CHANDELLE

substantif féminin

[T-L : chandoile ; GD : chandoille ; GDC : chandelle, chandoile ; AND : chandele ; DECT : chandoile ; FEW (II-1, 177b) : candela ; TLF (V, 500b) : chandelle]

A. -Au propre.

1.Petit flambeau de suif, de graisse animale ou de cire (servant à l'éclairage), chandelle.

: Alumer vueil pour le voir miex Une chandeille seulement (Mir. femme roy Port., c.1342, 173)

Et l'en pourroit esprouver legierement chose samblable en une espere d'or ou de cuivre a la lumiere d'une chandelle, car telle espere sambleroit plaine et enluminee toute quant nous serions entre elle et la chandelle, et quant elle seroit aussi comme entre nous et la chandelle elle sambleroit obscure. (Oresme, C.M., c.1377, 494)

...et si tart ariverent, que quant ilz orent deschargié icelle charrete et ilz vouldrent sousper, ilz convient qu'ilz soupassent à la chandelle. (Reg. crim. Chât., I, 1389-1392, 345)

Item des autres comme vignerons, bateurs en granche, laboureurs et les semblables, ou autres cousturiers, drappiers, cordenniers, boulengiers, mareschaulx, chandelliers de suif (et nota que qui veult faire chandelle de suif il est neccessaire de faire tresbien sechier son limignon au feu), espiciers, fevres, charrons, vignerons et les semblables autres. (Ménagier Paris B.F., c.1392-1394, 127)

Et ayez fait adviser paravant qu'ilz ayent chascun loing de son lit chandellier a platine pour mectre sa chandelle, et les ayez fait introduire sagement de l'estaindre a la bouche ou a la main avant qu'ilz entrent en leur lit, et non mye a la chemise. (Ménagier Paris B.F., c.1392-1394, 136)

Puis, quant il fut au pié de la tour, a ses engins subtilz moult legierement il monta és fenestres et entre en la tour et allume la chandoille. (Bagnyon, Hist. Charlem. K., c.1465-1470, 102)

JEUX Pour la chandelle. Pour les frais d'éclairage (auxquels participent les joueurs, d'où l'expr. : le jeu n'en vaut pas la chandelle).

Ce sont dix de rente Pour tes dez et pour ta chandelle ! (Path. D., c.1456-1469, 148)

...il print son argent et joua encores ung jeu, et ce fait laissa le jeu. Et lors ledit Loys suppliant print deux deniers qui estoient sur le chandellier pour la chandelle ; dont ledit feu Blanchart ne fut pas content en disant qu'ilz lui appartenoient et qu'il avoit paié pour les chandelles XIJ deniers. (Doc. 1486. In : G. de Lhomel, Nouv. rec. de doc. pour servir à l'hist. de Montreuil-sur-Mer, 1910, 76)

Emploi massif.

Si me vesti et acesmay Et alumay de la chandeille (Mach., F. am., c.1361, 151)

Si alumai de la chandelle Et ving a genoulz devant elle Et la regardai longuement. (Mach., Voir, 1364, 502)

Quand le bon seigneur fut dedans, et il eut alumé de la chandelle, il regarda la belle compaignie (C.n.n., c.1456-1467, 213)

...je vien incontinent vers vous et vous mettray dedans, mais que je soye un peu habillée et que j'aye de la chandelle. (C.n.n., c.1456-1467, 112)

[La cire est parfois mentionnée à propos des chandelles, parce qu'elle est surtout utilisée pour les bougies, les cierges] Chandelle de bougie/de cire

N'onques ne me fist sacrefice De tor, de buef, ne de genice, N'offrande d'oile ne d'encens, Que je ne tiens pas a grant scens, Ne d'une chandeille de cire (Mach., F. am., c.1361, 220)

Gillet le Séneschal, pour une livre de chandelle de bougie blanche et II livres d'autre, achetées de lui pour le Roy et pour mons. de Valoys, à dire leurs Heures (Comptes hôtel rois Fr. D.-A., 1380-1481, 34)

