INHUMANITÉ

substantif féminin

[GDC : inhumanité ; DEAF, I 379) : inumanité ; FEW (IV, 509a) : humanus ; TLF (X, 235a) : inhumanité]

A. -Acte inhumain, acte de cruauté, comportement inhumain.

[En parlant de Fortune] C'est vanité ; C'est pacience dongereuse ; C'est diligence paresseuse ; C'est oubliance la soingneuse Contre amité ; C'est l'arbre d'inhumanité, Enraciné seur fausseté (Mach., R. Fort., c.1341, 42)

Et la dame avoit la char tendre ; Si souffroit mervilleus martyre ; Des yeux pleure, dou cuer souspire. Et certes c'estoit grant durté, Et très grant inhumanité, De creature femenine Faire estendre et mettre à gehine. (Mach., P. Alex., p.1369, 260)

...le roy Petre d'Espaygne, qui estoit grant persecuteur de Sainte Eglise et de sez ministres, et faisset plusieurs aultres inhumanités, a esté soudainement, par ton aide et par ta puissance, de sa vie et de son royaume privé (Songe verg. S., t.1, 1378, 7)

Et entre lez aultres inhumanités, ce ne fait pas a oblier conment ilz rotissoient lez enffans et plusieurs personnez aagés, quant l'en ne lez voulet rançonner. (Songe verg. S., t.1, 1378, 282)

Tu, qui veulz plaire a Dieu, ayes pitié de ton ame. N'est telle cruaulté, telle fureur, telle inhumanité comme celle qui est contre soy meismes (Gers., Purif., 1396-1397, 59)

...pluseurs cappitaines et gardes de forteresses et autres (...) empeschent les marchandises et labourages, batent et tuent les gens, violent, prennent et ravissent femmes et filles, et font pluseurs autres grans maulx, excès et inhumanitez (Doc. Poitou G., t.8, 1431, 3)

Les griefves doleurs de la mort M'ont avironné dur et fort. Et certes il dist verité Car par grant inhumanité Et par faulte d'entendement Les Juifs moult honteusement Nostre Saulveur en croix pendirent (Marcadé, Myst. Pass. Arras R., a.1440, 155)

C'est tresgrant inhumanité De veoir noz freres crestiens Habandonnez aux loups et chiens ; Je vous pry que nous les ailons De la hoster, et empourtons Aultre part, pour les sevelir (Myst. st Adr. P., c.1450-1485, 162)

Quand [le père] (...) entendit la plainte de sa mere et l'inhumanité de son filz, il se leva sur piez tres courroussié [Le fils tente de violer sa grand-mère] (C.n.n., c.1456-1467, 325)

...lequel prenostica au pappe Martin plusieurs choses advenir, par especial sur la grande peregrination du peuple et des inhumanités qui furent faictes ou royaume de Sicille (Simon De Phares, Astrol., c.1494-1498, f° 124 v°)

...car iceulx menuz gens et vers de terre susserent tout le noble sang de France et furent tuez plusieurs gentilz hommes en leurs litz et firent moult de inhumanités (Simon De Phares, Astrol., c.1494-1498, f° 150 r°)

Remarque : Doc. 1312 ds DEAF.

B. -Absence de sociabilité.

Et pour ce dit Aristote aussi que 'cely qui veult solitairement vivre et fuir la civile communicacion, ou il est bestiaux, ou il est meilleur que home', et c'est une maniere de incivilité et de inhumanité tres grande, quant aucuns habonde en richesce dont 'le excés ne ly profite en riens, ainz ly pourroit moult nuire' (Evr. Conty, Eschez amour. mor. G.-T.R., c.1400, 455)

Ainz, est vray que se aucun home estoit de sy grant asprece et durté et de inhumanité de nature, qu'il diffuye et hee les assemblees et compaignies des homes [...] toutesvoiz, je ne sçay... (Premierfait, Vraye amistié D., 1416, 435)