VENIN

substantif masculin

[T-L : venin ; GDC : venim ; DECT : venin ; FEW (XIV, 234b) : venenum ; TLF (XVI, 983b) : venin]

A. -Substance toxique sécrétée par certains animaux, venin ; p. ext. substance toxique, poison, pus....

1.Substance toxique sécrétée par certains animaux (ou certaines plantes), venin.

Et pour ce vueil je que vous dites a vo seigneur que je lui loue que, se la mouche vient jamais asseoir sur lui et il la puet ataindre, que tantost l'ocie sanz espargnier, ne ja ne soit en doubtance pour le venin qui de lui ystra, car, puis qu'elle sera morte, ses venins n'ara pouoir de lui mal faire (Bérinus, I, c.1350-1370, 143)

Et si y a pluseurs autres arbres qui portent venin le plus périlleux qui soit, car on ne treuve remede au contraire (Jean Le Long, Voy. Odoric C., 1351, 173)

Ceulx estoient assaillis et devourez de serpens, de scorpions, de couleuvres et de crapous enflez, envenimez et tous ardans, qui leur gettoient leurs santonines et leurs venins jusques au cueur du ventre (Horloge de sapience S., c.1389, 103)

...la voulenté et entencion que elle avoit d'aler querre les botereaux, pour faire mengier à sondit ami du venin d'iceulx pour le decevoir (Reg. crim. Chât., II, 1389-1392, 311)

Et fu l'escarmouche moult fiere et moult perilleuse, et se tenoit le roy de Chippre a moult grant paine a cheval, car sachiez qu'il estoit bleciez de coup mortel, et ne feust que pour le venin dont le dart estoit entechié, et en pou de temps y paru, car il print mort de cellui coup. (Arras, c.1392-1393, 106)

N'il n'est venin de serpent ou de aspis, Ne de dragon, tant soit lais et despis, Qui peust au cuer në au corps faire pis Ne plus d'aÿr. (Chart., D. Fort., 1412-1413, 185)

Venim est une mauvaise qualité contraire à humaine nature de sa propriété, et en y a pluseurs manières selon les natures des bestes, des vers, des herbes et autres choses qui les portent. (La Haye, P. peste, 1426, 234-235)

[B]asilique est vng poisson en maniere de serpent et est si tres plain de velin qu'il en reluit tout par dehors. Et le veoir et le ferir de lui porte venin et loins et pres pourquoy il corrompt l'air et si estaint les arbres, et occist les oyseaulx volans. (Best. hérald. H.E., c.1435-1450, 492)

...ne le feu ne le venin d'un dragon (LEFÈVRE (R.), Hist. Jason P., c.1460, 188)

'Beau pere, veez cy une pierre que j'ay longuement portée en mon col et que j'ay moult fort aymée, pour ce qu'elle a moult grande vertu, car elle resiste contre tout venin et preserve aussi de toute pestilence. Laquelle pierre je vous prye que portez de par moy à mon petit filz, auquel dictes que je lui prye qu'il la garde bien pour l'amour de moy ;' laquelle chose lui promist de le faire. (Roye, Chron. scand., I, 1460-1483, 365)

Que malle poyson et venin Vous creve ! (P. Jouh. D.R., a.1488, 34)

Adonc n'y aura morseau de chancre Ne venyn ne aussi de toesse Qui (plustout) luy face plus grant angoisse (Oudin, St Genis M.S., c.1490, 90)

...pour ce que ceulx de Athenes adoroient le Soleil et il leur dist que c'estoit perre ignite, à cause de quoy ses ennemis le firent incarcerer et mourir par venin. (Simon De Phares, Astrol., c.1494-1498, f° 47 v°)

Ferme ton sain, garde toy du vipere, Il evomit son venin par chaleur. (Paraboles Maistre Alain H., 1493, 62)

Par métaphore.

Las, ma tres doulce amie, je sui le faulx crueux aspis et vous estes la licorne precieuse. Je vous ay par mon faulx venin trahie.Helas, vous m'aviez mediciné de mon premier crueulx venin. Or le vous ay je crueusement mery, quant je vous ay trayee et menty ma foy envers vous. (Arras, c.1392-1393, 243)

...l'ampostume de son orgueil, enflee de trop avoir, est crevee de toutes pars et a respandu partout le venin et la poison de cruelle et horrible sedicion et les oeuvres de inhumaine tirannie. (Chart., Q. inv., 1422, 41)

Proverbe.