...delibererent et furent d'oppinion que, pour amende de justice, tous iceulx prisonniers fussent menez dimenche prouchain venant en ladite ville de Rungy, et que illec, à la pourcession que feroit le curé d'icelle ville, ilz feussent menez tous nus piez, et sanz chapperon et chemise, chascun tenant un cierge ou chandelle de cire en sa main, et, en après ce, eulx revestuz, feussent tous mis à l'eschiele ou carrefour et le lieu plus notable d'icelle ville de Rungy (Reg. crim. Chât., II, 1389-1392, 246)

...commenda a ung de ses gens qu'il luy allumast et feist offre d'une grosse chandelle de cyre (C.n.n., c.1456-1467, 85)

Par métonymie. Lueur, lumière.

...un homme et sa femme aloient de Lille a La Basse, et environ Fournes les surprint la nuit moult obscure, et assez tost aprés ilz se desvoyerent par ce que a leur avis, tousjours veoient loing d'eulx une chandeille. Si sieuvirent icelle jusques au prez du jour (Ev. Quen., II, c.1466-1474, 141)

Par métaphore. Ce qui éclaire spirituellement.

...puis la tierce damoiselle, Pais de conscience, le retenra [le Saint Esprit] . Lors li metras la table de sobresse, la chandelle de vraye foy, le pain de sapience, le vin de compunccion, le sel de discrecion, le fruit de bonnes oeuvres. (Gers., Pent., p.1389, 84)

[Dans une compar.]

Comme papillon/mouche à la chandelle

Et pour voir, com plus le vëoie, Plus me plaisoit, et me prenoie Com papeillons a la chandeille (Acart, Prise am. H., 1332, 41)

La, remirant la beauté d'elle, Se prent com mouche a la chandoile (Chr. Piz., M.F., III, 1400-1403, 114)

Quant je fus prins ou pavillon De ma dame, tresgente et belle, Je me brulé a la chandelle, Ainsi que fait le papillon. (CH. D'ORLÉANS, Rond. C., 1443-1460, 303)

On prent du riche la querelle, On flate celluy qui a bruyt, On fait ainsi que se conduict Le papillon a la chandelle. (Baude, Dictz moraulx S., p.1450, 128)

Estre comme la chandelle qui se consume et enlumine les autres

...se tu gouvernes bien tes subgiez et que en ta personne tu fusses macule [l. maculé] de vice et de pechie [l. pechié] , Beau Filz, tu sembleroies la chandelle qui se consume et les autres enlumine. (Mézières, Songe vieil pèl. C., t.2, c.1386-1389, 475)

Se ilz enseignent bien et vivent mal, ilz sont comme la chandelle ardent, laquelle enlumine les autres et soy mesmes gaste. (Élucidaire V, K., p.1400, 473)

(Mourir) comme une chandelle faut. Mourir d'une mort tranquille, sereine, comme s'éteint une chandelle.

...et quant Nature ne peut plus, come une chandaille faut, en grant devocion (...) teulz gens bien eurés rendent l'esperit a Dieu (Mézières, Test. G., 1392, 307)

Locution. proverbe.

Avoir des chandelles devant les yeux/voir cent mille chandelles. Avoir un éblouissement (sous le coup d'un choc violent, d'une douleur).

...la douleur de la teste sera moult grande et lui apperront [au patient] chandelles devant les yeux (Saint-gille, Comment. A.Y. L., 1362-1365, 241)

Car Herculés leva son bras a tout sa massue et en fery Cacus sus le comble de son heaulme par telle vertu qu'il sambla a Cacus qu'il veyst cent mille chandeilles (LEFÈVRE (R.), Hist. Troyes A., c.1464, 392)

Donner au plus faible la chandelle à tenir. Confier une mission à qqn qui ne peut pas l'assumer.

