DROITURE

substantif féminin

[T-L : droiture ; GD : droiture ; GDC : dreiture ; AND : dreiture ; DECT : droiture ; FEW (III, 89a) : directus ; TLF (VII, 519a) : droiture]

A. -Ce qui est conforme au droit, au bon droit.

...Amours a pooir en droiture Plus que Fortune ne Nature. (Mach., D. Aler., a.1349, 325)

...nullement Femme ne puet avoir tourment, Tant braie ne se desconforte, Comme uns homs en son cuer le porte, Qu'estre ne puet en sa nature. Raison s'i acorde et droiture. Et aussi li maus qui termine Est mendres que cils qui ne fine, Einsois dure jusqu'a la mort, Tant qu'il a son malade mort. (Mach., J. R. Nav., 1349, 242)

C'est que vous metez vostre cure En sieuir les poins de droiture Ou coustume attraite de droit ; Si jugerez en bon endroit. (Mach., J. R. Nav., 1349, 256)

En tous cas nostre foy despite, Eu monde n'a si bon hermite Qui ne se deüst mieus offrir à mort que tel chose souffrir. à tous Crestiens fait injure, Contre Dieu et contre droiture. Li mundes doit estre communs, Et li soudans en fait comme uns. (Mach., P. Alex., p.1369, 125)

...mais il les aimme tant seulement [les delectacions reprouvees] selon ce que raison et droiture veult et dite. (Oresme, E.A., c.1370, 227)

'Saciés que c'est pour soustenir droiture et garder raison, ensi qu'il apartient à tous rois et enfans de roys, et pour enteriner grans alliances, que nostre signeur de père le roy d'Engleterre et li rois dans Pietres ont eu de jadis ensamble.' (Froiss., Chron. L., VII, c.1375-1400, 29)

Je me vouloye marier a mon plaisir et non pas selon ma droitture, car je suis trop ancien pour avoir eu si belle creature ; si est raison que j'y aye failly, car je faisoie tort a Erard mon nepveu, qui requis m'en avoit pour luy. (Nouvelles inéd. L., p.1452, 73)

...il appartient aux roys de soustenir droicture et justice et de remettre les aultres roys et princes en leurs vrayes et justes possessions, quant on leur en tient à tort. (Bueil, II, 1461-1466, 156)

LA VIE. C'est contre stillë et droicture, J'en appelle pour abreger Devant celluy qui peult juger De toutes choses comme il veult, Affin de eviter le danger Que vostre sentence me meult. (Cene dieux, c.1492, 138)

Je ne demande que droicture En toute ma peticion Ne n'y a nulle conjecture De mal ne de decepcion. (La Vigne, S.M., 1496, 506)

Par (sa) droiture. De droit ou par nature, à juste titre.

Que Jupiter avecques Mars, Par leurs désordonnez regars Et mesmement quant ilz sont joins En aucun des signes ou poins Du Zodiaque et par droiture, Soit de chaulde et moiste nature, Fait avenir et apparoir Grant pestillence et mal en l'air (La Haye, P. peste, 1426, 27)

Aussi l'air pur et planteureuz Est tousjours moiste et chaleureuz, Et la terre par sa droiture Est de froide et sèche nature (La Haye, P. peste, 1426, 64)

SATHAN. Dedans mes las Je t'ai atrappé [le chrétien] a cest heure. S. NICOLAS. Il est temps que n'en le sequeure. Laisse ceste ame ! SATHAN. Non feray. En Enfer je l'emporteray, Car elle est mienne par droicture. (...) Il [le chrétien] est parjure Et mesmement encontre toy. (Mir. st Nic. juif, c.1480-1500, 139)

Vous pouez croire par droiture Que Mort au jour d'uy l'a cité (La Vigne, S.M., 1496, 575)

Selon droiture

BEAUCOP. Vous le povez assez penser, Entre nous deux selon droicture Jouasmes des jeuz de nature. (B. veoir, p.1480, 17)

C'est droiture. Ce n'est que justice.

LA DAME. (...) Ha ! Mere au tresdoulx roy celestre, Je vous rens grace, c'est droiture. (Mir. enf. ress., 1353, 69)

Se Desirs par sa pointure Me tient en ardure Long de vous, dont mon vis mueil Sous celée couverture, Dame, c'est droiture, Si que pas ne m'en merveil. (Mach., L. dames, 1377, 186)

[Le marquis à Griseldis] Vueil que tu empregnes en toy Toute l'ordennance [de mon 2e mariage] et la cure ; Et tous, si comme c'est droiture, T'obeïront en ce faisant. (Gris., 1395, 90)

(Ce) n'est pas droiture que + subj.

