MELODIE

substantif féminin

[T-L : melodie ; GD : melodie ; GDC : melodie ; AND : melodie ; FEW (VI-1, 686a) : melodia ; TLF (XI, 607b) : mélodie]

A. -Au propre.

1.Suite harmonieuse de sons chantés, mélodie.

...elle [Marie] arriéres descendi Avec sa belle compagnie En chantant par grant melodie, Qui moult le cuer me confortoit. (Mir. ev. N.D., c.1348, 85)

Semblablement en choses qui sont en oïr, ceulz qui se esjoïssent et delitent superhabundanment et trop en melodies de vois humaines et de sons faites par instrumenz, nul ne les dit pour ce desactrempés. (Oresme, E.A., c.1370, 220)

Je n'ay point apris A oir telle melodie. Que peut c'estre ? (...) Je croy qu'esperiz des cieulx sont Qui par cy deduisant s'en vont. (Mir. Pierre Changeur, c.1378, 281)

...oïr la doulce melodie de leurs chans louant Dieu incessamment (Chr. Piz., P.V.H., 1416-1418, 46)

Alors les menerent par instrumens et melodies, par jardins, par salles et par chambres, les ungs bien, les aultres mieulx cent foiz que on ne pourroit ne saroit dire ne deviser. (La Sale, Salade, c.1442-1444, 92)

Pense la magnificence de Dieu en gloire a la quelle compagnie tu es appele. Pense la grant beaulte et le bel ordre qui est entre les sains, la ioye, la melodie, les doulx cantiques des sains glorieux. (Cib., p.1451, 189)

RAPHAEL. Chantons et menons melodie, Puisqu'il plaist au doulx roy des roys. (Myst. st Laur. S.W., 1499, 251)

[À propos d'un oiseau] Chant.

S'entray ens pour moy deporter, Pleins d'amoureuse maladie, Et pour oïr la melodie Des oisillons qui ens estoient Qui si trés doucement chantoient Que bouche ne le porroit dire, N'onques homs vivans n'ot tant d'ire Que, s'il peüst leur chant oïr, Qu'il ne s'en deüst resjoïr En son cuer (Mach., D. verg., a.1340, 14)

2.Par extension. Toute suite harmonieuse de sons, harmonie.

Lors d'une vois douce et serie, Clere, seinne, en tel melodie Commensa son chant dalés mi C'un petitet m'i endormi, Mais ne fu pas si fermement Que n'entendisse proprement Qu'einsi commensa par revel Joliement son chant nouvel (Mach., R. Fort., c.1341, 71)

Et certeinnement, il me semble Qu'onques mais tele melodie Ne fu veüe ne oïe, Car chascuns d'eaus, selonc l'acort De son instrument, sans descort, Viële, guiterne, citole, Harpe, trompe, corne, flajole, (...) Oÿ j'et vi en ce parchet. (Mach., R. Fort., c.1341, 146)

Et aussi com par erramie, Pour faire grigneur melodie, Furent sus li oisel assis, Sa un, sa deus, sa cinc, sa sis (Mach., D. Lyon, 1342, 166)

Adont mis je mes yeus en ouevre Pour vëoir comment Nature ouevre, Et aussi fis je mes oyes Pour escouter les melodies, Et pris tout mon entendement Pour bien congnoistre clerement Les biens que j'ooye et vëoie, Des quels je ne me parcevoie, Eins que Raisons m'eüst retrait de grieté et en joie trait. (Mach., D. Aler., a.1349, 391)

Si tost que vous orrez sonner Nos instrumens et resonner La trompe, le fretel, la harpe Qui doucement fretele et harpe, La douceur de la symphonie Et la tres douce melodie De tous les genres de musique, N'i ait celui qui ne s'aplique Pour aourer l'idole d'or. (Mach., C. ami, 1357, 19)

