DILIGENT

adjectif

[T-L : diligent ; GDC : diligent ; AND : diligent ; FEW (III, 79b) : diligens ; TLF (VII, 216a) : diligent]

A. -[D'une pers., d'un aspect de la pers., de son comportement] Qui fait preuve d'un soin empressé, d'application, d'empressement, de zèle, actif, empressé, zélé.

Lors prist la dame une maniere Able, diligent et maniere De parler par si bel devis Qu'il estoit a chascun avis Qu'elle veïst tout en escript Ce qu'elle disoit et descript. (Mach., J. R. Nav., 1349, 185)

Guillaume, soiez tous certeins Que de droit y estes ateins ; Se n'en serons point negligens. Or soiez aussi diligens, Et puis maintenant vous levez Pour faire ce que vous devez Vers celui qui pour juge siet. (Mach., J. R. Nav., 1349, 275)

Aussi disoit Richiers qui estoit diligens, Et pour Regnaut querier qui n'ot point ses talens En aloit le bon roy par les estres laiens (Renaut Mont. B.N. V., c.1350-1400, 658-659)

Et s'on mesdit ou tu seras, En l'eure le rabateras, Car tels mesdit souvent d'autrui Qui a moult a mesdire en lui. Soies diligens et songneus, Qu'onques juenes homs paresseus Ne pot a haute honneur venir Ne son heritage tenir, Qu'il n'en perde ou qu'on ne li tole. (Mach., C. ami, 1357, 125)

Li roys ordena ses messages, Preudommes diligens et sages, Où raison et bonne foy a (Mach., P. Alex., p.1369, 52)

Si que li papes sagement, Dou gré dou roy, ordena là, Que de chascune ville ala Vers le soudan une personne Notable, diligent et bonne, Qu'estre doivent embassadeurs De la pais et mediateurs Entre le soudan et le roy, Qui se combat pour nostre foy. (Mach., P. Alex., p.1369, 221)

...de cuer diligent (Foul., Policrat. B., I, 1372, 89)

Et les servoit on si appertement que, se chascuns souhaitast ce qu'il voulsist oster ou avoir autre mès, si ne le peust on plus tost faire, dont chascuns s'esmerveilloit comment les servans estoient si diligens. (Arras, c.1392-1393, 40)

A Thierri se rendi qui en fu diligens, Car briefment le fist prendre et saisir par ses gens. (Cip. Vignevaux W., p.1400, 169)

Se leur office loyaument Font (...) sont diligens et songneux De faire en tous cas leur devoir, Preu et loz en doivent avoir (Chr. Piz., M.F., I, 1400-1403, 142)

Et oultre soient ordenez es pors et passages diligens explorateurs qui aient povoir d'executer ceste ordenance. (Baye, II, 1411-1417, 158)

La premiere [espèce de méditation] vient de admiracion, la seconde vient de soy congnoistre par diligente consideracion, la tierce des escriptures par bonne inquisicion... (Cib., p.1451, 183)

Car, soit pour chanter, soit pour dansser, sur tous les autres il est le plus diligent et le plus joieux, lever matin, dire ses heures, oïr messe devotement, aler a la chasse et au gibier, la ou les pouacres d'amours sont a dormir (La Sale, J.S., 1456, 24)

...ung procureur (...) avoit ung clerc habile et diligent et bien escripvant (C.n.n., c.1456-1467, 91)

...le mary de sa dame ne l'amoit pas mains que sa femme [une servante] , tant la trouvoit loyalle, bonne et diligente (C.n.n., c.1456-1467, 268)

...mon ouurouer (...) Ou j'ay eu les yeulx diligens (MART. D'AUV., La Dance des Femmes, éd. L. Götz, 1460-1508. In : Z. frz. Spr. Lit. 57, 1933, 322)

...puis estudia la theorique, et consequamment les jugemens et pratique d'iceulx, esquieulx il fut dilligent carculateur et vray disant. (Simon De Phares, Astrol., c.1494-1498, f° 138 r°)

Il nous fault estre deligens Puisque la chose est a ruÿne, Sans nous demonstrer negligens De louer l'essence divine (La Vigne, S.M., 1496, 431)

Et, en soy departant dudit Gillet, icelluy dist audit Voyau que, se ledit conte de Dampmartin estoit dilligent, il recouvreroit bien Saint-Morice. (Le Clerc, Interp. Roye, c.1502, 180)

Comme diligent

Or tost, com diligens, Escuier, un hanap prenez Et a chascun boire donnez (Mir. Pierre Changeur, c.1378, 288)

PREMIER SERGENT. De ce ferons con diligens Quanque pourrons. (Mir. st Alexis, 1382, 353)

Mal diligent

Messeigneurs, nous sejournons trop Et sommes tres mal diligens Que ne faisons armer noz gens (Gréban, Pass. J., c.1450, 234)

Non diligent

Mais par aventure, vouldroit aucun dire que un homme est bien de tele condicion que par ce il est non diligent. (Oresme, E.A., c.1370, 198)

Emploi substantival. Celui qui est actif, zélé.