Mais ce n'est pas droiture Qu'einsi pour loyauté Soie à desconfiture, Car j'ai sans fausseté Ma dame nette et pure Servi et honnouré. (Mach., Ch. bal., 1377, 597)

Pour Dieu vous pri que ne li soiés dure, Douce dame, car, se vous l'ociés, Petit pourfit y arés ; ne droiture N'est pas que vous à la mort le mettés Pour vous amer, puis que bien vous savez Qu'il est si vrais que, pour doleur sentir, Ne le verrés nulle fois repentir. (Mach., L. dames, 1377, 55)

Eymmi ! tres douce creature, Noble en faiture, Plaisant et pure, N'est pas droiture Que vous m'ociés pour amer, Quant je vous aim d'amour seüre Et de laidure Vous asseüre. (Mach., Les lays, 1377, 282)

Tenir droiture. Faire respecter le droit, la justice.

Et pour ce n'avez seigneurie que pour tenir droicture (Ponthus Sidoine C., c.1400, 182)

[Cont. métaph.]

Honnesteté est de telle nature Que tout honneur croist en elle et habonde (...), c'est sa loy et droicture (Taillev., Psaut. vil. D., a.1440, 127)

Par personnification.

Las ! et Amours, pour qui tant mal endure Que ja sans mort n'en cuit estre garis, M'a oublié ; Loiauté et Droiture Faillent pour moy, et ma dame au cler vis Ne laist mon cuer vivre joieusement Ne ne le vuet occire, einsois l'esprent De bien amer, si que sans tricherie Sera de moy honnourée et cherie. (Mach., L. dames, 1377, 62)

B. -Ce à quoi on a droit, ce qui est dû à qqn, ce qui est de droit.

Qu'Amours, qui est de si noble nature Qu'elle scet bien qui aimme sans fausser, Scet bien paier aus amans leur droiture... (Mach., R. Fort., c.1341, 73)

...por cely cas, ilh avoit tres belles droitures en l'osteit monssaingnor de Liege, qui, par faute des hoirs mal proveis, sont alienéez à present. (Hemricourt, Miroir Hesb. B.B., 1353-1398, 477)

A sa venue, on lui fist grant feste, et fu entre les cardinaux pris et eslevés et heut toutes les droitures de papalité et ot nom Urbain, VIe de ce nom. (Froiss., Chron. R., IX, c.1375-1400, 53)

Et pour ce sui pleinne d'envoiseüre, Gaie de cuer et vif tres liement Et ren toudis à Amours la droiture Que je li doy ; c'est amer loyaument En foy, de cuer et de fait. (Mach., L. dames, 1377, 159)

...se nous ou noz ancesseurs aulcune droitture avions ou eusmes oncques en chose que le roy de France tiengne ou tenist oncques ou ses ancesseurs ou ses freres (Juv. Urs., T. crest., c.1446, 97)

Or parle PILATE es Juifz. Seigneurs, entendés ma rayson : Jhesus m'avés randuz prison ; Il n'est pas de ceste contree, Quar ill es nez de Galilee ; Il est de la Herode justice, Jugier le doit a sa divise, Ou ne tiendroye pas sa droicture, De tort faire n'ai ge cure. (Pass. Autun Biard F., 1470-1471, 92)

[Des terres]

Si (...) leur pria que cescuns fust apparilliés selonch son estat, et fuissent à un jour, qui adonc fu nommés, droit à Noef Chastiel sur Thin, pour aler reconquerre les droitures apertenans à son royaulme d'Engleterre. (Froiss., Chron. L., I, c.1375-1400, 106)

'Le chastiel et le ville et tout entirement la conté de Ghines avoech toutes les terres, villes, chastiaus, forterèces, lieus, hommes, hommages, signouries, bois, foriès, droitures d'icelles.' (Froiss., Chron. L., VI, c.1375-1400, 9)

Avoir sa droiture. Recevoir son tribut.

Si m'embati par ma mesaventure Un jour en lieu ou Amours sa droitture Vouloit avoir Des joennes gens, dont la, a dire voir, Avoit assez qui moult bien leur devoir En lui servir mettoient et savoir Entierement (Chr. Piz., Dit Poissy R., 1400, 202)

Faire droiture/ses droitures à qqn. Faire à qqn ce qui lui est dû.

...faire a chascun droiture. (Le Fèvre, Respit Mort H., 1376-1380, 103)

...et li fist on touttes ses droitures bien et somptueusement ensi que a elle apertenoit. (Wauquelin, Manequine C.T., a.1448, 176)

Droit accordé.

