LIBERAL

adjectif

[T-L : liberal ; GD : liberal ; GDC : liberal ; AND : liberal ; FEW (V, 300a) : liberalis ; TLF (X, 1156b) : libéral]

A. -Au propre. [Idée de liberté, d'indépendance]

1.[D'une personne]

À Rome, de condition non servile ; d'origine noble, qui ne dépend pas de qqn d'autre.

Pour ce que nulz, s'il n'estoit liberal, N'osoit aprandre les .VII. ars liberaulx Le temps passé, tuit li prince royal Et tous nobles, quant leur sang estoit chaux, Aprenoient les vertuz cardinaulx, Hebrieu et grec, latin, phillosophie, En jeune temps. (Desch., Oeuvres Q., t.3, c.1370-1407, 187)

Entre les .VII. ars et sciences par lesquelles ce present monde est gouverné, et qui sont appellez ars liberaulx, pour ce que anciennement nul, se il n'estoit liberal, c'est a dire fils de noble homme et astrait de noble lignie, n'osoit aprandre aucun d'iceuls ars (Desch., Art dictier R., 1392, 266)

Ne sces tu que es premiers ans furent les sept ars appellés liberaux pour ce que les princes et les liberalles et franches persones y estudioient. (Chart., L. Esp., c.1429-1430, 73)

Franc (dans ses paroles).

[Lors d'une fête avec des jeunes mariés, le bruit se répand que le marié n'a pas pu remplir ses obligations conjugales] Et, quant le jeune filz vit que ses parens et amis fasoient [sic] bone chiere et tous les parens de sa femme estoient melancolieux, il leur pria qu'ilz luy voulsissent dire la cause de leur douleur, mais nul ne respondit. Touttefoiz, il leur demanda encore une autre fois. Adoncques, d'iceulx tristes ung plus liberal que les aultres luy dit : 'Certes, mon beau filz, ta femme nous a dit que tu n'es pas home parfait' (Macho, Esope R., c.1480, 257)

2.[D'une chose]

a)[D'une propriété] Libre (de dettes et de gages).

Et quant tout fut acompli et confremé, tant que ce Bertran fut et se tint pour contempt, le mariaige se passa oultre, et furent touttes les debtes paiez, que le conte Regnault de Guerles en son temps avoit faictes, et sa terre delivrée de tous gaiges, quitte et liberale. (Froiss., Chron. M., XIV, c.1375-1400, 151)

b)[Idée d'indépendance par rapport à une autorité, une hiérarchie]

[D'une gestion politique ou administrative] Qui se réalise en toute indépendance.

...le dit viconte a donné et octroyé (...) par la teneur de ces presentes, plaine auctorité, general et liberal administracion, povoir et mandement especial de prendre, lever et recevoir, pour eaux (...) toutes et chascunes ses rentes (Doc. Poitou G., t.3, 1361, 317)

[D'une façon de vivre] Non étouffé par des contraintes.

Depuis que mon filz yssy d'enfance il a eu plus liberale puissance de vivre a sa plaisance qu'il n'avoit quant il estoit jeune, que l'eage et la crainre du maistre le luy deffendoient (Rippe, Andrienne, a.1466. In : Chrestom. R., 206)

[D'une discipline, d'une science] Qui ne dépend d'aucune autre science, indépendant.

...il [Aristote] dist en ceste maniere : 'C'est la premiere philozophie qu'on doit principalment scavoir [la métaphysique] ; car les choses qu'on doit principalment scavoir sont les commenchemens, les causes, pour che que par eulx les aultres choses sont congneues et non pas au contraire. Lors dist on que nous congnoissons auchune chose, quant on a oppinion que nous congnoissons la premiere. Ceste science seule entre les aultres est liberale, car elle est seulment de sa grace et ne vient pas de aultre science...' (Daudin, De la erudition H., c.1360-1380, 107)

c)En particulier.

Faire qqc. de liberale volonté/de vouloir liberal. Faire qqc. sans y être contraint.

