DESPLAIRE

verbe

[T-L : desplaire ; GDC : desplaire ; AND : desplere ; DECT : desplaire ; FEW (IX, 3b) : placere ; TLF (VI, 1159a) : déplaire]

A. -Être désagréable à qqn, être source d'irritation, de mécontentement pour qqn.

1.[D'une chose]

a)Desplaire à qqn

Car on doit sa dame doubter, Et li de courrous eschever, N'on ne li doit dire ne faire Chose qui li puisse desplaire. (Mach., D. verg., a.1340, 51)

...s'il euist longuement vescu (...) il eust fait moult de biens en son temps, et luy desplaisoit grandement le scisme de l'Eglise, et bien le me dist (Froiss., Chron. M., XIV, c.1375-1400, 159)

Et Gieffroy lui demande ou son pere est, et cil lui dist : Lassus, en cel hermitage, ou il en a VIJ. contremont celle falize, ou il estoit le IIIJe. Mais, monseigneur, huy mais ne povez vous parler a lui. Mais demain, au matin, y parlerez vous. Par foy, dist Gieffroy, ce me desplaist. Mais puis qu'il fault qu'ainsi soit, il s'en fault passer. (Arras, c.1392-1393, 276)

Et moy qui vueil ma seignourie En paix tenir, pour leur parler Avec eulz fault obtemperer, Descendant a l'opinïon D'autrui et a la moye non, Et de nostre fille ce faire Que rien plus ne me puet desplaire Ne faire au cuer plus de doleur. (Gris., 1395, 52)

Et tous autres telz excez faire Qui peuent à Nature desplaire, Et, s'aucuns Maistres de Phisique Défense font, en leur pratique, De travail en ce temps emprendre, Il est à savoir et entendre Qu'ilz l'entendent de superflue (La Haye, P. peste, 1426, 85)

Et tous autres telz excez faire Qui peuent à Nature desplaire, Et, s'aucuns Maistres de Phisique Défense font, en leur pratique, De travail en ce temps emprendre, Il est à savoir et entendre Qu'ilz l'entendent de superflue (La Haye, P. peste, 1426, 85)

Si me tiennent pour excusé ceulx qui verront ceste presente espitre, se il y a chose qui leur desplaise (Juv. Urs., Aud. celi, 1435, 277)

Les gens du cappitaine et ses officiers prindrent le prisonnier, en disant qu'il estoit leur acquis ; sur quoy, le Jouvencel fut bien dolent ; car il n'eust voulu faire chose qui eust despleu au cappitaine, et aussy celluy à qui estoit le prisonnier estoit ung vaillant homme, et aussy de paour de faillir à faire justice juste. (Bueil, II, 1461-1466, 9)

Et davantaige la plus humayne et doulce parolle d'homme que jamais fut estoit la sienne ; car je croy que jamais à homme ne dist chose qui luy deüst desplaire. (Comm., III, 1495-1498, 313)

Peser à qqn.

Riens ne me puet anuier ne desplaire Que je puisse pour ma dame endurer, Fors tant que loing de son plaisant viaire, Sans joie avoir, me convient demourer. (Mach., L. dames, 1377, 43)

Ainsi tout bien cesseroit Et vivre nous desplairoit ; Et diroit Chascun que mieulz ameroit Mort que douleurs telles. (Chart., L. Plais., c.1412, 152)

Et queulx gens d'armes avons nous En la frontiere, se Dieu plaist ? Il me semble qu'ilz fuyent tous La guerrë ; elle leur desplait ! (Chart., D. Her., p.1415, 432)

LE CHRESTIEN commence. (...) Quant je pense en ce tres dur affaire, Sans plus braire, me vousisse deffaire, Car contraire voy Malheur sur moy traire Et atraire sans estre soulassé. Las, sans soulas voy l'orrible viaire Se pourtraire, que point ne me peut plaire ! Dont ma vie me commence a deplaire, Considéré le cours du temps passé. (Mir. st Nic. juif, c.1480-1500, 73)

Causer du chagrin à qqn.

