DEVIS

substantif masculin

[T-L : devis ; GD : devis1 ; AND : devise ; FEW (III, 109a) : *divisare ; TLF (VII, 114b) : devis]

A. -Division, partage, répartition.

Et si nulle alienacion ou devys par testament ou feffement se face as autres que as Engleis, soient mesmes les terres, tenementz et rentez issint alienéz ou deviséz seises en les meyns des ditz meires et aldermannes à tenir à eux et à lour successours al comune profit d'eulx et des burgeys de la communealté avant dite. (Hist. dr. munic. E., t.2, 1363, 364)

Séparation.

Remarque : Doc.1406 (ledevisde la Granche-Ste-Croix et de ladite maison) ds GD III, 701a.

Écart, différence.

Toutes troys sont semblables sans devis Et d'ung pouoir sans nulle difference. (Saint-gelais, Séj. honn. D., c.1490-1495, 237)

B. -Disposition établie ; plan, projet, description détaillée d'une construction à exécuter ; disposition que l'on prend, intention projet, souhait.

1.Disposition établie.

[Meriadec au duc de Bourgogne :] ...c'est emprinse de la plus novele et estrange fachon dont j'ay oÿ parler que de soy submettre au devis d'aultruy chapitres. Monsieur, c'est ung Alleman. Il ne convient pas qu'il s'en voist sans beste vendre. (Chastell., Chron. IV, D., c.1461-1472, 134)

[Messire Henry :] ...ce n'est pas emprinse que je porte. Mes ma dame m'a commandé a porter ce volet (...). Dont se nul me vouloit approchier en demandant quelque chose ce fust, je luy respondray et luy accompliray ses voulentéz au devis meismes de ses chapitres (Chastell., Chron. IV, D., c.1461-1472, 134)

Disposition particulière d'un acte, clause.

...les points et divis du mariage de noble damoiselle Elayne, fille d'icelui conte de Laval et de noble damme Ysabeau de Bretaigne (Cartul. Laval B., t.3, 1450, 133)

Remarque : Doc.1374 ds GD III, 701b.

2.Plan, projet.

Chascun doit faire son divis [var. devis] De ce qu'en cest monde a conquis (Dupin, Mélanc. L., c.1324-1340, 208)

Plan, projet, description détaillée d'une construction à exécuter.

...en deduccion de ce qui lui peut estre deu pour le devis, façon et matières d'un grant chariot de boys, garny de fer en plusieurs endroiz, par lui devisé et fait en la ville de Tours (Escouchy, Chron. B., t.3, Pièces justif., 1450, 381-382)

...l'édiffice de la quelle loge fu lors devisé et fut fait marchié de la maçonnerie, par ledit Cuer avec il qui parle et maistre André Bonicy, maistre maçon, présens maistre Estienne Petit, Jehan Nicolas et autres, lequel deviz et marchié fut rédigé et mis par escript et signé (Aff. Jacques Coeur M., 1453-1457, 219)

Par extension. Manière.

Par tel devis que. De telle façon que.

Et le second aussi a il a terre aprés mis (...) Mais le Ve vint a luy par tel devis Qu'il lui a son baston en deulx moitiés partis. (Galien D.B., c.1400-1500, 83)

Et sont la cituez [les statues des dieux] en somme Par telle maniere et divis, Que, s'il est terre ne pays Qui a l'empire contredise, Le dieu qui le pays divise Tourne le doz au dieu romain. (Myst. st Adr. P., c.1450-1485, 32)

Les poins li ont liiet li glout par tel devis Que li clers sans li est par les ongles salis. (Jourd. Blaye alex. M., a.1455, 47)

Sur le hëame a or le fiert par tel deviz Que tout pierez et flours en a a tiere mis (Jourd. Blaye alex. M., a.1455, 113)

Remarque : Flor. Octav. L., t.2, c.1400, 14023, 14849 var.

Comme par droit devis. Comme si c'était selon un plan exact, de belle manière, parfaitement.

...les jambes estoient faictes comme par droit devis (Ponthus Sidoine C., c.1400, 16)

3.Disposition que prend qqn, intention, projet, souhait.

Conforte toy et plus ne pleure, Car je vueil, ordonne et devis Qu'aies merci et ton devis. (Mach., F. am., c.1361, 201)

Et par eulx, et par leur devis Vi achevees maintes folles Emprises. (Chr. Piz., M.F., II, 1400-1403, 51)

Ce .V^e. chappittre de Prudence traitte des grans desvis que Theolomé Philoderfic avoit... (La Sale, Sale D., 1451, 25)

À devis. À souhait.