...item, tout droitures de saieleir lettres oviertes, soient lettres d'apeals des esquevins ou lettres missores, dont ilh doient avoir, de chascune, II gros tournois (Hemricourt, Patron Temp. B., c.1360-1399, 103)

Prérogative.

...les droitures des evesques et des eglises (Jean Golein, Rational B.D., c.1370-1372, 68)

Il seroient si bon amit et subjet, et li renderoient et deliveroient toutes ses justices et juridicions et les droitures de Flandres, ensi ou plus avant que nulz contes y ewist ewes. (Froiss., Chron. L., IV, c.1375-1400, 33)

'Nous ne volons autre roy que vous (...) Or nous jurez cy que vous nous serez bon et propice et tenrez justice, ne point ne flechirez pour le fort ne pour le foible, et garderez, soustenrez et deffenderez, parmi l'ayde que nous vous ferons, les droitures de Portingal.' (Froiss., Chron. M., XIV, c.1375-1400, 256)

'Tenés che que vous avés juret et promis à moi et à la bonne ville de Gand, qui tant a eu de paine et de frait pour soustenir et garder les droitures et les francisses des bonnes villes de Flandres.' (Froiss., Chron. R., X, c.1375-1400, 292)

...li consauls des bonnes villes manderent le jone conte, lor signeur, et li fissent a savoir que il vosist venir en Flandres et user par lor consel, il seroient si bon amic et subject, et li renderoient et deliveroient toutes ses justiches et juriditions et les droitures de Flandres, ensi ou plus avant que nuls contes de Flandres euist onques eu. (Froiss., Chron. D., p.1400, 798)

Droit à une chose dont l'usage est commun à plusieurs.

Et si ont les menues droictures acoustumées en païant au roy ou à son prevost fermier en Lions pour chacune masure un pain à Noël ou denier qui ne fournie (Hector De Chartres, Cout. R., 1398-1408, 11)

Pour lezquellez droiturez et usagez prendre et avoir en ladicte forest, lezdis habitans sont tenus rendre et païer au roy notre sire ou à ceulx qui de luy ont cause, pour chacunes masurez onze boisseaux d'avoine, XII guerbez de blé, une gueline, un pain à Noël, X oeefs à Pasquez (Hector De Chartres, Cout. R., 1398-1408, 16)

C. -En particulier.

1.Redevance.

...avons ordené et accordé que toutes les droitures, teles que le ville les a accoustumé de prendre et avoir, pour les vendages et accas qui se font des maisons, rentes et hiretaiges, seans et estans en le juridiction et jugement de l'esquevinage de le dicte ville, seront d'orez en avant prises et levées, au pourfit de le dicte ville (Hist. dr. munic. E., t.1, 1356, 360)

Aprez, les trois estats establirent recheveurs pour lever et rechepvoir toutes maletotes, tonnelys, disiesmes et toutes aultres droittures appartenans au roy, et firent forgier monnoye de fin or que on appelloit moutons (Le Bel, Chron. V.D., t.2, 1358, 248)

À Guillaume Cornian le Viel, sur la somme de X fr. quil avoit prestez à mon dit seigneur, sur lesquielx li a esté deduit et rabatu en soy poiant pour les XIIIes, impositions, quint de seil et autres droitures quil devoit à mon dit seigneur pour les marchandises quil avoit faictes par certain temps (Compte Navarre I.P., 1367-1371, 331)

Il faisoit lever les rentes, les tonnieus, les winages, les droitures et toutes les revenues, que li contes devoit avoir et qui à lui apertenoient. (Froiss., Chron. L., I, c.1375-1400, 128)

Apriès, li troi estat ordonnèrent et establirent, de par yaus et en leurs noms, receveurs pour lever et recevoir toutes maletotes, tonnieus, disimes, sousides et toutes aultres droitures apertenans au roy et au royaume. (Froiss., Chron. L., V, c.1375-1400, 73)

Nous vous demandons plusieurs droitures, esquelles vous nous estes raisonablement tenus et obligés, selon l'ordenance de Dieu ou de voz predecesseurs, ou aultrement, assez deüement. (Songe verg. S., t.1, 1378, 14)

...affin que le pauvre homme, quant il aura paie son seigneur et ses droictures, puisse franchement dire du sien, 'Il est mien,' et vivre en liberte ancienne a la gloire de Dieu et de son seigneur naturel. (Mézières, Songe vieil pèl. C., t.1, c.1386-1389, 218)

Jugement (...) que dit coment les droictures dez segneurs vont devant que lez cens. (Jug. maître-échev. Metz S.M.S., t.1, a.1494 [1332], 96-97)

Jugement que dit coment ung maire a bien a essenir heritaiges sor quoi il demande droictures pour les segneurs don lieu. (Jug. maître-échev. Metz S.M.S., t.1, a.1494 [1355], 341)

Redevance en nature due au seigneur.