...toutesvoies lui deplust moult son trespas et complaignoit durement sa mort, pour cause que fils estoit de son cousin germain le duc de Austrice, eslu empereur, et pour cause aussi que grant dammage estoit de perdre un tel jeusne prince (Chastell., Chron. K., t.3, c.1456-1471, 383)

La chouse luy doit bien desplaire, Car amere Est la mort d'un homme parfait (Pass. Auv., 1477, 109)

Emploi absolu.

Être désagréable.

Riens ne me puet annuier ne desplaire Que je puisse pour ma dame sentir, Quar la douçour de son tres dous viaire Fait doucement mes doulz maus adoucir (Mach., L. dames, 1377, 233)

Peser.

Nequedent on monstra bien depuis ens ou royaulme que les deffiances desplaisoient et que on vouloit que il fust amendé, et que le duc de Guerles s'excusast des impetueuses parolles que en la deffiance estoient continues (Froiss., Chron. M., XIV, c.1375-1400, 229)

Susciter la désapprobation.

Car quant est de chose faite pour ignorance, quelconque elle soit, combien que elle ne desplaise pas aprés, si ne puet l'en pas dire que elle soit faite de volenté, puisque l'en ne le savoit et ainsi elle n'est pas voluntaire. (Oresme, E.A., c.1370, 179)

b)Participe présent en emploi adjectival.

Desplaisant à qqn. Qui mécontente, irrite qqn.

Et vous di que messires Bertrans de Claiequin fu durement courouchiés de la mort messire Selevestre Bude, son cousin, sus le pappe et les cardinaulx, et, se il euist vesqui longuement, il leur euist remonstré ou fait remonstrer que la mort de li li estoit desplaissans. (Froiss., Chron. R., IX, c.1375-1400, 158)

Et dissoient que on leur avoit fait et porté grant damage en leurs terres, lesquels coses leur estoient desplaissans et à tous leurs amis, et s'en contrevengeroient, quant il poroient. (Froiss., Chron. R., XI, c.1375-1400, 173)

Et dit le dit Gervaise qu'il creoit que ce soit par aucuns meffaiz secrez au monde et desplaisans a Dieu pourquoy il les punist si secretement en ces miseres que nulz n'en a congnoissance fors lui. (Arras, c.1392-1393, 4)

De ce ne vous vueil plus faire mencion, mais je vous supply a tous, se j'ay dit chose en ceste histoire qui vous soit ennuyeuse ou desplaisant, que vous m'en veulliez tenir pour excusé, et especialment a mon tres redoubté seigneur et a ma tres redoubtee dame, sa noble serour. (Arras, c.1392-1393, 311)

Mais l'orgueil de ces habiz dessusdiz fait un aultre oultrage, certes moult desplaisant a dieu a qui y vise, c'est le harnois que, assez en y a font, quant sont aux compaignies, aux nopces ou aultres assemblees de femmes, d'aler l'une devant l'aultre. (Chr. Piz., Trois vertus W.H., c.1405, 160)

...car c'est une chose moult desplaisant a Dieu, et pensés que par voz pechiez Dieu vous pugnist. (Juv. Urs., T. rever., 1433, 80)

Et quant le chevalier eust bien penssé a ces grans delis mondains, qui trestant estoient desplaisans a Jhesucrist Nostre Sauveur qui l'avoit de honneur tant bienheuré (La Sale, Salade, c.1442-1444, 97)

Nicodemus, je pressuppose Que nous ne facions nulle chose Que desplaisante soit a Dieu, De vouloir que ce corps reppose En terre qu'est si villain lieu ? (Pass. Auv., 1477, 259)

Qui n'est pas au goût de qqn.

Le roy de Castille estoit laid, et ses habillemens desplaisans aux François qui s'en mocquoyent. (Comm., I, 1489-1491, 137)

Emploi absolu. Désagréable, pénible.

