petit, quar chien qui est nourri de gresse et de soupes depuis qu'il a mué ses denz, s'il n'a touz jours soupes ou lecherie, voulentiers est de mauvaise garde, et aussi ilz n'ont mie si bonne alainne comme ilz ont quant il menjuent pain et yaue sanz plus. (Gast. Phébus, Livre chasse T., 1387-1389, 112)

Les dents muent à un animal

Au .IIIe. an les trois dens de devant luy muent, et dedens icelluy .IIIe. an deviennent plus grosses assez et plus bonnes que les autres. (Ménagier Paris B.F., c.1392-1394, 137)

C. -[D'un bien] Changer de (propriétaire, de seigneur).

Cheoir les voy en indigence Et leurs terres estre vendues Et tresfolement despendues Et muer leurs proprietez, Dont pluseurs sont desheritez Et seront, s'ilz ne s'i advisent (Desch., M.M., c.1385-1403, 270)

Et t'apparras [Mélusine] trois jours devant que la forteresse que tu feras et nommeras de ton nom, devra muer seigneur, et aussi quant ly uns des hoirs qui de ta lignie ystront devra mourir. (Arras, c.1392-1393, 13)

En verité, il est bien vray que Dieu vous a aidé et monstré que il ne veult pas que la seignorie change et mue seigneur (Juv. Urs., Loquar, 1440, 431)