EXPEDIER

verbe

[GD : expedier ; GDC : expedier ; AND : expedier ; FEW (III, 306b) : expedire ; TLF (VIII, 466b) : expédier]

I. -[Idée d'utilité, d'avantage ; correspond à expedient I]

A. -[D'une chose] Expedier à qqc. Convenir à qqc..

Tu scés quelle chose expedie a mon prouffit, et combien tribulacion dessert a purgier le rouil des vices. (Internele consol. P., 1447, 225)

B. -Emploi impersonnel. Être avantageux, être utile.

PARIS. Sobre parler... PEUPLE. ...il vault mieulx la moitié. PARIS. Il expedie... PEUPLE. ...mais est tres neccessaire. (Exc., Science A.R., c.1465-1468, 30)

Expedier + inf. Être avantageux, être utile de.

A cest argument il respond que ce qu'estoit prouffitable a la chose publique estoit honeste. Or estoit Tarquin tyrant, et expedioit pour le bien du pays le dechasser. En le dechassant dont fu faitte oeuvre honeste. Ainsi honnesteté fist vaillable et louable ceste utilité de la chose publique, sans laquele honesteté n'eust esté l'euvre prouffitable. (Fillastre, Traité Conseil H., c.1472-1473, 213)

II. -(Se) débarrasser de ; s'acquitter de.

A. -Expedier qqn/qqc. (de qqc.)

1.Libérer (un prisonnier).

Ce jour, les presidens et aucuns des conseilliers lais de la Court alerent ou Chastellet de Paris pour entendre à la delivrance et expedicion des prisonniers, ainsi que acoustumé est. (Fauq., I, 1417-1420, 218)

2.Libérer un ambassadeur, permettre à un ambassadeur, à un messager de s'acquitter de sa charge (en exposant son message ou en partant avec une réponse) et d'en être ainsi dégagé.

Et pour expedier les ambassadeurs de Portingal, qui voloient retourner en Portingal et aporter nouvelles, le roy d'Engleterre rescripsi au roy de Portingal lettres moult doulces et contenans grant amour et grant aliance que ilz voloient en Engleterre tenir aux Portingalois. (Froiss., Chron. M., XII, c.1375-1400, 294)

Vostres parolles et requestes demandent bien conseil. Retraiez-vous tousjours devers biaux oncles de Bourgoingne, et vous serez oy et expediez du plus tost comme on pourra. (Froiss., Chron. M., XIV, c.1375-1400, 182)

Dieu scet que j'ay veu de compaignons attendre long temps pour estre expediez qui le deussent avoir esté en deux heures, qui estoit une grant moquerie et derrision, et se ce sont lettres qui touchent le roy et la chose publique que faloit envoyer les chevaucheurs qui estoient pres attendoient aucunesfoys trois, quatre jours et plus avant qu'ilz peussent avoir argent, qui estoit mal fait et en peut venir dommage irreparable (Juv. Urs., Nescio, 1445, 447)

Audit temps, les ambassadeurs du roy Edouart d'Angleterre vindrent pardevers le roy pour le fait de la treve. Et print le roy la peine d'aler devers eulx jusques à Chasteau Regnault, où le roy les ouyst sur la matiere pourquoy ilz estoient venuz ; et illec furent expediez par le roy et puis s'en retournerent en Angleterre. (Roye, Chron. scand., II, 1460-1483, 106)

'Messire Guillaume, prenez congié du roy, vous estes expédié.' Lors ledit messire Guillaume se mist à genoux devant le roy et lui demanda : 'Sire, vous plest-il riens demander à monseigneur ?' (Chastell., Chron. K., t.3, c.1456-1471, 58)

Si le receut le duc [un ambassadeur d'Angleterre] et fit communiquer aveuques ly gracieusement, et puis en aulcuns jours aprés partit expedié assez legierement et sans grant effect (Chastell., Chron. IV, D., c.1461-1472, 149)

Lors et en ce temps estoient en grant nombre et en grant reverance le pathriarche de Constantinoble et les seigneurs de Grece, pareillement y estoient les seigneurs du païs de Liege et plusieurs grans ambassades de loingtains païs, lesquelz furent tous expediés et ce departirent de Paris bien contens du roy nostre sire et de son conseil. (Maupoint, Journ. paris. F., p.1461, 47)

3.Libérer qqn de qqc..

