MALICE

substantif féminin et masculin

[T-L : malice ; GDC : malice ; AND : malice ; FEW (VI-1, 110a) : malitia ; TLF (XI, 259b) : malice]

I. -[À propos d'un être animé]

A. -Disposition qui pousse à faire le mal.

1.Malignité, malfaisance.

Soing, penser, desir de savoir Ait, si porra science avoir. Et l'entreprengne en juene aage, Eins qu'en malice son corage Mue par trop grant congnoissance. Car le droit estat d'innocence Ressamble proprement la table Blanche, polie, qui est able A recevoir, sans nul contraire, Ce qu'on y vuet peindre et pourtraire. (Mach., R. Fort., c.1341, 2)

Il est voir que par ma malice Et par ma mauvaise avarice Le basme (...) ay vendu (Mir. pape, 1346, 369)

...il n'a encor point de science En li, raison, ne conscience, Ne cause dont il puist ouvrer Pour un petit bien recouvrer, Et n'a encor point de malice Qui soit cause de malefice. (Mach., D. Aler., a.1349, 242)

N'onques son cuer n'en amoli, Ains a touzjours perseveré En son malice et demouré Esconmenié de canon. (Mir. parr., 1356, 21)

Einsi fu Susenne sauvee Et sans courpe a ce jour trouvee, Et tout par la vertu divine Qui tout malice veint et mine. (Mach., C. ami, 1357, 16)

...lors congnoistrez vous qu'ou monde N'a que mauvaistié et malice (Mir. st Ign., 1366, 91)

C'est malice simplement quant raison et l'appetit tendent a mal. (Oresme, E.A.C., c.1370, 377)

...mais c'est malice selon aucune partie quant raison tent a bien et l'appetit trait la personne a mal. (Oresme, E.A.C., c.1370, 377)

Et avoir aucun de tous les accidenz dessus diz, c'est estre oultre les termes de malice humaine et comme une bestialité. (Oresme, E.A., c.1370, 382)

...attendu le malice d'iceulx prisonniers, et la voye par eulx ouverte pour evader la punicion et juridicion du roy nostre sire (Reg. crim. Chât., I, 1389-1392, 87)

Veez le la, cel ancien, emprez le roy, et sachiez que c'est le plus plain de mauvais malice qui soit en dix royaumes, et si veez la Olivier, son filz, qui ne poise pas moins une once. (Arras, c.1392-1393, 55)

Sy doivent toutes personnes les pechiez fuyr et mauvaise acoustumance car malice empesche a congnoistre Dieu et verité (Gers., Trin., 1402, 153)

Se a mescongneu tes services et lez ingratz ont oublié tes biensfaitz, que pense tu desormaiz profiter a la chose publique ne a toy mesmez, quant bienfait et malefice sont tout en ung compte, si non en tant que par long usage malice a plus de hardement et d'entree ? (Chart., L. Esp., c.1429-1430, 7)

...si aucune faulte luy advint, il semble qu'on ne le doit pas tant imputer a malice comme a la fragilité de son jeune eage. (C.n.n., c.1456-1467, 567)

Méchanceté.

Et qui plus est, quant dueil sur moy s'embat Par Fortune qui souvent si se fume, Vostre doulx oeil sa malice rabat Ne plus ne moins que le vent fait la fume. (Villon, Test. R.H., 1461-1462, 112)

De grant malice estes remply, Juïfz, maleureuses gens ! Tüer le mort, fraper celluy Qui est tout mort ! (Pass. Auv., 1477, 232)

[À propos de Lucifer] Méchanceté, perversité.

Autrement nous trebucherons legierement et serions deceuz par l'ennemy qui se mue et transforme, comme dit saint Pol, en l'ange de lumiere, c'est a dire : en samblance de grant bien il cele sa malice, et decoit plus tost et plus [plus] perilleusement que se il la monstroit ouvertement (Gers., P. Paul, a.1394, 501)

Lucifer, prince de malice, Escoupte et ouvre tes orailles (Pac. Job M., c.1448-1478, 227)

Déloyauté.