Qui mange venin tantoust enfle ; Mes, quant le venin est trop fort, L'om ne desamffle jusqu'on est mort. (Myst. st Sébast. M., c.1450-1500, 224)

À la queue gist le venin. Voir queue

2.Par extension.

a)Substance toxique contenue dans l'air, principe contagieux.

Des gens devroit perdre la vie, Et par Arrest trop éminent Fut condempnée incontinent À ce faire, dedens troiz ans Prouchainement d'illec venans, Par faulx venim en l'air jeté Tant en yver comme en esté (La Haye, P. peste, 1426, 40)

Pour ce que l'air fort empiré Toudis attrait et inspiré, Avec son venim et malice, Moult pénétrant et plain de vice, S'en va au cuer soudainement (La Haye, P. peste, 1426, 43)

Ennyvrons nous de cest infame Venin mortel et pestifere, Affin de tout le monde infere Sans espargner seigneur ne dame (Cene dieux, c.1492, 126)

Vela du venin pestifere Pour corrumpre en bien peu d'espace Trestoute la region basse De l'air, et infere les fleurs, Et les fruitz, et autres labeurs Terrestres, dont après mourront Tous vivans qui en mengeront, Car autre chose ne desire (Cene dieux, c.1492, 128)

b)Pus.

Lors ot ly roys moult grant joye ; mais sachiez qu'il monstroit meilleur semblant que le cuer ne lui apportoit, car il souffroit grant hachie, car le venin qui estoit en la plaie lui bruissoit tout le corps. (Arras, c.1392-1393, 121)

Et pluseurs cuident prime face Que ventouser adont la place De la boce peut conférer, Qui vouldroit de ce s'engérer, Pour attraire le venim hors, Et le garder d'entrer ou corps (La Haye, P. peste, 1426, 120)

...Considère que le triacle Soit, pour vray, souverain obstacle Contre venim et pourreture, Qui blecent mainte créature (La Haye, P. peste, 1426, 135)

Remarque : MONDEVILLE ds TLF.

c)Poison.

Maiz li paiens luy lansent maint dart plein de velin (Flor. Octav. L., t.1, c.1356, 349)

...elle trouvera quelque vielle qui apprestera le venin pour toy empoisonner (Daudin, De la erudition H., c.1360-1380, 321)

Au quel, quant il tenoit la province d'Aise et estoit principal conseil imperial, une femme de Smirne fu amenee qui confessa que elle avoit secretement empoisonné par venin son mari et le filz du mari ainsi fait mourir pour ce qu'il avoient agueté son filz d'un autre mari, tres bon et tres innocent jouvencel, et faussement l'avoient occis (Foul., Policrat., IV, 1372, 79)

LE ROY. (...) Jamais ne la verrez [la garce] sanz faille, Dont toute liée devez estre, Car encore vous peust mettre Par aventure, dame, a fin Ou par herbes ou par venin. (Mir. Berthe, c.1373, 178)

Il le volt faire enpuissonner ; et rechut li rois de France le venin, et fu si avant menés que tout li cheviel dou chef li cheirent (Froiss., Chron. R., IX, c.1375-1400, 280)

...Alips La Pichoise, detenue prisonniere oudit Chastellet, pour souspeçon d'avoir jetté poisons et venins en plusieurs puis et fontaines du païs du Mans et de Nogent-le-Retrou. (Reg. crim. Chât., I, 1389-1392, 475)

...et ne trouva secours en sa misere, si non de effacer sa dolente vie par venin (Chart., L. Esp., c.1429-1430, 141)

C'est a dire, mon ami, met le frain a ta bouche afin que par elle tu ne preines le venin, car habondance de viandes mal digerees sont au corps tres nuisables venins . (La Sale, J.S., 1456, 25)

Remarque : Doc.1381 ds TLF.

d)Breuvage empoisonné (ou très mauvais).

Vezci la couronne en presence De quoy le doux roy couronnastes, Et en quoy boire li donnastes, Au roy tout puissant et devin, Velin amer et aigre vin. (Jour Jug. R., c.1380-1400, 252)

e)Breuvage magique.

Et de ce dit Apuleÿus, en son livre intitulé l'Asne doré, qu'il prinst d'un verin tel que, sans perdre raison ne vray entendement, il devint asne. (La Sale, Sale D., 1451, 205)

B. -Au figuré.

1.Caractère mauvais, pernicieux de qqc. ; ce qui est mauvais, pernicieux.

