DESPENS

substantif masculin pluriel

[T-L : despens ; GD : despens1 ; GDC : despens ; AND : despense ; DECT : despens ; FEW (III, 97a) : dispendere ; TLF (VI, 1146a) : dépens]

[Essentiellement au pluriel]

A. -Au propre.

1.Action de dépenser ; dépenses, frais.

...car il n'avient pas legierement ne souvent que ilz superhabundent en dons ou en despens ou resgart de la multitude de leurs possessions. (Oresme, E.A., c.1370, 235)

Riche qui laisse honneur pour les despens, Tout bien lui faille et son avoir lui fonde. (Chart., B. Nobles, c.1424, 406)

...car amours et dames d'onneurs ne aiment nulz amoreux prodigues ne telz gens, mais ayment ceulz qui selon leur estat se gouvernent honnestement ; c'est assavoir, pour eulz monstrer en armes, en tournois, en joustes et en toutes nobles assemblees honnestement a leur pouoir sans folz despens (La Sale, J.S., 1456, 22)

Faire despens

Prenés de mon tresor et assés en portés Et fetes grans despens. Je suis riches assés (Tristan Nant. S., c.1350, 357)

Et il convient faire despens selon ce que l'euvre est digne. (Oresme, E.A., c.1370, 246)

...je feray escripre les grans frez, dons et despens que je ay fait du temps passé en procurant en Alemaingne et en Boesme le mariage du roy nostre sire. (Froiss., Chron. M., XIV, c.1375-1400, 35)

...se portoient bellement et quoyement, et faisoient bons despens (Froiss., Chron. M., XIV, c.1375-1400, 201)

Et si fault faire grans despens : Un clerc fault et un chapelain Qui chantera la messe au main, Un queux, une femme de chambre, Et si fault, quant je m'en remembre, Maistre d'ostel et clacelier (Desch., M.M., c.1385-1403, 46)

Ilz sont bons en ne soy hobant Soubz cheminees, Quant leurs bouches sont avinees Et ilz ont les bonnes vinees. Lors comptent de leurs destinees Les quoquars foulx ; Alors se vantent des gros coupx Et font gras despens et grans coustx. (Chart., L. Dames, 1416, 225)

...en recompensacion de leurs mises et despens fais et à faire pour occasion desdictes ambassades. (Fauq., I, 1417-1420, 228)

Alors se vantent des gros coupx Et font gras despens et grans coustx. (Chart., L. Dames, 1416, 225)

...ce n'a pas esté au prouffit des habitans que leurs despens ont esté faiz, mais des ennemis (Juv. Urs., Loquar, 1440, 316)

...et finablement donna le roy audict duc de Bourgongne six vingtz mille escuz d'or, dont il paya la moytié contant, avant se lever du champ, pour les despens qu'il avoit faictz à mectre sus l'armée. (Comm., I, 1489-1491, 124)

Et aussi fut par eulx advisé que ledit Guynot iroit en court pour savoir des nouvelles ; ce qu'il fist, et luy bailla ledit bastard vingt huit escus pour faire ses despens. (Le Clerc, Interp. Roye, c.1502, 169)

Faire despens à gast. Gaspiller son argent.

...je vous menray chiez tel homme C'on tient a riche (...) Et est un paisant emplus, Qui ne fait pas despens a gast (Mir. Rob. Dyable, c.1375, 7)

2.En particulier.

a)Frais de nourriture, d'entretien (de personnes, d'animaux).

...Despens sont grans pour dommagier ['Toute dépense est une cause de dommage'] ; Plustost soyes eschairs que larges : Tous les jours il couvient mangier. (Garin Lorr. M., c.1330-1400, 89)

Messire Guillaume Croulart, curé de Harefleu, commis a paier les genz pour le navire de Caen et d'Oistrehan, pour les despens de lui, un clerc et un vallet a 3 chevaux et pour plusieurs autres menues mises (Clos galées Rouen M.-C., t.2, 1341-1342, 57)

Tout aussi comme les chevaliers doivent garder le pueple en pais, tout aussi le pueple leur doit pourveoir de leurs despens. (Ferron, Jeu eschaz mor. C., 1347, 200)

...ycelui Pierre Edouard a esté rançonné et mis a la somme de deux mil saluz d'or, drois et despens, deux draps d'argent et pluseurs menues parties. (Chancell. Henri VI, L., t.2, 1432, 234)

Despens de bouche

...oultre leurs despens de bouche pour eulz et pour leurs chevaulx et leurs varles pavasiés. (Rouen temps Jeanne d'Arc L., 1421, 39)

Payer les despens (de qqn)

En ce destour me bouteray Et les passans espieray Tant qu'aucun maleureux venra Qui touz mes despens paiera D'un mois et plus. (Mir. march. larr., c.1349, 100)

