FOSSE

substantif féminin

[T-L : fosse ; GD : foce ; GDC : fosse ; AND : fosse ; DECT : fosse ; FEW (III, 738b,739b,740a) : fossa ; TLF (VIII, 1125a) : fosse]

A. -Au propre. Cavité dans le sol.

1.Cavité d'origine naturelle.

a)Espace de mer, près des terres, où les bateaux peuvent mouiller.

Symon de Saint Walery et Lorens Haquet, lamans, pour esdier a amener la berge de Bouloigne dont Jehan Du Jardin est maistre, de la fosse de Caeu au Crotoy (Clos galées Rouen M.-C., t.2, 1341-1342, 56)

Cestui Henry Le Picart avoit bien en sa route diz mille Angloiz et vindrent arriver en Seine à la fosse de l'Eure. Et là prinstrent terre les Angloiz et yssirent hors de leur navire (Chron. Valois L., c.1377-1397, 118)

...les nefs et vesseaulx, lesquielx apportoient icelles denrées (...) és mettes de laddicte prevosté de l'Eure, c'est assavoir : en la fosse dudit lieu de l'Eure et oudit vieil hable... (Commerce marit. Rouen F., Pièces justif., 1403, 275)

...et singlerent en mer tellement qu'ilz s'en vindrent arriver et entrer sur la coste de Normendie environ la fosse de l'Eure, cuidans trouver et rencontrer ledit de Waruik et sa compaignie pour les desconfire. (Roye, Chron. scand., I, 1460-1483, 243)

b)Caverne, grotte.

Atant l'emmena en une fosse et lui monstra moult grant richesse d'or, d'argent et de joyaux. (Bérinus, I, c.1350-1370, 269)

Item, Damas, ou Dieu fourmat Adam et Eve. Item, la fosse ou Adam et Eve plorerent cent ans la mort Abel leur filz. (JEAN D'OUTREM., Myr. histors G., a.1400, 76)

DEUS. (...) Vous faictes fosses de larrons De mes templez, de mes maisons (Pass. Semur D.M., c.1420 [1488], 160)

...vous avez fait de l'eglise de Dieu fosse de larrons, et du saintuaire divin banque de tricherie. (Chart., L. Esp., c.1429-1430, 176)

c)Crevasse.

Et dit que ung pastoureau nommé Giges vit aux champs, en gardant ses bestes, une grande fosse en la terre, et grande et parfonde caverne advenue par grandes lavasses d'eaues et de pluyes qui avoyent esté. (Fillastre, Traité Conseil H., c.1472-1473, 209)

d)Carrière d'où on tire la marne.

...et [ilz] trouverent les autres un pou oultre ledit parc, auprès d'une grant fosse appellée au pais marniere (Chancell. Henri VI, L., t.1, 1423-1426, 127)

e)Cratère d'un volcan.

...et de lassus voist on ceste fosse clerement. Auquel fons de ceste grant fosse a troiz ou quatre grans puis desquelz saillent, jour et nuit sans cesser, tresgrans et hideux espiraulx de fumees, tous entortilliez, rouges, jaunes, vers, noirs et de diverses coulleurs, qui font au saillir de ces grans puis tresespoentables bruis et semblent a tonnoirres bruians ; et portent par leur roideur la fusmee sy haulte que semble touchier aux chieulz, puis s'espart aval le vent. Et au dedens de celle grant fosse a de petiz conduis qui font fumee sans nombre (La Sale, Salade, c.1442-1444, 144)

2.Cavité d'origine artificielle, creusée dans la terre.

a)[Pour y enterrer les morts]

Tant en occist et devoura, Que tous les jours a grans monciaus Trouvoit on dames, jouvenciaus, Juenes, viels et de toutes guises, Gisans mors parmi les eglises ; Et les gettoit on en grans fosses Tous ensamble, et tous mors de boces, Car on trouvoit les cimatieres Si pleinnes de corps et de bieres Qu'il couvint faire des nouvelles. (Mach., J. R. Nav., 1349, 150)

