MAINMISE

substantif féminin

[GDC : mainmise ; FEW (VI-1, 294a) : manus ; TLF (XI, 187a) : mainmise]

A. -Action de saisir qqn ou de saisir des biens, saisie.

A touz ceux qui ces lettres verront, Pierre Hardi, conseillier du roy nostre sire et garde du bailliage de Meleun, salut. Comme ja pieça, a la requeste de Jehan de la Chapelle, procureur du roy nostre dit seigneur a Meleun, la main d'iceli seigneur eust esté mise en un geton de mouches bezainnes qui avoit esté trouvé d'espave en un arbre estant a Panfo, ou carrefour, devant l'ostel Guillot Godino, comme espave au roy nostre sire, sicomme le dit procureur disoit ; contre laquelle main mise les religieux abbé et couvent de Saint Magloire de Paris ou leur procureur pour eulx se feussent opposez, disans le dit geton a eulx appartenir comme haus justiciers au lieu (Chartes Abb. St-Magl. T.F., t.3, 1366, 355)

Apres il [Aristote] parle en especial des rebellions qui ont esté pour main mise ou pour injure faite ou corps. (Oresme, Pol. Arist. M., c.1372-1374, 237)

Et aussi avons levé et osté, levons et ostons tout empeschement et main mise qui seroient ou auroient esté mises en sa personne et biens quelxconques. (Doc. Poitou G., t.5, 1377, 21)

Par quoy iceulx droictz, coustumez, usaiges et franchises dessusdiz ausdiz habitans et paroissiens des Brevieres avons delivré et delivrons, et l'empeschement et mainmise de par monseigneur qui mise y estoit en iceulx boys avons levee et levons a plain au prouffit desdiz habitans et paroissiens, en debouttant ledict procureur de monseigneur de plus en faire poursuicte contre eulx par nostre delivrance, par nostre sentence diffinitive et a droict. (Chartes Abb. St-Magl. T.F., t.3, 1389, 596)

Au jour d'ui, a esté ordonné maistre Pierre Buffiere et commiz à visiter les merceries du Palaiz durant la mainmise du Roy faicte par la Court es choses contencieuses entre Thiebaut de Mazeray, concierge du Palaiz, d'une part, et les merciers du Palaiz, d'autre part, sur ycelle visitation et m'a esté enjoint par monsr le premier president que ce soit fait secrete, ad obviandum fraudibus. (Baye, I, 1400-1410, 29)

Et delivre le Roy ledit messire Charle de l'arrest ou mainmise en la personne dudit messire Charles, et de touz procès contre ladicte Université. (Baye, I, 1400-1410, 113)

Remarque : Doc. 1342 ds TLF.

De mainmise. Par saisie ; de force.

...le prevost de Paris envoya querir ledit Balthasar de main mise (...) et le prevost bailla audis gardes le camaieu de voirre et les aneaux de Venise, et pour ce qu'il n'estoient pas de bon or, ilz furent despeciéz (Industr. Paris F., 1381, 305)

De main mise t'arreste, Rens toy a moy, et tu feras que sage (CH. D'ORLÉANS, Ret. am. C., 1414, 10)

Jehan Quercin, bourgoiz et esleu de la ville de Limoges, lequel je avoye fait adjourner à comparoir en personne et de main mise par moy, pour rendre compte et reliqua de la compaignie qu'il a eue avec Jacques Cuer, dont tant pour le principal de ladicte compaignie qui se montoit à 3.000 escus, que pour espicerie, argent et autres choses (Aff. Jacques Coeur M., 1453-1457, 50)

Nostre jeunesse Dieu a prinse De mainmise Sur nous, mon bon frere Symon ; En nous il a sa grace assise, Dont aprinse Avons la vie de renom. (Pass. Auv., 1477, 119)

Jouer de mainmise à qqn. Mettre la main sur qqn, se saisir de sa personne.

MALCUS. Ma besongne se porte bien Puis que mon oreille est remise ; Mais nous vous jourons de main mise. (Myst. Pass. Troyes B., a.1482, 705)

B. -En particulier.

1.Confiscation d'un fief par le seigneur en cas de manquement grave du vassal.

...pour ladicte main mise il n'ot son fied justicier, que icilz Giles, en justicant sondit fied dehument soit empeschiéz en aucune maniere. (Trés. Reth. S.L., t.2, 1371, 197)

...durant laquelle main mise ledit monseigneur le comte disoit que ledit monseigneur de Laval ne autres de par lui ne povoint ou devoint expletter ou faire expletter en ladite terre (Cartul. Laval B., t.2, 1401, 367)

...se leurs corps ou biens (...) estoient pour ce prins, saisiz, arrestez (...) nous voulons qu'ilz leur soient mis (...) à pleine délivrance, en levant et ostant ladicte main mise et tout autre empeschement (Ch. VI, D., t.2, 1413, 62)

...le pays et conté d'Artois, ressors et enclavemens d'icelluy, tenus et mouvans de nous et de nostre dicte couronne à foy et hommage et en pairie, pour laquelle nostre main mise faire executer reaument (Hist. dr. munic. E., t.1, 1477, 419)

...se la main mise estoit venue en la congnoissance du vassal et nonobstant, ledit vassal enfrainct ladite main, il est tenu de rendre les fruictz et levées par luy (...) receues (Cout. Chât. O.-M., c.1480-1500, 419)

...je veux que les provisions que je ordonné touchant la main mise de la conté d'Armignac sortent leur effect (Lettres Ch. VIII, P., t.4, 1495, 158)

2.Saisie, entre les mains du roi, des biens d'une personne qui a commis des fautes graves.

...s'ensuit la teneur de certain arrest ou mainmise par Nicolas Berthin, sergent à verge du Roy nostre sire ou Chastelet de Paris (Comptes Paris V.L.D., t.1, 1449-1450, 627)

...Jacques Cuer et ledit monseigneur l'arcevesque parlèrent assez longuement ensemble en noz présences du fait des compaignies dudit Cuer et de ses biens, et des excécutions et main mises qui avoient esté faistes de par le Roy sur sesdiz biens. (Aff. Jacques Coeur M., 1453-1457, 20)

J'envoie mon clerc Alain Delacroiz à Bourges et devers le Roy pour recouvrer de maistre Ythier de Puigirault, secrétaire du Roy, les procès verbaux de feu missire Pierre de Tuillières et dudit maistre Ythier des mains mises du Roy qu'ilz firent ès terres et héritages de Jacques Cuer (Aff. Jacques Coeur M., 1453-1457, 391)

Voir aussi main