Ilz sont bien mes amys et de ma parenté, Leurs despendz payeray tout pour leur amytié (Vie st Eust. 1 P., c.1350-1400, 150)

...pource que je vous ay fait venir de loing (...) je suis content de paier voz despens (C.n.n., c.1456-1467, 336)

Mais en payz de paix, ung homme qui perdroit son prisonnier, il le peult poursuir par toute l'obéissance de son party et quelque temps qu'il y ait qu'il l'a perdu ; car c'est son meuble. Si ung homme de son party l'a trouvé et il l'ait prins et gardé, cellui à qui il est eschappé n'en doit payer que les despens ; car tous ceulx d'ung party sont tenuz à le faire les ungs pour les aultres. En payz de paix, il ne peult faire prejudice au pays ne au party (Bueil, II, 1461-1466, 94)

Nennin, par dieu, une poujoyse. RIFFLART. Cuidez vous doncques que je voise, se vous ne payés mes depens ? LE PRESTRE. Se Dieu m'aïst, je me repens quant au jourd'huy te confessay. (C. Riffl., c.1480-1520, 61)

b)Frais (pour rémunérer des services, du travail...).

Audit Adenin Geolier, qu'il a paié, pour les despens de Daniel de La Court, tailleur de robes de Monseigneur, de Jehannin Arcambaut, archier, de Jaques Scro, de Harrequin Larchier et de Baudet des levriers, qui revindrent de Hongrie la seurveille de Noel et n'avoient où eulx retraire ; lesquelx mengèrent par plusieurs foiz aux despens dudit Adenin (Raponde, Comptes La Trémoille L.T., 1396-1406, 61)

A Jehan du Croq, varlet de pié, le XXXe jour de janvier, pour faire les despens de la saige femme, dudit Jehan et de deux chevaulx, pour aler à Dracy devers Madame, pour ce qu'elle estoit preste d'acouchier, et pour les despens dudit Jehan et de deux chevaulx pour revenir à Paris : 7 fr. (Raponde, Comptes La Trémoille L.T., 1396-1406, 72)

Item, memoire que avec ce sunt a prendre et deduire de la dicte somme de XVlb XVs IXd les despens du voiage a faire a Paris pour cause de la citacion par laquelle iceulx commis sunt alés a Paris par devant le conservateur de l'Université de Paris contre le curé de Gouttieres. (Invent. test. beauv. L., 1401, 64)

Rendre ses despens à qqn. Rembourser ses frais à qqn.

Et si estoit encores une doubte par aventure que cil signeur, qui tout avoient despendut, ne se volsissent point partir de Calais, pour roy ne pour aultre, se on ne leur euist rendus tous leurs despens de deniers appareilliés. (Froiss., Chron. L., V, c.1375-1400, 191)

3.Locution adverbiale.

À grands/petits despens. À grands frais, à peu de frais.

Six mois entiers fu à Venise, à grant despens et à grant mise ; Et s'en parti en moys de May, Si com laissié dire le m'ay. Li roys, sa gent et sa navie, Et toute sa chevalerie, Furent prest de monter en mer. (Mach., P. Alex., p.1369, 49)

...et cevaucierent a petites journees, et a grans despens. (Froiss., Chron. D., p.1400, 253)

En laquelle ambassade lesdis presidens en alant, sejournant à Rouen et en retournant à Paris, ont vaqué par l'espace de dix sepmaines à très grant diligence et à très grant instance, continuelment à grans despens et en grant peril en l'alée et ou retour. (Fauq., III, 1431-1435, 23)

Quant en quelque chambre voulez adouber lit ou couche a dormir, mettez le dossal vers midi affin que, se quelque pacient y couchoit, qu'il ait tousjours la clarté du jour sans grant veue de soleil, et au serain et au matin, le air de levant et ponent qui sentent ayr de montaignes et de fontaines ; et par ainsi moult tost poeult recouvrer santé a petis despens. (Ev. Quen. II, c.1466-1474, 140)

Or ca iay [l. i'ay] donc perdu ma peine Deuers le sainct pere men [l. m'en] voys A grandz despendz et a harnoys Mieux aymasse men [l. m'en] deporter. (Myst. st Martin K., a.1500, 286-287)

Au(x) despens de qqn. À la charge financière, aux frais de qqn.