Femme et enfans et parens sont Qui jusques a la fosse vont Ou le mort enterrent et bournent (Mir. Barl. Josaph., c.1363, 269)

'Point n'arresta jusques a tant qu'il lui ot donné v. colz d'une dague, et puis après commanda le conte qu'il fust mis en la fosse. Il y fut et là morut, car il fut povrement curez de ses playes.' (Froiss., Chron. M., XII, c.1375-1400, 62)

Einsi demoura touz jours le levrier bien demi an sus la fousse de son seigneur en le gardant de toutes bestes et oisiaux. (Gast. Phébus, Livre chasse T., 1387-1389, 108)

...elle estant auprès de la fosse ordennée à le enterrer et sur le point que l'en lui vouloit mettre, congneut et afferma par serement les confessions cy-dessus escriptes par lui autrefoiz faites estre vrayes et en ycelles continua et persevera. (Reg. crim. Chât., II, 1389-1392, 437)

Et trouverent que le prieur en avoit bien fait son devoir, car il l'avoit fait ouvrir et enbasmer [le corps de Remondin] , et appareillier le cuer, et avoient ensevely les entrailles en la chappelle aux lampes, devant le maistre autel. Et estoit encores la fosse toute ouverte et bien maconnee. Et y avoit bons anneaulx de fer au travers, pour soustenir la biere, se on vouloit mettre le corps, car la avoit il ordonné sa sepulture. (Arras, c.1392-1393, 290)

Nulle femme coustumiere ne peut renoncer sur la fousse ne autrement aux meubles d'elle et de son mary, en maniere qu'elle ne soit tenuee de poier la moctié des debtes. (Cout. instit. Anjou Maine B.-B., t.2, 1437, 338)

...il se pensa que une si sage et bonne beste ne demourast sans sepulture. Et pourtant il fist une fosse (C.n.n., c.1456-1467, 539)

Et le lendemain y fist aussi faire ung beau service en ladicte eglise ; et aussi en fut fait service à Saint-Jehan en Greve, là où estoit aussi sa fosse faicte, cuidant qu'on l'y deust enterrer, et y eust esté mis, n'eust esté que ledit Sordun dist à icellui de Saint-Pol que en leurdicte eglise y avoit enterré une contesse de Saint-Pol et qu'il devoit mieulx vouloir y estre enterré que en nulle autre part (Roye, Chron. scand., I, 1460-1483, 361)

Item, vueil qu'autour de ma fosse Ce qui s'enssuit, sans autre histoire, Soit escript en lectre assez grosse - Qui n'auroit point d'escriptouoire, De charbon ou de pierre noire Sans en rien entamer le plastre ; Au moins sera de moy memoire Telle qu'elle est d'un bon follastre - : 'Cy gist et dort en ce sollier Qu'Amours occist de son raillon, Ung povre petit escollier Qui fut nommé Françoys Villon...' (Villon, Test. R.H., 1461-1462, 142)

Semblablement à Saint Ignocent, à Paris, en la fosse ordonnée pour mectre les pouvres, nul corps n'y demeure à corrompre plus de IX jours (Simon De Phares, Astrol., c.1494-1498, f° 68 v°)

Nul de vous ad ce ne s'efforce, Car faict faire avons ja sa fosse Pour dedens terre l'avaller. (La Vigne, S.M., 1496, 578)

Fosse aux pauvres

Premierement, je recommende mon ame à Dieu le Pere tout puissant (...). Item, je esliz la sepulture de mon corps ou cimetiere de Saint Innocent en la fosse aux povres. (Test. Parlem. Paris T., 1404, 381)

Abeer la fosse. Désirer mourir.

