DESMEMBRER

verbe

[T-L : desmembrer ; GDC : desmembrer ; AND : desmembrer ; DECT : desmembrer ; FEW (VI-1, 693a) : membrum ; TLF (VI, 1063b) : démembrer]

A. -Emploi transitif. Couper ou arracher une ou plusieurs parties d'un tout.

1.Dépecer (un animal), mettre en pièce (une viande).

...bon moyne (...) luy trancha le jaret [du jambon] , et, ensuyvant le terminé propos, de tous poins le demembra et n'y laissa que les os. (C.n.n., c.1456-1467, 487)

Et bon evesque d'assaillir ces perdrix et desmembrer d'entrée la meilleure qui y fust (C.n.n., c.1456-1467, 582)

Par extension. Blesser (mortellement), mutiler, tuer (une personne).

...En la cuisse senestre lui a telle donnee Qu'en char c'est ly espee bien plaine paulme entree, Et ly bastart lui dist a moult haute alenee :'Je croy que de vo char ay eüe denree. Ainçois que m'eschapés, l'aray sy desmembree C'on ne donrroit de vous une pomme pellee.' (Tristan Nant. S., c.1350, 570)

CRUAUTÉ-FAUSSETÉ. MEDEE, en s'en alant avec Jason, portoit avecques li son frere, et quant elle senti que son pere la persecutoit, elle desmembra son frere et le mist ou chemin son pere. (Legrand, Archil. Sophie B., c.1400, 178)

...il lui sambloit qu'il estoit au milieu de pluiseurs serpens ausquelz il couppoit ung membre a cascun. Et ainsi les desmembroit, tellement que les entrailles leur sailloient hors du ventre (Percef. IV, R., c.1450 [c.1340], 129)

En ce lieu qui estoit tout creux gisoient quinze chevaliers mout piteusement desmembrés (Percef. IV, R., c.1450 [c.1340], 1009)

...et se commettoient tous les jours par divers lieux inhumainement meurtres et vilains faits, aussi coustumièrement comme il est d'aller par rue ; n'estoit ne honte, ne abhomination de tuer gens, ne de les vilener et desmembrer pour un mot, non plus qu'il est de boire. (Chastell., Chron. K., t.5, c.1456-1471, 422)

Et adonc y veissiez tant de testes de Sarrazins et tant de bras fendre et desmembrer que merveilles (Doolin de Mayence V, P., a.1500, 140)

2.[Comme supplice] Couper un membre, démembrer, mutiler, écarteler.

Le tirant tout vif desmembrerent Et puis ou Tibre le geterent. (Tomb. Chartr. Trois contes S., c.1337-1339, 108)

Ce fu un tyrant qui se delictoit en effusion de sanc humain ; et avoit .I. lit de fust ou il couchoit chascun que il povoit prendre ; et quant il estoient plus lons il les coupoit a la mesure du lit ; et quant il estoient plus cours il les estendoit a la mesure du lit et les desmembroit. (Oresme, E.A.C., c.1370, 381)

...ce qu'avez fait Vous fera le corps desmembrer, Se le roy s'en peut remembrer (Mir. st J. Paulu, c.1372, 115)

...assez en est de telz (...) qui sont si crueulx Que mains hommes occis par eulx Ont esté et perdus les chiefs Ou cruelement detranchiez, Desmembrez ou partis par mi (Chr. Piz., M.F., II, 1400-1403, 7)

Si je me peusse oster de cy, Je vous promet et certfiy [l. certify] Que mes [l. Qu'à mes] graux vous desmembreroie Et tellement habilleroye, Que je vous feroye respondre. (Marcadé, Myst. Pass. Arras R., a.1440, 12)

Souverain seigneur redoubté, L'on me puisse vif desmambrer, Se ce que j'ay cy remembrer N'est toute pure verité ! (Myst. st Adr. P., c.1450-1485, 32)

...Quant a de moy, Je diz c'on les doit tous briefment Martirizer tresgriefvement Et les desmembrer aussiment De pieds, de jambes et de mains, Affin que plus leur tourmant dure (Myst. st Adr. P., c.1450-1485, 142)

Mais se tout ne m'est rendus, tu seras esquartelez en brief temps et desmembrez. (Bagnyon, Hist. Charlem. K., c.1465-1470, 110)

Trayer (je) le feray, je le propose, Desmembrer a quatre chevaulx. D'elle, qui est si peu de chose (Myst. siège Orléans H., c.1480-1500, 444)

[Dans une formule pour renforcer une affirmation]

Dist [Athis] a son pere [de Gayette] et aulx amis : 'Or ne soit point vostre coeur mis Que cil roy l'aist ja a sa destre ; Myeulx vouldroye desmenbré estre ! Gayette aray et aultre non, Qui quy le voeulle, ne qui non.' (Renart contref. R.L., t.1, 1328-1342, 44)

J'ameroye mieulx estre desmembrez per quartiers que de personne en cestuy fait estre blasmé ! (Bagnyon, Hist. Charlem. K., c.1465-1470, 150)

3.Au figuré. Séparer, désunir (des conjoints).

