DISPENSE

substantif féminin

[GDC : dispense ; FEW (III, 98a) : dispensare ; TLF (VII, 285b) : dispense]

Décharge d'une obligation ou levée d'une interdiction ; permission.

...a l'asolucion et dispense de leurs prelas (Chartes Abb. St-Magl. T.F., t.3, 1351, 172)

Le Pape Innocent le Quart si dit, ou chapitre Venerabilem, que, puis que le Pape a aucun legitimé, par consequant il samble que il ait dispense avesques luy que il puist estre juge et estre tesmoings en une cause et faire teulx samblables fais judiciables, mez il ne samble mie que il ait dispense avesque luy quant a la succession dez choses temporelez. (Songe verg. S., t.2, 1378, 210)

Et renoncerent en ce fait expressement yceulx preneurs, par leurs diz seremens et foy, a toute excepcion de decepcion, de mal, de fraude, d'erreur, d'ignorance, de decevance, lettres de grace, dispense, absolucion et autres choses quelconques qui contre ces lettres pourroient estre dictes ou proposees (Chartes Abb. St-Magl. T.F., t.3, 1380, 504)

Ceste honte, doncques, sustouchee, Beau Filz, soit mise arriere, et pour donner bon exemple a tous les gallicans soit renouvellee en toy, Beau Filz, la devocion et service et sainte exortacion de tes bons predecesseurs, en accomplissant a la lectre, sans dispen [var. mss B et C dispensacion] , se n'est en grant neccessite, les commandemens de Dieu et de l'eglise. (Mézières, Songe vieil pèl. C., t.2, c.1386-1389, 265-266)

Item, qu'ilx ne empetreront ne congié ne dispense au contraire, et se empetré estoit, que de ce ne useront point. (Baye, II, 1411-1417, 233)

Alors ilz eurent la dispence de Pappe Clement VI^e, en Avignon. (La Sale, Salade, c.1442-1444, 183)

...car il veilloyt ainsi de nuyt jusques au jour et faisoit de la nuyt le jour pour veoyr dances, festes et aultres esbatemens toute la nuyt. Et continua ceste vie et ceste maniere jusques à la mort, dont pluseurs gens de bien se esbahissoyent et non sans cause, mes il avoit dispense de ce faire, se disoit on. (Maupoint, Journ. paris. F., p.1461, 48)

En particulier. [En matière de mariage]

Laquelle Jehanne ledit de Bernezay, son fiancé, fist prendre par force et monter derrière lui, et d'illecques la emmena à l'ostel de Cogniou à elle appartenant ; auquel cinq ou six jours après, eue sur ce dispense de nostre amé et feal conseiller l'evesque de Xainctes, ledit de Bernezay espousa ledicte Jehanne, de son bon gré, y gardant la solennité qui y appartient ; et depuis a eu sa compaignie charnelle. (Doc. Poitou G., t.9, 1447, 5)

...il [le comte d'Armagnac] cuidoit certainement avoir obtenu dispense de nostre Saint Pere de pooir maintenir sa seur en l'estat de mariage, et de cela avoit acquises bulles fauses, non que lui sceust la faulseté (Chastell., Chron. IV, D., c.1461-1472, 257)

Quant ce vient a baptisier ung enfant, soit filz ou fille, et deux gens a marier, homme et femme, sont priés a estre parins, ilz doibvent mettre le prestre ou milieu de eulz ou deux personnes ; ou aprés se par amour prendoient l'un l'autre a mariage, non obstant dispense, entre eulz jamais n'aroit paix ne joie, et feroient leurs enfans pute fin. (Ev. Quen. II, c.1466-1474, 132)

Et furent par dispense les deux germains mariez enssamble. (La Marche, Mém., I, c.1470, 146)

Dispense surreptice. Permission, autorisation illégale, usurpée.

Et est à noter que le peché par icelluy conte d'Armignac commis à sa seur, laquelle il avoit maintenue contre la loy de Dieu, peust estre cause de son occision. Pour laquelle sa seur maintenir, il avoit obtenu une dispence surreptice, de laquelle obtenir avoit esté cause ung nommé maistre Ambroise de Cambray, qui la luy fist avoir. (Le Clerc, Interp. Roye, c.1502, 331)

Par métonymie. Écrit portant une autorisation.

...ledit Mariete, interrogué par lesdis argentier et vicesgerent sur le fait de plusieurs memoriaulx estans en deux glaces, une lettre missoire et une petite dispense escripte au doz d'une piecete de papier, trouvez en la boyte dudit Mariete... (Escouchy, Chron. B., t.3, Pièces justif., 1448, 267)