...l'esperit seuffre peine en songiant choses merencolieuses et desplaisans (Bouciquaut L., 1406-1409, 434)

...qui est cil ou celle, quelque grant qu'il soit, qui vanter se puist de passer sa vie ou sans diverses maladies, ou sans grant travail de corps et occupacion de pensée, ou sans aucune desplaisant subjection et soussy en quelque guise où il ait maintes amertumes et desplaisans ennuis ? (Chr. Piz., P.V.H., 1416-1418, 25)

De tant plus que Dieu et Nature Ont fait plaisir d'amours plus hault, Tant plus aspre en est la pointure Et plus desplaisant le deffault. (Chart., B. Dame, 1424, 342)

Aussi qui a réplétion Et veult faire purgation D'umeurs grosses et desplaisans, Espesses, crues et pesans, Se peut baignier en eaue chaude, Sans mesprendre ne faire fraude, Avant son corps purifier (La Haye, P. peste, 1426, 86)

En ceste dolente et triste pensee, qui tousjours se presente a mon cueur et m'acompaigne au lever et au couchier, dont lez nuys me sont longues, et ma vie ennuieuse, ay ja par long temps travaillié et foullé mon petit entendement, qui tant est surprins et environné de desplaisans frenesies, que je ne le puis exploicter a chose dont me vienge liesse ne confort. (Chart., L. Esp., c.1429-1430, 3)

...ainsi passa la sa desplaisante vye et y finant ses darrains jours. (La Sale, Sale D., 1451, 257)

Dont, par ce, le vray amoreux, tel que je dy, pour acquerir la tres desiree grace de sa tresbelle dame, toutes les acomplist et laisse ce tres desplaisant pechié d'avarice et se acompaigne avec celle tresdoulce et tres amiable vertu de largesse, qui est amie de Dieu et honnoree du monde, et par ainsin est il sauvé. (La Sale, J.S., 1456, 23)

Injuste, mauvais.

...ces armes desplaisantes que voullez faire ne sont fondées sur aucune bonne querelle ne pour faire service à Dieu ne à homme, et l'envie que on y a ne vault riens ; car elle procede d'orgueil ou d'autre vice (Bueil, II, 1461-1466, 104)

2.[D'une personne, d'un aspect de la personne]

a)Desplaire à qqn. Contrarier, mécontenter, irriter qqn.

Sire, pour ce que ce prophete, Jehan babtiste, qu'en prison est, Ad moy et a ma mere desplait, En ce plat donnés moy sa teste ! (Pass. Auv., 1477, 96)

Las, rumprey je mon jurement ? En riens ne vous vouldroye desplaire. (Pass. Auv., 1477, 96)

Ledict monsr Charles craignoit desplaire audict duc de Bourgongne (Comm., I, 1489-1491, 170)

...et si fault changer mainte coustume et forme de vivre à telle mutation, car ce qui plaist à ung roy desplaist à l'autre. (Comm., III, 1495-1498, 300)

Tousjours mon cueur vous complaira Në en rien ne vous desplaira (La Vigne, S.M., 1496, 211)

Ne plus plaire à qqn, ne plus paraître assez beau à regarder.

Du tiers dist saint Ambrose, et recite aussi ses paroles saint Augustin ou livre de la Doctrine christienne : 'Apréz surviennent les embrasemens dez vices aux fenmes lors que elles quierent diversez couleurs pour paindre leurs viairez, quant elles doubtent desplaire a leurs maris' (Daudin, De la erudition H., c.1360-1380, 411)

Emploi absolu.

Si m'en dueil, Quant ne sueil Plaire, Ne fais que desplaire. Helas ! ce m'a mort. (Mach., Les lays, 1377, 318)

...et advient souvent que, par cuider complaire, on desplait. (Bueil, I, 1461-1466, 48)

b)Desplaisant

Desplaisant de qqc.

Mécontent, fâché de qqc..

