CONTER

verbe

[T-L : conter ; GDC : conter1 ; AND : conter ; FEW (II-2, 994b) : computare ; TLF (VI, 41a) : conter]

A. -Faire la narration de (faits réels ou présentés comme tels), raconter, relater qqc. à qqn.

Les messagiers a moult grant joie A leur seignour s'en retournerent Et ces nouvelles li compterent Qui li furent moult aggreables. (Tomb. Chartr. Trois contes S., c.1337-1339, 79)

...devant m'ont fait avancer Pour vous compter et annoncer Ce qu'avons fait. (Mir. Clov., c.1381, 224)

Lors se party ly chastellains et chevaucha tant qu'il vint au recept, ou il trouva ceulx de son lignaige que il avoit mandez, et leur compta toute l'aventure, et comment Jossellins et ses filz avoient esté pendus (Arras, c.1392-1393, 68)

Monseigneur, je suiz moult joyeuse de ce que vous avez si bien besoingnié et si honnourablement en vostre voyage. On le m'a bien tout compté et dit. (Arras, c.1392-1393, 78)

Je souffre mal ardent et chault Dont je muir pour vous bien vouloir, Et si voy qu'il ne vous en chault Et n'avez d'y penser vouloir ; Mais en trop moins qu'en nonchaloir Le mectez quant je le vous compte, Et si n'en pouez pis valoir, N'avoir moins honneur ne plus honte. (Chart., B. Dame, 1424, 338)

Comment le seigneur de Saintré, sans riens nommer, compta l'istoire de Madame, de damp Abbés et de lui (La Sale, J.S., 1456, 302)

...tout du long luy compta le procés, la fasson et la maniere que tint le dit musnier en la queste du dit dyamant (C.n.n., c.1456-1467, 47)

LE CAPPITAINE. Tu soye tresbien venu vrayement Et trestoute la compaignie Et me compte, je vous en prie, Des nouvelles s'en scavez tous, Et me dicte, sans tromperie, De quel lieux vous venez tous ? (Sots mal., c.1480, 82)

[une vision]

La vision s'esvanoït. Et Gale qui moult s'esjoït De la glorïeuse promesse Manda maintenant l'abbaësse ; Si li compta la vision (Tomb. Chartr. Trois contes S., c.1337-1339, 98)

Emploi absolu. Raconter, relater qqc..

Or vueil compter une aventure (Chr. Piz., M.F., I, 1400-1403, 9)

...elle compta tout au long la fasson et maniere de sa maladie, comme de son dormir, de aller a chambre, de boire, de menger. (C.n.n., c.1456-1467, 139)

infinitif substantivé. Récit.

Hellas, ou est oÿ oncques plus destroit dangier, ne que mere fust constrainte de faire tel habandon, non pas mere tant seulement, roine comme moy, mais mere la plus povre du monde qui s'y osast attendre ? Certes, entre les histoire[s] angloises, point ne sera ceste cy la moindre pour le tempz futur, ains aveucq[ue] gloire qui me sera deue de telle adversité avoir portee, sy en sera la matere plorable sur toutes par le compter de ma personne. (Chastell., Temple Boc. B., 1463-1464, 97)

Conter que

Tout le monde maintient et compte Que Jhesus, qui en croix est mort, Est suscité aprés sa mort. (Gréban, Pass. J., c.1450, 429)

...et commença a reciter et compter qu'il avoit esté en plusieurs et diverses regions et contrees esquelles il avoit fait plusieurs vaillantises et fais d'armes. (Tardif, Apologues R., c.1493-1498, 75)

Emploi pronominal à sens passif.

...pour ce que es parties de la duchié de Espolit et ou terroir de la cité de Norce, ou ledit mont est, en icelles parties ce compte que (...) Titus fist vendre XXX Juifz pour ung denier (La Sale, Salade, c.1442-1444, 64)

Conter (à qqn) + interr. indir.

...Quar bien oï compter avoient Comme celx puniz en estoient Qui li avoient fait injure (Tomb. Chartr. Souvain S., c.1337-133929)

Lors ly compta comment pour gaynier le pardon il avoit esté vers elle en l'abbaye ou il la trouva avec damp Abbés (La Sale, J.S., 1456, 262)

...la chambriere monta en la chambre et esveilla madame, et luy compta comment monseigneur par cy devant d'amours l'avoit priée (C.n.n., c.1456-1467, 119)

Et lors se leva ledit conte de sa table, qui vouloit commencer à diner, et le print par la main et le mena parmy la court du chastel dudit Sainct-Fergeaul, en luy demandant quelles nouvelles il avoit apportées ; et il luy conta comment il avoit trouvé l'admiral et Boniface, ausquelz il avoit baillé les lettres qu'il luy rescripvoit, mais ilz luy avoient fait très mauvais recueil, et n'eust esté par le moyen d'aucuns seigneurs qu'il avoit autrefoys congneus, ilz le vouloient faire noyer. (Le Clerc, Interp. Roye, c.1502, 152)

Comme on conte

...et puis l'ont mené a Caÿphe Ou il a souffert, comme on compte (Michel, Myst. Pass. J., 1486, 332)

B. -Par extension.

1.Conter qqc. à qqn. Faire l'exposé de qqc. à qqn, rapporter qqc. à qqn, informer qqn de qqc..

