GARENNE

substantif féminin

[T-L : garenne ; GD : garene ; GDC : garenne ; DEAF, G 246) : garenne ; AND : garenne ; FEW (XXII-2, 21b) : : o.i. ; TLF (IX, 96a) : garenne]

CHASSE

A. -Domaine de chasse réservée.

Par foy, dist le roy, la requeste est raisonnable, et tout maintenant je vous menray ou lieu ou je vueil qu'elle [la prieuré] soit fondee. Lors yssirent de la garenne, et vindrent tout selon le mur, au bout du clouz, et lors dist le roy : Beaulx seigneurs, faictes cy fonder vostre prieuré, et prennez tant de place que vous vouldrez. (Arras, c.1392-1393, 75)

Nous avons receu humble supplication de la partie de Thierry L'Enfant, Jehan Vaquemen de Braiban, de Thierry de Bourde et Henry Bolle, gardes de la garenne de Grainville ou bailliage de Caux en Normandie, laquelle garenne est à nostre amé et feal chevalier Bethencourt, chambellan de nous et de nostre trescher et tresamé frere le duc d'Orliens, disans que, comme pour ycelle garenne garder et defendre tant de bestes males comme de larrons les dis supplians et chascun d'eulx fust commis et establiz de par le dict Bethencourt, et il soit ainsi que en icelle garenne, la nuit de Noel derrenier passé, environ mye nuit, eussent trouvé chassans plusieurs robeurs (Canarien, Pièces justificatives C., 1393, 360)

Enquel buisson nul n'a coustume en pasturage ou autrement, soit la forest vendue ou non, excepté lesdis bourgois, reservé la guarenne du roy. (Hector De Chartres, Cout. R., 1398-1408, 18)

A Pierart Lione, pour ses waiges de iestre siergans dou dit office et avoecq de prendre warde a le waraine de Willehourt et de Biaumont, - XL sols VI deniers. (Arch. Nord, 1400, B 10640, f° 17, IGLF)

Pour obvier aux grans dommages de noz subgetz et aux inconveniens qui adviennent et peuent avenir chascun jour pour la tres grant multitude de loupz et louves (...) donnons par ces presentes plain povoir et auctorité de chasser ausdiz loupz et louves en et par tous les lieux de nostre duchié de Touraine (...) pourveu toutesvoyes qu'il y soit en personne et que ce soit hors garenne, se n'estoit du gré et consentement de celui ou ceulx a qui seroit ycelle garenne (Odart Morchesne, Formulaire G.L., a.1427, 297)

[Ds un cont. métaph.]

Et a ung seul vol se trouverent en la cite de Bayonne, et la trouverent ung vieil Sanglier Noir, duc des Leopars [des Anglais] , par lesquelz de sa part il avoit horriblement trouble les doulces rivieres et garennes du grant leon de Castelle (Mézières, Songe vieil pèl. C., t.1, c.1386-1389, 393-394)

Par métaphore. Réserve.

Huy souliers rons et demain a long bec, L'ung cordoan et l'autre soit basenne, Tous descopéz pardessus s'il fait sec. Et voz chappeaulx, que de hic que de hec, Vous fault porter a la plume de quenne. Mais ne faictes de voz habis garenne ; S'ilz sont huy faiz, anuyt les fault donner Et tost sur pié des autres ordonner. (Michault, Doctr. temps prés. W., 1466, 39)

En particulier. Terrain (en général clos) peuplé de lapins et d'autres animaux où il est défendu de chasser sans la permission du seigneur.

De la garenne de Luz dessuz Ouchie, pour panre oisiaux, lievres et conins, admoisonnée à Gile de Saint Martin, escuier, et à Jehan le Pointre, à vi anz (Comté Champ. Brie L., t.3, 1340, 313)

Vez ci les levriers acouplez. Vien après nous, si les amaine En ce bois ou il a garainne (Mir. femme roy Port., c.1342, 152)

...pour cause que en un cloz estant au dessus de la mason desd. religieux (...) prez de la garenne de Belleincourt, duquel cloz avoir et tenir cloz et fermé de murs et potis à clef il disoient estre en saisine et possession seulz et pour le tout, de y avoir connins, les chacier, prendre et apliquer a leur proufit (Livre raison St-Martin-de-Pontoise D., 1352, 160)

De Jehan Bienfait, poullaillier, pour une amende en quoy il avoit esté condampné envers le Roy par les maistres d'ostel, pour connins qu'il avoit pris et aidé à prandre en la garanne de Saint-Cloust (Comptes hôtel rois Fr. D.-A., 1380-1381, 9)

Les habitans de la ville de Beaune puent et doivent chacier fors de garenne es lievres et es conniz en la justice et ou finage de Beaune et es villes voisines. (Cout. bourg. glosé P.M., c.1380-1400, 31)

L'une, quant lievres sont engendrez de nature de conins, comme sont es garenes, chiens n'en assentent point si bien. (Gast. Phébus, Livre chasse T., 1387-1389, 80)

Et, qui veult avoir bone gareine de connills, il les doit chascier deux ou trois fois la semainne as espaignouls, qui s'apelent chiens d'oisiaux, et les fere encloter, quar autrement ilz vuident le païs (Gast. Phébus, Livre chasse T., 1387-1389, 82)