Ladicte dame Françoise, très déplaisante de tout son coeur de la cruelle occision et inhumaine mort ensuivie en la personne dudict fei monseigneur Gilles (Cartul. Laval B., t.5, 1350, 88)

Dont les gens de justice du Conseil du Roy et de monseigneur de Bourgongne et les notables bourgois de Paris furent moult courouciez et desplaisans de ladicte commocion et de tout ce qui en estoit advenu (Fauq., I, 1417-1420, 152)

...et estoyt [le roi] tres doulant et desplaisant des manieres que il veoit tenir a aucuns qui estoyent a l'environ de luy (Juv. Urs., T. rever., 1433, 59)

Noz amez et fealx, nous avons receu voz lettres faisans mencion des grans exces et dommaiges que dictes estre faiz es pays de beau frere de Bourgoigne par ceulx de Montbeliart et les gens du bastart d'Armignac dont, se ainsi est, sommes tres desplaisans et pour riens ne le vouldrions souffrir (Ecorch. Ch. VII, T., 1438-1451, 31)

...tout le couvent en set tres desplaisant et couroucié (La Sale, J.S., 1456, 285)

Et ne fait pas à demander si le duc de Bourgoingne et le conte de Charrolois furent desplaisans de ceste male aventure, avec toute la chevallerie et communauté de l'armée (La Marche, Mém., II, c.1470, 311)

Ce qui fut faict, et en trouva assez et largement, et peut on legierement croyre que les Angloix, anciens ennemis du royaulme de France, ne furent pas desplaisans de l'inconvenient advenu (La Marche, Mém., I, c.1470, 202)

...ce que ledit Mynault ne voult faire, disant qu'il estoit malade et ne povoit aller audit voyage, dont ledit suppliant fut fort desplaisant. (Doc. Poitou G., t.12, 1480, 378)

Une chose ont-ilz assez honneste, selon leur mauvaistié : car à la personne de leur prince ne toucheroient-ilz jamais, et les bourgeois et les notables sont très bonnes gens et très desplaisans de la follie du peuple. (Comm., I, 1489-1491, 119)

Affligé, malheureux de qqc..

Qui se doulousoit le plus fort ? Chascun y mettoit son effort, Chascun souhaittoit estre mort, Tant furent du cas desplaisans. (Vie st Eust. 2 P., c.1400-1450, 201)

Qui regrette (d'avoir fait telle chose).

Et il soit ainsi que puis nagaires lesdiz compaignons, mieulx advertiz que paravant n'ont esté et, comme il est vraysemblable, desplaisans de leur meffait (Chancell. Henri VI, L., t.2, 1434, 273)

'...que de vostre grâce il vous plaise me le pardonner et me recevoir en grâce et en mercy, car j'en suis desplaisant de tout mon coeur et jamais jour que je vive, plus ne m'aviendra.' (Chastell., Chron. K., t.3, c.1456-1471, 293)

Et, pour ce que injustement avoient tué Esope, furent moult desplaisans et en edifierent ung temple. (Macho, Esope R., c.1480, 75)

Desplaisant de + inf.

Fâché de.

Le prieur, desplaisant d'estre empesché a ce coup par cest yvroigne, respond... (C.n.n., c.1456-1467, 60)

Et ay depuis entendu que le Souldan, les Roys et princes sarrazins furent moult desplaisans de l'avoir souffert, et fait à croire que loing sejour luy causoit prejudice. (La Marche, Mém., I, c.1470, 33)

Désolé de.

LA FILLE. Las, Pere et Mere, en verité Desplaisant suis amerement De vous veoir en tel povreté Encourir si treslonguement. (Myst. jeune fille L., c.1413-1445 [c.1530], 10)

Desplaisant à qqn. Hostile à qqn, plein de ressentiment contre qqn.

Cils Jehans Lions fu si très bien dou conte qu'il aparut, car li contes l'ensonnia de faire ochire un homme en Gand, qui li estoit contraires et desplaissans. (Froiss., Chron. R., IX, c.1375-1400, 160)

...Ainsi l'envieux tousjours art Du feu d'envie de toute part. Pour ce appert que desplaisant Est a Dieu et moult enviant. (CH. D'ORLÉANS, L. péché C., 1404, 547)

Desplaisant que/de ce que

Contrarié, fâché de ce que.

Car elle luy dist qu'elle estoit trop desplaisante qu'il estoit si petitement fourny de cela que vous savez, c'est asavoir du baston de quoy on plante les hommes, comme dit Bocace. (C.n.n., c.1456-1467, 471)

Tous furent de l'oppinion du viel cappitaine de Crathor et dirent au conte que force lui estoit de ainsi le faire, dont le conte fut bien desplaisant qu'il ne povoit entreprendre aucune chose sur ses ennemis. Mais force luy estoit d'estre de la plus grant oppinion. (Bueil, II, 1461-1466, 3)

Qui regrette que.