Cilz a qui l'eternele parole parle est expedié de moult de opinions. (Internele consol. P., 1447, 276)

'O mon Dieu et mon bon Seigneur, maintenant suis expediee et deschargie de la servitude ou j'estoie...' (Colart Mans., Dial. créat. R., 1482, 273)

4.Libérer qqc. de qqc..

...celle partie estoit ancor gelée, si resistoit audiz glaçons que ne passassent de cel cousté, si faloit que alassent par la partie qui est devers lesdiz petis pons qui estoit plus desgelée et plus expediée d'empeschemens. (Baye, I, 1400-1410, 217)

5.Emploi pronominal. S'expedier. Se débarrasser (d'une tâche) en l'exécutant rapidement.

Pour nous expedïer de tire, Vous semble il point temps qu'on la tire [la roix 'le filet de pêche'] ? (Gréban, Pass. J., c.1450, 421)

S'expedier de qqc. S'acquitter de qqc..

Maiz pour touz debas et moy expedier de ceste matiere haineuse je fays cy une question assez doubteuse (Bouvet, Arbre bat. R.-B., c.1386-1389, 234)

B. -Expedier qqn

1.Se défaire, se débarrasser de qqn.

Sy s'en descouvry assez avant audit d'Arson, et luy donna assez à cognoistre comment il désiroit bien d'en pouvoir estre quitte par un bout ou par un autre, ne luy challoit comment ; mais désiroit bien à trouver personne et moyen comment on le pust expédier, et que de ce il en pust faire la récompense aux facteurs, à la grandesse de la cause (Chastell., Chron. K., t.5, c.1456-1471, 474)

2.Se débarrasser de qqn en le mettant à mort (un condamné, un ennemi...).

LE PREVOST. Tost, tost ! Qu'el [la condamnée] soit expedïee. C'est par trop mis. LE VARLET. Quoy tant railler ? Ne la fault il pas despouiller ? Prouffit n'avons que la despouille. (Myst. jeune fille L., c.1413-1445 [c.1530], 58)

CAŸPHE. ...Mais pour ce que pouoir n'avons De l'occire et expedïer, Maxime du cruxifier A quoy de tous poins contendons, Nous le te livrons et rendons Pour sentencïer du meffaict. (Gréban, Pass. J., c.1450, 286)

'Comment, beaulx seigneurs, ces deux chevaliers noux expediront ilz tous douze ? Nous y conquestons pou d'honneur, car moy tout seul les envahiroie moult franchement...' (Percef. III, R., t.1, c.1450 [c.1340], 164)

[Le dauphin] ...Ne pouvoit ymaginer autre chose fors que le roy son père quéroit à le perdre et le faire expédier secrètement en un sac en l'eaue. (Chastell., Chron. K., t.3, c.1456-1471, 191)

Et, posé ores qu'il n'avoit que peu de gens, si maintenoient plusieurs que s'il eust eu davantage cinq cens frans archers à pié pour expedier les Bourguignons qui ilec furent gettez par terre, qui après se relevoient, qu'il eust mis en telle subjection iceulx Bourguignons que jamais n'eust esté memoire d'eux en armes. (Roye, Chron. scand., I, 1460-1483, 66)

LE VALLET DU BOURREAU. (Il mont jusques au pendu.) A cella je ne fauldray poinct. Sa, sa, c'un petit vous espoille ! (...) (Il despoille le brigant, puis descent bas et regarde au pourpoint et au bonnet s'il y a rien.) BOURREAU (en admenant l'autre tout lyé et garroté, prest pour l'espedier.) Que grant deable esse que tu foille Au pourpoinct në a ce bonnet ? (La Vigne, S.M., 1496, 318)

3.Congédier qqn (après l'avoir chargé d'une mission).

Et s'en alla le Roy à Leon, et de là à Vienne, et convint que mon dit seigneur le connestable alast là pour avoir son expedicion de son voyage. Et lui fut ordenné CCCC lances, dont monseigneur le bastard d'Orleans en avoit la charge de cent ; puis fut mon dit seigneur expedié et print congié du Roy. (Gruel, Chron. Richemont L., c.1459-1466, 87)

C. -Par extension. S'acquitter (d'une tâche).

1.Exécuter, réaliser (une construction).