Et aussi es garaynes des connins et des lievres demuerent ilz voulentiers. Et, brief, renart demuere voulentiers en tout fort païs et couvert. (Gast. Phébus, Livre chasse T., 1387-1389, 242)

...la garenne de Saint Baale est à moy et n'i puet nulz chassier fors à pors sengliers ; et qui y chasseroit sans mon congiet, il seroit et doit estre attains en XV solz parisis d'amende, et si perderoit le harnelz. (Trés. Reth. S.L., t.2, 1408, 569)

Il a esté acoustumez de prenre et embler larchineusement, de nuyt et de jour, es warandes des seigneurs d'environ, grans nombres et quantitez de conins. (Arch. Nord, 1409, B 5639, f° 5, IGLF)

Et se revient icelle terre en boys, prés, moulins, terres labourables et autres rentes en deniers, de grains ot oyseaux, garenne en toute maniere de connins, lievres et aultres bestes et oyseaulx et semblablement de poysson (Canarien, Pièces justificatives C., 1419, 463)

Item, que j'ay guarenne en madicte terre de Vrigne (...) excepté a pors ; et qui y chasse il est a XV solx d'amende et se pert le harnas (Trés. Reth. L., t.3, 1439, 189)

...il s'en est allé avec l'un de mes serviteurs en une de mes garennes pour avoir ung dain que nous mengerons a ce soir (Percef. III, R., t.1, c.1450 [c.1340], 329)

...Loys de Beaumont, chevalier, seigneur de la Forest, a fait ediffier en la parroisse de Missé près Thouars, où il a garanne à lièvres, perdriz et autres bestes (Doc. Poitou G., t.11, 1473, 401)

Connin de garenne lapereau de garenne

...XX lappereaux de la garenne de Chateau-Neuf, estimez 2 s. 6 d. p. la pièce. (Comptes hôtel rois Fr. D.-A., 1380-1481, 196)

Premierement les connins de garenne sont congneuz a ce qu'ilz ont le hasterel (c'est assavoir depuis les oreilles jusques vers les espaulles) de couleur entre tanné et jaune, et sont tous blans soubz les ventres, et tous les .IIII. menbres pardedens jusques au pié, et ne doivent avoir nulle autre tache blanche parmy le corps. (Ménagier Paris B.F., c.1392-1394, 209)

Sauce a mectre boulir en pastez de halebrans, canetz, lappereaulx ou connins de garenne. (Ménagier Paris B.F., c.1392-1394, 262)

[Par suite d'un jeu de mots sur le nom du lapin (connin), le terme n'apparaît, dans les CNN, que pour désigner le bas ventre d'une femme ou, éventuellement, son derrière]

...en la garenne que plus chere tenoient lesdictz parens, avoient osé lascher les levriers et limiers ce desplaisant mal [D'une jeune fille souffrant d'hémorroïdes] (C.n.n., c.1456-1467, 32)

...fut abandonnée au bon compaignon garenne, connin et duyere, toutesfoiz et quantes que chasser y vouldroit. (C.n.n., c.1456-1467, 162)

B. -Droit de chasse.

Avouer garenne

...nous et nos successeurs, contes de Rethel, estans en pais et dehors, aurons l'aisement teil que nous pourrons chacier et faire chacier par nous et par nos gens familiers toutes fois que il nous plairat dedens les bois desdiz religieux, sans eux ou leurs biens troubleir, empeschier ou dommagier, et sans y avouer garenne pour nous ; et que se hayes falloit faire pour ladicte chace, elles seroient faites en nostre terre et de nos bois, et non es bois, ne en la terre, ne des bois desdiz religieux. (Trés. Reth. S.L., t.2, 1345, 48)

Jurer la garenne

Et par ce les hommes du dit escuier de son dit fief doivent garder la garende et jurer icelle, et voier les boiz, et rapporter les meffaiz que ilz y trouveront une foiz l'an (Hector De Chartres, Cout. R.B., 1398-1402, 110)

C. -Étendue de terrain boisé.

Et d'icelle ville de Vendosme, ainsy comme ilz estoient en la garenne qui est au-delà de la ville de Chasteauleraut, trouverent oudit chemin un chevaucheur de mons. de Berry, nommé Symonnet (Reg. crim. Chât., I, 1389-1392, 532)

Item, la haye et le bois que l'en dit la waranne avec trois fauchiez de prez ou environ jongnant a icelle (...) en telle maniere que nuulz ne puelt taillier ne copper en ladite waranne ou bois (Trés. Reth. L., t.3, 1444, 222)

Garenne de bois

...son maistre lui commanda qu'il s'en allast en son hostel de Poitrot [sic] en nostredit païs de Poictou lui faire preparer, amasser et buscher certain bois et icellui fagoter, lequel il devoit faire prandre en une garenne de bois (Doc. Poitou G., t.12, 1483, 611)

Retraite.

...le cerf ne se mouvoit, tant se tenoit fier en sa garande. (Percef. VI, R., c.1450 [c.1340], 674)

Remarque : Croisement possible de garenne avec garantir.