FIEL

substantif masculin

[T-L : fiel ; GDC : fiel ; DEAF, F 366) : fiel ; AND : fel1 ; DECT : fiel ; FEW (III, 445a) : fel ; TLF (VIII, 844b) : fiel]

A. -Bile, fiel.

Et aussi venoit une odeur De sa douceur tant precieuse Et de saveur si gracieuse Qu'onques ne fu plus douce chose En ciel, en mer, n'en terre enclose, N'onques odeur ne fu si fine, Ne douceur, tant fust enterine, Qui n'eüst encontre li blasme, Tel com le fiel [var. fil] contre le basme ; Si que li pourpris ou j'estoie En estoit pleins... (Mach., R. Fort., c.1341, 56)

Si qu'il n'est doleurs ne meschiez Dont cuers d'amans soit entechiez, Qui soit de si triste marrien Com celle qui n'espargna rien Que Hero ne meïst a mort Pour son ami qu'elle vit mort, Ne nuls n'en porroit par raison Faire juste comparison, Ne que de fiel encontre baume. (Mach., J. R. Nav., 1349, 251)

... leurs bouches samblent le miel En douçour, mais c'est piz que fiel (Desch., M.M., c.1385-1403, 185)

...et se la tache ne s'en est alee, si le face dame Agnes la beguine mectre en ung autre pissat et batre ung fiel de beuf avec (Ménagier Paris B.F., c.1392-1394, 132)

Item R. le fin delle orelhe d'on chien le pois de III s. se li done boivre, se ne dormira de chi VIII jours. Et se tu li donne le fiel de livre ['lièvre'] , se dormira touz jours. Et se tu li donne aisil, si se reveilhera. (Méd. nam. H., c.1400-1500, 203)

Le fiel esmeut les ires pour la colere qui eschauffe tout le corps (Gordon, Prat., c.1450-1500, VI, 7)

Et meure Paris ou Elayne, Quicunques meurt meurt a douleur Telle qu'il pert vent et alaine, Son fiel se criesve sur son cueur, Puis sue Dieu scet quel sueur... Et n'est qui de ses maulx l'alege, Car enffant n'a, frere ne seur, Qui lors voulsist estre son pleige. (Villon, Test. R.H., 1461-1462, 43)

...Et je mesleray fievres chauldes Parmy et corrumpues humeurs, Enfleures, boces et douleurs De costë, avec vert venim, Infection, fiel collubrin, Pellés ensemble et destrempés Et bouillés avec suis et poix Pour toutes regions infere. (Cene dieux, c.1492, 127)

Fiel noir. Bile noire, mélancolie.

En toutes maladies ou commencement, se le fiel noir yst par dessus ou par dessoubz, c'est chose mortel. (Saint-gille, A.Y., 1362-1365, 73)

Flux dissinterique qui commence avec emission de fiel noir est mortel (Saint-gille, A.Y., 1362-1365, 74)

La bourse du fiel. La vésicule biliaire.

Et par ces membres que Ypocras nous explique yci, povons nous entendre les autres dont il ne fait point de mencion, si comme le poulmon, la capse du cuer, l'esplain, la ciste ou bourse du fiel, la marriz (Saint-gille, Comment. A.Y. L., 1362-1365, 169)

...la colere qui est envoyee a la bource du fiel, et la melencollie a la ratelle, le flegme aux joinctures et la superfluité aigouse aux rongnons et a la vescie. (Panis, Guidon, 1478, tr.I, doct.2, chap.6)

[Dans une comp.]

...vostre cueur est plus que fiel Amer, et vous ne valez rien (Rivière, Nef folz D., 1497, 663)

[Allusion biblique (Matth. 27, 34)]

...Mais que tu m'aies un moustré Autre que Crist de vierge né, Et aussi qui ait fiel beu, Crucifié, ne mort jeu (Mir. st Sev., 1362, 230)

Or parle UNG JUIS. Avés oyr ? [Jésus] Requier a boyre. De vin egre luy faut donné, Ort de fier debvés meycler. (Pass. Autun Roman F., c.1400-1500, 208)

Parle a moy ung peu, hé ! ça viens, Fay aporter fiel et aysil Et sois au destemprer soubtil, Et si empli une bouteille, Et avec ce je te conseille Que tu emplisses ung flascon Ou deux de bon vin de façon. (Marcadé, Myst. Pass. Arras R., a.1440, 183)

Maincte chose future de Jhesuscrist prediz : Vaticynant parlay au peuple de Judée, Car son Dieu ne congneust la sequelle dampnée, Qui tresorriblement, comme portent mes ditz, Son tresprecieux chef d'espines couronnerent Et de fiel et vinaigre emmeslez l'abreverent (Robertet, Oeuvres Z., c.1450-1500, 144)

...adoncques en lieu de bon vin l'abreuverent ilz non pas seulement de fort vinaigre, mais pour encores luy aggraver sa douleur y mesloient ilz du fiel (Ovide mor., 1466-1467. In : Chrestom. R., 203)

Entre deux larrons vain et maigre, Pour mieulx venir de luy a chief, Il gousta fiel, suye et vin aigre (La Vigne, S.M., 1496, 567)

Par métonymie. Petite vessie accolée au foie, qui contient le fiel.

Quant ton faucon ara priz coulomp ou corneille ou autre oisel de change, se tu viens a lui avant que il ait mengié, garde que tu soies pourveu d'un fiel de geline (Henri Ferr., Modus et Ratio, Livre deduis T., c.1354-1377, 192)

...ung fiel de beuf, miel et saffran, le tout pour madame et payé par le cuisinier de monseigneur (Comptes roi René A., t.3, 1478, 304)

B. -Au figuré.

1.Amertume, sentiment d'amertume, de douleur.

En enfer n'a mais painne et fiel : La iront li riche felon Que nous usuriers apelon, Buveur, glouton, luxurieus, As quiex leur ventres est leur diex, Qui par penance agresloier Leur cors ne weulent ne chatoier. (Mir. N.D. Rosarius K., c.1330, 41)

Car quant je voy qu'il vous convient la mer Passer, amis, c'est le fiel, c'est l'amer Qui crevera mon cuer, j'en sui certeinne ; Car vous irez en contrée lonteinne, Où vous serez entre vos annemis Qui de vo gré faire seront remis, Dont vous arez meinte merencolie. (Mach., Compl., 1340-1377, 253)

Tu es rousée, vaine de miel, Puiz de doulceur, en qui de fiel ne d'amer n'ot onques semence. (Mir. st Panth., 1364, 310)

Repos penible et tourment gracïeux, Plaisant ennuy et plaisir ennuyeux, Fiel emmielé, Chaude friçon... (Chart., D. Fort., 1412-1413, 191)

2.Hostilité, haine.

Ai mi, ai mi, ai mi, ai mi ! Or est s'amour morte pour mi Et sa grace est esvanuie Et sa douceur en fiel changie, Qui m'a esté nourrice et mere. (Mach., Voir, 1364, 718)

Car ce glaive est glaive et espee de coulon qui guerroie sanz fiel d'amertume et fiert sanz courrouz (Foul., Policrat., IV, 1372, 52)

On ne tent qu'a avoir argent, Du plus juene jusqu'au plus vieil, Regne couvoitise et son fieil, Ne je ne voy fille ne fil Qui ne soit au jour d'ui subtil Entre les princes et les roys De demender la Saincte Crois (Desch., M.M., c.1385-1403, 153)

Or vient lors de cire le miel, Quant femme, en doulz parlant, son fiel Boute en l'omme et blandissement, Qui est cause de son tourment (Desch., M.M., c.1385-1403, 185)