DIT

substantif masculin

[T-L : dit ; GDC : dit ; AND : dit ; DECT : dit ; FEW (III, 67b) : dicere ; TLF (VII, 246b) : dit]

A. -Ce qui est dit.

1.Parole, propos.

Te vien veoir (...) Et de par mon filz enorter (...) Que ne croies de rien aus dis Sanceline, n'a ses paroles (Mir. Barl. Josaph., c.1363, 294)

A ! dame, par signe ou par dis Ou par autre inspiracion M'envoiez consolacion (Mir. Oton, c.1370, 355)

Et se ilz ne ont en eulz tele dignité ou valeur, leur dit est une derision. (Oresme, E.A., c.1370, 431)

Et autant de beaux faiz feray Com vous, partout ou je seray, N'a voz diz goute ne m'aioque. (Gris., 1395, 45)

Ainsi contre toy tous [les sujets] s'enclinent Et vont murmurant, et machinent Ceulz du peuple de jour en jour ; Pour lesquels diz et pour paour De moy mesmes, dont je me crains (...) contrains Suis a faire de mon chier filz (Gris., 1395, 63)

Les gens le fuyent [l'homme jaloux] , Ses dis mordent, ses parolles ennuyent ; Tous s'en farsent et le moquent et huyent. (Chart., D. Fort., 1412-1413, 186)

A tes diz cognois je bien le vouloir de ton courage (Chart., Q. inv., 1422, 40)

Ha ! mes frere, le noble dis Que j'ay sentu ['entendu'] , a mon semblant. (Myst. st Bern. Menth. L., c.1450, 112)

Recapitulacion de tout le liure ... Pour faire fin a nos dis ie conclurray ce present liure par une briefue recapitulacion de la matiere diceluy. (Cib., p.1451, 184)

...nouvelles lui furent ilec apportées [au roy] que mons. Charles, son frere, et le duc de Bretaigne s'estoient reunys et devenus bons amis et bienvueillans au roy, et prest ledit monseigneur Charles de prendre la pension de LXm l. t. par an, jusques à ce que son appanage lui eust esté assigné selon le dit de plusieurs princes et seigneurs que ledit monseigneur Charles esliroit pour ce faire, et ausquelz il se vouloit rapporter : c'est assavoir messeigneurs les duc de Calabre et connestable de France. (Roye, Chron. scand., I, 1460-1483, 210)

Quant l'empereur [Alexandre le Grand] ot remiré De Dïomedés tout le dit, 'Ta fortune je te mueray Mauvaise en bonne', ce lui dist. Si fist il (Villon, Test. R.H., 1461-1462, 33)

LE CAPPITAINE. (Et) quelles nouvelles proprement, As tu parlay au dessusdit ? PERROQUET. Ouy, et adjousté ton dit A mes dictz. (Sots mal., c.1480, 79)

[Par redondance] Paroles et dits

Croyés mes parolles et dicts Pour faire aux diables desfarde. (Pass. Auv., 1477, 125)

[P. oppos. à fait]

[Le marquis à Griseldis] ...de toy Et de ta personne, par moy (...) Soit fait tout ce qui me plaira, Sanz repugnance ou contredit, En fait, en pensee ou en dit, N'en signe en aucune maniere (Gris., 1395, 37)

Ah ! gardez comme est esplouree Griseldis de ce marïage ! Pou d'ire en moustre en son corage, Que conte, ce semble, n'en fait, Ains est liee en dit et en fait (Gris., 1395, 91)

Servez le bien, tant de dit que de fait (La Vigne, S.M., 1496, 373)

Faits et dits. Voir faitActes et paroles.

Marie, en faiz et en dis Se doit de joie esmouvoir Qui vous peut oir et veoir, Amer et servir touzdis, Marie, en faiz et en dis Con dame de paradis, Car vous li faites avoir Grace et paiz a vo doulx hoir. (Mir. marq. Gaudine, 1350, 158)

LA DAME. (...) savoir Ordener mes faiz et mes diz (Mir. enf. ress., 1353, 6)

Quant la pastoure Griseldiz, Qui tant fu en faiz et en diz Plaine de simple humilité (Gris., 1395, 42)

Et se ainsi est que Fortune l'avance Tant qu'il tieigne par la main a la dance Sa maistresse par droitte bienwueillance, Et qu'elle vueille Monstrer semblant que bien en gré recueille Ses fais et dis et doulcement l'accueille, Il ne croit pas que jamais il se dueille (Chart., D. Fort., 1412-1413, 171)

...gracieux est en fais et dis (Chr. Piz., Paix W., 1412-1413, 87)