Et fut ordonné qu'on feroit encore une grande bastille en la forest de Compiengne, pour amener par eaue, et ycelle asseoir sur aulcuns des costés où on verroit qu'il seroit plus expédient. A laquelle, pour le faire expédier, fut commis Guillaume de Flavi. (Monstrelet, Chron. D.-A., t.6, c.1444-1453, 11)

Mener à terme, achever (une oeuvre, une entreprise, une action).

...mais en toutes ses alées, venues, et demeures, estoit tout ordre et mesure gardée, car ja ne laissast ses cotidiennes besoingnes à expedier, comme à Paris. (Chr. Piz., Faits meurs Ch. V, S., I, 1404, 50)

Et semblablement apres le dormir, qui n'estoit mie long, et mesmement par ses jardins de Saint Pol, qu'il faisoit tenir tant bien ordonnéz, en alant et venant pour prendre l'air expedioit ce qu'il avoit à faire. (Chr. Piz., Paix W., 1412-1413, 71)

...et pour le plus tost et brief expedir la besoingne, si mecte on les espices dessusdictes libre et necessaire pour la dicte feste en poudres, et chascune depart en grans et bons sacs de cuir. (Chiquart, Cuis. S., 1420, 133)

Cestui premier affaire expédié dedans Arras, le nouveau duc des Bourgongnons (...) fit faire le service du père très-solempnel dedans l'eglise de Saint-Vaast. (Chastell., Chron. K., t.1, c.1456-1471, 7)

Et là, pour ce qu'il avoit des autres grans affaires, après ceste guerre expédiée, il voulut tourner son entente à y besongner. (Chastell., Chron. K., t.5, c.1456-1471, 360)

La seconde partie de ce present livre terminée et expediée, en laquelle est touché le gouvernement du Jouvencel en l'estat moyen, nommé iconomique, reste la tierce et derrenière partie, en laquelle sera traictée le gouvernement du Jouvencel ou plus hault estat nommé politique, auquel il aura le regime et administracion de tout le royaume d'Amydoine. (Bueil, II, 1461-1466, 187)

Accomplir qqc. en hâte.

Annas, faittes tant par dela Que sa mort soit expédiée (Marcadé, Myst. Pass. Arras R., a.1440, 149)

Emploi intransitif. Agir en hâte.

...Et, pour plus tost expedïer, Amis, de cy nous partirons (Gréban, Pass. J., c.1450, 344)

Sus, sus, ribaulx ! ouvrez de fait, Compaignons, a ceste matronne ! Vela ung enfent tout ydone, Tel qu'i fault pour expedïer. (Myst. Pass. Troyes B., a.1482, 353)

2.Traiter, régler, conclure (principalement une affaire juridique).

...en requerant instanment audit mons. le prevost que, veu le procès contre elle fait et ses confessions, ledit mons. le prevost lui voulsist sur ce faire justice et raison, et le expedier au plus tost que bonnement pourroit. (Reg. crim. Chât., II, 1389-1392, 298)

...et la endroit se aucunes piteuses requestes lui sont a faire, elle les orra benignement, donra a chascun gracieuse responce, et ceulz que elle pourra en brief temps expedier ne tendra par longue dilacion (Chr. Piz., Trois vertus W.H., c.1405, 48)

Et convient garder cest vouloir et de fait ordonner que (...) les innocens soient deffendus, les causes des povres expediees, et non souffrir aux riches les fouler par leur force. (Chr. Piz., Paix W., 1412-1413, 99)

...et a esté prorogué ce Parlement jusques à VIIJ jours pour expedier aucunes causes et procès que l'en n'avoit peu jugier ne expedier. (Fauq., II, 1421-1430, 215)

Ce jour, a esté ordonné que tous les jugemens, qui seront expediez et jugiez ceans jusques à samedi prochain, tendront et seront signez comme arrestz de Parlement. (Fauq., II, 1421-1430, 285)

