EXPEDIENT

adjectif et substantif masculin

[T-L : expedïent ; GDC : expedient1, expedient2 ; AND : expedient ; FEW (III, 306b) : expedire ; TLF (VIII, 466a) : expédient1, expédient2]

I. -Emploi adjectival.

A. -[D'une chose] Expedient (à/pour qqn). Utile, avantageux, profitable (à qqn).

...mez il ne me semble mie que ce soit chose expedient que lez enffens dez Roys soient en divers livres enseigniés, ne que lez Roys aient grant multitude de livres. (Songe verg. S., t.1, 1378, 226)

Et aussi, au gouvernement d'un royaume, un seul Roy est plus expedient que plusieurs. (Songe verg. S., t.1, 1378, 256)

L'epistre en la prefation de la regle de la Chevalerie de la Passion Jhesu Crist, (...) en l'eglise de Dieu et ou convent des crestiens, aujourdui est expediente mais tres necessaire (Mézières, Sustance H., 1396, 43)

Les choses expedientes et comme neccessaires à l'edifficacion de meurs vertueux et louables de comun cours, veons par les sapiens en leurs escrips amenteus et ramenez à memoire pour nostre instruction en ordre de bien vivre (Chr. Piz., Faits meurs Ch. V, S., I, 1404, 4-5)

Si soit sur ces choses advisié pour conseillier au Roy ce qui sera expediant et prouffitable au bien de lui et de son royaume. (Baye, II, 1411-1417, 122)

...pour adviser sur tout ce qui seroit neccessaire, convenable et expedient pour la conservacion de ce royaume (Fauq., I, 1417-1420, 221)

Il est proffit expedient Que ung homme soit mis a mort, De tant dilater on a tort, Car ung homme convient morir Ou toutes gens convient perir (Marcadé, Myst. Pass. Arras R., a.1440, 111)

B. -[Dans une tournure impers.]

Estre (vu) expedient (à qqn). Être (sembler) utile, convenable, opportun, nécessaire...(à qqn).

Je di donques que l'assiete et ordenance des corps du ciel, le nombre, l'isneleté, la qualité, la diversité ou difference de leurs mouvemens - toutes ces choses sont telement fetez selon ce que il est expedient et que il compete a la generacion et conservacion des corps de cibas, et comme pour fin. Et ne convient diviner ne assigner autre cause ne autre response a la question proposee, salve la grace d'Aristote. (Oresme, C.M., c.1377, 510)

...lesquelz se sont informez aussi de et sur le debat desdites parties, où et ainsi qu'ilz ont veu estre expedient et prouffitable pour attaindre la verité de la besoingne. (Paris domin. angl. L., 1425, 188)

Item je vuis et ordonne que cincq cens messes soient dictes et celebrees pour le remede de l'ame de moy et de mes predecesseurs et successeurs, desquelles deux cens et cincquante en soient dictes en l'eglise desditz freres Meneurs et les aultres deux cens et cincquante la ou bon semblera et seray [Comprendre 'sera'] veu expediant a mes executeurs cy après només (Test. Besanç. R., t.2, 1429, 62)

...ilz [les religieux] seront tenus dire et cellébrer par chacun an perpétuellement en leur église à tel jour de caresme comme ilz regarderont estre espédient, ung obiit, c'est assavoir le ser vespres et matines des trespassés et l'en demain messe à notte des trespassés, c'est assavoir lesdites matines à neuf lichons, pour le salut et rédemption des ames des dessusdiz. (Cartul. Hôtel-Dieu Cout. L., 1439, 252)

Item, aussi voudroit ledict Arcevesque avoir sauf conduit du Duc de Savoye pour aller, sejourner et retourner, et estre envoyé en la main dudit bailly d'Almagne, se bonnement et secretement faire se povoit et s'il semble estre expedient. (Ecorch. Ch. VII, T., 1447, 173)

...que vous faictes (...) inhibitions et deffenses de par nous a son de trompes, cry public, par toutes les villes et lieux de nostre royaume ou verriez estre nécessaire et expédient (Pol. Louis XI, G., Pièces justif., 1463, , , 424)

Si vous en dy icy a plain Mon advis ainsi que j'entend, Que devez prandre ce chemin Et qu'il est expedient. (Myst. siège Orléans H., c.1480-1500, 122)

Estre expedient (à qqn) (à) (de) + inf.