...Watelés (...) de sa franche, bonne et liberal volonté, sens force et sens contrainte, mist, bailla et transporta (...) en la main de (...) Jehan Pierrelot (...) tous ses biens (Trés. Reth. S.L., t.2, 1366, 176)

Aprés il convient que il se gouverne selon droites voies trouvees pour vivre vertueusement, et que il se abstiengne de faire mauvaises choses de sa liberal volenté ou contre sa volenté et par contrainte. (Oresme, E.A., c.1370, 533)

Et, ce fait, ycellui prisonnier estant ou petit parc, de dessus les carreaux, sanz aucune force ou contrainte de gehine, congnut et confessa de sa pure, franche et liberal volenté, que les confessions cy devant escriptes, par lui congneues à la justice dudit lieu de Baubigny, et à lui leues, estoient vrayes (Reg. crim. Chât., I, 1389-1392, 56)

En la presence desquelz icellui prisonnier, sur ce juré aus sains Evangilles de Dieu, et par la part qu'il attent avoir en Paradis, cogneut et confessa de sa pure, franche et liberal voulenté, sans aucune autre contrainte de question (Reg. crim. Chât., I, 1389-1392, 146)

Et ceste puissance il avoit de soy meismes, c'est assavoir que il ne pouoit non vouloir mourir [ne], non pas par neccessité mais par liberale et france voullenté, soy livrer a mort (Crap., Cur Deus, De arrha B.H., c.1450-1460, 240)

Il viendra la cource hastive, De voulloir franc et liberal. (Sots, c.1480-1500, 266)

De vouloir franc et liberal, Bruyre je vueil de plus en plus. (Sots, c.1480-1500, 271)

Estre en sa liberale volonté

...car se le roy de France Charles VJe eust esté de bon et sain entendement et en sa pure, franche et liberale voulenté, si n'eust il peu transporter son royaulme ne faire que son filz en eust esté exheredé et qu'il n'eust esté son heritier. (Juv. Urs., T. crest., c.1446, 55)

Liberal arbitre. Liberté de choisir.

Et pour ce, Dieu leur donna liberal arbitre qu'iz voulsissent et puissent eslire le bien. (Élucidaire V, K., p.1400, 293)

Vray est que Dieu scet sans doubtance, Quant vous en mengerés vous deux, Que vous ariés la congnoissance De ses haulx secretz vertueux, Car lors seront ouvers les yeulx De vostre arbitre liberal, Et serés ainsi que deux dieux, Congnoissans tout bien et tout mal. (Myst. Pass. Troyes B., a.1482, 54)

...si ne ay je pas mon franc et liberal arbitre pour ce que je ne puis aller voller et chasser aux champs comme je souloye (Tardif, Apologues R., c.1493-1498, 88)

Estre en son liberal arbitre. Disposer librement de soi-même.

...elle estoit jeune et n'estoit plus en la subgection de sadicte mère, où elle avoit esté par longtemps, et estoit plus en son liberal arbitre que jamais n'avoit esté, elle eust eu plustost occasion de faire mal que jamais n'avoit eu (Doc. Poitou G., t.11, 1466, 50)

Arbitre liberal

...aussi le pechié d'avarice oste l'arbitre liberal et la franche volenté a homme aver (Bouvet, Arbre bat. R.-B., c.1386-1389, 81)

B. -[Idée de libéralité, de générosité]

1.[D'une personne]

a)[De quelqu'un qui exerce un pouvoir] Qui fait preuve de générosité, de grandeur d'âme, de noblesse de caractère, de clémence....

Et li bons rois, Qui moult estoit sages en tous endrois, Loiaus, vaillans, liberaus et adrois, Et envers tous dous, humbles et courtois, En moult grant joie Estoit assis sur un tapis de soie, Et ot un clerc que nommer ne saroie Qui li lisoit la bataille de Troie. (Mach., J. R. Beh., c.1340, 112)

...comme dit Boece, 'la liberalité du prince ne s'estent pas seulement en donner dons, mais en joyeusement recepvoir touz en liberal pardon, en expedicion de causes, en audience aux povres, et à toutes choses où l'office d'amour demoustre son effett'. (Chr. Piz., Faits meurs Ch. V, S., I, 1404, 80)

Dont par ainsi fust il [Hiéron de Syracuse] en deux choses liberal : la premiere est en la voulenté de donner, et la .II^e. fust en la fourme et en la prouveance qu'il fist de donner en telle maniere. C'est assavoir, que son don ne fust pas reffusé ; lequel don fust très noble, et la maniere ancore plus. (La Sale, Sale D., 1451, 214)

Oncques prince en son temps ne fut plus humble, ne plus charitable, ne plus misericors, ne plus liberal ne plus large, ne plus habandonné en bonne maniere, sans prodigalité. (Gruel, Chron. Richemont L., c.1459-1466, 229)

Je ne veulx pas dire que vous ne doiez estre large et liberal et que ne puissiez donner du vostre ainsi que bon vous semble, mais de appliquer ce que vous exigez pour la guerre en aultre usage, je doubte que ce ne soit charge et en conscience et en honneur (Juv. Urs., Verba, 1452, 277)