Petre Saincte est une petite ville Aux Florentins, qui comment qu'il en voyse Par quatre foys a esté genovoyse Par sa malice et cautelle subtille. (La Vigne, V.N., p.1495, 196)

[Dans les préjugés contre les femme] Perfidie, malignité.

De la malicieuse est dit en Ecclesiastique ou .XXVe. chapitre : «Briefve est toute malice sur la malice de la fenme, le sort des pechiés chera sur icelle», c'est la paine d'Enfer. (Daudin, De la erudition H., c.1360-1380, 424)

...Ne me souvenoit du proverbe Du serpent qui gisoit en l'erbe Ne du malice femenin ; En la queue gist le venin (Le Fèvre, Lament. Math. V.H., c.1380, 20)

Et pour ce dit Salemon, comme Il soit escript que chascun fuie Estrange femme comme pluie, Pour son blandir et sa malice, Que sa maison maine par vice Et encline jusqu'a la mort, Et aux enfers met et amort Ses semences par ses meffais (Desch., M.M., c.1385-1403, 185)

...se j'eusse pieça cogneu le malice d'aucunes femmes comme je fay maintenant, je n'eusse point ainsi perdu la bonne damoyselle dont je suis moult doulant. (Percef. III, R., t.1, c.1450 [c.1340], 18)

...[elle] estoit tant male et obstinée en malice que, si je la savoye en paradis, je n'y vouldroye jamais aller (C.n.n., c.1456-1467, 490)

[Point de vue qui relativise la malice des femmes]

...il m'est vis que, quoyque deffaille Femme, car il n'est nul sanz vice, Leur plus grant meffait ou malice Empire pou l'estat du monde, Combien que toute ne soit monde, Car peu s'empechent des affaires En gouvernemens neccessaires, En generalité, et, pour ce, Peut pou nuire la plus rebourse. (Chr. Piz., M.F., II, 1400-1403, 81)

Sans (mauvais) malice. Sans mauvaise pensée, sans intention de mal faire.

Chascuns ouevre de son office Sans mal engin et sans malice. Volentez vuet perceverer, Et vrais Desirs vuet averer A son pooir perseverance, En gardant adès reverance (Mach., D. Aler., a.1349, 331)

Mais pour les trés douces clamours Qui y sont, j'entrepren l'office, Sans mal penser et sans malice. Se j'ay petit sens, j'apenray Parmi les parlers que j'orray ; Et s'estre puis bien consilliez, Je ne seroie pas si liez D'avoir acquis cinq cens mars d'or. (Mach., J. R. Nav., 1349, 190)

Ce furent les deux princes, en mon temps, de humilité et de larguesce et de bonté, sans nul mauvaix malice, qui sont le plus à recommander, car ilz vivoient largement et honnestement du leur, sans grever ne travaillier leur peuple (Froiss., Chron. M., XIV, c.1375-1400, 159)

M'amye, ne vous courcez point (...) Que voulez vous, cueur amoureux... Mais comment vous estes esmeue ! Je cuydoie que fussiez perdue, Par ma foy, sans autre malice, Si vous voulez riens que je puisse, Je suis prest a faire debvoir. (P. Jouh. D.R., a.1488, 36)

Adieu, [Jean-Baptiste] mon sel ; adieu, m'espice ; Adieu, ma saveur et mon goust ; Adieu, le plus bel sens malice ! (Pass. Auv., 1477, 103)

[D'un animal] Innocent.

A Dieu face son sacrifice [Job] De sept moutons en verité Et de sept aignaulx sans malice (Pac. Job M., c.1448-1478, 367)

[Prov. sentence] Paix vainc toute malice et toute ire

Paix vaint toute malice et toute yre. (Ménagier Paris B.F., c.1392-1394, 41)

L'oisiveté enseigne moult de malice. L'oisiveté est mère de vice, de malignité.

Avec ce comme il est dit en celui livre ou .XXXIIIe. chapitre : «Huiseuse a enseignié moult de malice» et Seneque a Lucille dist : «Huiseuse sans lettrez est la mort». (Daudin, De la erudition H., c.1360-1380, 13)

En particulier. Disposition qui pousse à pécher, état de péché.