'Beaux oncles, je vous amaine beau-frère de Charrolois, lequel est amèrement desplaisant de ce qu'il vous a courchié et s'en repent de tout son coeur...' (Chastell., Chron. K., t.3, c.1456-1471, 292)

Et, pour ce qu'ilz n'avoyent esté jamais en subjection, leur estoit grant charge de estre en servitude, dont ilz furent doulent et desplaisans de ce qu'ilz avoient demandé roy. (Macho, Esope R., c.1480, 94)

Peiné, affligé de ce que.

Et le damoisel chevauchoit, mout desplaisant de ce qu'il ne trouvoit chevalier qui adouber le peust. (Percef. IV, R., c.1450 [c.1340], 910)

Comment le conte d'Artois fu desplaisant qu'il ne pooit avoir generacion de sa char, se party de son pais (Comte Artois S., c.1453-1467, 23)

Emploi absolu.

Mécontent, irrité, fâché.

...et lors comme impatient et desplaisant rassembla gens comme devant et fist de rechief malx merveilleux. (Juv. Urs., T. crest., c.1446, 63)

Madame, si trescourroucée et si desplaisante que plus ne povoit, demanda au musnier s'il n'avoit pas veu son dyamant. (C.n.n., c.1456-1467, 44)

Madame, qui le vit en ce point et dangier, fut tres desplaisante et mal contente. (C.n.n., c.1456-1467, 280)

Seigneurs, par tout Jherusalem On dit qu'estes fort desplaisans Et tristes, contre moy disans Que j'ay mespris et fait abus Au seveliment de Jhesus. (Pass. Auv., 1477, 267)

Affligé, accablé.

Or la lisez S'il vous plaist, afin que disez De bouche, ou au moins escripsez, Laquele plus triste eslisez De quatre amantes, Dames belles, bonnes, savantes, Qui sont tristes et desplaisantes Et de leur debat requerantes Vostre sentence. (Chart., L. Dames, 1416, 303)

Et en son aaige de douze ans, Ses parens, matz et desplaisans En Jherusalem le perdirent (Gréban, Pass. J., c.1450, 136)

S'elle fut dolente et desplaisant[e], ja n'est n'est mestier d'en faire enqueste (C.n.n., c.1456-1467, 570)

Et sans plus mot dire, combien qu'il avesprissoit fort, il s'en ala hors de la cité a l'adventure, tant desplaisant qu'il ne sçavoit que devenir. Quant les dames veyrent Jason ainsy departir tout seulet et considererent son maintien, elles dirent l'une a l'autre qu'il n'avoit pas le cuer au large. (LEFÈVRE (R.), Hist. Jason P., c.1460, 152)

...sa fille la royne Ysabel, vesve dudit feu roy Richard, laquelle il scentoit estre esseulee et bien desplaisante entre les mains de ceulz quy piteusement avoient fait murdrir son mary (Wavrin, Chron. H., t.2, p.1471, 53)

B. -Emploi impersonnel.

1.Il desplait à qqn

a)[...de qqc./de qqn]

Être irrité, fâché à cause de qqc., ne pas être content de qqc..

Et ceulz qui ne dient onques aucune chose risible et avecques ce il sont molestés a ceulz qui les dient et leur en desplaist, telz sont appeléz aggrestes et durs. (Oresme, E.A., c.1370, 270)

Estat deust mener de conte (...) Et il n'est que robeur de gens, Dont il m'ennuie et me deplaist. (Mir. Rob. Dyable, c.1375, 4)

...et celles [lettres closes] dudit evesque contenoient que ledit evesque ne oppressast en aucune maniere le pappe ou ledit mons. de Berry de vouloir avoir icelle arcevesché, et que s'il faisoit le contraire, il en desplairoit au roy. (Reg. crim. Chât., I, 1389-1392, 525)

