LUMINAIRE

substantif

[T-L : luminaire ; GD : luminaire ; GDC : luminaire ; AND : luminaire ; FEW (V, 445b) : luminare² ; TLF (XI, 53b) : luminaire]

A. -Astre.

Ou tiers jour, il [Dieu] fist .ii. grans luminaires, c'est assavoir le soleil, lequel il appella le grant luminaire pour servir au jour, et la lune, laquelle il appella le petit luminaire pour servir a la nuyt (Raoul De Presles, Genèse P., c.1375-1380, 82)

...le lever et le couchier Du luminaire noble et chier (Chr. Piz., M.F., II, 1400-1403, 121)

Au pluriel. ASTR. Les deux corps célestes qui éclairent la Terre : le Soleil et la Lune.

Adjousta ledict Abraham, sur les regles de ses predecesseurs, que ès jugemens des grandes conjonctions et eclipses, commectes ou revoluctions des ans, que l'on eust principallement regard au Soleil, si elles advenoient de jour, ou à la Lune, si elles se faisoient de nuit, selon ce que les figures escheoient noturnes et diurnes, ce qui est encores observé et en usaige et aussi surtout que l'on regarde quant aucun des luminaires baille sa disposicion à autre planette, qui n'est pas de sa nature. (Simon De Phares, Astrol., c.1494-1498, f° 18 v°)

Entre ses euvres fist une verifficacion de la conjunction des lu[mi]naires, aussi des eclipses et estoilles fixes pour plusieurs ans. (Simon De Phares, Astrol., c.1494-1498, f° 133 r°)

B. -Lumière, source de lumière.

1.Lumière, clarté.

O doulz sains Johan, tres doulz enamorez, Soulaz luisanz, luminare preciouse, De ta clarté ou tu es honoreiz, Fais esclersier ma pancee tenebrouse. (Prières saints R., t.2, 1400-1500, 278)

Venez ça ung peu, regardons : Vismes nous oncques a naissance De fil de roy, tant eust puissance, Si grant clarté ne luminaire ? (Marcadé, Myst. Pass. Arras R., a.1440, 24)

Remarque : DESCH., Oeuvres Q., t.4, c.1370-1407, 245 ; Chev. papegau C.V., c.1400-1500, gloss. ...

Lumière, clarté d'un astre.

Le soleil, qui le monde esclaire De son luminaire, à meürté traire Fait tous biens et les fleurs parfaire, Tant les petitez com les grans (Mach., Les lays, 1377, 393)

2.Ensemble des lumières qui servent à l'éclairage, source d'éclairage.

Querez tantost son luminaire, Un paille, un chalit, un suaire (Mir. ev. arced., c.1341, 115)

NOSTRE DAME. (...) je vueil avant que vous Un luminaire li mettez Entour elle et que vous chantez Cy doulcement. (Mir. mère pape, c.1355, 400)

Le luminaire est tout assis Et alumé. (Mir. mère pape, c.1355, 400)

Et quant il [Geoffroy] vint au fons, si print la lance par le fer, et s'en va par my un estroit sentier, et voit au long grant clarté. Et il se saigne et s'en va celle part. Et quant il vint au large, si treuve une moult riche chambre ou il ot moult de richece, et y ot grans chandelabres d'or et grant foison luminaire ; et y faisoit aussi cler que se ce feust en plains champs. (Arras, c.1392-1393, 265)

Remarque : MOLINET, Faictz Dictz D., 1467-1506, 142 ; 170.

3.En particulier.

a)Ensemble de torches et de cierges qui servent à l'éclairage d'une église, d'un lieu de culte.

Item, et non contens de ce que dit est, rompirent oudit monstier la lanterne à quoy l'en porte par nuyt Nostre-Seigneur, rompirent et ardirent aussi les cierges et tout le luminaire dudit monstier (Reg. crim. Chât., II, 1389-1392, 224)

Les religieux, abbé et couvent de Mortemer en Lions ont es forests de Lions ce qui ensuit, (...) tous les vesseaulx de mousches à miel que les freres illec pourront trouver par toute la forest de Lions pour le luminaire de l'eglise. (Hector De Chartres, Cout. R., 1398-1408, 1)

...[Le priour du Desert [prend] en la forest de Bretheuil] les landes qui sont entre icellui estanc et ladicte plaisse, si comme ilz se pourportent en long et en lé, et un bigre en ladicte forest pour la sustentation du luminaire dudit priouré (Hector De Chartres, Cout. R., 1398-1408, 283)

Offrandes et oblacions, Luminaires, devocions, Cire et encens lui offre et veus, Genices, sacrefice et beus (Chr. Piz., M.F., I, 1400-1403, 45)

...n'y avoit (...) gueres grand luminaire en la chapelle ne sur l'aultier ; il estoit aussi yver, et faisoit fort brun et noir. (C.n.n., c.1456-1467, 339)

Faire luminaire. Brûler des cierges, éclairer.

