HAIE

substantif féminin

[T-L : haie2 ; GDC : haie1 ; DEAF, H 28) : haie1 ; AND : haie1 ; DECT : haie1 ; FEW (XVI, 113b) : *hagja ; TLF (IX, 645a) : haie1 ; TLF (IX, 646a) : haie2]

I. -Clôture( faite d'arbres ou d'arbustes...).

A. -Clôture d'un champ, d'un jardin, d'une propriété, faite d'arbustes, d'arbrisseaux ou d'épines entrelacés.

Amis, se saiens faisoie Closture de pierre ou de croie, De mur, de haie ou de palis, Li scens me seroit trop faillis ; Car li vaillans homs qui fist faire L'ordenance de ce repaire Et de l'iaue qui va entour L'ordena sans mur et sans tour (Mach., D. Lyon, 1342, 231)

Et s'estoit environ poursains Li lieus, dont il estoit plus sains, Plus biaus, plus gens, plus gracieus, Odorans et melodieus, De haies de belles devises Enracinées et reprises, Pommiers de paradis, rosiers, Franche aube espine et esglentiers ; Groselier aussi y estoient Qui bien et bel y afferoient. (Mach., D. Aler., a.1349, 392)

Caurriers, figuiers et chastingniers, Amendeliers et frans meuriers Qui moult bel la haie paroient, Pour ce que trés bien y paroient. (Mach., D. Aler., a.1349, 393)

Je ne donne un bouton de haye De quanque avons faiz d'argumens (Mir. st Sev., 1362, 235)

Sire, je lo qu'alons treschier Par le bois haies et buissons, Tant que le roy trouver puissons (Mir. roy Thierry, c.1374, 309)

...lequel, ainsi feru et navré, il lesserent en la place, au bout d'une haye, emmy le chemin, tout mort (Reg. crim. Chât., I, 1389-1392, 156)

...ainsy comme il fu assez près de la ville de Galardon, entre les hayes, trouva d'aventure un homme qu'il ne congnoissoit (Reg. crim. Chât., I, 1389-1392, 456)

...ainsi comme il passoit près de la ville de Clermont, trouva une haye à laquele pendoyent une chemise et une braye qui sechoient, lesquelx il print, et iceulx a usez et appliquez à son prouffit. (Reg. crim. Chât., II, 1389-1392, 175)

Item persevera oultre en la cotte hardie par lui prinse ès hayes derrieres Saint-Nicolas-du-Louvre et ès VIJ sols par lui euz à sa part d'un manteau emblé (Reg. crim. Chât., II, 1389-1392, 471)

Et elles meismes leur doivent aidier en ce que elles peuent, et bien garder que elles ne voisent ne sueffrent a leurs enfans rompans haies pour en autrui courtil embler raisins par nuit ou par jour, ne autrui fruitage, ne quelconques courtillages, ne autres choses (Chr. Piz., Trois vertus W.H., c.1405, 220)

Et quant à ce compilateur, Preigne l'abre, d'umble stature, Qui porte le fruit, par Nature, Duquel on fait la commune huile, Qui est à vivre moult utile, Et le plante lez une haye, Moyennant une couple vraye, Et trouverra, se bon lui semble, Les nom et seurnom tout ensemble ['Olivier de La Haye'] . (La Haye, P. peste, 1426, 167)

Lequel Lorin lui eust presté sondit four, qui estoit et est assis lez son hostel, dessoubz un petit appentiz tenant a quatre petites fourchectes de bois et couvert de genestres et de chaume, et hayes a l'environ de ce mesme. (Chancell. Henri VI, L., t.2, 1428, 101)

Ledit duc de Bourgongne s'estoit ja mis hors de son parc et en bataille ; et au devant et devers lui y avoit ung ruisseau qui passe à une maladrerie nommée la Magdaleine, et estoit ledit ruisseau entre deux fortes haies des deux costez, entre lui et lesdiz Suixes. (Roye, Chron. scand., II, 1460-1483, 37)

Passant par boys, par buysson et par haye (La Vigne, V.N., p.1495, 222)

[Dans un cont. métaph.]

Cils vergiers dont je ci raconte, Par quoy je ne faille a mon compte, C'est Amours especiaument Qui cuers rapelle doucement A la haie dont il est clos Dont cils puet sieuir les esclos. (Mach., D. Aler., a.1349, 399)

Proverbe. Ainsi se passe par le plus bas de la haie. On passe la haie par où elle est la plus basse.