Cedit jour (...) a ceans proposé maistre J. Petit (...) en disant, contre le Pape, que l'en baille au plus foible la chandoille tenir, pour ce qu'il estoit chargié de proposer en la Court, dont perdoit senz et memoire quant il consideroit sa foiblece et petitesse de son entendement et suffisance (...) toutevoie, quant il avisoit le droit et justice de la cause dessusdicte et de la Court, se confortoit. (Baye, I, 1400-1410, 171)

Au clair soleil ne faut nulles chandelles

Utrech, cité d'achier, inexpugnable (...) Il a flecy par son glave espentable, Soubz le guidon de sa noble baniere. Rustres et Houlx muchent en leur taniere, Clinant la teste et baissant les oreilles : Au cler soleil ne fault nulles chandeilles. (Molinet, Faictz Dictz D., 1467-1506, 227)

Esteindre (une chose abstraite) comme une chandelle

Dont est ce bien chose loisible A tout homme de femme prandre, Puis que seul est et que doit tendre A sa forme continuer, Sanz son linaige desnuer N'estaindre comme la chandelle Son renom et vie charnelle. (Desch., M.M., c.1385-1403, 337)

2.[La chandelle dans les pratiques religieuses ou liées au religieux]

a)Cierge, chandelle qu'on offre à la Vierge, à un saint, ou qu'on porte à certains offices.

A elle qui touz pechiez het Vois de ma chandelle en present Faire en li saluant present De cuer devot. (Mir. parr., 1356, 51)

...commenda a ung de ses gens qu'il luy allumast et feist offre d'une grosse chandelle de cyre, en luy priant pour son intencion. [Il s'agit ici d'une offrande au diable, par dérision] (C.n.n., c.1456-1467, 85)

En possission et saisine qu'i ne luy doit point alumer sa chandelle au monstier ne faire le petit genoul devant elle. (MART. D'AUV., Arrêts Am. R., c.1460-1466, 26)

...Je luy alumoye sa chandelle ; Et puis m'agenoloie emprès (Amant cord. M., 1490, 26)

Le roy se tint au dit lieu de Belistre, Et en l'eglise du dit lieu cathedrale Il ouyt messe d'entente especïalle, Et en baillant offrandes et chandelles. (La Vigne, V.N., p.1495, 241)

b)Grosse chandelle enroulée sur une bobine et qui joue le rôle d'une lampe perpétuelle' (D'apr. GAY I, 317a.).

...à Jehan de la Voyrie, sonneur des petites cloches de Nostre Dame de Paris, pour ses gaiges qui sont de 4 l. p. par an, qu'il prent sur ladicte ville aux quatre termes à Paris accoustumés, pour allumer la chandelle Nostre Dame qui art jour et nuit devant sa representacion en icelle eglise (Comptes Paris V.L.D., t.1, 1440-1441, 221)

...à Jehan Croix, espicier, demourant à Paris, pour avoir fait et livré pour ladicte ville, (...) une chandelle de cire, (...) icelle chandelle pesant 105 livres et demie de cire ouvrée, au prix de 4 s. p. la livre, à y comprendre lymignon et façon, valent 21 l. 2 s. p., et pour avoir porté le rouet où ladite chandelle est enroulée de ladite eglise en l'ostel dudit Jehan Croix (Comptes Paris V.L.D., t.1, 1440-1441, 223)

Audit Jehan Croix, pour une autre chandelle par lui livrée le 20e jour de juillet 1449, pesant 109 livres de cire ouvrée, au pris de 4 s. 4 d. p. la livre, valent 23 l. 12 s. 4 d. p., et pour avoir porté et raporté le roulet où ladite chandelle est enrollée, 4 s. p. (Comptes Paris V.L.D., t.1, 1447-1449, 597)

...la chandelle representant la grandeur du circuit de ladite ville, qui, de toute ancienneté, a accoustumée estre offerte et consumée devant l'image Nostre Dame en son eglise de Paris aux despens du domaine d'icelle ville (Comptes Paris V.L.D., t.1, 1447-1449, 635)

c)[La chandelle dans les rites mortuaires]

Avoir la chandelle en la main. Être à l'article de la mort.

Mais on voit ores clerement, Regardez le moy soir et main ; Qu'il est pres du definement Et a la chandelle en la main. (Martin Le Franc, Champion dames IV, D., 1440-1442, 65)

Souffler la chandelle (d'un mort). Effacer le souvenir (d'un défunt).