Or est ainsy que le povre et viel solitaire, chascun jour abayant sa fosse et non digne d'estre nommé, n'a pas a present des biens temporelz, ne desire d'avoir, comme Dieu le scet, outre sa necessité (Mézières, Vertu sacr. mar. W., c.1384-1389, 45)

'Helas, ma dame Divine Providence, je, pelerin vieil, ou derrain quartier de ma vie, qui au matin et au seoir suis abayans ma fosse, ay presente au monde en esperit et par escript les fins besans a Dieu plaisans et les aromaz precieux, moraulx et espirituelx...' (Mézières, Songe vieil pèl. C., t.2, c.1386-1389, 504)

Estre sur le bord de sa fosse/estre sur la/sa fosse. Être à l'article de la mort, avoir un pied dans la tombe.

Se la vieille estoit sur la fosse, Qui de congner ['faire l'amour'] lui parleroit, Ses vielz os remuer feroit. (Le Fèvre, Lament. Math. V.H., c.1380, 95)

...que pourray je dire de ceulx (...) qui sont viés et anciens, plains d'ans et de jours mauvais, qui sont ja sur leur fosse, qui n'ont comme on seult dire que ung pain au four, et neantmoins ilz ne veullent penser ne considerer a leut fin qui tant approche, a la mort qui les tient et suit de sy pres (Gers., Cendres G., c.1402, 583)

...vous avez belle et bonne femme, que Dieu vous a remise en santé, qui nagueres fut sur le bord de sa fosse. (C.n.n., c.1456-1467, 137)

Faire sa fosse aux dents. Causer sa mort par goinfrerie.

Ebrieté destestable Cause mauvais accidens : Gormand fait se fosse aux dens. (Molinet, Faictz Dictz D., 1467-1506, 538)

b)[Dans une prison] Cachot, basse-fosse.

Par foy, dist le roy d'Armenie, quant a vous, vous avez failli a grever quant a present le roy Uriien, mon nepveu. Lors les fait mettre en fers et en carcans, en fin fons de fosse. (Arras, c.1392-1393, 130)

...il fu prins par noz ennemis englois et tenuz prisonnier à Clavieres près de Poitiers, ès fers et en la fosse (Doc. Poitou G., t.4, 1372, 158)

Durant lequel temps il fu en la fosse par l'espace d'un mois (Chancell. Henri VI, L., t.2, 1427, 54)

Aiez pictié, aiez pictié de moy, A tout le moins, s'i vous plaist, mes amis ! En fosse giz, non pas soubz houz ne may, En cest exil ouquel je suis transmis Par Fortune, comme Dieu l'a permis. (Villon, Poèmes variés R.H., c.1456-1463, 68)

...les dieux De la Barbarie et de Hongrie, De Cambelin, (et) d'Alexandr[i]e, De Turtin et de Papagosse Furent tous mis en une fosse Pource que parler ne vouloient Des choses qu'i leur demandoient. (Est., p.1460, 25)

[Avec une maj.] Prison souterraine du Châtelet.

Et fu fait mettre en la prison que l'en dist la Fousse, afin que chascun peust parler à lui, et qu'il ne se peust excuser de non avoir trouvé message ou à qui parler. (Reg. crim. Chât., I, 1389-1392, 245)

[Dans un cont. métaph.]

Se tu as le courage ou pour plus proprement parler la folle cuidance de toy vouloir ingerer jusques au dangereux donjon ou dame Court se retrait en son privé, saches que le guichet en est si petit, la planche si estroicte, la fosse desoubz si parfont, et y court le vent d'envie a si grant bouffeez, que a l'entrer ou a l'issir tu te pourras blecer sans garison ou tresbuchier sans resourse. (Chart., L. Esp., c.1429-1430, 8)

Basse fosse. Cachot souterrain, dans les profondeurs d'une prison.

