GENERALITÉ

substantif féminin

[T-L : generalité ; GDC : generalité ; DEAF, G 475) : generalgeneralité ; AND : generauté ; FEW (IV, 97) : generalis ; TLF (IX, 170a) : généralité]

A. -Caractère de ce qui s'applique à la majorité ou la totalité des cas ou des individus.

Et si doit en generalité chascun amer le bien commun. (Quinze joies mar. R., c.1390-1410, 2)

Mais la grant liberalité Du filz en generalité Le fist estre si renommez Que de toutes gens yert clamez La flour de loenge et d'onnour (Chr. Piz., Chem. estude P., 1402-1403, 250)

...par telz voies tenir en generalité, et toutes autres bonnes ordonnances que sur ce aviser se pourroient, pourroit le prince tenir son peuple en paix (Chr. Piz., Paix W., 1412-1413, 138)

B. -Unanimement.

...et disoient au retour tous les compaignons, en generalité, que la chevallerie de messire Jaques de Lalain les avoit preservez de mort. (La Marche, Mém., II, c.1470, 249)

C. -–'Caractère de ce qui n'entre pas dans le détail.

Ceste generalité ne souffist pas. (Oresme, E.A.C., c.1370, 330)

Raison si est, car comme il soit ainsi que estre en general soit chose tres generale au regard des dix predicamens, qui sont comme principes de toutes choses, il contient par sa generalité toutes les choses contenues dessoubz les aultres principes generaulz de toutes choses qui s'apellent predicamens. (Somme abr., c.1477-1481, 102)

Sans autre generalité. Sans digression.

Monseigneur le Procureur, je vous foiz responce précize sans autre généralité que ne suis en riens obligié audit Jacques Cuer ne Anthoine Noir ne à autres pour eulx et ne se trouvera point que oncques je le fusse. Et quant le monstreriez, vous feroye responce tele et si juridicque que vous n'auriez cause de procéder contre moy (Aff. Jacques Coeur M., 1453-1457, 375)

[P. oppos. à specialité]

Je ne di pas qu'en tel attrait Que ce fust par engingneus trait, Pour eaus sousprendre ne sousduire, Mais pour li aviser et duire Aus amiables poins discrés, Nompas pour savoir leurs secrez Selonc especialité, Mais en la generalité De ce qu'on porroit bonnement Dire a tous bons generalment. (Mach., D. Aler., a.1349, 247)

Après lequel département se meut altercacion et différent entre aulcuns des gens de guerre, disans les uns que la louenge d'icelle journée devoit estre attribuée audit connestable, comme lieutenant du roy par tout le royaume de France ; les autres soustenans au contraire que l'honneur en devoit estre attribué au susdit conte de Clermont, comme commis et ordonné lieutenant espécial pour faire cette action et poursuite, alléguans qu'en tel faict l'espiciaulté derrougoit à la généralité. (Chart. J., Chron. Ch. VII, V., t.2, c.1437-1464, 199)

[Dans le discours]

Car dire que il soient tous introduis en une discipline, ce est une generalité qui ne proficte en rien (Oresme, Pol. Arist. M., c.1372-1374, 92)

Dire en la generalité de langage. Appeler généralement.

Et pour ce que aucuns pourroient demander et faire argument, pourquoy Austrice, si renommée de povoir et d'amis, n'est demourée royaulté et en reale puissance et auctorité, ad ce je respons et sera trouvé vray que, du temps que les Allemaignes, que nous disons en la generalité de langaige Germanie, et la France, que nous nommons Gaule, furent payens et non enluminez de la loy de grace, il estoit moult de royaulmes particuliers. (La Marche, Mém., I, c.1470, 21)

D. -ADMINISTRATION

1.Circonscription financière d'un receveur général (chargé de surveiller les élus commis à la répartition des impôts et qui a la connaissance des cas de justice afférents).

...sera envoyé ung homme de bien en la ville de Paris au VIIIe jour d'aoust prouchain venant, afin que eulx ensemblement choisissent lesdictes VIII personnes et greffier pour ladicte generalité. (Lettres Ch. VIII, P., t.3, 1490-1493, 166)

...nostre amé et feal conseiller et receveur general de noz finances en la generalité d'oultre Seine, Jaques Le Roy (Lettres Ch. VIII, P., t.3, 1491, 149)

2.Generalité de France. Ensemble du personnel et plus particulièrement des grands personnages (generaux) s'occupant de l'administration des finances extraordinaires du royaume de France ou, au sein de la Cour des Aides, des affaires judiciaires qui y sont liées.

...jusques a en estre meslé meismes et en somme le roy propre, une grant part des royaulz et des princes du sang, les seigneurs du Parlement et toute presques la generalité de France (Chastell., Chron. IV, D., c.1461-1472, 81)