Car envers Dieu il estoit très humble, magniffique envers son pueple et liberal à ses serviteurs (Bueil, I, 1461-1466, 27)

Et ad ce propos racompte Policrates, en son tiers livre, ou XXIIIIe chappitre, comme Titus fut liberal et à cause de sa liberalité estoit moult amé, et de fait estoit courroucié la journée qu'il ne donnoit quelque chose, et disoit que le bon prince ou chevallier ne devoit riens refuser, quant c'estoit chose qu'il povoit raisonnablement faire et donner. (Bueil, II, 1461-1466, 74)

Quelque grace luy feït Dieu, car comme il l'avoit créé plus saige, plus liberal et plus vertueux en toutes choses que les autres princes qui regnoyent avec luy et de son temps et qui estoyent ses ennemys et voysins, avec ce qu'il les passa en toutes choses, aussi les passa-il en longueur de vie, mais ce ne fut de guères (Comm., II, 1489-1491, 309)

Themistodes (sic), très vertueux duc d'Athenes, fut très expert en la science des estoilles et très subtil philozophe, lequel d'autre costé, avecques cent navires en suppedita XIIc et six toutes puissantes, de la suite dudict Xerses, ainsi que recite Plutarque. Cestui fut prudent et liberal, predist à ses gens choses merveilleuses, touchant les infortunes advenir audit Xerses (Simon De Phares, Astrol., c.1494-1498, f° 46 v°)

Saichez que ie ne viurai pas Demain a ceste heure sur terre Seigneurs vn pasteur vous fault querre Vn archeuesque loyal Qui a tous vous soit liberal Plus que ie nay [l. n'ay] este [l. esté] en mon temps (Myst. st Martin K., a.1500, 284)

...il [Mons. de Bourgoigne] se peust bonnement entretenir, il n'a trouvé moyen fors d'avoir recours à vous et mys peine d'avoir vostre bonne grace, et vous a supplié qu'il vous pleust luy bailler le pays de Guienne et autre qu'il a de present, où il avoit son affection plus que ailleurs, et qu'il vous a trouvé si franc et si liberal envers luy que vous luy avés baillé l'appanaige et pays qu'il demandoit, et luy avez entierement fourny ce que luy avez promis et davantaige, en telle maniere qu'il en est très content et n'a cause de soy douloir. (Le Clerc, Interp. Roye, c.1502, 221)

b)Celui qui a des rapports socialement utiles avec l'argent, celui qui gagne de l'argent et sait se montrer généreux.

Mais il [un homme] est loé comme liberal en donner ou exposer ou despendre pecunes et en les prendre ou acquerir. Et est plus loé de liberalité en les donnant que en les prenant. (Oresme, E.A., c.1370, 230)

Or est il ainsi de toutes choses utiles, proffitables ou ordenees pour autres, que l'en peut user et bien et mal. Et richesces sont du nombre des choses utiles. Et celui qui a vertu en aucune matere il use tres bien de chascune chose en celle matiere. Et ainsi celuy qui a vertu en la matiere de pecunes, il use tres bien de richesces et de pecunes ; et cestui est appelé liberal. (Oresme, E.A., c.1370, 231)

Qui n'est pas avare, qui donne volontiers.

LE BOURGOIS. (...) Vous arez Chascun de vous pour vostre vin (...) un petit fleurin : Tendez les mains. PREMIER SERGENT. Puis que je voy qu'estes compains Si liberal et si entiers, Nous vous y mettrons voulentiers. (Mir. pape, 1346, 356)

Aussi celui qui est liberal, ou resgart de l'avaricieus semble estre trop large. (Oresme, E.A., c.1370, 170)

Frans et liberaulx et non chiches, Qui donnoient plus grans loyers, Et qui leurs gens tres voulentiers Avançoient a leur pouoir (Chr. Piz., M.F., II, 1400-1403, 47)

En toutes joieusetez se emploioit afin qu'il ne fust trouvé oiseux, et d'autre part estoit larges et liberal de tous ses biens (La Sale, J.S., 1456, 244)

Emploi substantival.

Car comme la vertu de liberalité soit vers ces .II. choses, c'est exposer et recevoir et en ce tiengne le moien, il s'ensuit que le liberal face l'une et l'autre, si comme il appartient. (Oresme, E.A., c.1370, 235)

...le prodige donne plus que il n'appartient, et le liberal donne si comme il appartient. (Oresme, E.A.C., c.1370, 395)

Estre liberal de + inf. Faire volontiers telle chose.