Il est bien vray que le roy estant a Vendome, il parla de ceste matere aux gens de sadicte court de Parlement, lesquelz lui affermerent qu'il y a eu autant et plus de causes expediees en ladicte court de Parlement des pays de mondit seigneur de Bourgongne que de nul aultre pays ou contree de ce royamme. (Chastell., Chron. IV, D., c.1461-1472, 207)

Et vallent adjournemens baillez aux procureurs en expediant la cause pour veoir faire monstrée, veoir jurer tesmoins (Cout. instit. Anjou Maine B.-B., t.4, 1496, 383)

...en aucunes expedicions et audiences données en ceste court et autrement, la court a esté advertie que les juges, tant bailliz, vicontes que leurs lieutenans, vont si tart et en si grant heure en l'auditoire tenir leurs plès et assises que les matieres ne peuvent estre expediées, et a ceste occasion le peuple illec venu est fort vexé et travaillié et si tart tenu qu'ilz ne peuvent retourner en leurs maisons a heure ne temps convenable (Echiq. Normandie S., 1497, 158)

Au passif. emploi impersonnel.

Sy supplient, lesdiz habitans et marguliers de ladite ville, à justice de pourveoir sur ce que dit est, et que briefment en soit expedié (Reg. crim. Chât., II, 1389-1392, 224)

Expedier qqn. Régler les affaires de qqn.

...car par la negligence des advocaz et procureurs pluseurs personnes demourent souvent à expedier à jours de Plaidoieries. (Baye, I, 1400-1410, 233)

...et tous expedie l'un aprés l'autre, et tost et brief les delivre sans leur faire longuement en la ville en lonc sejour despendre le leur (Bouciquaut L., 1409, 432)

S'occuper de qqn.

Retraiez-vous tousjours devers biaux oncles de Bourgoingne, et vous serez oy et expediez du plus tost comme on pourra. (Froiss., Chron. M., XIV, c.1375-1400, 182)

[Avec une idée de vitesse dans l'exécution]

...que au matin ilz [les conseillers du Parlement] ne se amusassent point a expedier les requestes, ne a deliberer de leurs gaiges (Juv. Urs., Nescio, 1445, 541)

...il nous fault lever matin pour telles materes, et pour telles, qu'il vous fault expedier (C.n.n., c.1456-1467, 208)

...pour ceste cause vous mandons et expressement enjoingnons, que incontinant et sans delay faictes juger et expedier ledit procés, et sur ce prononcer l'arrest, toutes excusacions cessans (Lettres Louis XI, V., t.7, 1478, 75)

3.Exposer, expliquer qqc.; mettre en forme un acte écrit.

a)Exposer, développer (un point de discours).

Mon fait vous veil expedïer Et revenir a ma matiere, Si vous repliquerai arriere. (Henri Ferr., Modus et Ratio, Livre deduis T., c.1354-1377, 247)

Avant que je responde aux raisons contraires, je expedieray la seconde partie de nostre sermon en faisant une amonicion a toute ame devote que elle soit belle et amie de Dieu perseveremment. (Gers., Concept., 1401, 408)

...par quoy je puis dire veritablement en expediant la tierce partie du premier point (Juv. Urs., Loquar, 1440, 319)

Et par ce est expedié le deuxiesme partie du second point principal, ouquel je disoye que vous vous devez esveiller et entendre a vous. (Juv. Urs., Loquar, 1440, 355)

Et en effect ce sont trois poins : le premier, viriliter age ; le IIe, confortetur cor tuum ; le IIIe, sustine dominum . Avant que ses trois poins, selon ma petite ymaginacion, soient expediez, je vous monsterray dont vint ce mot chanceiller (Juv. Urs., Nescio, 1445, 444)

Expliquer, rendre clair qqc..

...les choses doubteuses il [l'homme prudent] expedie, les dures amollit, les aspres adoulcit (Juv. Urs., Loquar, 1440, 334)

Toutes les choses egalies et abreviees par la forme et maniere devant dicte, lon doit puis apres negocier et expedier la raison es canons cy apres ensuyvans (Nic. Chuquet, Triparty M., 1484, II, 747)

b)Dresser, rédiger (un acte juridique, officiel).