Sa harpe acorda sans delay Et joua son dolereus lay Et chanta de vois douce et seinne, De si grant melodie pleinne, Qu'a sa vois, qu'a ses instrumens, Fist cesser d'enfer les tourmens ; Car les infernaus s'esjoïrent De la douceur, quant il l'oïrent. (Mach., C. ami, 1357, 82)

Mais onques tele chanterie N'oy ne si grant melodie Com des oiseaus qui la estoient, Car de chanter si s'efforçoient Que li lieus, li bois et li champs Restentissoient de leurs chans. (Mach., F. am., c.1361, 191)

Lors pour alligier la dolour Qui taint et pallist ma coulour, Je fis ceste balade cy, A cuer taint et malade, si Plain d'amoureuse maladie Que menre en est la melodie. (Mach., Voir, 1364, 668)

Plus douce que voix de seraine, De toute melodie plaine Est sa voix ; car quant elle chante Mon cuer endort, mon corps enchante (Mach., Voir, 1364, 720)

Car nous voion que ceuls qui aiment les sons des instrumens de musique, quant ilz oient la melodie de telz sons, ilz ne pueent entendre as paroles que l'en leur dit (Oresme, E.A., c.1370, 511)

...samblablement, nous le veons dez meloudies, car lez unes si enclinent a lyesse, conme est le salterion, le lut et la guitterne et samblables ; lez aultres si enclinent a hardiesse et donnent courage, conme sont trompes et naqueres et samblables, conme ce nous tesmoigne Ysodore... (Songe verg. S., t.1, 1378, 390)

Je vous respons et dis que c'est vray que, par la vertu naturele de la melodye de la harpe, l'affliction de Saül estoit aucunement allegiee, en tant que celle melodye adoucisset son espirit, par quoy il se reposet en aucune douceur [et] il estoit mains aptes de recevoir l'affliction de celluy mal espirit. (Songe verg. S., t.1, 1378, 392)

Mais en ces griefs tourmens seuffrent, Par ces sains et sainctes orent Chascun a Dieu, d'eulx fut oye De paradis la melodie : La mere Dieu, la vierge dame, Jouoit illec de son tympanne (Desch., M.M., c.1385-1403, 253)

...par la douçour de sa science et la melodie de sa voix (Desch., Art dictier R., 1392, 269)

Et semblablement les chançons natureles sont delectables et embellies par la melodie et les teneurs, trebles et contreteneurs du chant de la musique artificiele. (Desch., Art dictier R., 1392, 271)

Et la fu la feste grant, et y ot de moult nobles mès servis cellui jour, et y ot grant melodie des sons musiquaux, et donna le conte de riches dons. (Arras, c.1392-1393, 32)

...fist le roy commander que (...) a chascun quarrefour eust menestriers, trompes, naquaires et tous autres instrumens qui pourroient estre trouvez en la ville et toute la melodie de quoy on se pourroit adviser pour festoier les damoisiaux. (Arras, c.1392-1393, 116)

...je escoute aucune melodie et armonie sur toute melodie, je flaire aucun odeur, je sens aucune doulceur et saveur, je faiz aucuns embrassemens, mais c'est moult loing et moult d'autre maniere que ne sont ces choses sensibles que tu congnois. (Gers., Trin., 1402, 157)

ELIZABETH [à Marie] . (...) S'en vous ne fust grant providence Et superfluité de sens, Vous n'eussiez pas comme je sens Pronunciet la quarte partie Du dictier plain de melodie Que de vo bouche sainte et digne Est yssu, madame et cousine. (Marcadé, Myst. Pass. Arras R., a.1440, 15)

Voulez vous que verté vous dye ? Il n'est jouer qu'en maladie, Letre vraye que tragedye, Lasches homs que chevalereux, Orrible son que melodye Ne bien conseillé qu'amoureux. (Villon, Poèmes variés R.H., c.1456-1463, 57)