Ainsi que la monnoie appartient à la communaulté, comme dit est, pareillement se doit elle faire et forgier aux despens de la communaulté (Oresme, Monnoies W., c.1365, XXIV)

Dame, je le vous puis bien dire : C'est le roy d'Escosse sanz doubte ; Nous arons li et sa gent toute A noz despens. (Mir. fille roy Hongrie, c.1371, 76)

Guillaume, Robert et Jehan Desmarez, demourant en l'ostel qui anciennement fu Rogier le Carpentier, ont en la forest de Lions, par privilege sanz dabte de Henry, duc de Normendie et conte d'Anjou, XX acres de terre es gastz de la forest en la paroisse de Leureleaue, quictez de campart, de pasnage, de coustumes de forest et de toutes autres coustumes. Et pour ce, font XL jours par an d'un carpentier au chastel de Lions, aux despens du seigneur illec. (Hector De Chartres, Cout. R., 1398-1408, 2)

...li dus le fist convoiier jusques en la ville d'Anwiers (...) et li fist a ses despens avoir pasage. (Froiss., Chron. D., p.1400, 200)

...et sera tenus cellui qui sera requis de soudoyer ses gens à ses despens pour le premier mois (Fauq., II, 1421-1430, 96)

Et s'en vint le dit Henry en France ou il fut receu grandement et honnorablement, et luy faisoit on tres bonne chiere, et avoit son estat aux despens du roy (Juv. Urs., T. crest., c.1446, 150)

Et toutes lesdictes pompes sont aux despens du povre peuple, et doubte que ce ne soit de l'argent des aides, qui seroit grant peschié et mal fait (Juv. Urs., Verba, 1452, 278)

Et après fut baillée au duc de Calabre certaine grant somme de deniers et des gens de guerre du roy souldoiez à ses despens, pour les exploicter à son plaisir. (Roye, Chron. scand., I, 1460-1483, 121)

...en leur compagnie estoient pluseurs aultres notables seigneurs, capitaines, chiefz de guerre en grant nombre, et puissance des gens d'armes jusques au nombre de quatre ou cinq mil combattans ou plus au despens du roy... (Chastell., Chron. IV, D., c.1461-1472, 198)

...ils vinrent à Modon, où ils trouvèrent le cardinal de Sainte-Croix, pour lors légat de nostre Saint-Père le pape, et avec luy quatre galées armées aux dépens de nostredit Saint-Père. (Faits Lalaing K., c.1470, 34)

...car tous ces seigneurs d'Allemaigne y estoient à leurs despens, comme il est de coustume, quant il touche le faict de l'empire. (Comm., II, 1489-1491, 20)

...et ung autre de l'isle de Ganges a Lm pietons, IIIIm hommes à cheval, IIIIc elephans armés, et ung autre roy a soubz lui, hommes à pié LX mille, hommes à cheval XXXm, elephans garniz IXm et ce chacun jour à ses despens (Simon De Phares, Astrol., c.1494-1498, f° 58 v°)

La substance estoit que le duc de Millan serviroit le roy, de Gennes, contre tout le monde et en ceste heure-là propre, de deux naves à ses despens, pour aller secourir le chasteau de Napples, qui encores tenoit (Comm., III, 1495-1498, 242)

Aus despens publics. Aux frais de la chose publique.

Et sachiez que en celuy an meismez par cestuy et par son compaingnon, M. Valerius Maximus, furent faitez les voiez parmi les champs aus despens publiquez. (Bers., I, 9, c.1354-1359, 43.26, 82)

Aux cousts et despens de qqn/aux frais et despens de qqn

[...le seigneur Bremon] promist, acorda, et enconvenança audit monsieur le duc present a aler oudit saint voiage et estre a ses propres couz et despens par l'espace de un an a armures souffisanz du jour de son partir jusques au jour de son retour (...) avec cinq hommes d'armes garnis et appareilliez bien et souffisamment (Titres Bourbon H.-B., t.1, 1335, 361)

Se lez bailliz, ou lez prevos, ou lez sergens dez seigneurs seculiers obeïssent a tieulx mandemens, quant a executer lez sentences de l'Eglyse contre lez excomuniés, ilz sont contrains de venir, en leurs propres cous et despens, aux cours dez prelas, et y devent jurer que ilz ne treuvent aucuns biens ez maisons de cez excomuniés, aultrement l'en lez denuncie estre excomuniés (Songe verg. S., t.2, 1378, 170)

...et apres messire Alain demoura capitaine ou pays, et à ses propres coux et despens conquist le chastel de Saincte Neomaye. (Doc. 1385. In : H. Moranvillé, Éc. Chartes 68, 1907, 480)

Et que plus est, pour la seurte de leur seigneurie et de leur marchandie, chacun an ladicte seigneurie tient huyt galees armees a ses fraiz et despens, pour la garde de la mer. (Mézières, Songe vieil pèl. C., t.1, c.1386-1389, 254)

...a son pourchaz et a ses chers coustz et despens il la fist marier [la servante] tresrichement et bien [D'un maître généreux] (C.n.n., c.1456-1467, 158)