Item, soit pourveu sur ce que les seigneurs font aprisagier leurs grains, oeseaulx, oefs et autres droiturez a plus grant pris que ilz ne vallent au temps que deubz leur sont, ou grant prejudice du peuple qui ne s'en ose plaindre, pour doubte de pis avoir, la court deffent que nulz seigneur n'en prengne plus que les gens du roy en prennent a leurs receptes (Echiq. Normandie S., 1423, 101)

C'est seulement ung lieu pour nourritures Et pour garder bestes de toute sorte, Dont le seigneur en a de grans droictures Une foys l'an (La Vigne, V.N., p.1495, 185)

2.Devoir dû au seigneur suzerain.

...vous mandons nous à vous, bailliu, que vos recevés de nos hommes de Menin et des appertenances le grandeur de leurs fiefz et toutes les droiturez et servicez d'yceux par escript et les raportez par deviers (Hist. industr. drapière Flandre E.P., t.3, 1350, 51)

...et delivreront au dit roy d'Angleterre et à tous ses hoirs et successeurs (...) toutes les honeurs, obediences, homaiges, ligeances, vassaulx, fiez, services, recognoissances, droitures, mer et mixte impere, et toutes manieres de jusridicions hautes et basses, ressors et sauvegardes, avoisons et patronaiges d'eglises (Traité Brétigny D., 1360, 274)

...avons ottroyé et donné à lui et à sesdis hoirs, descendans de sa char par loyal mariage, comme dit est, heritablement, ladicte mote le Conte, avoeques ses appartenances, ensamble la maison, terres, et preis (...), à tenir en fief de nous et de nosdis hoirs, à tels services, droitures, coustumes et usaiges come autre fief semblable sont tenus de nous en notredicte conté. (Trés. Reth. S.L., t.2, 1361, 158)

'Au fort, mieulz vaurroit que il demorast dus de Bretagne, afin que il le volsist recognoistre de vous et vous en fesist toutes droitures.' (Froiss., Chron. L., VI, c.1375-1400, 178)

Mais là où li rois de France li feroit ouvrir paisieulement cités, villes et chastiaus, et rendre fiés et hommages et toutes droitures, ensi que li duch de Bretagne anciennement l'avoient tenu, il le recognisteroit volentiers à signeur naturel. (Froiss., Chron. L., VI, c.1375-1400, 180)

Si prist le foy et l'ommage des hommes de le ville, et y sejourna trois jours, et li furent faites toutes droitures, ensi comme proprement au roy. (Froiss., Chron. R., VIII, c.1375-1400, 84)

...et la garni de l'impression de mon seel, saulve adecertes la moie droiture et des eglises et des chevaliers et saulves toutes icelles choses que les eglises avoient et les chevaliers en leurs hommes ou temps mon pere et devant la commune (Cout. bourg. glosé P.M., c.1380-1400, 24)

Il apertient a tel dame ou damoiselle que elle soit toute aprise es drois des fiefs, des arriers fiefs, des censives, de droictures, de champars, de prises de plusieurs mains, et de toutes telz choses qui sont en droit de seigneurie selon les coustumes de divers païs (Chr. Piz., Trois vertus W.H., c.1405, 153)

...li nobles dus poisans Traita tant la dame à qui estoit Breubans, Que de celle ducée, (...) Fu mis en la saisine Antonnes (...) Résiervé que la dame devoit estre posessans D'aucunes des droitures pour joïr tout sen tans (Geste ducs Bourg. K., c.1410-1419, 293)

...lequel prey est pour le présent, comme l'en dit, en la main d'icelle seigneurie par prinses et arrestz pour les devoirs, droictures et dignitez appartenant à ladite seigneurie (Cartul. Hôtel-Dieu Cout. L., 1426, 241)

3.MARINE Droit d'une valeur de deux journées de gages qui peut être perçu (au profit du roi, de l'amiral ou du clerc des arbalétriers) sur les gages des gens de guerre' (Éd.).

De ce il a pour droiture 4 l. Pour pongnies 4 s. 2 d. (Clos galées Rouen M.-C., t.2, 1341-1342, 30)

...pour les droitures de ses 2 lings 40 fl. (Clos galées Rouen M.-C., t.2, 1347, 79)

4.Rétribution légale accordée aux juges et aux officiers de justice pour certaines de leurs prestations.

...le sergent ou prevost aira sa droicture des adjournemens et autres explois qui par lui seront fais. (Instruct. ensaign. B.G., c.1386-1390, 56)