CRUAUTÉ

substantif féminin

[T-L : crüauté ; GD : crueleté ; GDC : cruelté ; AND : cruelté ; DECT : crüauté ; FEW (II-2, 1367b) : crudelis ; TLF (V, 557b) : cruauté]

A. -Caractère de celui ou de ce qui est dur, violent et nuisible.

1.[À propos d'une pers.]

a)Méchanceté odieuse, violence, intention de nuire.

Il avint en ce tempoire que un homme en Egipte, qui Altercans estoit nommez, occist son pere et sa mere, et son frere chassa il hors de son païs, pour sa mauvaise voulenté acomplir de sa suer, qu'il amoit encontre loyauté, et fist tant qu'il l'eut a femme comme s'espouse et si en fu la meschine moult angoisseuse, car elle savoit bien que c'estoit contre Dieu et contre droit, mais elle ne lui osoit deveer pour la cruauté de lui. (Bérinus, I, c.1350-1370, 131)

Quant les hommes prent, il [Polyphème] les tue, Puis les deveure et les mengue, Si que li sans aval degoute Parmi sa barbe goute a goute. Trop est plains de desloiauté, De traÿson, de cruauté (Mach., Voir, 1364, 620)

Puiz vint Mars, le Dieu de bataille, Malicieux à grant merveille, Et tout rempli de cruaulté, Avecques grant desloyaulté. (La Haye, P. peste, 1426, 33)

...il avoit veu les Anglois par prerogative preceder la crualté de tous peuples (Juv. Urs., T. crest., c.1446, 33)

'.. [Jason à Medee] Vous avez ochis mon filz, oultre ce celle assamblee de sang noble. Hellas, quelle cruaulté ! Vous n'avez pas cuer de femme, mais de familleux tirant. O, terrible cuer et envenimé courage...' (LEFÈVRE (R.), Hist. Jason P., c.1460, 228)

...car ilz sont hors des oeuvres de nature et sont ses pugnicions soudaines, et par especial contre ceulx qui usent de violance et de cruaulté, qui communement ne peuvent estre petitz personnages, mais très grans, ou de seigneurie ou d'auctorité de prince. (Comm., II, 1489-1491, 92)

Gens belliqueux et de cruaulté plains (Cene dieux, c.1492, 121)

Esprit d'opposition, de contestation, mauvaise volonté.

Par la cruaulté des serviteurs nous en avons veü plussieurs qui cheoient en grant ruine. (Daudin, De la erudition H., c.1360-1380, 270)

b)En particulier. [À propos d'un chef militaire, d'un prince] Violence, tyrannie, oppression, recours à la force.

...cruaulté De prince, en especiaulté, Destruit le regne (Chr. Piz., M.F., II, 1400-1403, 25)

Et bien y paru a Neron Et a maint autre grant baron Par leur cruaulté tant hays Qu'a mort en furent envays (Chr. Piz., M.F., II, 1400-1403, 25)

...si ay plus chier que on me porte crainte par amour que par raison de ma cruaulté. (Chr. Piz., Faits meurs Ch. V, S., I, 1404, 68)

...aux mauvais souffit seulement avoir regart d'aviser par grant diligence les tours et chemins comment argent pourra estre trait et venir ens, soit par voie droite, torse au grief du peuple par tirannie et cruaulté, à grant pechié, ou autrement, bien ou mal que ce soit, mais que aucunement soit coulouréz que pour aucune juste cause soit souffist assez. (Chr. Piz., Paix W., 1412-1413, 78)

Dit Senecque que tout ainsi et en la maniere que les arbres qui sont trenchiéz recroissent, de rechief par plusieurs branches et gictons en moult de diverses manieres de souches se fourchent et ressourdent ainsi, et par tel maniere la cruaulté royalle acroist et multiplie nombre d'ennemis en faisant plusieurs gens mourir (Chr. Piz., Paix W., 1412-1413, 93)

Et autrefoys estoient chassés, refoullez et confus es entreprinses de leur dit pervers chevetaigne. Lequel moult deffoiz par traisons et aguet fist occire ceulx qui lui contrestoient. Et tant que, attrait de temps, violence et cruaulté et la malice de son engin lui donnerent ez partiez d'Asie grant bruit et grant crainte. (Chart., L. Esp., c.1429-1430, 118)

Maiz quelle reverence peult estre donnee a loy introduite par cruaulté, ou comme croira homme par devotion ce que on lui fait confesser par force ? (Chart., L. Esp., c.1429-1430, 126)

Prestement debvriés faire guerre A ce faul romain empereur, Lequel est tout plain de fureur, De persuasion inique Et de cruaulté tyrannique. (Myst. st Adr. P., c.1450-1485, 10)