...estoient bel a devis De corps, de façon et de vis... (Mach., D. verg., a.1340, 21)

Quant Raisons ot conté tout son avis, Amours parla qui fu biaus a devis, Et gracieus de maniere et de vis, Et dist... (Mach., J. R. Beh., c.1340, 124)

De toutes les bestes les genres, Les grans, les moiennes, les menres, De tout ce qu'on doit bon clamer, Soit deça mer, soit dela mer, Avoit assés et a devis En vergier que ci vous devis. (Mach., D. Lyon, 1342, 162)

Si vous feroit riche a devis, Dame, se par vous estoit sain. (Mir. emper. Romme, 1369, 293)

En un vergier bel a devis Le mena, par gracïeux vueil (Chr. Piz., M.F., IV, 1400-1403, 57)

...richesses ont ilz a plenté, plaisances a devis. (La Sale, Salade, c.1442-1444, 97)

Chambre a devis, salles, haultes tourelles (La Vigne, V.N., p.1495, 178)

À droit/à grant devis

Il y avoit de biauté tant Qu'onques mais en jour de ma vie Ne vi haie mieus assevie En tous endrois, ne mieus ouvrée, Plus cointe, ne mieus ordenée ; Tant estoit bele a grant devis, Si qu'on ne puet, ce m'est avis, Nulle chose mieus ordener. (Mach., D. Aler., a.1349, 392)

De gentils gens estoit servis, Preus et apers a grant devis, Et avoit en sa compaingnie De moult noble chevalerie, A qui riches robes donnoit. (Mach., J. R. Nav., 1349, 213)

Qu'à mon avis Yes assevis, A droit devis, De riche honneur et chiere, Et de ton vis, Qu'à veoir devis, Fu, ce m'est vis, Nature bonne ouvriere. (Mach., Les lays, 1377, 356)

Selon le devis. À souhait ?.

SOTIN. Ce sont canetons seurement. MAISTRE ALIBORUM. C'est parlay selon le devis. (Sots Magn., a.1488, 203)

Au devis (de qqn) / à droit devis. Selon le souhait de qqn, au gré de qqn.

Lors fu a bon port arrivez, Quant einsi me vi assevis A mon gré et a mon devis, Si bien comme il le couvenoit. (Mach., D. Aler., a.1349, 265)

LA CHAMBERIERE. (...) Je ne le feray mie envis, Mais a tout vostre plain devis. (Mir. enf. ress., 1353, 30)

Et s'il avient que vous ne m'amez mie, Ou que veuilliez estre a un autre amie, Ou que soiez a mon cuer anemie, Je sui honnis. En vous en est et a vostre devis. (Mach., F. am., c.1361, 155)

Mais se j'eüsse l'abondance De tous les biens qui sont en France, Voire, par Dieu, de Lombardie, (...) Ne fuisse je pas assevis Ne saoulés a mon devis, Quant veoir ne pooie celle Qui est de tous les biens ancelle. (Mach., Voir, 1364, 312)

L'ESCUIER. Sire, or soit a vostre devis (Mir. emper. Romme, 1369, 262)

Gente de corps et tres bele de vis, Vraie de cuer, d'onneur la souvereinne, Ymage à droit parfaite, à mon devis, La grant bonté de vous, entiere et seinne, Le scens, le pris, la maniere certeinne Et vo douceur vous font estre en ce monde M'amour premiers et ma dame seconde. (Mach., L. dames, 1377, 157)

J'ay fait faire a mon devis Qu'il ont samblé estre revis Pour les crestïens decevoir (Jour Jug. R., c.1380-1400, 239)

Atant evous Glaude et sa route qui venoient a effort par my la charriere et bien cuidoient monter la montaigne a leur deviz. (Arras, c.1392-1393, 202)

Si meurt tout vis Homme jaloux comme en enfer havis, Quant voit qu'esbas ou festes ou convis S'entreprennent si non a son devis. Les gens le fuyent, Ses dis mordent, ses parolles ennuyent ; Tous s'en farsent et le moquent et huyent. (Chart., D. Fort., 1412-1413, 186)

Le sauldain (...) commanda que l'om lui baillast ung bon paleffrain et d'argent ce qu'il demanderoit, et que l'om luy fist lettres [de recommendation] a son devis. (La Cépède, Paris Vienne K., 1432, 258)

Il vous baillera de ses gens Comme de lui sens et entens, Ainsi que lui avez requis, Pour vous servir a droit devis. (RENÉ D'ANJOU, Cuer am. espris W., 1457, 181)

[Le chevalier allemand :] ...se vous ou aultres, a celle cause, me veulliez demander riens ou faire approce d'aulcune chose, je suis celuy qui par commandement de ma dame et de bon vouloir le parfurniray a son propre devis. (Chastell., Chron. IV, D., c.1461-1472, 137)

4.[Idée dominante d'examen] Estimation, appréciation.