Quant le verrez, n'obliez pas A li pour Dieu compter et dire Conment l'entrée contredire Li veulent ses filz de sa terre (Mir. ste Bauth., c.1376, 127)

...devant m'ont fait avancer Pour vous compter et annoncer Ce qu'avons fait. (Mir. Clov., c.1381, 224)

Lors lui compta par vraye confesse la somme de ses pechiez dont il estoit souvenans, depuis l'eure de sa nativité jusques au jour qu'il saillist de la cave et du service de l'anemy (La Sale, Salade, c.1442-1444, 104)

...et puis lui compta la magnificence des Nervois et avecq ce comment ilz amoient mervilleusement tous ceulx des royaumes de Bretaigne et d'Escoce (Percef. IV, R., c.1450 [c.1340], 138)

...quand il fut venu, elle luy compta les allyances faictes d'elle et de l'autre ancien chevalier (C.n.n., c.1456-1467, 546)

'Ha ! Monseigneur, dit Guyon, pleust à Dieu que vous demourassiez meshuy avecques nous pour nous compter de belles choses touchant la guerre !' - 'Guyon, dist le sire de Rocqueton, voullez-vous que je demeure ?' - 'Ouy, Monseigneur, dit Guyon, s'il vous plaist.' Ainsi demoura le sire de Rocqueton. Et, comme ilz parloient de plusieurs choses plaisantes et d'armes et d'armours, veez-cy venir une de leurs guettes au carrefour (Bueil, I, 1461-1466, 205)

Je rencontray monsr de la Trimoille, à qui contay cest affaire, pour ce qu'il estoit des prouchains du roy, demandant si encores luy en devoye parler. (Comm., III, 1495-1498, 225)

Emploi absolu. Faire l'exposé de qqc., rapporter (un fait précis, un état de choses...).

Et s'il treuve quelque fois sa saison Que Bel Accueil lui donne l'achaison D'oser compter et dire sa raison En tresgrant crainte, Et de fairë a la belle sa plainte Afin de mieulx venir a son attainte, Tant qu'elle voit que ce n'est mie fainte De ce qu'il dit (Chart., D. Fort., 1412-1413, 172)

Congnoistre peust la verité Ainsi comme je l'ay compté. (Est., p.1460, 26)

...elle compta tout au long la fasson et maniere de sa maladie, comme de son dormir, de aller a chambre, de boire, de menger. (C.n.n., c.1456-1467, 139)

...le dict patron compta et recita l'injure et opprobre qu'on cuidoit faire au roy (La Vigne, V.N., p.1495, 300)

Quant tu estoyes en ce monde Beaucop de biens nous promettiés [L. prometties (Schneegans)] , (Ainsin que l'Escripture conde) Affin de mener bonnez vies (Prisonn. desconf. C., c.1488-1489, 49)

Conter le/son cas

...aussitost que Dangier fut venu de la ville, elle luy commença a compter tout le cas et plus la moittié qu'il n'y avoit (MART. D'AUV., Arrêts Am. R., c.1460-1466, 83)

LA FEMME [au chrétien] . A cop Allons vers ces juifz, je vous prie, Et comptons nostre cas a coup. (Mir. st Nic. juif, c.1480-1500, 85)

Lors s'en partit ledit Voyau pour aller à Rains, et là trouva le roy et plusieurs grans seigneurs et princes, et entre autres Mons. de Charlus, qui estoit nepveu dudit conte, auquel il se adresa et luy compta tout son cas, et luy dist, entre autres choses, qu'il avoit des lettres à Mons. le duc de Bourgoigne que ledit conte luy rescripvoit. (Le Clerc, Interp. Roye, c.1502, 153)

Et en chemin trouva ung gentilhomme nommé Guyot du Chesnoy, maistre d'hostel de monseigneur le duc de Berry, qui depuis fut au roy, qui luy demanda des nouvelles ; et luy conta son cas. (Le Clerc, Interp. Roye, c.1502, 169)

Conter des paroles. Rapporter des paroles.