Ung homme honneste en tout son cas Et qui n'est pas bien fortuné Pour avoir de biens ung grant tas Est bien souvent mal desjuné ; Et quant il a beaucoup jeuné, Sy peu qu'il achatte, il le paye. Ainsy se passe pour disné Et par le plus bas de la haye. (Prov. rimes F.M., c.1485-1490, 78)

B. -Par métonymie. Lieu, bois entouré de haies.

Dou bois attenant des Gasteis d'Ervy, pour deux arpens et demi, ensemble une haye et deux baÿveaux... (Comté Champ. Brie L., t.3, 1340-1341, 274)

...a cause de la fondacion et dotacion de sondit benefice, les choses descordables estoient purement des appartenances de sadite cure, et combien que la haie de Morville (...) soit venue par confiscacion au Roy nostre sire, soubz couleur de laquelle chose le curé de la grant porcion prétendoit avoir lesdites diexmes, pour tant qu'il y en a en icelle paroesse sur les fieux neument tenus du Roy nostredit seigneur, néantmoins eust icelluy Rendu dict que ladite haie de Morville fut et appartint anciennement à defunct messire Richard de Vernon (Cartul. Hôtel-Dieu Cout. L., 1451, 273)

Portion de forêt réservée au seigneur et circonscrite par une clôture.

Item, ont et doivent avoir en laditte foraist et auxy en ychelle coste, le pasturage pour toutez leurs bestez, excepté chievres, et auxy excepté les hauls deffens, ch'et à savoir la haye de Saint Chaux, le chemin Baudry et les haultez hayez (Hector De Chartres, Cout. R., 1398-1408, 80)

Item, puent prendre par toute ladite haie, hors deffens, tout boiz vert par païant l'amende acoustumée (Hector De Chartres, Cout. R., 1398-1408, 117)

Item, ilz ont, quant les hayes ou ventes sont taillées, le mort boys, pasturage pour leurs bestes, et le seq boys par entrée. (Hector De Chartres, Cout. R., 1398-1408, 180)

[Dans un cont. métaph.]

En la forest de Longue Actente J'ay couru, l'annee presente, Tant que la saison a duré (...). La haye fut garnie de tente, Et fis ma queste belle et gente, Suivant les chiens , je m'esgaré En la forest de longue Actente. (Jacques, bastart DE LA TRIMOILLE. In : CH. D'ORLÉANS, Rond. C., 1443-1460, )

Locution. Ramener qqn des haies. Égratigner qqn, doù faire subir des mauvais traitements à qqn..

ARSENICQ. Tu és ung droit rueur en maule, Tu as adreciet sus ses plaies. RIAGAL. Il est bien ramené des hayes, Dieu, quel basme, dieu, quel oincture, Pour garir cuir, nerf ou joincture (Molinet, Myst. st Quentin C., c.1482, 191)

C. -Par analogie.

1.Barrière.

a)Barrière faite d'une rangée de pieux ; palissade.

...c'est assavoir sur les ourailles des forestz en quoy ledit pasteur qui les gardera [les bêtes à laine] puisse voier les haiez de la ville [de Cherbourg] de la plus prochaine beste de la forest dedens la forest des dictes bestes entre lui et lesdictes haies (Hector De Chartres, Cout. R.B., 1398-1402, 148)

Remarque : Éd. : «les haies de Cherbourg semblent avoir désigné les barrières de la ville».

b)Barrière (recouverte de tissu) qui limite le champ clos où se déroulent les joutes.

A ceste X^e course, fortune voult que tous deux croiserent leurs lances, et de la grant aleure des destriers l'un hurta a l'autre, qu'i' n'y eust haye, qui de drap vermoil estoit, pendant a l'arde, tellement que le destrier de messire Enguerrant tumba et cellui de Saintré fut espaulé. (La Sale, J.S., 1456, 118)

2.CHASSE Rangée de buissons coupés, fermée avec des filets, dans laquelle les rabatteurs forcent les bêtes à s'engager.