Item, lesdiz habitans, par information expediée par le commandement de monsieur le conte de Tancarville, souverain maistre etc, en tenant l'eschiquier des eaues et forestz a Rouen a Quasimodo mil CCCC et VII, ont eu expedicion du paturage à toutes leurs bestes en ladicte forest coustumiere (Hector De Chartres, Cout. R., 1398-1408, 291)

...et n'est pas l'intencion des dessusdis de conseillier que les bulles et graces expectatives faictes et expediez du temps de Pape Jehan XXIIIe cessent et demeurent sans effect de cy en avant, mais consentent que, sans prejudice desdictes libertés, ycelles graces expectatives expediées par le Pape Jehan XXIIIe vaillent et sortissent leur effect (Fauq., I, 1417-1420, 50)

Aux relligieuses, abbesse et couvent de l'eglise Nostre Dame de Longchamps, 111 s. 8 d. p., par an, à paier comme dessus, pour ce, paié à eux en rabatant le tournois pour parisis, par une requeste expediée par mesdits seigneurs au Bureau en l'Ostel de ladite ville cy rendue (Comptes Paris V.L.D., t.1, 1447-1449, 590)

c)Établir dans la forme prescrite, dresser (un écrit officiel).

...lesquelles [lettres royales] soient executoires de ladicte ordonnance, et soient seellées, expediées, publiées et executées le plus tost que bonnement faire se pourra, sans autre delay prendre pour quelconques occasions. (Fauq., I, 1417-1420, 110)

Ce jour, maistre Jehan Aguenin, procureur du Roy, fist dire à la Court et exposer par maistre Pierre de Marigny, advocat du Roy, comment il avoit appellé pour occasion de ce que les gens des Comptes avoient verifié et expedié aus gens du duc de Bourbon certaines lettres touchans la duchié d'Auvergne, à l'expedicion ou verifficacion desquelles il s'estoit autresfois opposé ceans et en la Chambre desdiz Comptes, et disoit qu'il avoit intencion de relever et poursuir ledit appel, en suppliant à la Court que à ceste chose ycelle Court voulsist tenir la main, à quoy la Court se offry de faire tout ce qu'il appartendroit selon raison et bonne justice. (Fauq., I, 1417-1420, 172)

...je veulx (...) que icelles [lettres de don] ilz expedient à plain fons et sans reservacion nulle. (Lettres Louis XI, V., t.4, 1471, 223)

Noz amez et feaulx, nous voullons que en toute bonne et brefve expedicion et justice vous faictez expedier le testament du feu seigneur de Precigné (Lettres Louis XI, V., t.9, 1481, 113)

Toutes les lettres ainsi veues et expédiées il lisoit de mot à mot, et après les signoit de sa main ; ne jamais n'eust cachet que la signature de sa main. (Baude, Eloge Ch. VII, V., p.1484, 133)

D. -Expedier qqc. (à qqn)

Envoyer qqc. à qqn.

...et au lever du siege m'a dit messire P. Boschet, present maistre J. Chanteprime, que je feisse lettre à la ville d'Amiens d'expedier Vc frans aux commissaires (Baye, I, 1400-1410, 41)

...les gens des Comptes avoient verifié et expedié aus gens du duc de Bourbon certaines lettres touchans la duchié d'Auvergne (Fauq., I, 1417-1420, 172)

Et après qu'ilz orent de ceste matère parlé ensemble, ordonnèrent au chancellier nous faire expédier lettres plombées de par la Sgie adreschans au potestat de Trévise pour nous faire rendre [rendre] touttes nos dictes baghes sans coustz et sans fraiz (Lengherand, Voy. G., 1486-1487, 194)

Faire sortir qqc..

Ce jour, le receveur de Paris, ou son commis, vint en la Chambre de Parlement au mandement de la Court, pour soy excuser et respondre sur ce que on disoit qu'il avoit fait refus et desobeissance de faire et laissier expedier certaine quantité de busche du bois de Vinciennes, que Jaquet Raat, huissier de Parlement, avoit achetée pour les besoings et neccessités des Chambres dudit Parlement. (Fauq., I, 1417-1420, 335)

Au figuré. Accorder qqc..

NOSTRE DAME (s'adressant à la Mort au pied de la croix). Ainsi me fais : tu me vois labourant En ung fier dueil qui me vient acourant, Et ne me vueulx ce piteux demourant expedïer. (Gréban, Pass. J., c.1450, 338)