ENTREMESLER

verbe

[T-L : entremesler ; GDC : entremesler ; AND : entremeller ; FEW (VI-2, 162b) : misculare ; TLF (VII, 1242b) : entremêler]

A. -Mêler étroitement (à), mélanger (au propre ou au fig.).

...Or voit on que mipartis sont Les pies de la statue et entremelles sont (Guill. Digull., Pèler. âme S., c.1355-1358, 268)

...en choses necessaires choses joieuses entremellees seulent auchunefois deliter (Daudin, De la erudition H., c.1360-1380, 103)

Car cilz qui aimme par amours Ha des joies et des clamours Et des diverses aventures Et des joieuses et des dures, Des grans desirs et des pensees Diversement entremellees (Mach., Voir, 1364, 178)

Et ainsi peut l'en adjouster et mettre ensemble sanz viedenge tant de pyramides comme il plaist et sanz fin. Mais pluseurs ycocedrons separés et qui ne participent ensamble ne peuent pas ainsi estre adjoustéz sanz viedenge ou sans entremesler pyramides. (Oresme, C.M., c.1377, 650)

De lis et de rose vermeille Porte couleur entremeslée (Mir. Clov., c.1381, 196)

Puis prenez les moyeulx des oeufz, chastaignes, fin frommage vieil, et char d'un cuissot de porc cuit, et en hachiez, puis broyez avec du saffran et pouldre de gingembre grant foison entremelez parmy la char (Ménagier Paris B.F., c.1392-1394, 226)

Et puis ce, en vendenges, le vertjus entremellé - moictié vieil moictié nouvel - est le meilleur. (Ménagier Paris B.F., c.1392-1394, 260)

Puis entremeslez tresbien vostre char, vos espices et vostre fanoul (Ménagier Paris B.F., c.1392-1394, 279)

...et pour trois cent quatre lettres à deux points et enternellés [l. entermellés] (Comptes Lille L., t.3, 1398, 175)

Nature aussy, qui est saige sans fin, comme Galien dit, pour la continuacion des especes qui sont a la beauté et a la perfeccion du monde neccessaires, entremesle et assamble les elemens contraires dessus diz moult soubtillement et en fait moult de combinacions secretes et diverses pour recevoir les fourmes de Nature plus convenablement selon ce qu'il affiert et qu'il est en chascune appartenant. (Evr. Conty, Harm. sphères H.P.-H., c.1400, 64)

...j'ay pensé descripre l'un auprès de l'autre, sans riens entremesler (Simon De Phares, Astrol., c.1494-1498, f° 9 v°)

Entremesler de

S'en est mes vis descoulourez Et mes cuers de plours saoulez, De griés souspirs entremeslez, Et tout par toy. (Mach., R. Fort., c.1341, 46)

Je pensay en secret recoy, Selonc contrainte oubeïssance, Entremeslée de doubtance, Que s'il muoit de son plumage, Qu'il ne muast de son corage Et qu'il ne fust plus dongereus Que devant, et meins amoureus. (Mach., D. Aler., a.1349, 282)

Las ! je sui mors, Car j'ay plus de mille remors Et plus de cent mille pensees Diversement entremeslees De souvenirs et de pointures Tristes, poingnans, fieres et dures... (Mach., C. ami, 1357, 74)

...Quar j'estoie si esbahis Et plus c'une beste estahis ; Et si sentoie une froidure Entremellee d'une ardure Qui faisoit fremir et suer Mon corps et ma couleur muer. (Mach., Voir, 1364, 208)

A voix basse et de plours entremeslée respondit la fille et dist : ... (C.n.n., c.1456-1467, 134)

...ardent desir entremeslé de crainte (Meschin., Lun. princes M.-G., c.1461-1465, 34)

Entremesler avec

Les Egyptiens et payens jadis, et aujourduy les Sarrazins, souloient user et usent de ceste science, voire aucunesfoiz entremeslee avecques les divinacions, sorceries, et vocations de malins esperiz (Mézières, Songe vieil pèl. C., t.1, c.1386-1389, 595)