Et le chappleiz fu fiers et l'occision de une part et d'autre, car le roy d'Ausaiz ravigoure ses gens et rent grant cuer, et a son poindre fait grant dommage aux Poictevins. Anthoine appercoit le dommage que le roy lui faisoit ; si lui en despleut moult. (Arras, c.1392-1393, 162)

...la capitainne messire Piere de Charcasonne i fu mors ; dont il en desplaisi grandement au conte de Hainnau (Froiss., Chron. D., p.1400, 428)

...et lui dirent que aucuns de l'Université avoient mespriz en son hostel, et leur en desplaisoit, et les puniroient (Baye, I, 1400-1410, 106)

Et le duc Baudouyn manda au Jouvencel que (...) il ne luy povoit pas acomplir pour ceste heure ce qu'il lui demandoit, dont bien luy desplaisoit (Bueil, II, 1461-1466, 90)

Toutesfois y vindrent de grans personnaiges, comme le duc de Bourbon, son frère le cardinal de Bourbon, le conte de Sainct Pol, connestable, qui en riens ne s'estoit meslé de ceste venue, mais luy en desplaisoit, car pour lors le cueur luy estoit creü et ne se trouvoit pas humble envers ledict duc comme autresfois, et pour ceste cause n'y avoit nulle amour entre les deux. (Comm., I, 1489-1491, 126)

...et y aida bien le duc, car il luy desplaisoit de ceste grand auctorité que le conte de Warvic avoit en Angleterre (Comm., I, 1489-1491, 193)

Regretter qqc..

...et tu doys estre apris que pechié se oste pour dire a Dieu trois veritez. La premiere : j'ay pechié. La seconde : il m'en desplaist. La tierce : je m'en garderay et confesseray. (Gers., Déf., 1400, 230)

[...de qqn] Avoir de l'antipathie pour qqn.

Au vassal despleut du herault Dont il parle si haultement, Mais au vieillart petit [en] chault. (Chart., D. Her., p.1415, 424)

b)[...à/de + inf.]

Être chagriné de.

Le bon chevalier, a qui desplaisoit d'oyr telles nouvelles, demandoit s'il y avoit nul remede pour le garir. (C.n.n., c.1456-1467, 503)

Être vexé de.

'Vous dirés au roy que il ne luy deplaise de savoir mon nom. Car j'ay fait veu de ne le dire a nul. Mais dittes luy que je suis ung pouvre chevalier de France qui cerche le monde comme chevalier errant...' (Belle Maguel. C., 1453, 6)

Supporter difficilement de.

...nous sommes grevés (...) tellement que il nous ennuye et desplaist a vivre (Juv. Urs., Loquar, 1440, 304)

Être ennuyé de.

Il me desplaisoit fort de partir que je ne meïsse en train de reprendre ceste paix ; et veoye les maulx que vous ay dict et approucher l'yver. (Comm., III, 1495-1498, 224)

c)[...de ce que + sub.]

Être mécontent de ce que.

LE JUGE. Par m'ame, dame, il me desplaist Qu'il le me convient faire ainsi. (Mir. enf. ress., 1353, 39)

...moult me deplaist De ce que mon nepveu (...) Met si a non chaloir le sien (Mir. chan., c.1361, 141)

...li rois Phelippes (...) n'en faisoit compte, reservé ce que il li desplaisoit trop grandement de ce que li voiages d'outre mer en seroit retardés (Froiss., Chron. D., p.1400, 260)

...et la monstra bien Dieu que il luy desplaisoit de ce que il [le roi Henri] perturboit ainsi ma terre. (Juv. Urs., Aud. celi, 1435, 197)

... [ berger] laissa la bergiere faire son chapellet, a qui bien desplaisoit de ce qu'il la laisoit oyseuse. (C.n.n., c.1456-1467, 484)

...et puisque remede n'y avoit de les combatre (...) le mieulx estoit de s'en retourner à Crathor (...) Ainsi furent tous de ceste oppinion. Mais bien desplaisoit au conte de Parvanchières qu'il ne faisoit mieulx. Mais force lui feust de le faire ainsi. (Bueil, I, 1461-1466, 217)

Va t'an la teste a Jehan coper ! Je l'ay juré ; il m'en desplait. (Pass. Auv., 1477, 97)

Et ce jour propre vint au devant d'eulx le conte de Campobache achever son entreprinse et se rendit des leurs avec environ huyt vingtz hommes d'armes ; et luy desplaisoit bien que pis n'avoit peu faire à sondict maistre. (Comm., II, 1489-1491, 149)

Regretter de (devoir faire qqc.).