Teste trop fumeuse, Rigour despiteuse, Bouche rïoteuse Font les contredis En faiz et en dis. (Chart., B. Nobles, c.1424, 403)

Ou sont les gracïeux galans Que je suivoye ou temps jadiz, Si bien chantans, si bien parlans, Sy plaisans en faiz et en diz ? Les aucuns sont mors et roidiz, D'eulx n'est il plus riens maintenant - Respit aient en paradis, Et Dieu saulve le remenant ! (Villon, Test. R.H., 1461-1462, 37)

Quant l'enfant est né, aprés qu'il a mengié la tette, se l'en lui poeult donner a mengier de une pomme cuite, jamais aprés n'en sera si louviz a mengier ne a boire, et si en sera plus courtois en fais et en dits. (Ev. Quen. II, c.1466-1474, 120)

TESTE LIGIERE. En fais et en dictz. In ne quiert point l'ordre bigotte Pour serrer le De profundis. (Sots, c.1480-1500, 270)

Remarque : Fait et dit se complètent ou s'opposent dans de nombreuses loc. et maximes (cf.Prov.H, D 108, D 107, et DI STEF., 262 et 327a). Titre d'oeuvre : MOLINET, Faictz Dictz D., 1467-1506.

2.En particulier.

a)Parole à valeur générale ou remarquable, maxime, dicton....

Car vindrent lors au devant de ma memoire pluseurs dis de la saincte Escripture et des hystoires et de experience (Gers., Noël, p.1404, 309)

Considere lez discors de l'infortune presente et tu y trouveras correspondence, combien que ce n'est pas m'atente de ramentevoir ceulx que leurs coulpes, selon le dit divin, ont semblablement tiré et tirent chacun jour notoirement a despourveue mort ou a publique male meschance. (Chart., L. Esp., c.1429-1430, 77)

Dont resume ce que j'ay dit : Noua progenies celo, Car c'est du poete le dit, Jamjam demittitur alto. (Villon, Poèmes variés R.H., c.1456-1463, 44)

Ad ce propoz ung dit ramaine : De saige mere saige enfant. (Villon, Poèmes variés R.H., c.1456-1463, 44)

Le dit du Saige trop lui feiz [au mauvais enfant que j'étais, ou à ma jeunesse folle] Favourable (Villon, Test. R.H., 1461-1462, 36)

...selon le dit du philosophe, cellui qui a bon commencement d'aucune chose, a desja plus de la moittié d'icelle (Bueil, II, 1461-1466, 187)

Davitiques dits. Paroles de David.

Mieulx vault vivre soubz groz bureau Pouvre (...) Qu'avoir esté seigneur... Que dis [tu, toi, mon coeur] ? Seigneur, lasse ! ne l'est il mais ? Selon les davitiques diz Son lieu ne congnoistra jamaiz. (Villon, Test. R.H., 1461-1462, 41)

Par extension. Inscription, devise.

Auprés de la peult on voir sans descendre L'ostel de ville, ou a beaux ditz maincts, Et jadis fut, ainsi qu'on peult entendre, Le Capitolle des ancïens Rommains. (La Vigne, V.N., p.1495, 233)

b)Formule prononcée.

Et la [le jouteur] est assis sur l'escabel, ou sur ses piez, jusques a l'appel ou dit du juge ou mareschal du champ. (La Sale, J.S., 1456, 33)

[Dans une formule de serment] Par mes dits

Amen dico, je le t'otroy. A ce jour vers moy, par mes dix, T'ame sera en Paradix. (Pass. Semur D.M., c.1420 [1488], 213)

c)Avis formulé.

...je croy (...) Que se chascun veult son dit dire, Que tost pourrons evesque eslire (Mir. ev. arced., c.1341, 122)

Contre vostre dit pas n'estrive, Ma dame, ne je ne voulroie (Mir. mère pape, c.1355, 351)

Au dit de. Au dire de, selon, à l'avis de.

Celui quui est plus corrompu en meurs et qui miex scet corrompre par dons si est le plus beneuré au dit de elz gens. (Foul., Policrat. B., V, 1372, 356)

Item, il s'ensuit a leur diz choses qui ne sont pas moins desraysonnables, car une meisme chose n'est pas faite plus pesante pour ce se elle est plus comprimee ou compresse. (Oresme, C.M., c.1377, 634)

L'ystoire dit que la feste fu grande soubz Lusegnen et y jousta on moult bien ; mais sur tous les jeunes damoisiaux Regnault et Anthoine le firent le mieulx, au dit des dames et des heraulx. (Arras, c.1392-1393, 149)

Quant lez [bonnes viandes] voyez, vous dittes que bien serez disné. Quant tout est bien cuyt a vostre dit, on apporte ung plat d'argent tout plain de... [matières dégoûtantes] (Nouvelles inéd. L., p.1452, 114)

d)Volonté formulée.