N'onques son cuer n'en amoli, Ains a touzjours perseveré En son malice et demouré Esconmenié de canon. (Mir. parr., 1356, 21)

L'oingnement de confession Est le tiers, qui sanz lesion Trait la viez doleur ancienne De crestien et crestienne Bleciez par pechié et par vice, Et les purge de leur malice (Desch., M.M., c.1385-1403, 238)

Y penser malice. Avoir des intentions mauvaises, penser à mal.

Et non pour quant, puisqu'il vous plait, Bien en poez dire hors plait, En supposant sans prejudice. Et je qui point n'i pens malice, Volentiers vous escouteray, Et, se bon m'est, j'en parleray. (Mach., J. R. Nav., 1349, 184)

Or vueille Dieus que pensee si nisse Ne soit en li qu'il y pense malisse Ne traïson, Car il ne puet avoir milleur office ; Et s'il la sert loyaument et sans vice, Il porra bien avoir pour son service De s'amour don. (Mach., F. am., c.1361, 173)

Eve, qui n'y pensa malice, Le deable crut comme nice (Chr. Piz., M.F., II, 1400-1403, 136)

Et le trespreu chevalier n'y pensoit aucune malice, ainchois advisoit les mieulx faisans pour tousjours plus son honneur exaucier. (Percef. III, R., t.1, c.1450 [c.1340], 179)

2.Action faite avec méchanceté, méfait.

...comme le dit exposant vit venir le coup, se recula un pou et pour doubte que le dit religieux ne le meist mort, et pour obvier à son malice, le feri parmi la teste un seul cop de la dicte hache (Doc. Poitou G., t.6, 1391, 57)

Et pour ceste cause [le meurtre de ses enfants] fut prinse, et après qu'elle eut congneu son malice, fut arse et exécutée par justice dudit lieu d'Abbeville en Ponthieu. (Monstrelet, Chron. D.-A., t.5, c.1444-1453, 352)

Sacrilège.

Et a Paris sus Saine, Je vis un garnement Blasmant de foy malsaine Le divin sacrement ; Le sainct sang du calice Vault prendre et pesteller, Se fut pour son malice Condenné a bruller. (Molinet, Faictz Dictz D., 1467-1506, 331)

Au pluriel. Méfaits, exactions, injustices, mauvais coups, vices.

Fols est qui vuet autre dieu querre. Trop yès piteus, misericors, Dous, courtois a l'ame et au cors Et penitens seur les malices Des hommes, c'est tes drois offices. Tu, sires, par douce pité Has promis, selonc ta bonté, Remission et penitence Des pechiés qui nous font grevence. (Mach., C. ami, 1357, 53)

Il monstre que vertus et malices sont voluntaires et exclude une erreur contraire (Oresme, E.A., c.1370, 195)

Donques, s'ensuit il, puisque les vertus sont pour ce voluntaires, que les malices soient aussi voluntaires (Oresme, E.A., c.1370, 202)

...messires Hues li Espensiers (...) bien sçavoit que il faisoit mal, mais tant estoit endurcis en ses malisces que il n'en savoit ne voloit issir. (Froiss., Chron. D., p.1400, 53)

Mais tant estoient arudis Et avuglez en leurs malices Que de Dieu tous les benefices Avoient du tout oubliez, Tant les ot deables liez. (Chr. Piz., M.F., II, 1400-1403, 184)

...Charles de Creseques et Guillaume de Dampmart, dit Brunet, chevaliers, baillerent devers une cedule d'accort fait entre eulx sur certeinnes fraudes et malices commises par ledit Charles et les siens ou prejudice dudit Brunet (Baye, II, 1411-1417, 103)

BAUCIBUS [un diable] . (...) J'ay fait par mes malvoix malices Le monde encliner a tous vices (Pass. Semur D.M., c.1420 [1488], 33)