...et lui escripvit une lettre comment il florissoit en armes et que Dieu lui avoit donné tant de victoires et tant d'honneur sur lui qu'il devoit souffire sans voulloir poursuir plus avant à sa destruction, qui lui seroit reputé cruaulté, veu qu'il n'avoit plus de puissance et qu'il avoit voullenté de soy mettre à son devoir (Bueil, II, 1461-1466, 250)

...et, pour ce que Alexandre devint fier et cruel, et que jà, par sa cruaulté, avoit occiz Amicheas, son cousin et Cleopatras, sa marastre et ses freres, plusieurs princes de sa chevalerie le doubterent (Simon De Phares, Astrol., c.1494-1498, f° 63 r°)

Apprés, une cepte mauldicte, Juÿfz en ce poinct appellez, Par leur iniquité mal duycte Furent tant de bien repellez Et en cruaulté compillez Que brief (...) Au Mont des Chaulves et Pelez Par eulx fut en croix pendu. (La Vigne, S.M., 1496, 151)

c)Aptitude à être redoutable, dur, inflexible (seulement quand il le faut).

En cest endroit, l'aspresse de vengier chaudement teles honteuses offenses est tenue aux princes et haulx hommes a equité, qui en autre cas seroit pour cruaulté reputee (Chart., Q. inv., 1422, 63)

En ceste maniere les princes et les seigneurs, quant il ne pueent corrigier les deffauz de leurs sougiéz par douce et debonnaire main, il doivent prendre plus aigres paines, combien que il leur desplaise, et les baillier au deffaillant, et par une piteuse cruauté doivent forsener contre les mauvais a fin qu'il gardent la saine bonté des bons. (Foul., Policrat., IV, 1372, 71)

Uns sires, entre communs et par especial, à ce que nous avons à faire, ne vault riens, se il n'est cremus et redoubtés et renommés à le fois de cruauté. (Froiss., Chron. R., X, c.1375-1400, 63)

d)[Dans le langage amoureux] Rigueur, dureté, insensibilité, indifférence (de l'être aimé).

N'en li n'avoit orgueil, ne cruauté, Ne riens qui fust contraire a amisté. (Mach., J. R. Beh., c.1340, 104)

Vous avés vostre servant mort A trop grant tort, Qui tous jours vous a tant amé Servi, obeÿ et doubté Et foi porté. Et or li monstrent cruaulté Vostre oel qui sont si reconfort. (Froiss., Par. am., c.1361-1362, 66)

Mais nompourquant J'ameray d'or en avant Plus fort qu'onques mais, et quant Mort et miné M'ara vostre cruauté Qui m'est trop grant, Lors sera bien apparant Ma loyauté. (Mach., Ch. bal., 1377, 621)

...si ne puis eschaper Qu'outre le gré d'Amours n'aie briefment La mort que j'ay desiré longuement. Et se je suis par la grant cruauté De ma dame menez jusqu'à la mort, Miex me vaura que vivre en tel durté, Qu'entendement, scens, maniere et deport Ay tous perdus (Mach., L. dames, 1377, 64)

Mal vy ton beau contenement, Mal vy ton gracïeux corps gent, Mal vy l'eurë et le moment Que je vy premierement. Ta traÿson, ta faulsetté, Ton faulx parler, ta cruaulté Et ta langue desraisonnable M'ont mise en peine pardurable. D'illec jamais ne partiray, Mais adez peine souffreray (Coudrette, Mélus. R., c.1401-1402, 238)

Puis que mes jours despens A vous vouloir amer, Et aprés m'en repens, Qui en doit on blasmer ? Riens, fors vous seullement, A qui tiens féaulté, Quant monstrés cruaulté, Veu qu'Amour le deffent (CH. D'ORLÉANS, Rond. C., 1443-1460, 330)

Trop faulse estes, traitresse et desloyalle, En vous jamais n'eut de pitié une once, Mais cruaulté plus qu'en tigre et leonce. (Robertet, Oeuvres Z., c.1450-1500, 169)

e)RELIGION Dureté du coeur, absence de miséricorde.

Mais, helas ! j'ay grant doubte que au jour d'uy pluseurs, en lieu de misericorde, ne preignent et reçoivent dedans eulz meismes cruaulté dampnable, hideuse et abhominable. N'est si perilleuse cruaulté ou fureur comme tuer soy meismes, et soy persequuter. Or est ainsi que, toutes foys que ung homme peche mortelment, il se livre a mort. (...) Se tu demandes commant vient ceste cruaulté miserable dedans le temple du pecheur, je respon que elle vient par contraire maniere a misericorde (Gers., Purif., 1396-1397, 64)

e)Défaut de celui qui, pour de bonnes raisons, fait qqc. qui peut avoir des conséquence fâcheuses.

