FAUCON

substantif masculin

[T-L : faucon ; GDC : falcon ; AND : faucon ; DECT : faucon ; FEW (III, 381) : falco ; TLF (VIII, 687a) : faucon]

A. -Oiseau rapace diurne (dressé pour la chasse), faucon.

Quant ses faucons s'en va au change, Il le reclaime, il le lesdange, Il crie, il huche, il huie, il brait Tant que li faucons oit son brait ; Aussi font tuit cil fauconnier Qui sont dou deduit parsonnier ; Et quant li faucons les entend, Aucunes fois gaires n'atend, S'il est de tresbonne nature, Qu'i ne reviengne a sa droiture. Si se radresse et se ravoie Et se met a la droite voie ; Et son premier oisel asproie Tant qu'il ha sa chasse et sa proie. (Mach., Voir, 1364, 724)

Il veult dire que, aussi comme as bestes de diverses especes il convient autre gouvernement et autre nourrissement et medicine comme au cheval et au falcon, semblablement a genz de diverses inclinacions et de diverses meurs il convient autre et autre policie et prudence ou science de les gouverner. (Oresme, E.A.C., c.1370, 343)

...je vi orains Un escuier qui sur ses mains Portoit un faucon par la voie (Mir. roy Thierry, c.1374, 295)

...aucune fois va en la compaignie d'un escuïer nommé Phelipot de La Londe, demourant près de Caen, a chevauché en guerre comme varlet, et quant il estoit au pays, gardoit ses faucons et les gouvernoit. (Reg. crim. Chât., II, 1389-1392, 344)

LE SECONT BARON. (...) Car se mon faulcon le [héron] rataint, Je vueil que je soye batu, Se bien tost ne l'a abbatu, Car assez est duit du voler. (Gris., 1395, 6)

Et se missent chil doi faucon en cange, et li contes apriés en quoitant son ceval (Froiss., Chron. D., p.1400, 806)

...mesire Carles de Blois, le contes de Ghines et li contes de Tanqarville aloient voler des faucons et des lanerés au dehors de Londres (Froiss., Chron. D., p.1400, 876)

...tout ainsi comme oysillon Fuient devant l'esmerillon Ou devant faucon querant proye, Fuyoient Grec devant sa voye (Chr. Piz., M.F., III, 1400-1403, 97)

...de vostre si tresbon faucon, pour l'amour de vous je le retien par ainsin que le me garderez (La Sale, J.S., 1456, 287)

Par faulte d'un huys [à mon jardin] g'y perdiz Ung grez et ung manche de houe. Alors, huit faucons, non pas dix, N'y eussent pas prins une aloue : L'ostel est seur, mais qu'on le cloue. Pour enseigne y mis ung havet, Qui que l'ait prins, point ne m'en loue... Senglante nuyt et bas chevet ! (Villon, Test. R.H., 1461-1462, 87)

[Dans une compar.]

...elle avoit moult gracieus attrait Et le maintien humble, dous et parfait, Et cheveus blons, Les yeus rians, plus vairs que nuls faucons ; Et ses corps fu gens, joins, gentils, et lons, Et plus apers que nuls esmerillons. (Mach., J. R. Beh., c.1340, 104)

Quar quant la dame se consent Que son trés dous regart descent Seur les bestes qui eu pourpris Sont, li lions est si despris, Si las, si tristes, si dolens Qu'il n'est faucons, tant soit volens, Qui volast de vol si legier Comme il court parmi le vergier, Com cils qui n'a de riens envie Fors de briefment finer sa vie. (Mach., D. Lyon, 1342, 182)

Car s'ossi hardis est qu'il a grande fachon, Je ne durai à lui nès qu'aloe au faucon. (Baud. Sebourc B., t.2, c.1350, 297)

Mais comment qu'en moy soit creüe Joie par li et soustenue, Ce que de li n'ay la veüe Me point, me destreint et m'argüe, Et fait meint assaut dolereus. Ce me tient com faucon en mue, Merencolieuse, esperdue, Triste, mate, taisant et mue ; Ce ma joie en tristece mue, Ce confont mon cuer amoureus. (Mach., Les lays, 1377, 367)

Car Amours loirre Les cuers comme faucon au loirre, A qui l'en fait souvent a croirre De donner ce qu'on veult accroirre. Jeuns, les atachent Aux perches ou leurs giez se lachent, Afin qu'aprés par fain pourcachent Mieulx la proie qu'a prendre tachent Sans y baster. (Chart., L. Dames, 1416, 247)

...nul ne l'osoit approcher, mais s'enfuyoient comme anneteaux devant le faucon (Chastell., Chron. K., t.1, c.1456-1471, 269)

[Comme enseigne]

Si (...) retournerent à leur hostel à Londres, à l'enseigne du Faucon (Froiss., Chron. M., XII, c.1375-1400, 294)

Faucon breton. Voir breton

Faucon gentil. Faucon bien proportionné.