Et après que ledit Voyau luy eut compté bien au long les parolles que Reilhac luy avoit dittes, il en fut moult resjouy et leva les mains vers le ciel en rendant graces à Dieu des nouvelles qu'il avoit eues. (Le Clerc, Interp. Roye, c.1502, 152)

Conter + interr. indir.

Monseigneur, dist le cappitaine, or vous ay je compté pourquoy la guerre est meue, pourquoy le soudant a la mer passé. (Arras, c.1392-1393, 94)

Conter à qqn que. Enseigner à qqn que.

Et s'esté m'a dur ne cruel [mon seigneur, l'évêque Thibault d'Aucigny] , Trop plus que cy je ne raconte, Je veul que le Dieu eternel Luy soit dont semblable a ce compte. Et l'Eglise nous dit et compte Que prions pour noz annemys ; Je vous diray j'ay tort et honte, Quoy qu'il m'aist fait, a Dieu remys. (Villon, Test. R.H., 1461-1462, 25)

En conter

S'en conter. Se raconter des histoires, mettre en avant ce qu'on a fait (pour se rassurer).

Et vault mieulx que vous exploictez le temps à ordonner que ferez demain, que de vous en compter : nous avons fait cela, nous avons dit cela ; à quoy gens se amusent. (Bueil, II, 1461-1466, 87)

2.Dire qqc. à qqn.

Quant il les ot bien avoiez Que Dieu li avoit envoiez En la forme que j'ay comptee... (Tomb. Chartr. Trois contes S., c.1337-1339, 110)

...la doulce vierge Marie, Quant on ot matines chanté Si bel com vous m'avez compté, Ne parla elle point a vous (...) ? (Mir. ev. N.D., c.1348, 85)

...Et doucement par beaus mos amoureus Li compteroie en disant, coers joieus : 'Aiiés de mi, Par vo douçour, et pité et merci, Car je vous jur, et si le cres ensi, Ensus de vous languis et me murdri...' (Froiss., Dits Débats F., 1363-1393, 133)

Or en compte donc le moyen : Tu nous fais cy trop long raconte. (Gréban, Pass. J., c.1450, 424)

[D'un écrit]

Escondire ne vous pourroye, Car servy m'avez loyaument, N'onques ne vous trouvay en voye, N'en voulenté aucunement De rompre le loyal serement Que me feistes, comme savés ; Ainsi le compte largement La requeste que faicte avés. (CH. D'ORLÉANS, Songe compl. C., 1437, 111)

Conter par ordre. Dire en énumérant.

Et lors doit icellui pecheur estre avisé et avoir pensé par avant longuement et ententivement a tous ses pechiez, comme j'ay devant dit, pour savoir les tous dire et compter par ordre (Ménagier Paris B.F., c.1392-1394, 17)

Conter des paroles, un message... Proférer des paroles....

Lors vint devant Privé Dangier, Son message prist a compter (Dame Lycorne G., c.1349-1350, 344)

Messeigneurs, sçavez vous qu'il est ? Ne propherez plus telz parolles, Car elles sont lourdes et folles Et perilleuses a compter (Gréban, Pass. J., c.1450, 399)

Conter le vrai, la verité. Dire le vrai, la vérité.

...ne lairoie a nul fuer Que le voir ne vous en comptasse. (Mir. enf. diable, c.1339, 26)

Et ceulx leur compterent toute la pure verité et la grant puissance et la valeur des deux freres (Arras, c.1392-1393, 194)

Il me dit que tresvoulentiers La verité m'en compteroit (CH. D'ORLÉANS, Ball. C., c.1415-1457, 152)

Conter des mensonges

[Des yeux]

Mon cueur, pour vous en garder, De mes yeulx qui tant vous temptent Afin que devers vous n'entrent, Faitez les portes fermer. S'il vous viennent raporter Nouvellez, pensez qu'il mentent (...) Mensongez scevent conter Et trop de plaisir se vantent (CH. D'ORLÉANS, Rond. C., 1443-1460, 343)

À bref conter. Pour faire bref ; bref.

Plus que on ne cuide, Mon mal fait place aux siens et wide, Et le sien est des miens la guide, De dueil plaine et de lermes wide. A brief compter, Mon mal, qui le veult raconter, Puet toutes lermes seurmonter Ne pleurs n'y pevent riens monter. (Chart., L. Dames, 1416, 242)

À/au vrai conter. À vrai dire, pour dire la vérité.

Fortune, vueilliez moy laissier En paix, une fois, je vous prie ; Trop longuement, a vray compter, Avés eu sur moy seigneurie. (CH. D'ORLÉANS, Ball. C., c.1415-1457, 60)

Les fait là suz en l'air monter [les vapeurs] , Et Mars aprèz, au vray compter, Qui trop est sec et forment chault, Les embrase par tant en hault (La Haye, P. peste, 1426, 27)

À tout conter. Pour tout dire.

