ESMERILLON

substantif masculin

[T-L : esmerillon ; GDC : esmerillon ; AND : esmerilun ; DECT : esmerillon ; FEW (XVII, 157a) : *smiril ; TLF (VII, 923a) : émerillon1]

Petit faucon remarquable par sa finesse, émerillon.

Adonc saisi l'escu a loy d'esmerilon, Son establement fist de noble establisson (Gir. Vienne D.B., c.1350-1400, 164)

Et se l'en veult qu'il sache gouverner gierfaus, si li baille esmerilons a afetier. (Henri Ferr., Modus et Ratio, Livre deduis T., c.1354-1377, 228)

...ung chapperon à esmerillon garny de perles. (Invent. mobilier Ch. V, L., 1379-1391, 220)

...tant Y fu Hector fort combatant Que, tout ainsi comme oysillon Fuient devant l'esmerillon (...) Fuyoient Grec devant sa voye (Chr. Piz., M.F., III, 1400-1403, 97)

[Dans une compar.]

Car elle avoit moult gracieus attrait Et le maintien humble, dous et parfait, Et cheveus blons, Les yeus rians, plus vairs que nuls faucons ; Et ses corps fu gens, joins, gentils, et lons, Et plus apers que nuls esmerillons. Et s'ot l'entrueil Grandet a point, maniere et dous acueil, Mais son attrait et son gent appareil Qui simples fu n'avoit point de pareil (Mach., J. R. Beh., c.1340, 104)

...oncques legier esmerillon Ne vola plus legierement Que lui [Amour] soubs son vert pavillon. (Martin Le Franc, Champion dames I-II, P., 1440-1442, 11)

Je soustiens la chose publique Et porte myel sans eguillon. Aux impotens je communique Le mien. Mon faict est pollitique. Plus legier qu'un emerillon, A me suyvre chascun s'applique (Baude, Dictz moraulx S., p.1450, 122)

LE GAUDISSEUR. Je suis ligier comme une plume Et fait comme ung esmerillon. (Gaud. sot, c.1450, 7)

...atant vindrent en la place trois chevaliers nervois, plus luisans et plus joincts en leurs armes que esmerillon en vollant. (Percef. IV, R., c.1450 [c.1340], 430)

Prince gent comme esmerillon, Saichiez qu'il [Villon] fist au departir : Ung traict but de vin morillon, Quant de ce monde voult partir. (Villon, Test. R.H., 1461-1462, 151)

Je retrouvay mon compagnon, Qui est plus fin qu'un esmerillon. (Pasté T., c.1475-1500, 206)

L'ERMITE. Sercher le [le petit] fault a la chandelle. LE PRINCIPAL. Je ne scay s'on le trouvera. LE COQUIN. Ho ! je l'ay trouvé, vez le la, Propre com ung esmerillon. (Sots gard., a.1488, 108)