...et dit Eustrace que il est plus expedient as citoiens prendre telz genz a souldees que mectre en perilz ceulz qui sont vrais fors. (Oresme, E.A.C., c.1370, 219)

...ledit mons. le prevost demanda (...) leurs advis et oppinions qu'il estoit expedient à faire dudit prisonnier. Tous lesquelz (...) delibererent et furent d'oppinion que ledit Girart, prisonnier, feust executez et mis à mort (Reg. crim. Chât., I, 1389-1392, 253)

Veues lesqueles confessions et denegacions faites par ladite prisonniere, ledit mons. le prevost demanda ausdiz presens conseillers leurs oppinions comme il estoit expedient proceder contre ladite prisonniere. (Reg. crim. Chât., I, 1389-1392, 309)

Il fault et est expédient Secourir au cuer patient Par saignier, ou commencement, D'un braz ou deux moult largement (La Haye, P. peste, 1426, 119)

...il ne se falloit plus du tout fier en eulx, ains il estoit expédient de leur tenir le fer au dos, afin qu'ils fussent en plus seure subgection, et telle qu'ils n'eussent doresnavant plus l'occasion de se rebeller. (Chart. J., Chron. Ch. VII, V., t.3, c.1437-1464, 19)

...doubtans avoir grandement mesprins envers nous de les avoir prins, conclurent que puis que ladicte prise avoit esté et estoit ainsi faicte, qu'il estoit expedient de le faire savoir au mareschal de Bourgongne et autres gens du Conseil de nostredit frere estans à Dijon, ce qu'ilz firent (Ecorch. Ch. VII, T., 1446, 415)

...fusmes d'oppinion qu'il estoit espédiant de se enquérir au certain du fait desdictes coustumes et aussi dudit traictié et de toutes autres choses qui povoient touchier et concerner la matière avant que nous puissions donner ne asseoir sur ce certaine opinion. (Aff. Jacques Coeur M., 1453-1457, 57)

'Or sus,' dist elle, pour abregier, 'avant que nulz autres, me semble estre expediant de bien tost requerir Boussicault vostre frere et avant tous s'il vouldroit estre le deux^me.' (La Sale, J.S., 1456, 181)

...et, devant que descendre au principal, est expediant faire la division et assigner l'ordre et les parties de ce present Elucidaire (Simon De Phares, Astrol., c.1494-1498, f° 8 r°)

Estre expedient que

...il fut expedient que tel instrument fut apte et convenable à traictier et manier legierement des mains (Oresme, Monnoies W., c.1365, XI)

Item, il est expedient que il convive avecques autres et que il ait amis, si comme il fu dit ou .XIIe. chapitre du .IXe. (Oresme, E.A.C., c.1370, 526)

...dit fu et deliberé par iceulz conseilliers que il estoit expediant pour le bien de justice et afin d'en savoir la verité par sa bouche, qu'il feust mis à question (Reg. crim. Chât., II, 1389-1392, 513)

...il est expédient que aucun de la partie du Roy aille en Engleterre pour savoir l'estat de ladicte royne (Ch. VI, D., t.1, 1400, 190)

...pour ce que la matiere est grande, grosse et notable, et est expediens que chacun l'oie et entende (Baye, I, 1400-1410, 158)

...pource que je ne vouldroye pas que ma science fust descouverte ne cogneue de pluseurs, il seroit expedient que je parlasse a vous a part. (C.n.n., c.1456-1467, 45)

Freres, le temps est accomply Qu'il fault que de vous me departe : Expedïant est que je parte, Car, se ou ciel ne monte point, Le Saint Esperit ne viendra point, Et quant en mon regne seray, De l'envoyer m'avanceray. (Myst. Pass. Troyes B., a.1482, 1019)

En après, pour ce que toute chose doit justement au sien estre rendu, puisque ce corps mortel que nous portons n'est que de terre, il est bien raison et expediant que le livrons et rendons à la terre et aux vers de la terre, engendré(e) à estre d'iceulx rongé(e) et consummmé(e) en terre (Le Clerc, Interp. Roye, c.1502, 282)

II. -Emploi substantival.

A. -Avantage, intérêt.

...il [le duc de Bourgogne] y pouvoit beaucoup [à la paix entre la France et l'Angleterre] et mesme en avoit esté le procureur principal pour l'expédient de son voyage [pensant que les deux pays l'aideraient en argent et en troupes] (Chastell., Chron. K., t.4, c.1456-1471, 493)

Estre d'expedient à qqc. Être un avantage pour qqc..

...et si d'aventure, il y avoit chose devers eux qui fust utile et d'expédient au salut du pays et du bien publique, (...) à tele chose certes et à tel avis il y voudroit libéralement entendre (Chastell., Chron. K., t.5, c.1456-1471, 285)

B. -Moyen efficace permettant de régler une affaire.

Et pour ce, se aucunes difficultez vous survenoient, je seroye voulentiers a les ouyr, determiner, juger ou trouver expedient (Juv. Urs., Aud. illos, 1432, 42)

Et ainsi que Angleterre achevoit sa complaincte, Saincte Esglise, la tierce dame, moult traveillee, qui venoit pour ceste matiere de Florence ou nostre saint Pere le pape Eugene est de present resident, et de Baasle ou le saint consille general est assemblé, ariva oudit carrefour et fut moult liee, car il luy sembloit, puisques elles estoient en ung mesme lieu, qu'elle y trouverroit Paix et accord, ou tel expedient que Tribulacion, Douleur et Affliccion se departiroient dudit royaulme de France, et Orgueil et Ambicion et les aultrez compaignes se departiroient d'Angleterre, et que par ce moyem Paix se trouverroit (Juv. Urs., Aud. celi, 1435, 153)