Lors se mist dessoubz le corbeau. 'Ha' fist il, 'tant as le corps beau Et ton chant plain de melodie !' (Path. D., c.1456-1469, 88)

Et si y avoit encores trois bien belles filles, faisans personnages de seraines toutes nues, et leur veoit on le beau tetin droit, separé, rond et dur, qui estoit chose bien plaisant, et disoient de petiz motetz et bergeretes ; et près d'eulx jouoient plusieurs bas instrumens qui rendoient de grandes melodies. (Roye, Chron. scand., I, 1460-1483, 28)

Faire (grande) melodie

Mais il monstre ici apres comment il metroient que telz sonz font melodie. (Oresme, C.M., c.1377, 468)

Auquel lieu de Saint-Ladre ilz se tinrent secretement et sans faire bruit jusques au lendemain, qu'ilz y menerent et compaignerent ledit Raguier, bien et honorablement garny de trompetes et clarons qui faisoient de grans melodies, jusques au lieu desdictes lices. (Roye, Chron. scand., I, 1460-1483, 203)

...lors de tous costés encommencèrent à venir, en démenant si grand bruit que par toute la ville on n'y eust oy Dieu tonner, des trompettes, clairons et ménestrels, qui faisoient si grande mélodie que plaisir estoit de les oyr (Faits Lalaing K., c.1470, 55)

Droite melodie. Vraie mélodie.

C'est une droicte melodie De vous ouyr ainsi crier. (Roy sotz, c.1450-1500, 213)

(De)puis, une foy que je rencontre Uniçum en ma chanterie, C'est une droicte melodie Et plaisant que de m'escouter. (P. moyne, a.1500, 48)

[À propos des paroles d'un ange]

Jamais melodie si grant N'oÿ, de l'eure que fust nez. (Myst. st Bern. Menth. L., c.1450, 113)

B. -Au figuré. Charme, agrément.

Desormais est temps que je die La noblesse et la melodie De l'esprevier que tant amay Moult paisiblement, sans esmay. (Mach., D. Aler., a.1349, 254)

Il est tout vray, sans nulle doubte, Que je sceus la maniere toute Des alerions, et leur guise, La naturele avec l'aquise, Dou gibier la grant melodie, Et de l'affaitier la maistrie, Au meins de ce que m'en moustrerent Cil damoisel qui m'en parlerent, Dont li pluseur maistre en estoient, Si que mieus parler en savoient. (Mach., D. Aler., a.1349, 308)

...lors la doulce mélodie de la royalle police sera troublée (Oresme, Monnoies W., c.1365, LXXIX)

En ce penser et en celle rihote Fai maint souspir, maint plaint et mainte note Ou il n'i a gaires de melodie (Froiss., Orl., 1368, 101)

Fors que cils qui ensi le congnoissent, sentent et scevent ce qu'il congnoissent comme en sentant une doulceur, une plenitude, une scaveur, une melodie et tels sentemens que nous ne poons raconter comme par samblable chose aulcunement (Gers., Montagne contempl. G., 1400, 54)

La, pour certain, a tant de melodie Qu'il n'est vivant (...) Qui... (Saint-gelais, Séj. honn. D., c.1490-1495, 192)

...Joye, tristeur, destresse et melodie (Saint-gelais, Séj. honn. D., c.1490-1495, 274)

Remarque : Renart contref. R.L., 1328-1342, gloss. ; DESCH., Oeuvres R., t.7, c.1370-1407, 67.

Plaisir.

Car en petites choses ou superflues, il [le superhabondant] gaste et despent grandement, et resplendist senz melodie. (Oresme, E.A., c.1370, 246)

Source de bonheur.

Exurge, gloria mea, Lyeve toy, ma gloire reffaicte, Psalterium et cythara, Ma melodie tres parfaicte, Ma joye a esté fort deffaicte, Desolatam in seculo, Mais, selon la voix du prophette, diz exurgam diluculo. (Myst. Pass. Troyes B., a.1482, 833)