Pren garde a l'autre bout de la haie, ou tu as tendu tez las, se il y a cler païs ou levriers puissent prendre, qui soit assez aventé, si y afuste tes levriers (Henri Ferr., Modus et Ratio, Livre deduis T., c.1354-1377, 107)

Se tu tens tes las pour les bestes noires, garde que la lachiere [var. larchiere] ne soit pas trop haut et fai ta haie forte entre deus lachieres [var. larchieres], et quant tu tendras ton las, pren lei par les deulz fermallieres et l'estent et euvre le plus que tu pourras, et le geste suz la lachiere (Henri Ferr., Modus et Ratio, Livre deduis T., c.1354-1377, 108)

Et doit estre la haye fete en lieu couvert et bas, quar, si elle estoit en cler pays et haut, les bestes, qui n'ont pas acoustumé de veoir illec endroit le boys qu'on y auroit abatu, ne se vendroyent mie voulentiers bouter dedanz la haye. (Gast. Phébus, Livre chasse T., 1387-1389, 251)

Ceulx qui gardent les roiz ou la haye doyvent estre trois ou quatre, selon que la haye sera longue et les roiz, les deux aux deux bouz, et les deux au milieu, partiz autant de l'une part come de l'autre. (Gast. Phébus, Livre chasse T., 1387-1389, 254)

Mes haye pour ours ne vaut rien, quar il monte sus un arbre. (Gast. Phébus, Livre chasse T., 1387-1389, 255)

Item, s'il y avoit haiez faitez à chasser les bestes rouges de ladicte forest, iceulx coustumiers les pevent prendre et emporter sans contredit aprés le jour sainte Crois en septembre. (Hector De Chartres, Cout. R., 1398-1408, 260)

...mes gens vindrent, bien garniz de cordage, Ausquelz je fys fere hayes et arssons pour tendre rets ainsi qu'est de raisons A tel mestier fere par bonne guise (Au grey d'amours F.-H., c.1400-1500, 275)

Mes veneurs sont pieç'a devant, Qui ont fait comme bien savant Briseures pour la haye faire. (Narcissus, p.1426, 290)

LE PREMIER VENNEUR. Chier sire, nous avons trouvé grant trac de porcs, la chose est vroye. Nous deux, allons faire la haie. Venez lz plus tost que pourrez. (Du Prier, Roy Adv. M., 1455, 41)

...les ungs tendent les laz, les autres la haye ; l'un crie, l'autre sifle... (Rob. Herl., Déb. fauc. lévr. H., c.1470-1500, 39)

[D'un épervier]

Mué de haie. Qui a mué à l'état sauvage.

Et se l'esprevier qui ainsi est priz aux pans est mué de haye, il couvient qu'il soit mis au baz par veillier et affamé par la maniere que dessus. (Ménagier Paris B.F., c.1392-1394, 164)

Et ceulx sont muez de haye, et toutesvoyves n'ont ilz point pont ne couvé en ceste annee pour ce que leur jennesse leur a tolu, et sont priz aussi apres leur mue. (Ménagier Paris B.F., c.1392-1394, 164)

Or nous couvient parler des muyers qui sont de deux manieres: c'est assavoir les ungs qui sont muez en la ferme et les autres qui sont muez de haye. (Ménagier Paris B.F., c.1392-1394, 165)

3.Ensemble des échelons et des cotrets qui forment le volant.

...refaire et remettre a point les parois, les voiles, les hayes et les degrez du dit molin (Doc. 1433. In : Y. Coutant, Terminol. du moulin médiév. dans le comté de Flandre, 1994, 696)

4.Digue, môle, jetée.

...pourvoir aux fortifications, emparemens et autres affaires et nécessitez d'icelle ville, aux murs de laquelle la mer fret par deux fois le jour, et qui ne peut estre soutenue sans grand-despense de bois et maçonnerie appellée jettée et haye, qui sont de grands et somptueux labours (Ordonn. rois Fr. B., t.14, 1450, 100)

5.File de personnes.

Remarque : FROISS., Chron. L., III, c.1375-1400, 177 : 180.

II. -Age de la charrue.

[Les habitans de Morgny ont es forests de Lions] un chesnot pour faire caretils quant le leur est usé, par livrée, en rendant le viel ; haies et ceps à leurs carues (Hector De Chartres, Cout. R., 1398-1408, 17)

Item, ilz ont haies et ces à leurs charues, et les demourans des charpentiers des ouvrages du roy ou des chappellains par congié qu'ilz prennent sur ce. (Hector De Chartres, Cout. R., 1398-1408, 27)