Mais Nostre Seigneur, comme vray juge et pugnisseur des persecuteurs de sainte esglise et de tous aultres malfaitteurs obstinez en leurs malices, lui abrega ses jours, et le fist la finirmaleureusement et tout enrragié morir. (La Sale, Salade, c.1442-1444, 172)

...pour les longues malices et males fortunes des guerres lesquelles ont eu cours en ce royaulme (Maupoint, Journ. paris. F., App., 1461, 15)

Pour mieulx advertir ses malices Dont il y peut avoir foison, Il soit mis en bonne prison, Par mon conseil, tres bien serré, Bien enceppé et bien ferré Tant qu'il n'en saille de ce mois. (Gréban, Pass. J., c.1450, 371)

J'ay peur que ses disciples et gens Pour covrir leur malices grans L'emportent [le corps de Jésus] pour faire entendent Au peuple son succistement, Et pour ce selon mon advis Seroit bon que fussent commis Aulcunes gens pour le garder. (Pass. Auv., 1477, 271)

SECOND BRIGANT. (...) Car pour donner a tous exemple, Pugnÿes seront mes malices. J'ay desrobé eglise et temple Et puis corporaulx et calices ; Puis, pour fournyr a mes delices, Corpus Christi, dignes reliques, Aultour paillardes chiennes lices, J'ay tout mys en chieres publiques. (La Vigne, S.M., 1496, 314)

B. -Ruse.

[Avec une valeur plutôt nég.] Ruse plus ou moins malfaisante, manoeuvre.

Par confete manière l'amour Tristan aroit. Seigneurs, or escoutés, dont elle s'avisoit. De sy tres grant malice sy apensee estoit Que nul qui soit vivant(,) cë il n'aviseroit Que la dame advisa, pour Tristan qu'elle amoit (Tristan Nant. S., c.1350, 364)

De ce ne faites nulles doubtes, Que drois ne se puet delivrer, Se toutes ne sont au livrer, Afin que fait soit bonnement, Se cils qui fist les drois ne ment. Je meïsmes y ay office Pour resister a tout malice, Qui maintes fois le droit destourne ; Et je d'office le retourne. Quant uns bons procès vient en fourme, Et je perçoy qu'on l'en deffourme, J'y puis bien tellement ouvrer Qu'il puet sa fourme recouvrer. (Mach., J. R. Nav., 1349, 198)

Elle s'apensa d'un malice, pour sa mauvaistié et felonnie couvrir, et s'en vint par devers son mary, si lui dist : 'Mon chier seigneur, que vous avez mal fait que vostre fils en avez ainsi chacié hors de vostre hostel !' (Bérinus, I, c.1350-1370, 31)

...Si que li prince et li satrape Par pure envie, qui atrape Maint cuer, quirent occasion Pour mener a destruction Daniel ; mais il virent bien Qu'il avoit en li tant de bien Que jamais en li ne trouvassent Chose dont mauvais le prouvassent. Si s'avisierent d'un malice Pour li oster de son office Et pour sa mort, que sans deloy Il le penroient en sa loy, Si que d'assentement commun Tuit furent en acort comme un, (...) D'un edit faire et un decret Que quicunques petition, Sacrefice ou oblation, (...) A quelque dieu ou a quelque homme Fera, qu'a Daire seulement, Qu'il soit getés isnellement Ou mis en la fosse aus lions (Mach., C. ami, 1357, 36)

Sire, en Gombaut a grant malice, Car nulles foiz assault ne fait Ne pongneis fors par aguait, Ce n'est pas doubte. (Mir. Amis, c.1365, 11)

'Messire Jehan, messire Jehan, ne creés ja que si vaillant homme qu'il sont là, s'enfuient ensi ; il ne le font fors par malisse et pour nous attraire.' (Froiss., Chron. L., VI, c.1375-1400, 122)

'Chertes, signeur, Jehan Lion se sueffre maintenant et baisse la teste bien bas ; mais il le fait tout par sens et par malise, car encores nous honnira il tous.' (Froiss., Chron. R., IX, c.1375-1400, 165)