Item, que toutes personnes qui auront a bailler requestes, qu'ils les baillent cette presente sepmaine et le plus tost que faire le pourront. (...) Toutesvoyes n'entent pas la cour que ès sepmaines ensuivantes bailler ne les puissent, mais les diligens seront preferés aux negligens. (Echiq. Normandie S., 1424, 112)

C'est a dire, mon ami : j'ay veus aucuns folz eulz excuser sur fortune : a peine trouveras que un diligent puist estre infortuné, mais tousjours verrez que de paresse et de infortune seront tousdiz acompaigniez. (La Sale, J.S., 1456, 24)

B. -Diligent à / de / pour + inf. Empressé de, appliqué à, attentif à + inf..

Diligent à + inf.

Je supply et enhorte a tous peres et meres et maistres que ilz soient diligens a faire confesser leurs enfans, et les enhortent a ne riens celer. (Gers., Concept., 1401, 429)

...le prince doibt sur toutes choses estre songneux et diligent a entendre et a savoir les commandemens de la loy divine... (La Sale, Sale D., 1451, 25)

LE PRINCIPAL. Par ce mignot que veez cy J'entens que mal estes contens, Et que par moy servir aussi Vous avez perdu vostre temps. Vous avez esté diligens A moy servir, je le scay bien. (Sots gard., a.1488, 111)

Diligent de + inf.

Se diligens es de bien faire... (Jean De Le Mote, Voie d'enfer P., 1340, 104)

Soiez diligens et soingneux De vivre adès de bien en miex (Mir. ev. N.D., c.1348, 67)

Et aussi moult bien me tenoie D'enchëoir en cause contraire De tout ce qui li devoit plaire, Sans nulle heure estre negligens, Mais toutes heures diligens De trés tous ses bons acomplir, Enteriner et raëmplir, Quant il en estoit lieus et temps... (Mach., D. Aler., a.1349, 277)

Se vous pri que vous en soiez Diligens de moy delivrer, Quant a ma sentence livrer. (Mach., J. R. Nav., 1349, 275)

PREMIER SERGENT. Soions de mouvoir diligens : Je vois devant. (Mir. femme, 1368, 220)

Et pour ce que les juenes gens Qui d'euls armer sont diligens, Si tost qu'il ont la teste armée, Chascuns cuide valoir Pompée Et font plus qu'on ne leur commande, S'il ne sont très bien en commande. (Mach., P. Alex., p.1369, 121)

Garnie estoit de bonnes gens, Qui sont songneus et diligens De serchier la mer et la terre Pour avoir honneur et acquerre. (Mach., P. Alex., p.1369, 144)

Et ainsi doit faire tout honme qui pour amour de philosophie est diligent et desirant d'avoir aucunes petites souffissances des choses dont nous avons tres grans doubtes. (Oresme, C.M., c.1377, 496)

...les XXX jours doyvent souffire aux parties qui seront diligentez et desirans de veoir la conclusion de leur querelle et proposicion, car pour trouver les testmoings et autres faisans a la cause qui par adventure pourront estre absens, la terre du dit seigneur de long et de le puet durer environ X journees, pourquoy les parties ne se puent excuser qu'ilz n'ayent assez terme s'ilz sont diligens. (Mézières, Songe vieil pèl. C., t.1, c.1386-1389, 493)

Et estoit diligens de faire le commant Que son père à le mort li ala enjoingnant (Geste ducs Bourg. K., c.1410-1419, 296)

...et me dist que je fusse dilligente de le bien nourrir (Percef. IV, R., c.1450 [c.1340], 530)

...il n'estoit pas mains diligent de servir et complaire a son maistre (C.n.n., c.1456-1467, 92)

Diligent pour + inf.

Pour tous venans atendre seront il diligens (Renaut Mont. B.N. V., c.1350-1400, 475)

...Que sans ariester soient tout prest et déligent Pour siervir le duc de Bourgongne au cors gent (Geste ducs Bourg. K., c.1410-1419, 431)

C. -Diligent de qqn. Attentif à qqn, qui prend soin de qqn.

J'ay cy trouvé ces bonnes gens Qui de moy sont si diligens, Si curieux et si soingneux Que chascun me fait qui miex miex. (Mir. Berthe, c.1373, 196)

Remarque : Sur l'usage adv. de ce mot, cf. H. Lewicka, La Dér., 1960, 259.