Aincq femme aultre chose n'en fit : C'est leur nature, a tout compter, Que de perdre biens et gaster. (Gréban, Pass. J., c.1450, 212)

Remarque : MORPHOL. Comper

...quant ung homs devoit pranre mort par sentence Dois le soir envoyoit a sa porte tromper D'une trompe ad ce propre ; lors oÿssés comper : 'Cilz sera demain ars ou noyés ou pendus...' (Gir. Ross. H., c.1334, 189)

3.Parler.

a)Conter qqc. Parler de qqc..

A celle heure que je vous compte, Le temps joyeusement passoye (Taillev., Passe temps D., c.1440, 135)

b)Conter à qqn. Parler avec qqn ; s'entretenir avec qqn.

'Atendez moy, maistre, actendez ! Car je veul encores compter a vous.' (La Sale, J.S., 1456, 49)

TESTE CREUSE. Nous avons a eulx bien compté. (Sots Magn., a.1488, 211)

Conter (ensemble). S'entretenir.

Et pour ce, voion nous que les uns comptent volentiers et en ce conversent ensemble. (Oresme, E.A., c.1370, 494)

Pour ce en doubtant, Leurs raisons ensemble adjouxtant, Me taisoie en les escoutant Comme elles aloient comptant ; Et n'entendoye Qu'a penser que dire j'en doie. (Chart., L. Dames, 1416, 274)

c)Conter de qqc./de qqn. Parler de qqc./de qqn.

Ceste gale de qui je compte... (Tomb. Chartr. Trois contes S., c.1337-1339, 89)

Ilz sont bons en ne soy hobant Soubz cheminees, Quant leurs bouches sont avinees Et ilz ont les bonnes vinees. Lors comptent de leurs destinees Les quoquars foulx ; Alors se vantent des gros coupx Et font gras despens et grans coustx. (Chart., L. Dames, 1416, 225)

Lequel compta de la vaynne du vent, des dragons, des portes de mettail et des aultres choses, ainssy que dit est par le rapport du prestre (La Sale, Salade, c.1442-1444, 89)

Conter de qqc. à qqn

La dame dont m'avez compté, Sire (...) qui est elle ? (Mir. nat. N.S.J.C., c.1343, 212)

Adont li compterent dou lieu Ou il avoient chevauciet, Comment il ont esploitiet. (Froiss., Méliad. L., t.2, 1373-1388, 62)

...cest avoir, dont je vous compte, Digne est d'estre amé par grant compte (Chr. Piz., M.F., I, 1400-1403, 13)

Ces trois grans maulx desquelz vous compte, Plains de douleur, dommage et honte, Et mesmement grant pestillence, Abondèrent jadiz en France (La Haye, P. peste, 1426, 10)

Ce bon jaloux, dont je vous compte, estoit tres grand historien et avoit beaucoup veu, leu et releu de diverses histoires (C.n.n., c.1456-1467, 255)

LE TESMOING. ...Et par là voyés clerement Tout leur joly contentement Que je vous ay cy racompté. L'OFFICIAL. Vraiment, tu m'en as bien compté. Faictes aprocher les partyes. (Mère Ofic. T., c.1500, 123)

Nous avons bien besongné par deçà, mais vous venu, je vous en conteray plus au long. Mons. le grant maistre, je vous prie, sur tant que vous aymés mon bien, que voz gens ne bougent de là, et pour cause que je ne vous puis pour le present escripre, mais je vous diray tout. (Le Clerc, Interp. Roye, c.1502, 329)

C. -Composer (un récit imaginaire).

Conter un conte, une nouvelle (au sens littéraire), une chanson...

Les uns dancent et chantent et festient. Les autres comptent de beaulx comptes et se soulacent pour passer le temps. (Arras, c.1392-1393, 192)

Et le papegau leur va chantant et comptant chançons plaisans et amoureuses, tant que pres de ceste fu passee. (Chev. papegau H., c.1400-1500, 14)

Des chevaliers qui hault renon portoient. Aprés disner vers elles s'esbatoient ; D'onneur, d'armes et d'amours quaquetoient. Mains propos dirent Et mains bons mos dont les dames se rirent, Et compterent comptes qui bien leur sirent. (Chart., D. Fort., 1412-1413, 159)

La LXXVJe nouvelle, comptée par Philippe de Laon, d'ung prestre chapellain (C.n.n., c.1456-1467, 16)

Pour accroistre et amplier mon nombre des nouvelles que j'ay promis compter et descripre, j'en monstreray cy une (C.n.n., c.1456-1467, 515)