Et pour ce par succession Vault mieulx a toute region Avoir seigneur par mariage Et descendue de linaige Et roy qu'a force ou par eslire Ainsi comme on fait en l'Empire, Car en teles elections A trop de fraudulacions, Ou par malice ou par promesse, Ou par paour ou par haultesce, Qui a regner ne sont ydoine. (Desch., M.M., c.1385-1403, 13)

...bien croy que grant escience Et malice porent avoir De trouver maniere d'avoir Finance (Chr. Piz., M.F., II, 1400-1403, 44)

...par agait et par malice, Et non par corps a corps en lice, Achillés l'occist au derrain (Chr. Piz., M.F., III, 1400-1403, 130)

Car la discretion d'eslire et sens de eschiver est seant a l'omme que tous entendent a plus vouloir aproucher par auctorité ou surprendre par malice, et plus doit caultement et sagement aler cil qui plus perilleusement peult trebucher. (Chart., L. Esp., c.1429-1430, 73)

...et pour la malice des gens fault [hiis temporibus] mettre une peau de parchemin où souloient souffire quatre lignes. (Fauq., III, 1431-1435, 104)

Sy se apenssa de une tresgrant malice. Lors vint au chevalier, tout acourant par grant faintise, ainssy que se on les vaulsist prendre (La Sale, Salade, c.1442-1444, 107)

SATHAN. (...) J'ay regardé et circuÿ De l'avoir par aulcun malice, Mais il n'est mal, pechié ne vice, De quoy je la puisse occuper. (Myst. Pass. Troyes B., a.1482, 338)

Manoeuvre de séduction.

Il affiert bien aux catholiquez savoir par quelle malice Mahommet seduisi tant de gens, et comme il tyra derechief les inconstans a folle et frustrative esperance. (Chart., L. Esp., c.1429-1430, 118)

[Avec une valeur plutôt positive] Ruse, finesse, intelligence.

...quant ceste desloyale assez me ara chastiee, si que Dieu vouldra sa punicion cesser et les cris de mes plains seront par pitié devant Dieu portez, si comme jadis furent ceulz des enfans d'Israel lors que Olofernes atout sa grant force assigiez les avoit, adonc Sanson, c'est le soleil fort, s'avisera de grant malice contre ses ennemis, ce sera ung de mes filz cler comme le souleil fort, car le souleil de justice en lui habitera. (Chr. Piz., Avision R.D., 1405, 37)

...nous fumes surpris d'aucuns chevaliers qui se sont mis en queste pour desprisonner Lyonnel et ses compaignons, et n'en eschappa que moy par mon malice. (Percef. III, R., t.1, c.1450 [c.1340], 201)

...mais il n'avoit point assez de sens ne de malice pour conduire ses entreprises : car, avecques les autres choses propices à faire conquestes, si le très grant sens n'y est, tout le demourant n'est riens, et croyez qu'il fault que cela vienne de Dieu. (Comm., I, 1489-1491, 189)

[À propos d'un animal] Ruse (pour attraper une proie, échapper à l'homme...).

Et se les chiens n'estoient sages, telles malices [des cerfs] les feroient transporter et faillir, et pour ce sont necessaires les limiers pour deffere telles ruses malicieuses (Henri Ferr., Modus et Ratio, Livre deduis T., c.1354-1377, 46)

... il n'i a nul si bon veneur ou monde qui peüst penser les malices et subtilitez que un cerf scet fere, ne n'est nul si bon veneur ne si bons chienz qui moult de foiz ne faillent bien a prendre le cerf a force, et ce est par son sen et par sa malice et par sa subtilité. (Gast. Phébus, Livre chasse T., 1387-1389, 64)

Pour ceste cause les passions et desordonnez mouvemens sont lais et coulpables es hommes, qui point ne le sont es bestes, comme orgueil n'est point pechié, ou laydure en cheval, cruaulté en lyon, malice en renart, envie es chiens, avarice es cornailles, et ainsy des autres. (Gers., Concept., 1401, 399)

