EXEMPTION

substantif féminin

[T-L : exencïon ; GDC : exention ; AND : exemption ; FEW (III, 291b) : exemptio ; TLF (VIII, 430b) : exemption]

A. -Fait d'exempter, dispense, affranchissement (d'une charge, d'une imposition, d'une corvée, d'un service, d'un hommage...).

La terre de Poutieres ha tele exemptiom, Quar a point d'ordenaire ne doit subjection. (Gir. Ross. H., c.1334, 118)

Jeudi, VIJe jour de decembre, messire Philbert de Saint-Ligier a presenté ceans les lettres royaulx du don à lui fait de l'office de bailli de Saint-Gengoul et seneschal de Lyon et des exemptions et autres drois royaulz ou bailliage dudit Mascon (Fauq., II, 1421-1430, 150)

...mondit seigneur de Bourgongne, tant ès-lettres qui se feront de la paix comme en aultres lettres et escriptures, et aussi de bouche, recongnoistera et nommera, et pourra nommer et recongnoistre le Roy, son souverain. (...) lesdictes nominacions et recongnoissances, tant par escript comme de bouche, ne portent aulcun préjudice à ladicte exempcion personnelle [de faire hommage au Roi] de mondit seigneur de Bourgongne, sa vie durant (Doc. 1435. In : MONSTRELET, Chron. D.-A., t.5, c.1444-1453, 174)

Item, et pource que cy après mondit seigneur de Bourgoingne, tant ès lettres qui se feront de la paix, comme en autres lettres et escriptures, et aussi de bouche, recognoistra, nommera et pourra nommer et recognoistre là où il appartiendra, le Roy son souverain seigneur, offrent et consentent lesdiz ambaxeurs du Roy que lesdictes nominacions et recognoissances, tant par escript que de bouche, ne portent aucun prejudice à ladicte exempcion personnele de mondit seigneur de Bourgoingne, sa vie durant, et que ce non obstant, icelle exempcion demoure en sa vertu, selon le contenu en l'article precedent, et aussi que icelles nominacions et recognoissances ne se estendent que aux terres et seigneuries que icelui monseigneur de Bourgoingne tient et tendra en ce royaume (La Marche, Mém., I, c.1470, 229)

...usaige, franchises et exempcions, tant de non paier wynages, tonnieux et autres telz deubz seignouriaux (Trés. Reth. L., t.3, 1473, 521)

...laquelle [somme] (...) nous estes tenuz par chascun an payer à cause de l'exemption et affranchissement de tailles que vous avons octroyé. (Lettres Louis XI, V., t.9, 1482, 184)

...nous avons veues les lettres que nous avez escriptes faisant mencion de l'exemption de logis de noz gens de guerre vous estre fait pour nostre ville de Reims. (Lettres Ch. VIII, P., t.1, 1486, 107)

Fait de se dispenser d'une obligation.

D'exempcïom n'avons pas tiltre, Nous y alons puis qu'il ly plait. Lucyfer quil tout bien desplait, Pour quoy nous mandéz vous, beaul sire ? (Pass. Semur D.M., c.1420 [1488], 33)

B. -DROIT Fait de soustraire (une cause) à une juridiction pour une autre, en partic. privilège par lequel des personnes ou des terres qui sont dans la justice d'un seigneur en sont soustraites et ressortissent des juges royaux.

...nous vous mandons et commettons, se mestiers est, que, nonobstant le dit appel ou exemption, vous faictes et exerces tout l'office et juridiction de la dite baillie, conjures yceuls eschevins (Hist. dr. munic. E., t.1, 1347, 335)

...et toutes ses causes et besongnes excuser, deffendre et essoinier, pledier pour elle, entamer plait ou plaiz, convenir, reconvenir, proposer, et, se mestiers est, par escript bailler toutes manieres de faiz, raisons ou exempcions declinatoires, dilatoires, perhemptoires et autres quelconques, repliquier, dupliquier, tripliquier, congnoistre, nyer, advoer, desadvoer, jurer en l'ame de elle toutes manieres de seremens que ordre de droit requiert, poser, respondre aus posicions et aus faiz et articles de partie adverse, amener tesmoings (Chartes Abb. St-Magl. T.F., t.3, 1348, 158)

Par métonymie. Circonscription, étendue d'une juridiction (à laquelle sont attachées certaines exemptions).

...en commettant, se mestiers est, au dit bailli des dites exempcions que de nostre presente grace et restitucion facent et laissent joir et user paisiblement la dite Jehanne, en la remettant de nouvel royaument et de fait en saisine et possession de ses diz biens (Doc. Poitou G., t.4, 1371, 108)

...maistres Jehan Aillembourse, bailli des exempcions de Touraine (Reg. crim. Chât., I, 1389-1392, 252)

Ce jour, J. de Neuvy, escuier, a esté receu en bailly de Montargy, de Cepoy et des ressors et exemptions d'Orleans, ou lieu de Loiz de Giroles (Baye, II, 1411-1417, 35)

Ce jour, Bertrand de Remeneul fu receu en l'office de bailli des ressors et exempcions de Touraine, d'Anjou, de Poitou et du Maine. (Fauq., I, 1417-1420, 191)

Si donnons en mandement au bailli de Rouen et des exempcions de Gisors (Chancell. Henri VI, L., t.2, 1433, 269)

Si donnons en mandement, par ces mesmes présentes, à nostredit bailly de Touraine et des ressors et exemptions d'Anjou et du Maine et à tous noz autres justiciers présens et à venir, ou leurs lieuxtenans, et à chascun d'eulx si comme à luy appartendra, que de nos présens grâce, quictance et pardon facent (Archives servit. Louis XI, T., 1459, 12)

En particulier. Privilège exemptant une abbaye, un hôpital ou un ordre religieux de la juridiction de l'évêque et ne les soumettant qu'au Saint-Siège.

A conseillier l'appoinctement sur la requeste baillée par escript à la Court par les maistre, freres et suers de l'ospital des Quinze Vins à Paris (...) ou regard de l'exempcion dudit hospital de la jurisdiction et puissance dudit evesque (Fauq., II, 1421-1430, 209)