FACILEMENT

adverbe

[GDC : facilement ; *FEW (III, 358b) : facilis ; TLF (VIII, 562b) : facilement]

A. -Sans difficulté, aisément, facilement.

N'est ce pas le tresor dont l'université du monde mieulx estorée de haulx engins se pourroit facilement assouvir ? (Robertet, Oeuvres Z., c.1450-1500, 129)

On ne peut mye facilement cela scavoir et ne debvez pas legierement faindre tele credulité et tele foy se vous n'estes meute par evidente raison. (Traité S. Sacr. B., c.1450-1500, 157)

Ancores ont telz faulz conseilliers ces qualitez par lesqueles on les peut facilement congnoistre que ilz sont, en leurs faiz, couvers, caulz et malicieux, taciturnes comme une lime sourde, haultains et enflez d'orgeul, sans equité et sans pité (Fillastre, Traité Conseil H., c.1472-1473, 160)

Ou, se obvier ne y peus, tu vainqueras facilement tes ennemis, car tu auras ton sens et ta discretion entiere dont tu useras, ce que tu ne auras pas quant yre te surmontera. (Fillastre, Traité Conseil H., c.1472-1473, 245)

Et puis il avoit en sa maison les ducz de Cestre et de Sombresset et plusieurs autres du party du roy Henry: par quoy luy sembloit bien que facillement il appointeroit avec ceste lignée (Comm., I, 1489-1491, 206)

...a celle fin que plus facilement le cirurgien avecques ses ferremens manuaulx puisse laborer en la remotion de l'os (Prevost, Cir. Guill. Salicet, 1492, II, 1)

Adoncques, les raisons et complainctes de l'ung des freres et de l'aultre ouÿes, leur fut respondu sommairement qu'i n'estoit loisible, ne convenable, faire memoire d'eulx jusques aprés leur mort, et que Fortune muable le povoit facilement remectre en la voye de prosperité (Antitus, Poés. P., c.1500, 76)

Comme nous ayons esté advertis que pour le bien, utilité et prouffit de la chose publicque de nostre royaulme, marchans et subjectz d'icelluy, et pour l'entretenement et continuacion du faict et entrecours de marchandise et aussi pour plus facillement avoir et recouvrer des denrées, marchandises et autres choses estans es pays, terres et seigneuries de l'obeissance du duc de Bourgoigne necessaires à nostredit royaulme (Le Clerc, Interp. Roye, c.1502, 334)

Remarque : Myst. Viel test. R., t.4, c.1450, 36161.

B. -Sans obstacle, sans réticence, complaisamment, facilement.

Et se tel homme fut vaincus, sy facillement vaincus du deable que, en pechant, il deshonnoura Dieu... (Crap., Cur Deus, De arrha B.H., c.1450-1460, 226)

Et pour ce que plus facillement et à moins de crainte, on ose entreprendre les choses desquelles on a quelque certitude ou congnoissance soit ou par experience ou ... la relation d'aultruy (Voy. Hierus. S., 1480, 2)

'Mes amys', respondit le roy, 'vous ne pouvez bonnement bouger ne ne devez quant a present, car ce peuple que nouvellement a esté reduit, pourroit facillement en vostre absence estre seduit en peu de temps...' (Jehan de Paris W., 1494-1495, 15)

Comme pour ung excés de fievres, Atropos l'avoit de sa fleche mortelle au cueur actaint, si que en l'eage de vingt ans l'avoit frustré de ses haultes et nobles emprises, me suppliant que soubz le dict portail, les choses dessusdictes bien entendues, je le deusse colloquer et loger, ce que facilement luy accorday. (Antitus, Poés. P., c.1500, 71)

C. -Sans empêchement, sans y prendre garde, inévitablement.

En ung ruysseau qui croist sans delayer Et se decroist, fist si bien le plingon Ung des varletz de chambre dit Dyjon, Qu'il se cuyda facillement noyer. (La Vigne, V.N., p.1495, 194)