Le medicin ne baille pas a boire au malade a l'apetit de sa soif, maiz choisit et atant l'eure au prouffit de sa santé ; et se le patient crie et se guermente de la durté de son mire, qui le laisse en telle chaleur essever, pour tant n'est meu le sage phisicien a le lui ottrier. Car telle compassion dommagable resemble mieulx a cruauté que a pitié. (Chart., L. Esp., c.1429-1430, 51)

2.[À propos d'un animal] Nature féroce.

Pour ceste cause les passions et desordonnez mouvemens sont lais et coulpables es hommes, qui point ne le sont es bestes, comme orgueil n'est point pechié, ou laydure en cheval, cruaulté en lyon, malice en renart, envie es chiens, avarice es cornailles, et ainsy des autres. (Gers., Concept., 1401, 399)

...adfin que soubz la pel de brebis ou aignel il couvreist sa cruaulté lupine (Monstrelet, Chron. D.-A., t.5, c.1444-1453, 364)

Lelieppart est beste tres cruelle et en signe de cruaulté et hardement a tous iours la face vers les gens (Best. hérald. H.E., c.1435-1450, 467)

Plus legier qu'un emerillon, A me [le roy des mousches] suyvre chascun s'applique, Car par cruaulté nul ne pique Et porte myel, sans eguillon. (Baude, Dictz moraulx S., p.1450, 122)

Et, quant les ratz apperceurent la cruaulté du chat, ilz tindrent leur conseil ensemble et determinerent d'ung commun vouloir de non plus eulx tenir en bas (Macho, Esope R., c.1480, 197)

3.Par analogie. [À propos d'une chose]

a)[d'un élément déchaîné] Fureur destructrice.

...lui predist les vens contraires qui le firent demourer et tout son bernage devant le nord, XI jours et que la grande cruaulté de la mer qui seroit après qu'ilz seroient partis et avant que arriver à la tour de Wasterforde (Simon De Phares, Astrol., c.1494-1498, f° 144 v°)

a)[d'une action, d'une entreprise] Dureté excessive, caractère impitoyable.

Il m'est commandé que je pregne Cest enfant pour en ordenner Comme l'a voulu commander Mon seigneur, qui chargié m'en a ; Et, pour Dieu, pardonnez m'en la Crüaulté, car ce poise my. (Gris., 1395, 65)

Sire Chevalier, respondit Gadiffer, il fault qu'il soit, car nous ne pourrions plus souffrir la cruauté de vostre emprinse (Percef. III, R., t.2, c.1450 [c.1340], 310)

Barbarie (d'une pratique).

Car je sceu et ai cogneu que ce champ de question peut largement apparoir as advocas et disputeurs, et pluseurs foiz il ont en ceste doubteuse et ambigüe matiere grandement labouré quant la foy du conseilleur si veult excuser et absouldre le pechié et l'orreur du parricide et la cruauté du parricide si s'efforce de estaindre la merite de la foy du conseilleur. (Foul., Policrat., IV, 1372, 79)

[d'une bataille]

...la hideuse cruaulté de ceste si très fiere bataille (La Sale, Sale D., 1451, 151)

b)[d'une décision politique] Barbarie, signe de barbarie.

Pour ce que nous avons pallé de cruauté, je vous demande se ce n'est grant cruauté et grant inhumanité a un Roy ou a un aultre prince terrien d'ajuger un champ de bataille entre sez subjés, lequel champ de bataille est reprouvé, tant de Droit naturel que de Droit divin, et de Droit civil aussi, car, come dist une loy... (Songe verg. S., t.1, 1378, 348)

c)[d'une sentence judiciaire, d'une punition] Rigueur excessive.

Ceste maniere de corrigier ou discrete mesure est moienne et moderesse entre austerité et cruaulté et benignité, desquelles l'une et l'aultre fait a reprendre. (Daudin, De la erudition H., c.1360-1380, 193)

A cheulx d'embas tousjours benefice et aide devons donner, sans reprouchier, sans laidengier corrigier, gouvrener sans orgueil, sans cruaulté chastier, en pité nourrir, sans veneration ou honneur demander, compaignie et equalité amer (Daudin, De la erudition H., c.1360-1380, 275)

La sentence fut forsonnable, Plaine d'oultrage, de cruaulté (Saint-andré, Livre Jean de Bret. C., c.1400, 431)

B. -Par métonymie. Acte de méchanceté, de violence (parfois de barbarie).

Faire cruauté(s) .