Et, durant qu'il y fut, envoya devers mondit seigneur Charles, oudit pays de Bretaigne, le legat du pape, dont parlé est devant, et Anthoine de Chabannes, conte de Dampmartin, le tresorier de la Driesche et autres, pour cuider trouver aucun bon expedient. (Roye, Chron. scand., I, 1460-1483, 198)

[L'évêque de Coutances, député du roi de France, aux ambassadeurs du duc de Bourgogne auprès duquel s'est réfugié le dauphin :] Le roy (...) a tousjours esté prest de le recepvoir [le dauphin] et encoires est (...). Et [se] vous, messieurs les ambassaeurs, saviez quelque expedient et que le voulsissiez ouvrir, ce seroit bien fait. (Chastell., Chron. IV, D., c.1461-1472, 49)

[Le seigneur de Simay, ambassadeur du duc de Bourgogne, aux députés du roi de France :] ...ne savons le voloir de mondit seigneur [le dauphin réfugié auprès du duc de Bourgogne] aultrement que dit est -, ne expedient aussy, car mondit seigneur ne nous en a riens declairé. Mais se nous y savions trouver ne penser bon remede, n'y a celuy de nous qui ne l'y trouvast voulentiers. (Chastell., Chron. IV, D., c.1461-1472, 50)

...le duc leur maistre n'avoit que bon vouloir envers le roy et estoit disposé et conclut de tout bien faire, ne restoit riens que trouver l'expedient (Chastell., Chron. IV, D., c.1461-1472, 53)

Et tendoit icelluy parlement affin de trouver un expedient sur la reformacion du royaulme et sur le bien publicque, dont les princes faisoyent plaincte. (La Marche, Mém., III, c.1470, 24)

D'expedient. Efficacement.

Et ainsi soit argué a cest partie par apparences prises de droiz divins et naturels et positifs, par faiz et de expedient et par raison. (Oresme, Pol. Arist. M., c.1372-1374, 291)

Moyen (habile) de se tirer d'embarras, de surmonter des obstacles.

...c'est celle qui sembloit moult tost trouver aucun expedient, et qui scet bien nagier entre deux eaues, et voler bas pour les branches. (Gers., Noël, p.1404, 305)

...et pour ce que mesdis dame et seigneur veoient les choses ainsi difficiles et perplexes ilz aviserent ung expedient, par lequel ilz presuposerent que la duchié de Normendie seroit baillee au roy d'Angleterre (Juv. Urs., Loquar, 1440, 422)

Finalement l'un des dictz marchans, voyant que ou demené de la matere on n'y prouffitoit en riens, il dist qu'il luy sembloit qu'il avoit advisé ung aultre expedient, dont les dictz Jehan et Thomas devroient estre contens. (C.n.n., c.1456-1467, 393)

... [le mari] pour [y] trouver expedient et convenable remede, pensa tel moien que je vous diray. [Il vient d'apprendre que sa femme le trompe] (C.n.n., c.1456-1467, 441)

...elle, qui fut moult joyeuse de ceste invencion et expedient trouvé, feindant toutesfoiz, dist... (C.n.n., c.1456-1467, 510)

...le conte de Click, qui ne veoit à son faict nul expediant ou remede, par une noire nuict, fit livrer une escarmouche (La Marche, Mém., II, c.1470, 43)

DROIT Mesure hâtive prise pour résoudre une difficulté.

...IX autres avoient esté d'oppinion de pranre ledit expedient, autrement que l'en deist que oudit jugement n'avoit point d'erreur et qu'il avoit esté ceans bien jugé (Baye, I, 1400-1410, 272)

Ganay, pour le procureur du roy : dit qu'il semble que, se la court par ung expédient vuidoit la matère, ce seroit bien fait. (Doc. 1470. In : Douët d'Arcq, Bibl. Éc. Chartes 9, 1847-1848, 514)

C. -À l'expedient de qqc. Selon les possibilités, les exigences de qqc..

...sy n'est il que une fin ultime (...) : c'est de loer Dieu (...), soy tourner envers luy par fiance fondee en sa bonté et le remanant, ce quil appartient a homme, mettre en diligence et sollicitude corporele a l'expedient du faisable, car par la et non par aultre bout fault il passer (Chastell., Temple Boc. B., 1463-1464, 167)

À l'expedient du cas. Selon l'exigence du cas.

...et lors, aveuc les autres matières, leur donnoit charge de ceste-icy et en feroit après à l'expedient du cas et au mieux que pourroit. (Chastell., Chron. K., t.3, c.1456-1471, 321)

...lesquelles [difficultés] oïes, le duc les fit mettre en conseil pour y déterminer dessus à l'expédient du cas et du temps qui pour celle heure estoit moult dangereux. (Chastell., Chron. K., t.3, c.1456-1471, 338)