Tout che qui est semence de volupté est venin (Daudin, De la erudition H., c.1360-1380, 296)

Cilz encens ci plana en grief destroit L'amer venin de no dampnacion (Mir. st Val., c.1367, 173)

Et puis se departoient cil qui ces lettres avoient et s'en ralloient en leurs nations, mais li grans venins demoroit derière, Wautre Tieullier, Jaque Strau et Jehan Balle, et disoient , quoique cils peuples fust apaissiés, que il ne se partiroient pas enssi (Froiss., Chron. R., X, c.1375-1400, 113)

Gardez n'i mettez vostre estude En li [l'Antéchrist] n'en ces mauvais miracles, Quar c'est velins, non pas triacles, Qui trestout envelismera La gent qu'en li se fiera (Jour Jug. R., c.1380-1400, 224)

...et aussi la sainte Chevalerie se garde diligaument des femmes des mescreans et des scismatiques, comme de venin toute la Chevalerie entachant, en administrant discipline de chevalerie et justice publique, sans acception de personnes, gardant aussi a la lettre la sainte regle de Dieu inspiree (Mézières, Sustance H., 1396, 93)

...les felons detestables, mauvais, plains de venin et de faulse ambicion, persecuteurs et destruiseurs de nature humaine (Chr. Piz., P.V.H., 1416-1418, 21)

...au revers qui pourroit penser la poison et le venin que l'inique et vicieux roy seme par son royaulme ? (Chart., L. Esp., c.1429-1430, 45)

Et tu, Dante, poete de Florence, se tu vivoyes adés, bien auroys matiere de crier contre Costentim, quant, ou temps de plus observee religion, le osas reprendre, et lui reprouchas en ton livre qu'il avoit getté en l'Eglise le venin et la poison dont elle seroit desolee et destruicte, pour ce qu'il donna premier a l'Eglise les possessions terriennes, que aucuns aultres auctorisiez docteurs lui tournoient a louenge et a merite. (Chart., L. Esp., c.1429-1430, 56)

Car le venin et l'infection de civille discorde fut ordonné de Dieu pour reprimer l'orgueil dez haultesses mondaines (Chart., L. Esp., c.1429-1430, 80)

Et, sire, à Dieu le vou ! je vous ay netyé de tout le velin de votre royaume. (Cochon, Chron. norm. B., c.1430, 113)

...tout le venin et la force du lignaige de Darnant. (Percef. I, R., t.1, c.1450 [c.1340], 518)

C'est a dire, mon ami, que oisivetez sont tres souvent le venin de la pensee des josnes gens, car le repos des josnes est l'especiale cause des vices (La Sale, J.S., 1456, 25)

2.Malveillance, méchanceté.

Et quant il avint que Berinus fu de l'aage qu'il pot aler par la ville pour lui esbatre et deduire, lors fu il mesdisant et plain de mauvaises paroles et disoit villenie aux uns et aux autres, si que par le venin de sa bouche il conquist moult d'ennemis (Bérinus, I, c.1350-1370, 10)

Mais prenez ailleurs le chemin Pour eviter le grant venin De Herode plain de cruaulté, L'outrage et male volenté (Marcadé, Myst. Pass. Arras R., a.1440, 49)

Parsuadeur d'euvre dyabolique, Servant au dyables, homme tout buquolique, Plain de venin, en parole et rudesse, Ydolatres des dieux ausquelx la nique, Moy et les autres, qui sommes cy d'Affrique, Façons de hault et treshaulte saigesse (Myst. st Adr. P., c.1450-1485, 124)

Gerart ou onques n'ot venin... (Jourd. Blaye alex. M., a.1455, 6)

...d'amour y avoit peu envers le maistre et eulz, mes de hayne et de venin largement (Chastell., Chron. IV, D., c.1461-1472, 189)

Remarque : DESCH., Oeuvres Q., t.3, c.1370-1407, 310 ('langage venimeux').

3.Trahison.

Venin couvert

Vous avez parlé aux Juïfz : Faulx larrons, vous estes seduitz ; Servez vous de venim couvert ? (Myst. Pass. Troyes B., a.1482, 911)

[Terme d'injure] Venin.

SATHAN [à Lucifer] . (...) Salut te rens, grant gueulle draconique, Trongne villayne, du feu d'enfer treschault Venin couvert, teste lucifferique, Pour quoy bray tu ne crïe tu si hault ? (La Vigne, S.M., 1496, 218)