Chier frére, g'y fas tel devis : Se li alons merci requerre, De son royaume et de la terre Que nous tenons joir voulra, Et toute la nous ostera (Mir. ste Bauth., c.1376, 124)

Et de combien ay je mespris A parler, qu'il vous soit advis ? Par amour, faites m'en devis, Que je le sache. (Mir. Pierre Changeur, c.1378, 259)

À son devis. À son avis.

LA DAMOISELLE. Car, Dieu mercy, je ne say femme A qui Diex ait plus belle grace Fait qu'il vous a en po d'espace, Ce m'est avis. LA MÉRE AU PAPE. Belle, certes, a mon devis (Mir. mère pape, c.1355, 350)

5.Faire un devis à qqn. Faire une recommandation à qqn.

...fait m'avez le devis Qu'a mon oncle en Grenade voise (Mir. Oton, c.1370, 357)

C. -Description ; propos, discours.

1.Description.

J'ay ci assez, ce m'est avis, Fait de l'alerion devis, Comparé aus honneurs de dame Et d'amant qui sans nul diffame Vorroit amoureusement vivre. (Mach., D. Aler., a.1349, 333)

Lors li dis je : 'Biaus dous amis, Mais vous m'en faites le devis Qui congnoissez de moult de choses Les apparans et les encloses ; Souvent en estes a l'essay, C'est une chose que bien say.' (Mach., J. R. Nav., 1349, 277)

2.Propos, discours.

Lors prist la dame une maniere Able, diligent et maniere De parler par si bel devis Qu'il estoit a chascun avis Qu'elle veïst tout en escript Ce qu'elle disoit et descript. (Mach., J. R. Nav., 1349, 185)

Si estoit cil marquis Gautier Beau de corps, fort, preu et legier, Noble de sanc et de lignie (...) Si n'est pas mestier que j'en face Quant a present plus long devis. (Gris., 1395, 3)

L'autre dist, qui dormir vouloit Et a dormir avoit apris, Ne de devis ne lui chaloit Car de sommeil estoit espris : 'Frere, se vous avez empris De veiller a voustre loysir, Les autres n'y sont pas compris. Face chascun a son plaisir'. (Chart., D. Rev., a.1424, 307)

...sy estoit de sa personne tant entrant et beau langagier que jamais son devis n'eust ennuyé (Comte Artois S., c.1453-1467, 64)

...nostre curé (...) oyoit ces bons devis qui a sa cause se faisoient. (C.n.n., c.1456-1467, 445)

Et aprés plusieurs parolles et devis, le dit marquis print congié (La Vigne, V.N., p.1495, 309)

Charles escoutoit voluntiers le devis de la damoiselle ; et en luy disant ces choses, elle le regardoit (Charles de Hongrie C., c.1495-1498, 51)

Entrer en devis. Prendre la parole.

Puisque parler me fault par indivis, Tresvoluntiers je m'en acquiteré Et pour entrer le premier en devis, En rien qui soit je ne m'espenteré (La Vigne, S.M., 1496, 156)

Faire un devis. Tenir un discours.

Dame, fait avez un devis Ou ma grant deshonneur moustrez, Mais li procès n'est pas outrez, Ne mis en fourme justement. (Mach., J. R. Nav., 1349, 166)

Faire le devis de qqc. Exposer qqc..

...biau niez, de ton avis Me fais ci endroit le devis (Mir. march. larr., c.1349, 98)

...doulce vierge, deceu M'avez malement (...) Par vostre biauté dont devis Ne peut estre fais (Mir. emp. Julien, 1351, 222)

Sans plus devis/sans plus faire devis. Sans plus parler.

LE CHEVALIER. Bourrel, sanz plus faire devis, Puis que tu as cy fait, va t'en. (Mir. enf. ress., 1353, 74)

Or tost, sanz plus faire devis... (Mir. st Val., c.1367, 158)

Mon chier seigneur, sanz plus devis, Vez ci de voz bourgois partie Qui touz sont venuz a atie A vostre mant. (Mir. Oton, c.1370, 325)

Sans long devis. Sans plus parler.

Accop, galans, sans long devis, Advansés ; faictes vostre office ! (Pass. Auv., 1477, 195)

Mot, adage.

Pour quoy son pesant d'or valoit Plus de cent fois, ce m'iert avis. Se m'en raporte a un devis Le quel de bonne amour reclaim : 'Tant vaut mes chevaus com je l'aim...' (Mach., D. Aler., a.1349, 276)