Bien me desplait que te martrye Pour les grans vertus que tu as. Pardonne moy, Jehan, je t'en prye ! (Pass. Auv., 1477, 100)

[...quand/si + sub.] Etre contrarié quand/si.

Et par ma foi, il ne me desplaist point se vous [en] envoiés [des rondelets] a autres que moi, car chose qui vous plaist ne me porroit desplaire, mais qu'il vous plaise que je les aie la premiere. (Mach., Voir, 1364, 434)

Mais je seuffre maint doloreux tourment, Quant à mon gré je ne vous voy souvent, Et me desplait quant me fault vous escrire (CH. D'ORLÉANS, Ball. C., c.1415-1457, 37)

2.Emploi absolu. Être contrarié.

LE MARQUIS. Se sceüssiez qu'il me desplait, Ja prié ne m'en eüssiez [de me marier] , Car puis que je seray lïez, Petit avray de bon plaisir. (Gris., 1395, 13)

Prince du lis, qui a tout bien complest, Que pansés vous comment il me deplaist, Quant je ne puis venir a mon entente [rembourser le prince] ! Bien m'entendez, aydés moy, s'il vous plaist, Vous n'y perdrés seullement que l'attente. (Villon, Poèmes variés R.H., c.1456-1463, 51)

[Par litote] Il ne deplaist pas à qqn. Cela convient bien à qqn.

JANICOLA (...) Ma fille, il ne me desplaist point, Ains as bien dit et bien m'agree (Gris., 1395, 34)

JANICOLA. Chiere fille, ne me desplaist ; Ains est bien raison que g'y aille [chez le marquis] (Gris., 1395, 35)

3.[Tournures figées]

a)[Formule de politesse] Ne vous/te desplaise ; (il/ qu'il) ne vous (en) veuille desplaire. Que cela ne vous fâche pas.

Damoiselle, ne vous desplaise, Se je vous resgarde a mon aise, Car pas ne vous hé si forment Com je vous regart laidement ; Et se ma parole est diverse, Bons cherretons est qui ne verse. (Mach., J. R. Nav., 1349, 244)

Seigneurs, ne vous vueille desplaire, Vous orrez ce que je vueil dire. (Mir. st J. Paulu, c.1372, 142)

A ces mots monta l'escuier amont, pour lui encoires mieulx adviser, et le salua et vey tantost que sa entente estoit voire ; mais il se faindy et tourna sa parolle aultrement, et dist : 'Dieu gart le preud'omme. Ne vous desplaise, biaux maistres, je cuidoie trouver ung mien fremier d'Excesses, car trop bien vous le ressamblez.' (Froiss., Chron. M., XIV, c.1375-1400, 54)

Or ça, je vien, ne vous deplaise. (Mir. st Alexis, 1382, 309)

Chiere dame, je suis contrains De ceste fille vous oster Et d'icelle o moy emporter, Pour faire et acomplir briefment Du marquis le commandement. Si ne vous en vueille desplaire. (Gris., 1395, 54)

Mon seigneur, je vous prie ! Car il ne vous vueille desplaire, Pour Dieu, chouse que [je] vous die, Car je ne m'en puis ne doy taire ! (Chart., D. Her., p.1415, 422)

Le petit Saintré, comme josne enfant, innocent et plain de honte, voult la boursse reffuser en disant : 'Ma dame, je vous en remercie, ne vous desplaise.' (La Sale, J.S., 1456, 50)

LE BERGIER. Mais qu'il ne vous vueille desplaire, Ne sçay quel vestu de roié, Mon bon seigneur, tout deroié, Qui tenoit ung fouet sans corde, M'a dit... (Path. D., c.1456-1469, 140)

Ne vous desplaise, Mes je croy qu'il y vouldroit estre. (Pass. Auv., 1477, 211)

MEHAULT. Rifflart, doulx amy debonnaire, Mais qu'i ne vous vueile desplaire, Je vous diray ma conscience. (C. Riffl., c.1480-1520, 58)

Ne te desplaise/ne vous veuille desplaire si + sub.