Quelque haut bien qui fust en elle, Puisque une fois la mort l'a prise, Il en faut souffler la chandelle Et en choisir une autre belle En qui amour vous tendra prise. (Chastell., Outré am. K., 1449, 101)

Tenir la chandelle (à un moribond, un mort). Passer la nuit au chevet de.

Ne le roy n'en devoit pas du tout croirre les gens d'esglise, et devoit appeller gens laitz clercs ad ce congnoissans, car par les moyens des collacions que entreprent le pape et des proces qui vont a court de Romme tout l'or de ce royaume, qui est le vray et pur sang d'icelluy, s'en pert, et est comme en une maniere de exinanicion d'ung corps humain evacué de sang auquel on tient la chandelle en la main. (Juv. Urs., Nescio, 1445, 489)

...et luy fut tenue par pluseurs fois la chandelle en le jugeant comme mort. (Mir. ste Cath. Fierbois C., 1470-1483, 122)

Las, de m'avoir alymenté Du laict de sa doulce mamelle, Puisqu'au gibet suis transporté, Grant honneur ay aussi a elle ! Devant vous tous j'appelle d'elle Et de mon pere au jugement, Car la mort me tient la chandelle, Par faulte de chastïement. (La Vigne, S.M., 1496, 321)

d)À chandelle éteinte. En droit ecclésiastique, excommunication prononcée après qu'on a donné au pécheur la durée d'une chandelle pour se repentir.

...lesquelles excommunications se faisoient par vertu de certeinnes bulles du pape Urbain Quint par toutes les eglises parrochiaux de Paris et autres de ce royaume à cloches sonans et chandoilles estainctes. (Baye, II, 1411-1417, 81)

e)[Pour désigner la Chandeleur]

À la Chandelle. À la Chandeleur.

A la Chandelle derrenierement passée, David d'Ardre, bourgois et eschevin d'icelle ville, print a ferme la ferme de l'aide qui se prend sur le pain boullenguié (Arch. Nord, 1446, B 17031, f° 45, IGLF)

Le jour des Chandelles. Le jour de la Chandeleur.

Item, le jour des Chandoilles, fit ung aussy bel temps comme ce fut estés à la S^nt Jehan (Aubrion, Journal L., 1485, 182)

3.[La chandelle comme moyen de mesurer le temps]

a)[En droit coutumier normand] Chandelle du roi. Chandelle allumée durant le renouvellement des franchises de navigation.

Lequel Prevost a devant lui une chandelle alumée, que l'en appelle la chandelle du Roy. Et audevant que ladicte chandelle soit usée ne estainte, doit le commis de chacun d'iceulx seigneurs dire audit Prevost : 'Je suis cy venu, de par tel seigneur, vous dire que tel maistre de nef et lequel est de l'une d'icelles villes, est ordonné pour l'année commençant au jour de demain, à mener la franche nef de Monsieur. Si vous deprie que le laissiez joïr de ladicte franchise.' (Commerce marit. Rouen F., Pièces justif., 1425, 304)

b)[Dans la vente aux enchères]

À la chandelle. La vente étant attribuée au dernier enchérisseur une fois la chandelle éteinte.

Au jour duy a esté baillé a l'ancher a Jehan Dangiers, comme au plus offrant et dernier encherisseur, a la chandelle, la ferme du double du souchet (Doc. 1413. In : P. Rézeau, R. Ling. rom. 78, 2014, 410)

À/après la chandelle éteinte/la chandelle faillie/a la chandelle fermée

Lesdictes Aides seront baillées à ferme, et délivrées au plus offrant et dernier encherisseur, à tous perils, et à toutes fortunes, après la chandelle esteinte. (Ordonn. rois Fr. S., t.7, 1383, 53)

Et demoirat li dicte maison et tenure a tirch dymenche a le chandeille estainte en le main de Jehan filh Wilhamme de Luttre (Rég. jur. Belg. B., 1383, 383)

...que ycelle nostre Monnoye soit baillée à la chandelle fermée pour ung an, au plus offrant. (Ordonn. rois Fr. V.B., t.11, 1419, 9)

...pour les causes cy devant touchies, icelle maison... fait metre de par mondit seigneur en criées a pris au plus offrant et darrain enchirisseur a la chandaille esteinte (Trés. Reth. L., t.3, 1449, 269)

Remarque : Doc. 1427 ([À propos de la vente aux enchères d'une maison] auquel pris, non obstant toutes solemnitez faictes et accomplies, et la chandelle faillie [la maison ne fut pas donnée parce que l'offre était trop faible]) ds GDC IX, 36c.