Et, après ce qu'il ot esté audit lieu de Tours par certaine espace de temps, où il fut fort festié et entretenu de plusieurs seigneurs et nobles hommes estans avecques le roy, et tout aux cousts et despens du roy, ledit roy de Portugal print congié du roy et s'en vint à Orleans, où il lui fu fait honneste recueil. (Roye, Chron. scand., II, 1460-1483, 26)

B. -En particulier. DROIT Frais de justice.

Sans despens

Il sera dit que les trois cent escus seront miz en la main de la Court, devers laquelle demourront comme acquiz et confisquez au Roy, pour emploier ou bien publique d'icelle Court de Parlement, et sanz autre amende et sanz despens. (Baye, I, 1400-1410, 81)

Payer les despens

Mez c'est bien vray que, quant l'en procede d'office contre aucun qui soit diffamé d'aucun pechié, le juge, en tel cas, ja soit ce que tel soit trouvé pur et innocent, n'a pas acoustumé de poïer aucuns despens, mez se partie veult avoir copie du procés, il le doit avoir en sez despens. (Songe verg. S., t.2, 1378, 157)

Tant de Droit que de coustume, lez juges seculiers sont tenuz de venir, en tel cas, aux mandemens dez prelas, mez se telle monicion ait esté malicieusement ou injustement impetree contre le juge, celluy qui l'a impetree si est tenuz de poïer lez dezpens. (Songe verg. S., t.2, 1378, 171)

...la Court a ordonné que lesdis prevosts et jurés de Tournay paieront les despens, frais et missions qui ont esté taxés pour avoir amené lesdis prisonniers devers la Court (Fauq., I, 1417-1420, 9)

Condamner/tenir qqn aux/es/en despens. Condamner qqn à payer les frais de justice.

...se li appellant fait default à sa première journée de s'appellacion, il pert sa cause et est du tout excluz ; et mande l'en que sa sentence donnée contre lui soit mise à execucion precise ; et est tenu es despens de l'appellé d'icelle journée. (Cout. bourg. glosé P.M., c.1380-1400, 149)

Et aussi soit ledit tel condempné es dommages, interés et despens dudit tel defendeur (Cout. bourg. glosé P.M., c.1380-1400, 305)

...et oultre a consenti qu'il soit condempné es despens fais pour occasion desdictes criées et es despens de ceste instance. (Baye, I, 1400-1410, 247)

...et avec ce sera ledit Aloyer condempné es despens desdiz defaulz, la taxation reservée (Fauq., I, 1417-1420, 379)

Et doit en oultre ledit deffendeur estre condempné en despens et dommages dudit applégeur (Vieux cout. Poitou F., c.1451-1454, 77)

Et se une partie est condempnee aux despens, il yra au juge lay (Juv. Urs., Verba, 1452, 383)

...et condemne la court lesdiz defendeurs ès despens dudit demandeur, fais en ceste presente instance. (Lettres Louis XI, V., Pièces justif., t.7, 1478, 300)

C. -Au figuré. Ce qu'il en coûte à qqn.

1.Effort.

Mon cueur se plaint qu'il n'est payé De sez despens, pour son traveil (CH. D'ORLÉANS, Rond. C., 1443-1460, 340)

Pour quoy je [une pierre précieuse] conseille que en aucun lieu longtain nous allons marchier en repost affin que ne soyons trouvees sans tres grant labeur et despens. (Colart Mans., Dial. créat. R., 1482, 107)

À despens. En fournissant des efforts, en dépensant de l'énergie.

...j'ay ci devant dit Les entencions de mon dit, Dont je moustre par exemplaire, A ce qu'on dit, que mieus doit plaire Chose desirée et requise, Lonc temps pourchacie et pourquise, Acquise a peinne et a despens, A grant scens et a grant pourpens, Que celle qui en un moment Seroit acquise ligement, Sans travail et sans consirée Et sans point estre desirée (Mach., D. Aler., a.1349, 296)

...et cevaucierent a petites journees, et a grans despens. (Froiss., Chron. D., p.1400, 253)

2.Préjudice.

Et quant aux injures, despens, dommages et interests lesdiz banniz et condempnez, qui ont frayé toute leur chevance en ceste poursuite pour la bonne esperance qu'il ont tousjours eue de la bonne justice de la Court de Parlement, ilz s'en sont rapporté du tout en la bonne ordonnance de ladicte Court (Baye, I, 1400-1410, 134)

Ceulx, dist Passelion, a qui lui et ses complices meffirent a son tamps en sont maintenant bien vengiés sans leurs despens ['sans subir de préjudice'] . (Percef. IV, R., c.1450 [c.1340], 748)

Aux despens de qqn. Au préjudice, au détriment de qqn.

O Dieu ! pourquoi celle esragie Creas a nos despens et cousts ? (Martin Le Franc, Champion dames I-II, P., 1440-1442, 144)