Et ne vous vueille desplaire se je vous ay ceste adventure amenteue, car c'est pour raison de l'istoire de quoy je pense a traictier, de quoy j'ay dessus parlé. (Arras, c.1392-1393, 14)

Toutes voies ne te desplaise si je te dy que tu en faiz sur tous le plus a blasmer. (Chart., Q. inv., 1422, 40)

Ne/n'en desplaise à qqn.

Tieulx gens sont parvers Et ne scevent, ne leur desplaise, Que noblesce est (Chr. Piz., M.F., II, 1400-1403, 35)

N'oncq je ne veiz -- ne leur desplaise, Sy en ay je cogneu beaucop -- Nul dont la fin n'en feust maulvaise, Se ne fust le bastard Bigot. (Chart., D. Her., p.1415, 427)

Je tiens amans pour folx, ne leur desplaise, de travailler sans riens mener a chief (CH. D'ORLÉANS, Rond. C., 1443-1460, 440)

Ne leur desplaise [à certains seigneurs] , vous n'estes de riens subgect aux lois rommaines (Juv. Urs., Exort., 1458, 413)

N'en desplaise a la compaignie, Pardonnés moy, c'est ma folye, A folie tiens celuy bien fol Qui pour aimer se rompt le col. (S. fol, c.1480-1490, 8)

Consideré leur grant magnificence, De tant en dire je ne fus onc poureux, Et n'en desplaise a mes dames de France ! (La Vigne, V.N., p.1495, 170)

A Dieu n'en desplaise

Saus vostre grace, en bonne foy, Non auray, a Dieu n'en desplaise. (P. Jouh. D.R., a.1488, 30)

Plaise/agree ou desplaise (à qqn). Que cela plaise ou non (à qqn).

Viengne que advenir pourra ! Chascun a sa destinee, Soit que desplaise, ou agree (CH. D'ORLÉANS, Rond. C., 1443-1460, 329)

A quiconque plaise ou desplaise, Quant Vieillesse vient les gens prendre, Il couvient a elle se rendre (CH. D'ORLÉANS, Rond. C., 1443-1460, 355)

b)(A) qui qu'en desplaise/à qui qu'il doie desplaire. Tant pis si cela fâche qqn.

Car je prouveray le contraire De fait, cui qu'il doie desplaire. (Mach., J. R. Nav., 1349, 244)

Mais cilz qui ha merci, a ce où il tent, Si que Desirs à li plus ne s'apaire Si ardemment ne si desiramment, Eins amenrist et commence à retraire. Et pour ce di, cui qu'il doie desplaire, Que cilz fait miex qui d'amour goust saveure Triste, dolent, qui larmes de sanc pleure. (Mach., Bal., 1377, 559)

Or soit elle morte doncques qui ne tirera a soy a toutes mains par telle et par telle voye, qui qu'en soit grevez, ne a qui qu'il en desplaise. (Chr. Piz., Trois vertus W.H., c.1405, 13)

Se je le tien, Je le froteray cy tresbien, Le grant Dieu, qu'il cy fauldra rien Quil qu'an desplaise. (Pass. Semur D.M., c.1420 [1488], 133)

Et se aucun en enquiert pour savoir ce que nul ne peut ignorer, quans avons nous veu desobeir aux mandemens, enfraindre les deffenses, venir quant il leur plaist et s'en aller a qui qu'en desplaise, abandonner leurs gardes pour garder choses abandonnees sans cause, livrer les forteresces pour soy delivrer de force, au besoing faillir et soy rendre sans besoing, faire departir les compaignies et tenir compaignie a part ? (Chart., Q. inv., 1422, 59)

Affin que Dieu vers eulx s'appaise, Que vous preschez publiquement, Incontinant, plaise ou non plaise, Ne me chault a qui qu'en desplaise, Nostre vraye loy haultement. (La Vigne, S.M., 1496, 328)