Et quant aux jugemens d'astronomie entre les paiens, il est assavoir qu'ilz entremeslent l'yngromancie et les autres sciences deffendues avecques l'astronomie... (Mézières, Songe vieil pèl. C., t.1, c.1386-1389, 612)

...quant doulce misericorde entremeslee avecques droicturiere justice donne sur les princes et sur le peuple le decret de plus attrempee punicion... (Chart., Q. inv., 1422, 1)

Entremesler entre

Ainsi monstra ledit messire Jaques trente deux bannieres, dont il estoit yssu directement du pere et de la mere, sans entremesler entre les deux mariaiges aucune alliance d'aultre nature ou condiction, fors tousjours de banniere en banniere (La Marche, Mém., II, c.1470, 124)

[D'une chose] Entremeslé. Confus, marqué par le désordre.

Tost y commença la meslee Estrangement entremeslee (Chr. Piz., M.F., III, 1400-1403, 125)

...et est force que en guerre si entremeslee et dangereuse ait des biensfaiz et des faultes (Chart., Q. inv., 1422, 43)

...et là fust la fiere battaille, telle et sy entresmellée que ceulz des portes tuoient les leurs comme nous (La Sale, Reconf. De Fresne H., 1457, 28)

B. -Emploi pronominal. [De pers., de combattants...] Se mêler.

Il se tinrent si francement que onques ne se partirent des arçons, et passèrent oultre. Au retour qu'il fisent, il sacièrent leurs espees, et tantost s'entremellèrent leurs gens. (Froiss., Chron. L., VI, c.1375-1400, 107)

Charlez perceut les mors environ de toulx lés, Crestiens, Sarrazins, par tout entremellés (Galien D.B., c.1400-1500, 105)

...il sembloit plus convenable que chascune Court, college ou Université, uniement, à par soy, sans soy entremesler l'une parmy l'autre, feust au devant du Roy (Fauq., II, 1421-1430, 346)

Alors n'y eust cellui qui ne virast bride, qui faire le peult. Mais ilz estoient ja par ces quatre bresches entremerlez ; sy y demourerent la plus grant partie de prins. (La Sale, Salade, c.1442-1444, 197)

Et quant ilz sont trop espars, les anemis se entremeslent parmy eulx, qui moult souvent les desconffissent. (La Sale, Salade, c.1442-1444, 240)

...les aultres dames et damoiselles, entremeslees des seigneurs, chevaliers et escuiers qui la estoient. (La Sale, J.S. E., 1456, 443)

Lors les trompetes sonneront et les batailles s'entremesleront vers Saint Lorens ou plusieurs d'un cousté et d'autre seront mors et blessez, prisonniers, et plusieurs du tret es jambes et bras, et mors. (Myst. siège Orléans H., c.1480-1500, 239)

Aprés marcha la bende aux albardiers Entremeslez de grans joueurs d'espees (La Vigne, V.N., p.1495, 210)

C. -[D'une pers.] S'entremesler de/en qqc. Se mêler de, s'occuper de qqc., s'ingérer, s'immiscer dans qqc..

Ce jour, l'evesque d'Arras a dit et protesté du graphier de Parlement que son entention n'est pas de soy meller aucunement de l'execution de feu l'arcevesque de Besançon (...) maiz seulement comme conseiller et ami soy entremeller d'icelle execution (Baye, I, 1400-1410, 121)

Je ne sçay mais quel chose faire Trop me doubte qu'en son affaire Je ne me puisse entremeller ; Mais s'il me devoit affronter, Encore tempter le voray Je ne sçay s'a ce cop faulray. (Marcadé, Myst. Pass. Arras R., a.1440, 81)

Comment peut cil longuement demourer en paix qui s'entremesle d'estranges cures, qui quiert occasion ou dehors, et qui peu ou neent se recueille par dedens ? (Internele consol. P., 1447, 293)

J'estois l'autre jour en estat entremeslé en seignourie, Mais j'afronti par joncherie Ung gallant bien garny d'aubert. Mais je l'envoye sans aubert, Foy que doy Dieu et saint Eloy ! Je le desbourre. (Gaut. Mart. A., c.1480-1500, 166)