...une partie pour faire luminaire, ouvrages, reparations et autres choses à l'eglise parrochial de ladite ville (Trés. Reth. S.L., t.2, 1397, 438)

[Dans un cont. métaph.] Celui qui éclaire l'Église, la communauté des chrétiens.

...Eulx deux [saint Pierre et saint Pol] sont deux beaus clers luminaires luisans devant Dieu, et alumans l'Eglise. Ilz sont deux princes honnourables de paradis : Cives sanctorum ; ilz sont deux hommes de misericorde comparez a deux beaux oliviers fructueux ; et ainsi de telles louanges plus que nous ne pourrions estimer (Gers., P. Paul, a.1394, 485)

b)Ensemble de torches et de cierges que l'on allume au cours d'une cérémonie d'obsèques.

...seront célébrées le jour de ladite feste trays meisses é y sera alumé tout le luminaire de la dite frarie : c'est à savair une meisse de requiem pour les deffuns de la dite frarie (Cartul. Laval B., t.2, 1348, 223)

...pour IIII livres de cire à faire le luminaire de Perrin Poqueteau, vallet de pié du Roy, lequel trespassa ce jour (Comptes hôtel rois Fr. D.-A., 1380-1381, 32)

Et Gieffroy et Thierry s'en partent, et leurs gens, et emportent le cuer de leur pere. Et en toutes les villes la ou ilz gisoient, font autour du cuer beau luminaire et dire toute la nuit par religieux, s'ilz en pevent finer, pseaulmes et vigilles. (Arras, c.1392-1393, 293)

À 6 compaignons, qui le jour dudit service entendirent au gouvernement du luminaire d'icellui, à chacun 8 solz, sont 48 solz (Comptes Etat bourg. M.F., t.1, 1420, 477)

...pour la multitude de gens, tant d'eglise comme seculiers, qui acompaignoient le corps de ladicte royne, atout competent luminaire. (Fauq., III, 1431-1435, 167)

...XVIII l. de cire ouvrée en torches pour le luminaire de feu Jehan monseigneur, le jour de son obit (Comptes roi René A., t.2, 1451, 384)

Et y avoit pour luminaire porté devant ledit corps IIc torches de IIII livres de cire chascune piece, toutes armoiées en double aux armes de France, et estoient portées par IIc povres personnes, tous revestus de robes et chaperons de dueil. (Roye, Chron. scand., I, 1460-1483, 20)

Quant au regard du luminaire [pour mes obsèques] , Guillaume du Ru j'y commectz ; Pour porter les coings du suaire, Aux executeurs [testamentaires] le remectz. (Villon, Test. R.H., 1461-1462, 147)

...et portoient le poille du Saint Sacrement monsieur de Vendosme, le marquis de Ferrare, monsieur le Vidame et Françoys de la Salle, et devant grant force cierges, torches et luminaires. (La Vigne, V.N., p.1495, 274)

c)Par métonymie. Ensemble des fonds destinés à l'entretien des lampes près d'un autel.

...Philippot Lecouvreur, dit Coppin (...) à (...) pour le salut de son âme, de sa femme et de ses autres amiz, tant vifs que trespassez, donna et omosna afin de héritage, aux priour et frères de l'ostel Dieu dudit lieu de Coustances, a la confrarie de Saint Antoine et au luminere de Nostre Dame dudit hostel et pouvres d'icelle maison, dix huit bouisseaux de fourment de rente (Cartul. Hôtel-Dieu Cout. L., 1472, 318)

...par les parroisses dudit bas pays de Poictou les jeunes compaignons que on appelle bachelliers à marier ont acoustumé tous les ans, à chacune feste de Penthecoustes, eulx assembler joyeusement et faire entre eulx, par election en chacune parroisse et assemblée ung roy de bachelliers, qui a la charge, gouvernement et administracion du cierge et luminaire desdiz bachelliers. (Doc. Poitou G., t.12, 1478, 226)

C. -Faculté de voir, vision, vue.

Remarque : Myst. process. Lille K., t.3, a.1485, 37/178.