Par fin de chandelle

De Anieux Bernard auquel demoura par fin de chandelle le taille de Robertmont... (Comptes seigneurie Lucheux D.W., 1444-1445, 43)

c)[Comme repère temporel]

À la chandelle. Le soir, la nuit venue.

...les dessusdiz conseilliers, au partir dudit hostel et à la chandoille, receurent les lettres missives du roy nostre sire (Lettres Louis XI, V., t.9, 1482, 126)

[Pour indiquer un délai] Avant la chandelle bruslee

...ledit Ludovic fit alumer ung bout de bougie, jurant qu'il leur feroit trancher la teste s'ilz ne rendoient la place avant la chandelle bruslée (Comm., III, 1495-1498, 16)

[Chandelle divisée en 24 parties servant de repères temporels]

Et avoit en sa chapelle une chandeille ardant qui estoit devisée en .XXIIII. parties, desquelles la ..VIII^e.. partie en lire et en escripre et en aourer, les aultres .VIII. en la cure du corpz, et les aultres .VIII. es besongnes du royalme delivrer (Renart contref. R.L., t.1, 1328-1342, 270)

[Tant] de chandelles de nuit. À tel moment (plus ou moins avancé) de la nuit.

...vacqua tout ledit jour, et bien jusques à deux chandelles de nuit. (Ch. VI, D., t.2, 1408, 260)

Remarque : Doc. 1376 (pour ce qu'il estoit environ trois Chandelles de nuit, l'exposant print planchon en sa main pour la seurté de son corps), 1386 (l'exposant s'en aloit en sa maison environ heure d'une Chandeille de nuyt) ds DU CANGE II, 83b, s.v. candela³.

B. -Par analogie.

1.ASTR. Météore en forme de chandelle.

La tierce impression est appellee la chandelle et est faicte de fumees chaudes et seiches. (Corbechon, Propriétés, 1372, XI, 2, 183, v°)

En oultre par ces instrumens Les Cieulx, avec leurs ornemens, Font engendrer et apparoir Souventesfoiz là sus en l'air Feux volans, resemblans estoilles Ou lampes ardans ou chandoilles (La Haye, P. peste, 1426, 7)

Ou moys de fevrier, oudit an IIIIcLXXII, le tiers jour dudit moys, advint, sur le point de six heures au soir, que le temps estoit fort doulx et chault, qu'il descendit du ciel deux grans clartez comme deux chandelles passans devant les yeulx des regardans, qui sembloit estre fort espoventable, et en yssoit moult grant clarté, mais ce ne dura gueres (Roye, Chron. scand., I, 1460-1483, 290)

...une nuit les Turcqz veillans au siege de la dite cite, regardant vers ycelle, veyrent soubdainement grant multitude de lumieres en maniere de chandelles ardans descendans de toutes pars sur les murs et tours de la dite cite : voians laquelle chose ilz eurent grant cremeur (Wavrin, Chron. H., t.5, p.1471, 261)

2.[Dans un contexte grivois] Membre viril.

[Un prêtre rend visite à sa maîtresse] ...veez cy maistre curé qui vient pour allumer sa chandelle ou pour mieulx dire pour l'estaindre (C.n.n., c.1456-1467, 85)

DEMANDE. Les doulcettes qui pendoient Cul a cul s'entrehurtoient, Et tout ce qui en degouttoit En la haire tout cheoit. RESPONSE. Ce sont chandeilles a bougie. (Devin. R., c.1470, 83)

Remarque : Pour la devinette, cf. K. Baldinger, Z. rom. Philol. 100, 1984, 245-246.