[La marquise] Car, des qu'o lui [le marquis] vins, rapportee Me suis du tout sanz contredit A son vouloir et a son dit ; Ne ja mon cuer ne desdira Chose que sa bouche dira. (Gris., 1395, 75)

Et leur donna si notable credit Que disposer ilz povoyent a leur dit, Le roy absent, de toutes les affaires (La Vigne, V.N., p.1495, 141)

[Dans un cont. jur.] Ce qui a été prononcé, ordonné.

De Renaut, maire de Poncey, d'une part, et Thiebaut Vorneaul d'autre, en tel estat a l'uitave et hont fait compromis les dites parties : li diz Renaux en maistre Hug. de Gevrey et en Perreaul de Gevrey pour lui, et en Villemot Maulechar et Joffroit dou Porc pour le dit Thiebaut ; et ce hont promis tenir le dit des arbitres, sur poinne de XX s. (Echevin. Dijon L., 1341, 18)

Dit du juge. Décision du juge ; p. ext; décision irrévocable.

...quant il [le juge] avra bien ainsi prouvé son dit (Foul., Policrat. B., V, 1372, 416)

Jehan, mon nepveu, las, que dy je ? J'ay müé le dit du juge De mon bon filz que pent en croix, Lequel a dit a haulte voix Que tu soyes mon filz, moy ta mere [Allusion au passage de Jean 19, 26-27, où le Christ en croix confie sa mère à l'apôtre Jean (Jésus (...) dit à sa mère : 'Femme, voilà ton fils'. Puis il dit au disciple : 'Voilà ta mère'). Aux yeux de Marie, décision irrévocable, même si elle suscite un certain désarroi] . (Pass. Auv., 1477, 221)

e)Nommer le dit de. Prononcer le nom de.

...les dames dont vous nommés les diz (Flor. Octav. L., t.2, c.1400, 445)

B. -Pièce en vers, poème (gén. strophique et lyrique).

SAINTE CRISTINE. Que nous dirons, mon ami doulx ? Nous dirons en chant un dit fait, Qui pour cecy tout propre est fait. (Mir. st Guill., c.1347, 45)

Aucunes gens m'ont huy araisonné, En tournoiant, ainsi que je songoye, Pour quel cause j'ay si habandonné Joyeuseté, plaisir, lëece et joye, Et dont ce vient que je ne me resjoye Et plus ne fais dit ne chançon nouvelle, Et que j'ay mis soubz le banc ma vïelle Et renoncé au service amoureux. (Chart., R. Bal., c.1410-1425, 387)

Je laysse aux amoreux malades Qui ont espoir d'alegement Faire chançons, diz et balades, Chascun a son entendement, Car ma dame en son testament Print a la mort, Dieu en ait l'ame, Et emporta mon sentement Qui gist o elle soubs la lame. (Chart., B. Dame, 1424, 332)

Adieu, chançons que voulentiers chantoye Et joyeux diz ou je me delitoye ; Tel rit joyeux qui aprés dolent pleure. (Chart., Compl., 1424, 327)

...en disant plusieurs beaulx et sumptueux ditz a la louenge et exaltacion de sa magnificence. (La Vigne, V.N., p.1495, 169)

Dit rimé

Remarque : Consol. Boèce C., c.1350, gloss.

Par extension.

Oeuvre littéraire.

Ce que vous m'avez dit Esmeut mon esperit A demener leesse : Se veul dicter ung dit, Cy petit a petit, Ainçois que je vous lesse. (Marcadé, Myst. Pass. Arras R., a.1440, 14)

Combien que j'ay leu en ung dit : Inimicum putes, y a, Qui te presentem laudabit, Toutesfois, non obstant cela, Oncques vray homme ne cela En son courage aucun grant bien (Villon, Poèmes variés R.H., c.1456-1463, 42)

Et vecy le commancement [de mon Testament] . Ou nom de Dieu, comme j'ay dit, Et de sa glorïeuse Mere, Sans pechié soit parfait ce dit Par moy, plus maigre que chimere. Se je n'ay eu fievre eufumere, Ce m'a fait divine clemence ; Mais d'autre dueil et perte amere Je me tais, et ainsi commence. (Villon, Test. R.H., 1461-1462, 76)

Chant, chanson.

SAINT MICHIEL. (...) Chanterons nous aucuns biaux dis En alant la ? (Mir. ev. arced., c.1341, 132)