II. -[À propos d'une chose]

A. -[À propos d'éléments vitaux] Insalubrité.

Et se tenir celle saison Communelment en sa maison, Et avecques il doit pèner À corrigier et réfrèner L'air venimeux et sa malice, En faisant feu de boiz propice. (La Haye, P. peste, 1426, 80)

Car teles eaues, quoy que soit, Sont mauvaises en cest endroit, Et qui trouve eaue preste, Fors malicieuse et suspecte, Cuire la doit et immuer, Pour sa malice minuer (La Haye, P. peste, 1426, 102)

B. -Mauvaise qualité, nocivité de qqc..

1.MÉDECINE

...car l'orine appert à la fois bonne et l'ipostasie aussi, mais non pas de la matiere de la maladie, mais de la viande, car nature n'ose envaïr la maladie pour sa malice (Gordon, Prat., c.1450-1500, I, 10)

Et se c'est de l'estomac, on le congnoist pour gravité de l'estomac et par router et vomir et par fastide et par malice de digestion (Gordon, Prat., c.1450-1500, II, 10)

Donc en scothomie et en vertigine est corruption de veue et malice de cancellation de ydoles (Gordon, Prat., c.1450-1500, II, 11)

Malice de complexion : aulcune est chaude, aulcune est froide, aulcune est seche, aulcune moiste (Gordon, Prat., c.1450-1500, V, 1)

Se ilz [les vermes] sont mors, c'est mal signe, car c'est signe de malice de matiere (Gordon, Prat., c.1450-1500, V, 20)

En oultre est a noter que [en] diverses preparations les eufz acquirent bonté ou malice, car ilz sont cuilz en braises, ou boullis, ou refris, ou cuyt avec aulcun brouet. (Rég. santé corps C., 1480, 26)

2.[D'une plante, d'un fruit]

Est il homme qui ait si bon goust comme a le cert, quer il sent au goust toute la forche et la malice de toutes les herbes (Henri Ferr., Modus et Ratio, Livre deduis T., c.1354-1377, 60)

Et pour ce, dist l'arbre, ne me vueilliez point condempner devant ce que vous aurez esprouvé la bonté ou malice de la saveur de mon fruit, car le Sauveur (...) dist : 'Vous congnoisterez les arbres a leurs fruiz.' (Colart Mans., Dial. créat. R., 1482, 142)

3.[À propos d'une chose abstr.]

La premiere est fondement Des autres et commencement, Si nous apprent celle science A parler par belle escience, Lire et escripre sanz nul vice, Sanz barbarisme et sanz malice De solecisme, ne sophisme, Qui en argument met maint scisme (Chr. Piz., M.F., II, 1400-1403, 125)

4.[D'un phénomène astronomique] Nature mauvaise, fait d'être de mauvais augure.

Dame, respondy Dardanom, je ne le vey point alumer [la comète] mais je l'ay depuis veu par pluiseurs fois et comprins partie de son malice. (Percef. IV, R., c.1450 [c.1340], 560)

5.Dureté (des temps).

...veue la povreté et neccessité du peuple, et pour la malice du temps de guerre qui est à present (...) il sera tolleré (...) ausdictes femmes et autres de vendre et acheter, comme font de present esdictes places devant Saint-Martin et devant Saint-Denis-de-la-Chartre, et parmi la ville, sans leur faire aucune nouvelle contrainte ou vexacion au contraire par lesdis gens du roy oudit Chastellet. (Fauq., II, 1421-1430, 360)

Peine, soucis, inquiétude (de la vie quotidienne)' .

Proverbe. À chaque jour suffit sa malice

Ne veuilliez, dit Jheucrist, panser du demain ; il souffit bien au jour present sa malice. (Gers., Dial. spirit. G., c.1407, 177)

6.Caractère douloureux de qqc..

Malice de coulpe, c'est volupté charnele, fait a oster par malice de paine, par chastoiement de char, selonc le dit de Ecclesiastique el .XIe. chapitre : «La malice de une heure fait mettre en oubli grant luxure». (Daudin, De la erudition H., c.1360-1380, 305)