Pour occasion du quel fait, les diz Maurice et Colin Bertins ont esté prins par la justice du lieu et mis en prison en basse fosse, où ilz ont esté et encores sont detenuz par l'espasse de deux mois et plus (Doc. Poitou G., t.6, 1395, 215)

...le dauphin (...) le fit mettre en prison en basse fosse, en grant povreté et misère (Chastell., Chron. K., t.3, c.1456-1471, 228)

...et lui estant èsdictes prisons en la basse fosse, trouva façon de se eschapper et s'enfouyt (Doc. Poitou G., t.12, 1481, 438)

[Dans un cont. métaph.]

Comme les haultes dignitez des seigneuries soient establies soubz la divine et infinie puissance qui les eslieve en florissant, en prosperité et en glorieuse renommee, il est a croire et tenir fermement que, ainsi que leurs commencemens et leurs accroissances sont maintenues et adrecees par la divine providence ainsi est leur fin et leur detriment par sentence donnee ou hault conseil de la souveraine sapience, qui les aucuns verse du hault trosne de imperial seigneurie en la basse fosse de servitude et de magnificence en ruine et fait des vainqueurs vaincus et ceulx obeir par crainte qui commander souloient par autorité. (Chart., Q. inv., 1422, 1)

c)[Cavité creusée à des fins diverses]

Trou.

Item, semblablement qui feroit une parfonde fosse tout droit selon l'instrument appellé plun, elle seroit plus estroite en bas que en haut continuelment en descendant. (Oresme, C.M., c.1377, 574)

Et comme ung jour nous estions sailliz de nostre nave, pour faire en terre chascun une fosse pour nous tappir pour le soleil, nostre bon filz, qui de neige, comme sçavez, estoit, en nostre presence, sur le gravier, par la grand force du soleil, fut tout a coup fondu et en eaue resolu. (C.n.n., c.1456-1467, 130)

LE CHARTIER. Hure, ho, dea, que tu vas mal ! SATHAN. Le crestien, en propos final, Si sera mien. LE CHARTIER. Garde la fosse ! Hure, ho, dea, que tu vas mal ! Va, avant, vache, malle rosse ! Ceste charge cy m'est trop grosse Et me donne beaucoup de peine. (Mir. st Nic. juif, c.1480-1500, 134)

...ledit jour venu à l'endroit de l'ombre du chef d'icelle ydolle, fist une fosse en terre en laquelle il trouva inumerable tresor (Simon De Phares, Astrol., c.1494-1498, f° 111 r°)

Tomber dans la fosse qu'on a creusee. Faire son propre malheur.

Moy mesmes me suis deceü, J'ay fait la fosse ou suis cheü (Coudrette, Mélus. R., c.1401-1402, 249)

Trou d'eau dans lequel se trouvent des poissons.

A Adenot, garde de l'estang d'illuec, pour curer et faire curer et nestier V fosses à mettre poisson... (Comté Champ. Brie L., t.3, 1347-1348, 450)

Les poissons qui sont es fosses et estangs, se ilz cheent en partages, sont reputéz heritages (Cout. bourg. glosé P.M., c.1380-1400, 284)

Si s'advisa de prendre ung beau brochet qu'il avoit en sa fosse (C.n.n., c.1456-1467, 43)

Fosse à poissons

...chapelle, portail, coulombier, court, jardins, fosses à poissons, fossez et autres appartenaces... (Chartes Ste-Chapelle Vincennes B., t.1, 1487, 484)

Fosse d'aisements. Fosse d'aisance.

...et souz la dicte estable a une fosse de aisemenz qui est commune entre ladicte maison adcensee et la maison dudit Jehan Françoys, et y a pardevers chascune des dictes deux maisons deux sieges par les quiex la matiere descent en ladicte fosse (Chartes Abb. St-Magl. T.F., t.3, 1365, 314)

Et pour ce qu'il avoit descort entre les diz Raoul et Martin de savoir, tant pour le temps present comme pour le temps a venir, par ou elle se devroit wider au plus prouffitable, et des coustemens tant pour vuidange comme pour reparacions, rapportent les jurez qu'il ont esté aux lieux dessus diz et ont veu et regardé l'estat de ladite fosse, la quelle a esté vuidee tout a present, et le lieu par ou la matiere a esté mise hors, et ou al a esté mise pour porter aus champs. (Chartes Abb. St-Magl. T.F., t.3, 1368, 374)

Fossé.

