SACRE

substantif masculin

[T-L : sacre2 ; GD : sacre ; GDC : sacre1 ; DECT : sacre2 ; FEW (XI, 38b) : sacrare ; TLF (XIV, 1395a) : sacre]

A. -Cérémonie à caractère religieux.

1.Sacre novendial. À Rome, sacrifice offert aux dieux pour les apaiser.

Novendial sacré [l. sacre] estoit une solennité et un sacrifice qui duroit nuef jors et le faisoit on quant pierrez plouvoient [var. pierres parloient ; pierres plouroient] ou quant aucunes merveilleuses aventures avenoient pour apaisier lez diex et pour tourner lez aventurez a bien. (Bers., Gloss. D., c.1355, 143)

2.Cérémonie pour le couronnement d'un roi.

...et pourtant Loys, ainsné filz du beau roy Phelippe, detria d'aler à son sacre à Rains, jusques à ce qu'il y eust un pappe, par qui l'arceveschié feust ordonnée. (Chron. norm. 14e M., c.1369-1372, 31)

Et meismement la couronne du sacre enrichi d'un gros balay que on dit qui cousta XXX^ai frans, et tous les aournemens royaulx jusques aux soulers qu'il convient à roy sacrer fist faire de nouvel les plus riches que encores eussent esté (Chr. Piz., Paix W., 1412-1413, 157)

N'a el le roy mené au sacre, Que tousjours tenoit par la main ? (Chr. Piz., J. d'Arc, 1429, 37)

...et combien que ce il ne puisse faire comme dit est, encores le jure il a son sacre expressement que il ne alyenera riens de son heritaige (Juv. Urs., Aud. celi, 1435, 188)

Helas, et qui a la garde des gens d'esglise, tant de leurs personnes que de leurs biens, si non le roy, qui a son sacre prent la saincte unction et l'espee de l'arcevesque de Reims, auquel il fait le serement dessusdit ? (Juv. Urs., Nescio, 1445, 508)

...et devez savoir que grandes preparacions se firent de pompes et autrement, pour mener le Roy en son sacre, où le bon duc le voulut bien accompaigner, pour ce qu'il l'avoit nourri cinq ans en sa maison et à ses despens (La Marche, Mém., II, c.1470, 423)

Luy ramentevoit combien il estoit tenu à sa maison, car, fugitif de son père, le roy Charles, il y fut receu et nourry six ans, ayant deniers de luy pour son vivre, et puis amené par eulx jusques à Reims et à Paris, à son sacre. (Comm., I, 1489-1491, 75)

Et y a eu jusques au sacre du roy Loys douzeiesme, de present regnant, MXLVIII ans que commença la generation desdits roys de France (Comm., III, 1495-1498, 315)

3.Sacre de graces. Cérémonie de remerciement.

Et pour ce, les bons font prestement le sacre de graces afin que retribucion soit faite. (Oresme, E.A., c.1370, 293)

Sacre de graces, c'est rendre graces et remercier ceuls de qui l'en a receü bien. Et est appellé sacre pour ce que l'en y parle aucunes fois de choses saintes comme en disant, 'Dieux le vous rende,' ou ainsi. (Oresme, E.A.C., c.1370, 293)

4.[À propos d'un prêtre qui reçoit l'épiscopat] Intronisation d'un évêque.

Mon seigneur, trop faisons sejour : Au sacre de Jehan alons ; C'est droiz, car il est un sains homs (Mir. st J. Cris., c.1344, 290)

5.Service religieux.

...aussi les hommes de heretique et fausse religion font as feins devins esperis et, a mieulx dire, as vrais dyables et destestables ennemis, a leur sacres, non deue reverence qui proprement est nulle (Foul., Policrat. B., II, 1372, 151)

B. -Par métonymie. Substance sacrée, objet, phénomème, événement sacré.

1.Saint chrême.

Car Dieu de ce fist declaracion Au roy Clovis, quant il prit sa creance Par saint Remi, qui la saincte unction Venant du ciel ou saint baptesme avance. De ce sacre sont tous les Roys de France Oint et sacré (Desch., Oeuvres Q., t.2, c.1370-1407, 105)

De saint Remy fut baptisez a Reins [Clovis] , Le saint sacre tramist Dieu en ses mains Dont tous tes roys sont oins et baptisez. (Desch., Oeuvres Q., t.5, c.1370-1407, 223)

2.Objet sacré.

Il vous vauldroit mieulx a l'eglise N'entrer point, que soubz l'espoir De pecune et argent avoir, Et eviter les lieux sacrez. Seroiez a Dieu plus agrez, Car vous ne polluriez point Sacres que honnissez de tout point (Rivière, Nef folz D., 1497, 586)

3.Offrande.

Mais qui est cil que je voy la loingtain, Noble et insigne, de hault pouer certain, Tenant en main une branche d'olive, Aportant sacres et pour vertus estrive ? (Saint-gelais, Enéide VI, B., c.1500, 364)

4.Prodige sacré.

Qui mon conseil vouldra parfaire, En Bethlëem nous advoyons Afin que ce sacre voyons Que Dieu a fait traire a naissance, Comme il nous fait signiffïance (Gréban, Pass. J., c.1450, 73)

5.Fête du Saint Sacrement, appelée aussi Fête Dieu.

Et, à Venise, firent ung chemin de boys hors de terre, comme ilz font le jour du Sacre, bien tendu, qui prenoit du palais jusques au bout de la place Sainct Marc. (Comm., III, 1495-1498, 131)

C. -Héros, demi-dieu.

Biaux seigneurs, entendés le cas. Il a pleust aux dieux et aux sacres Dont nous avons les simulacres, Nous essourdre au precieulx trosne De nostre nourice et matrone, Rome la cité salutaire (Molinet, Myst. st Quentin C., c.1482, 5)

D. -Emploi adjectival. Sacré.

Il est tout vray, ses simulacres Comme Nabugodonosor En desprisant les honneurs sacres Fist aourer a trompe et a cor ['Amour fit adorer ses simulacres tout comme N., en dédaignant les honneurs sacrés (ceux qui dus à Dieu)' ] (Martin Le Franc, Champion dames I-II, P., 1440-1442, 92)