Le jeune faucon gentil aux blanches helles est prins en figure pour Louys, duc de Touraine, frere du blanc faucon au bec et piez dorez. (Mézières, Songe vieil pèl. C., t.1, c.1386-1389, 110)

...pour un faulcon gentil (Comptes Etat bourg. M.F., t.2, 1418, 134)

Faucon hagard. Voir hagard

Faucon hautain. Faucon qui vole haut.

...quant tu veulz que ton faucon soit hautain et que il pregne son haut, il te faut querre la compaignie d'aucun qui ait un faucon bien hautain, mes que ton faucon soit bien duit de retourner de ses caches et que il aime bien a sieurre ses faucons. (Henri Ferr., Modus et Ratio, Livre deduis T., c.1354-1377, 191)

Faucon heronnier. Faucon dressé à la chasse du héron.

Quier donques la compaignie d'aucun qui ait faucon heronnier, et se l'en treuve le heron seant, si te met en haut lieu atout ton faucon nouvel, au dess[o]us du vent. (Henri Ferr., Modus et Ratio, Livre deduis T., c.1354-1377, 195)

Faucon lanier/faucon montis. Faucon montagnard.

Le faucon est de VII lignes dont la premiere est faucon laynier la seconde lignye est appellee pellerin la tierce est nommee mo[n]tis la quarte faucons gentilz la quinte gerfaulx la VIe. est sourpoint la VIIe. breoton. (Best. hérald. H.E., c.1435-1450, 477)

Faucon pelerin. Voir pelerin

...faucons pelerins qui ont longtemps sejourné à perche (...) ont grant fain et desir de voler (Froiss., Chron. M., XII, c.1375-1400, 302)

...en sa jeunesse il [le roi de France] a vole V ou six foiz par si grans volz et se grandes et doubteuses emprinses, comme par adventure aucuns de ses predecesseurs firent oncques en leurs jeunesses, (et) pource raisonnablement en figure puet bien estre appelle Faucon Pelerin qui hault vole. (Mézières, Songe vieil pèl. C., t.1, c.1386-1389, 97)

Faucon sor. Voir sor

Faucon surpunic. Voir sourpoint

Faucon tunisien

À Bloc, serviteur de monsr d'Estoges, pour la despense d'aller quérir les faulcons tunissiens qui sont demourez à la Napolle, pour envoyer au grant roy, en quatre escus ; pour ce, X fo. (Roi René vie L., 1476, 372)

Faucon de repaire. Faucon qui perche toujours à la même place.

U temps d'iver, aprés la Saint Martin, faucons de repaire, qui sont demourans en aucunz païs, si prennent leur perches es abres de[s] grans forés et es bois ou es faloises qui sont sus la mer (...) et prannent une plache et en celle perchent tout l'iver (Henri Ferr., Modus et Ratio, Livre deduis T., c.1354-1377, 270)

Faucon de riviere

À messire Jaques de Villers, chevalier, conseillier et chambellain de monseigneur le duc de Bourgoingne et maistre faulconnier, la somme de neuf frans (...) pour trois jours entiers (...) qu'il a vacqué en estre venuz à Dijon pour ordonner et tauxer les journees des faulcons et valez de faulcons de riviere et d'oiteur que mondit seigneur a mandé aler devers lui à Paris selon la tauxacion ordonnee et accoustumee par mondit seigneur (Comptes Etat bourg. M.F., t.2, 1420, 772)

Remarque : Cf. aussi FEW VI-3, 104b : montanus ; FEW IV, 110b : gentilis ; FEW VIII, 234b : peregrinus ; FEW IX, 600a : punicus. Pour les 7 lignées de faucons, cf. Brunetto Latini, Tresor, éd. P. Chabaille, 1863, 202-203.

B. -Par analogie. ARMES, ARMURERIE [Analogie de forme]

1.Petit canon.

A l'aprèz disner, furent accoustréz les faucquons et serpentines contre le chasteau (Molinet, Chron. D.J., t.2, 1474-1506, 413)

...envoyez moy six faulcons des vostres, tous montez, et les me faites amener en ceste place (Lettres Ch. VIII, P., t.1, 1487, 205)

Et, touchant coullevrines à crochet, il n'y en a point en nostre artillerie, et des faucons qu'il demande nous n'en avons point par delà, mais, à la prinse dudict Dol, nous en paiasmes mil frans au maistre de l'artillerie de ce qui en fut trouvé dedans, laquelle artillerie est toute demourée en ladicte place de Doul. (Lettres Ch. VIII, P., t.1, 1488, 322)

Artillerie, faulcons, grosses bombardes (La Vigne, S.M., 1496, 156)

Remarque : GAY I, 693c (doc. du XVIe s.).

2.Bec de faucon. Voir becSorte d'arme dont la lame a une forme recourbée qui ressemble au bec d'un faucon.

...uns siergans au roy li vint par le party, Qui d'un biec de faucon qui fu cler et bruny, L'euist esciervelet, quant il cria à haut cry... (Geste ducs Bourg. K., c.1410-1419, 470)

Remarque : Semble désigner une petite embarcation ds l'ex. suiv.

...au piet duquel chastel flottoit ung faucon sur une grosse rivière (Escouchy, Chron. B., t.2, a.1465, 119-120)

Ou sens propre ?