Et vous le veez par exemple: car, quant ung aveugle maine l'autre, ce n'est pas de merveille se ilz cheent tous deux en une fosse. (Ménagier Paris B.F., c.1392-1394, 17)

Il sont aveugles, je vous dis, Meneurs d'aveugles vraiement, Quant ung aveugle ung aultre prent Pour mener, leur fait est doubteux, En la fosse cheent tous deux. (Marcadé, Myst. Pass. Arras R., a.1440, 115)

3.[À propos d'animaux sauvages]

Sillon fait par le sanglier en creusant pour chercher des racines.

La tierce maniere de dire est quant l'en dist que il ont esté aux feuges, c'est quant les bestes ont fait grant fossez et ont foï bien en parfont en terre pour avoir une rachine (Henri Ferr., Modus et Ratio, Livre deduis T., c.1354-1377, 74)

Tanière.

Et, quant il [le renard] voit qu'il n'y pourra durer, donc se met il dedanz terre et a ses fosses, qui sont ses forteresces, les quelles elle scet bien. (Gast. Phébus, Livre chasse T., 1387-1389, 99)

Et, adonques, le regnard luy monstra [au berger] la fosse ou le loup estoit. (Macho, Esope R., c.1480, 117)

Terrier, gîte (de petis animaux).

Et, si levriers les prenent [les lapins] , c'est bien fet, et, se non, les chienz d'oysel les feront entrer par les fousses. (Gast. Phébus, Livre chasse T., 1387-1389, 227)

Fosse aux lions. Cavité creusée dans le sol où on tient les lions en captivité.

Tuit furent en acort comme un (...) Que quicunques petition Sacrefice ou oblation, Jusqu'a trente jours, c'est la somme, A quelque dieu ou a quelque homme Fera, qu'a Daire seulement, Qu'il soit getés isnellement Ou mis en la fosse aus lions, De quelque estat que soit li hons, Pour li faire, sans demourer, Morir a honte et devourer. (Mach., C. ami, 1357, 36)

B. -Par analogie.

1.Partie creuse, évidée de qqc..

Les pierres y sont de tele nature que au cop du martel il se fendent tortueusement, si convient pour les joindre a point et pour mectre la boce contre la fosse justement, que les maçons aient regles de plonc. (Oresme, E.A.C., c.1370, 325)

Et adonques il prist un petit martel en son sein et ramenda le deffaut où elle estoit blesciee et hurtee, et tres convenablement la rappareilla comme se ce fust ..I.. vaissel d'arain en rabatant les fosses et boces par pluseurs cops de martel. (Foul., Policrat., IV, 1372, 60)

Met ta table [de l'astrolabe] sur une ays ou il y ays une fosse affin que la table ne soit plus haulte que l'ays, ne aussi l'ays plus haulte que la table, et l'attache tres bien de ciment ou autrement. (Fusoris, Astrolabe P., c.1407-1412, 97)

2.ANATOMIE

a)Fosse dessous l'oeil. Cavité orbitaire.

Item, quant il a trouble la veüe, fendés li le cuir en la fosse desous l'ieul. Si en traiez de l'oint, si sera gueris. (Chir. chevaux P., c.1325-1350, 376)

b)Fossette.

...Voz joettes font deux fosses toudis, En soubzriant, o belle plus que belle ! (Desch., Oeuvres Q., t.5, c.1370-1407, 186)

...deux petites fosses plaisans, de grant doulçour eslites, En souriant, es jouetes escriptes, Ot bien seans ; mais les doulçours, descriptes, Du mentonnet Rondet, plaisant, gracieux, sadinet Et fosselu, vermeillet, mignonnet, Ne pourroient, tant est fin, doulcinet, Et a doulz vis Bien respondant, qui fu tout assouvis De grant beaulté, rondelet a devis, Le plus doulcet et plus bel qu'oncques vis Mieulx façonné (Chr. Piz., Dit Poissy R., 1400, 205)

c)Ventricule.