...[il] luy requist ung baiser, dont les dames et damoiselles du dit pays d'Angleterre sont assez liberales de l'accorder (C.n.n., c.1456-1467, 387)

c)De bonne composition.

Le sanguin de sa complexion est simple, ioyeux modere, doulx et amiable et liberal, et si est chault et moite, de corps bien dispose, bien couloure, et est la meilleur complexion (Cib., p.1451, 218)

2.Par métonymie. [D'une chose] Qui témoigne de la générosité, de la bienveillance de qqn.

Car nul ne diroit que un homme fust juste qui ne se esjoïst de juste operacion, ne que un homme fust liberal qui ne s'esjoïst et delite en operacions liberals. (Oresme, E.A., c.1370, 127)

Oultre sachiez que la victoire Qu'avons eu de la bataille Qu'avons fait aux cinq roys sanz faille N'a pas seule esté par mon fait, Mais par miracle Dieu l'a fait, De sa liberal courtoisie, Qui a volu qu'autorisie En aie esté. (Mir. fille roy, c.1379, 113)

Un jour lui fu de ses gens dit Pour quoy si large ert de promesse, Quant sa tres liberal largece Ne se povoit pas tant estendre Que l'en peust tous dons atendre Que il promettoit a avoir (Chr. Piz., Chem. estude P., 1402-1403, 251)

...ce vient non pas de noz propres vertuz, mais de la seulle large et liberale grace de noste benoist redempteur (C.n.n., c.1456-1467, 223)

Le duc (...) qui ne vouloit, ny ne pouvoit faillir à son neveu (...) luy promit et offrit libéral service et confort, tant de luy comme de ses subjets, et de porter et faire soustenir sa querelle (Chastell., Chron. K., t.1, c.1456-1471, 294)

C. -(Sept) arts liberaux

À Rome, enseignement réservé aux personnes de condition libre.

Mais pas ne souloit ainsis estre Comme il est, en l'ancien temps : Les roys faisoient leurs enfans Apprandre es .VII. ars liberaulx, Ne nulz, s'il n'estoit venuz d'aulx, N'osast nulz de ces ars apprandre, Se frans ne fust, neis sur le pandre (Desch., M.M., c.1385-1403, 264)

Disciplines enseignées à l'université.

Pour quoy il me samble que premier on doit rendre paine d'aprendre les ars, espetialment les sept ars liberales qui sont la fondation de toute doctrine (Daudin, De la erudition H., c.1360-1380, 103)

Mais toute voies ce non obstant il estoit bien fondé en sciences et ars liberaux et exercité en disputacions de philosophie. (Foul., Policrat., IV, 1372, 73)

Paris entre les autres citez du royaulme de France estoit la principale, car comme la cité de Athenes estoit mere de tous les ars liberaux et de toutes lectres, nourrice de philosophes, fontaine de toutes sciences, par laquelle toute Grece fut honnoree, ainsi Paris honnoroit France, et non mie seulement France mais toutes les parties de Europe (Juv. Urs., Loquar, 1440, 357)

...car nous voyons evidemment que, aux estudians es ars liberaulx et en phillosophie moralle ou naturelle, on baille peu de viandes et de plaisances corporelles (Bueil, I, 1461-1466, 26)

Paris porte le fruit du vray et du faulx, c'est le bel arbre de porphyre aveuc les sept ars liberaux et pluseurs arbres de science qui là flourissent et germinent (Molinet, Faictz Dictz D., 1467-1506, 534)

Aprés qu'ilz sçavoient leur creance, il les faisoit estudier és sept ars liberales, et quant les filz estoient en aage pour monter a cheval a la maniere françoise, il leur faisoit porter armes et [et] jouster pour exercer guerre quant besoin seroit. (Bagnyon, Hist. Charlem. K., c.1465-1470, 17)

Disciplines/sciences liberales

[...] que jadis le roy des Romains envoia au roy de France qu'il le enortoit afin qu'il fesist instruire ses filz es liberales disciplines, c'est asscavoir es sept ars (Daudin, De la erudition H., c.1360-1380, 12)

...mais aussi contre l'onneur de tous voz predecesseurs, roys très crestiens, qui ont aymée et eue cherie et affectionée plus ceste science de astrologie que nulle des autres sciences liberalles (Simon De Phares, Astrol., c.1494-1498, f° 2 v°)