«...Grande oultrage feïstes et grande cruaulté, K'a deux hommes avez bataille demandé Pour la loy Mahommet avoir supedité...» (Renaut Mont. B.N. V., c.1350-1400, 518)

...durté et ennuy Et cruauté par folle envie Li fis tant qu'il estoit en vie (Mir. parr., 1356, 32)

Jamais tel cruauté ne face D'eulx occir, car en verité Ce seroit grant crudelité De laquelle par quelque engin Il seroit vaincus en la fin, Comme chose a Dieu desplaisant. (Desch., M.M., c.1385-1403, 77)

...le curé de ladite ville, qui venoit, lui et un sien petit clerc, de Paris (...) veant et ouant la cruauté que faisoient iceulx gens, comme tous esbayz, leur encommença à dire que c'estoit et qui ilz estoient qui ainsi gastoient le monstier et l'eglise de Dieu (Reg. crim. Chât., II, 1389-1392, 223)

Adont compta le roy d'Ausais aux deux freres comment le roy Fedric avoit esté mort en bataille et comment le roy de Craquo avoit fait ardoir le corps ou despit de toute crestienté ; et pour ce avoit il fait ardoir le roy Selodus et tous les Sarrasins. Par mon chief, dist Anthoine, sire roy, vous avez tres bien fait. Et vrayement le roy Selodus fist grant mesprison et grant cruaulté, car puis que uns homs est mort, c'est honte a son ennemy de le plus touchier. (Arras, c.1392-1393, 187)

Si vous prient, par nous, nostres sires li rois et madame la roine que vous ne voelliés pas faire celle cruaulté que d'ardoir et essillier lor hiretage. (Froiss., Chron. D., p.1400, 212)

Si vous prient, par nous, nostres sires li rois et madame la roine que vous ne voelliés pas faire celle cruaulté que d'ardoir et essillier lor hiretage. (Froiss., Chron. D., p.1400, 212)

Et ung pou devant, avoit presché devant le roy le ministre des Mathurins, tres bonne personne, et monstra la crualité que ilz faisoient par deffaulte de bon conseil (Journal bourgeois Paris T., 1410, 9)

...leur nature [des Anglais] est telle que quant ilz ont tant oppressez et desolez leurs annemys qu'ilz n'y puissent plus adjouster d'oppression, ilz se oppressent et destruisent eulx meismes, tellement qu'ilz ramainent eulx et leurs terres en povreté et degastement, et que quant les seigneurs d'Engleterre ont destruys leurs ennemys et ne peuent plus faire de cruaulté contre eulx, qu'ilz destruisent leurs gens par guerre. (Juv. Urs., T. crest., c.1446, 33)

Et n'y avoit guères que lesdictz de Dynant y avoient tenu le siège, la rivière entre deux, l'espace de huyct mois, et faict plusieurs cruaultéz ès environ (Comm., I, 1489-1491, 95)

Au pluriel.

Ou se il avient cas que aucun prince voisin ou estrangier vueille movoir guerre pour aucune chalenge a son seigneur ou que son seigneur la vueille mouvoir a aultrui, la bonne dame pesera moult ceste chose en pensant les grans maulx et infinies cruaultéz, pertes, occisions et destruction de païs et de gent qui a cause de guerre viennent, et la fin qui souventes fois en est merveilleuse (Chr. Piz., Trois vertus W.H., c.1405, 33)

Tu leur es umbre a faire leurs iniquitez et ilz te font umbre a multiplier tes vices et croistre ta compaignie de larrons pour avoir plus de souldees et acquerir greigneur renommee, dont tu destruis le peuple et ton honneur, et si te rendent tes pechiez et l'orreur des cruaultez de ta compaignie indigne d'avoir la grace de bien faire, deffiez et descouragez d'avoir victoire sur tes ennemis, et en la fin te mectront a confusion, se par meilleur adviz n'y donnes aucun prochain remede. (Chart., Q. inv., 1422, 40)

Et, à l'eure dudit assault, la plus grande et saine partie des habitans d'icelle cité s'enfouirent et retrahirent et laisserent ung peu de populaire comme femmes, enfans, prestres, religieuses et vielz et anciens hommes, qui tous y furent tuez et murdris. Et moult d'autres merveilleuses cruaultez et inhumanitez y furent faictes, comme jeunes filles et femmes efforcées et violées, et, après le desordonné plaisir prins d'elles, les tuer et murdrir, les religieuses aussi efforcer, petis enfans tuer et prestres consacrans corpus domini aussi tuez et murdris dedens les eglises. (Roye, Chron. scand., I, 1460-1483, 217)

...tant avoit de hayne contre eulx pour les grans cruaultéz dont ilz usoient contre ses subjectz en la conté de Namur (Comm., I, 1489-1491, 95)

Blessures, déceptions (dues à l'amour).

...jalous a le coer si tendre Que il ne voet a riens entendre Fors seul a sa merancolie. Et encores par tel folie As tu hui fais regrés et plains. Tu es uns jones homs tous plains De cruautés, je te dis voir, Que pas ne deuïsses avoir Fors solas et esbatemens (Froiss., Par. am., c.1361-1362, 56)