Et ou millieu [le coeur] a une fosse (...) esquieulx le sang gros nutrimental venant du foye est digeré et fait subtil et espirituel (Panis, Guidon, 1478, tr.I, doct.2, chap.5)

d)[À propos d'un oiseau de proie] Fosse de la gorge. Jabot.

Abeche ['Donne la becquée'] loy au matin si que il ait la fosse de la gorge plaine sans plus (Henri Ferr., Modus et Ratio, Livre deduis T., c.1354-1377, 182)

e)Creux causé par une tumeur inflammatoire.

...et pourtant on l'appelle andrac, car il fait une antre, c'est a dire une fosse et si l'appelle on charboncle, car il art comme charbon ardant et puis se noircist (Gordon, Prat., c.1450-1500, I, 18)

C. -Au figuré. [Comme image à valeur intensive par le biais de l'idée de profondeur]

1.Fosse d'oubliance/de deshonneur. Oubli, deshonneur.

Et jaçoit que (...) les inimitiez par monlt de siecles aient esté en la fosse de obliance ensevelies, toutesfoiz les escriptures anciennes (...) ont esveillé les haynes endormies (Hist. prem. destruct. Troie R., c.1470-1480, 4)

...ceulx qui suivent Amours en tous aages tombent souvent en la fousse de deshonneur (Hist. prem. destruct. Troie R., c.1470-1480, 258)

Fosse de perdition

...touz les serviteurs de l'avugle deesse [Fortune] sont avuglés et tresbuschiez finablement en la fosse de perdicion (Foul., Policrat., IV, 1372, 292)

2.RELIGION

a)Fosse d'ire, fosse d'orgueil. ('Image des péchés et des désirs terrestres, qui font trébucher l'âme').

Les autres trebuschent es fosses de ire ou de impacience. (Gers., P. Paul, a.1394, 491)

On la garde que elle ne trebuche en la fosse d'orgueil, qu'elle ne se dessire par les espines d'ire, d'envie et de rancune (Gers., Noël, p.1404, 297)

b)Fosse d'enfer

Ceulz yci, ou iront eulz incontinent aprés la mort se non a la dampnacion pardurable de la fosse d'enfer ? (Gers., Déf., 1400, 224)

c)Fosse à larrons. ('Image de la conscience en état de péché') (Éd.).

Se l'ennemi huche par fraudes et mauvaises credulitez et sorceries, tantost nous li ouvrons et en faisons comme une fosse a larrons et I logis des ydoles, et briefment le Saint Esperit ne trueve rien prest (Gers., Pent., p.1389, 81)

d)Fosse de desesperation/de desespoir. ('Image de la perte de confiance en Dieu').

Je te pri (...) que (...), quant l'arme me istra du corps, ne me laisses espoenter aus dyables, ni escharnir, ne ne me laisses geter en la fousse de desesperation. (Gast. Phébus, Livre oraisons T., c.1380-1383, 34)

[C'est Bonne Espérance qui parle :] Se ne fust, mes dames, en moy et par grace ma longrannite [l. longanimité] , mon frere [Ardant Désir] grant temps a passe en la foulce [l. fosse] de desesperacion se fust precipite. (Mézières, Songe vieil pèl. C., t.1, c.1386-1389, 443)

Comme doncquez m'as tu ainsy delaissé, et pour quoy m'as esté si lointaine que a poy suis succumbé en la fosse de desespoir, pour ce que tu t'es demucee de moy au besoing, ne n'ay eu ensaigne, signe ne apparence de toy par grant temps ? (Chart., L. Esp., c.1429-1430, 90)