Et pour ce, leur dist que se ilz ne faisoient sa paix devers ledit official, qu'il batroit et desmembreroit yceux mariez. (Ch. VI, D., t.2, 1382, 132)

4.Par analogie.

a)Desmembrer (un végétal)

EAUX ET FORÊTS Mutiler (un arbre en coupant les grosses branches).

... [Messire Pierrez de Villers et Robert de Villers] ont et prennent en la forest de Andely (...) esquarrisseure de bois de chesne par livrée du verdier pour ediffier ; le fourc, le mort bois et les branches d'abre sans desmembrer l'arbre, pour ardoir, pour fere et refere les clostures de leurs champs et courtils desdis lieux. (Hector De Chartres, Cout. R., 1398-1408, 36)

Couper, tailler, arracher (une partie d'un végétal).

Les gardinners dient que la semence de rommarin ne vient point en la terre de France, maiz qui d'un rommarin arracheroit et demenbreroit en devalant aucunes petites branchectes, et les tendroit par le bout et les plantast, ilz revendroient. (Ménagier Paris B.F., c.1392-1394, 124)

b)Couper en morceaux, casser, diviser, morceler (un objet).

Adont n'y demoura ymage nulle qui ne feust deffiguree du visage ou d'autre membre de dessus lui. (...) Si advint que, quant ces ymages furent desmembrees, ainsi que vous avez oÿ, elles demourerent ou Capitolle comme devant, et y venoient jouer et esbanoier les Romains de divers jeux, pour eulx deduire et soulacier (Bérinus, II, c.1350-1370, 24)

Participe passé en emploi adjectival. [D'une chose concr.] Cassé, détérioré.

Item, vendu et délivré à Jacotin Lelièvre, ung carnequin de vielle façon, tout démambré, 10 s. t. (Aff. Jacques Coeur M., 1453-1457, 637)

c)Desmembrer (de la couronne, du domaine, ...). Découper, séparer (une terre, une propriété d'un ensemble plus vaste).

...volons bien aussi que Charles li promete que il ne departira ne desmembrera la duchié de Bretaigne a nous ne autre qui que il soit, que elle ne reviegne entiere au dit conte après le decès de nostre nyece la femme dudit Charle ou cas que elle trespasseroit senz hoir de son corps (Phil. Vi Valois, Lettres closes C., 1330-1349, 101)

Non obstans quelzconques editz, constitucions, ordonnances par nous ou aucuns de noz predecesseurs faictes de non desmembrer, vendre, aliener ou transporter aucune chose de nostre demaine, et quelzconques ordonnances, mandemens ou defenses a ce contraires, lesquelles nous ne voulons avoir en ce aucun lien. (Odart Morchesne, Formulaire G.L., a.1427, 431)

Et, en tant que touchoit la duchié et pays de Normendie, monseigneur Charles ne l'auroit point, disans qu'il n'estoit pas au roy de la bailler ne desmembrer de sa couronne. (Roye, Chron. scand., I, 1460-1483, 200)

En particulier. DROIT FÉODAL Desmembrer un fief. Faire passer une partie d'un fief en d'autres mains.

...l'en ne peut vendre fieu noble comme conté ou baronnie, si non que la debte monte les deux pars que le fieu vault ou que l'en le vent, et que l'en ne les peut desmembrer (Cartul. Laval B., t.2, 1385, 327)

Item le vassal ne peult démembrer son fief au préjudice et sans le consentement de son seigneur (Cout. Chât. O.-M., c.1480-1500, 422)

B. -Emploi intransitif. [Du feu dans un incendie] Se disjoindre, se porter dans diverses directions' (Scheler, Gloss., 97).

Ly nobile canoine vinent à cel debat, Mains che ne leur valut : tant de mairins thomat De là sus en celleir, que li feux demembrat Desus le pavement (JEAN D'OUTREM., Geste Liège B.B., t.4, a.1400, 707)