DESCRIRE

verbe

[T-L : descrire ; GD : descrire ; GDC : descrire ; AND : descrire ; DECT : descrire ; FEW (XI, 334b) : scribere ; TLF (VI, 888b) : décrire]

I. -Écrire, exposer....

A. -Rédiger.

Pour accroistre et amplier mon nombre des nouvelles que j'ay promis compter et descripre, j'en monstreray cy une (C.n.n., c.1456-1467, 515)

Finablement, en escripvant, Ce soir, seulet, estant en bonne, Dictant ces laiz et descripvant, J'ouys la cloche de Serbonne, Qui tous jours a neuf heures sonne Le salut que l'ange predit ; Si suspendis et mis en bonne Pour prier comme le cueur dit. (Villon, Lais R.H., c.1456-1457, 28)

B. -Exposer par écrit ou, p. ext., oralement (avec une certaine précision, en détail).

...Par sa folie et son outrage, Dont elle ara honte et damage, Ou d'un amant sa bien amée Qui porra estre diffamée Par la maniere devant dite Que j'ay en sousposant descrite. Et cil par bien s'efforceront Dou retraire ce qu'il porront. (Mach., D. Aler., a.1349, 388)

Si que une lettre li escri Et courtoisement li descri Nompas tout ce qu'on m'en disoit, Mais seulement qu'elle lisoit A pluiseurs gens mes escriptures, Qui m'estoient nouvelles dures, Si que pluiseurs gens s'en moquoient Qui les ooient ou lisoient. (Mach., Voir, 1364, 728)

Et ces choses yci, combien que Lucanus pas ne les enseignast, toutesvoies il actegny la secte de l'erreur quant il descrisoit la paour de la citéd (Foul., Policrat. B., II, 1372, 163)

Maintenant vous peult venir au devant la parolle de Dyogenes, qui tenoit celui pour beneuré, a qui ne chault soubz quel main et seigneurie soit la terre. Qui pourroit descripre, N'a compter souffire, Tout ce qui descire, Et a meschief tyre Nostre humanité ? (Chart., L. Esp., c.1429-1430, 10)

Et lors la premiere [femme] descripte, aprés ce que elle ot getté son regart paureusement autour de soy pour viser se aucun estrange l'escoutoit, a voix tremblant et bassete print a dire ainsi... (Chart., L. Esp., c.1429-1430, 11)

Et tu celestiel Ysaïe qui en la loy de Moyse eubz esperit crestien et sembles mieux escripveur d'Evangile que annunciateur de prophecie, descripsis clerement ceste demonstrance en la persecution que tu predisis sur Egypte (Chart., L. Esp., c.1429-1430, 79)

...fist ung petit extraict pour luy, ou quel estoient emprinses, descriptes et notées pluseurs manieres de tromperies [D'un jaloux] (C.n.n., c.1456-1467, 256)

...par trop bonne fasson qui trop longue seroit a descripre, fist tant que ce bon chevalier s'en apperceut [D'une dame amoureuse d'un chevalier] (C.n.n., c.1456-1467, 474)

Je n'eus illec gaires sejourné, quant vint dame Berthe de Corne acompaignie de pluiseurs de ses amies et voisines pour son euvangile lire et continuer, comme a ce faire estoit esleute. Mais avant que je procede a ses chappitres, je vueil descripre aucune chose de sa genealogie et venue. (Ev. Quen. I, c.1466-1474, 112)

[Part. passé en empl. subst.] Descrit. Exposition, présentation (de qqc.).

Mais je deiz que le voille du temple se romproit, Et à my jour la nuyt obscure se rendroit Par trois heures durant ; ainsi vaticinay : Quant Jhesuscrist mourut, fut lors mon descript vray. (Robertet, Oeuvres Z., c.1450-1500, 143)

Raconter, narrer qqc..

Et a cest propos Homerus le poëte, en descrivant la bataille de Troye, raconte et parle de Dyomedes, un duc de Grece et de Hetor, un duc de Troye. (Oresme, E.A., c.1370, 211)

Donner une représentation de qqc., décrire qqc..

Et pour ce que n'ay pas savoir Tel que bien peüsse a droit dire Les biens, ne la biauté descrire, Qui sont en sa douce figure, M'en tairay ; qu'il n'est creature, Ne fu, ne jamais ne sera, Ja tant n'i estudiera, Qui bien la sceüst deviser... (Mach., D. Lyon, 1342, 175)

Si que pour moi desanuier Prins un livret a manier Qu'on appelle Fulgentius, S'i trouvai Tytus Livyus Qui de Fortune descrisoit L'ymagë, et ainsi disoit... (Mach., Voir, 1364, 712)

Phyton, le mervilleus serpent Que Phebus de sa flesche occit. Avoit la longueur d'un erpent, Si com Ovides le descrit. Mais onques homs serpent ne vit Si fel, si crueus ne si fier Com le serpent qui m'escondit, Quant à ma dame merci quier. (Mach., Bal., 1377, 563)

Car il n'est homs qui peust descripre Du lieu l'espouentable horreur (Chr. Piz., M.F., I, 1400-1403, 101)

Définir qqc..

Pour tant en disputant doit on eschiever contention, qui est ainssi descripte : contention est non approuvee, litigieuse ou mauvaise altercation contre auchun en disputant. (Daudin, De la erudition H., c.1360-1380, 146)

Le quart est cruaulté ou mauvaiseté qui est ainssi descripte : 'Cruaulté est soy eslever contre paroles proposees par mouvement soudain et sans raison'. (Daudin, De la erudition H., c.1360-1380, 147)

Ceste vertu par laquelle les meurs sont forméz es corages de cheulx qui habitent ensamble est appellee moralité, qui est ainssi descripte : 'Moralité est, la propre vertu gardee, justement et debonnairement soy accorder a la vie des autres'. (Daudin, De la erudition H., c.1360-1380, 267)

Et amistié puet estre ainsi diffinie ou descripte : Amistié est benivolence non latente ou manifeste entre pluseurs personnes de l'un a l'autre ou entrechangeable pour aucun bien. (Oresme, E.A.C., c.1370, 417)

Descrire qqn + attribut de l'objet. Évoquer qqn comme.

Pour ce Pline en son second livre le descript expert astrologien. (Simon De Phares, Astrol., c.1494-1498, f° 44 v°)

C. -Éclaircir dans le détail, expliquer qqc..

Si que, biau sire, Uns tels juges seroit bons a eslire Qui vous saroit bien moustrer et descrire Li quels de vous sueffre plus de martire ; Si le prenez. (Mach., J. R. Beh., c.1340, 108)

Se tu ne scez que c'est a dire, Monstrer le te vueil et descrire : On recorde, et s'est avenu Souvent, que pluseurs sont venu A leur entente seulement Par souffrir bien et humblement... (Mach., R. Fort., c.1341, 67)

Et ceste equalité peut estre fait ou descripte en ceste maniere. (Oresme, E.A., c.1370, 296)

Selon ce que l'ame est acomparagee au corps, comme sa fourme et sa perfection, elle est descripte et diffinie par le philosophe Aristote, en son livre De l'ame (Corbechon, éd. B. Ribémont, 1372. In : Bien dire et bien aprandre 11, 1993, 385)

De tout ce testament, (...) je lui (...) donne faculté [à Jehan de Calaiz, notaire au Châtelet] De le gloser et commenter, De le diffinir et descripre, Diminuer ou augmenter, De le canceller et perscripre De sa main, et ne sceut escripre, Interpreter et donner sens A son plaisir, meilleur ou pire, A tout cecy je m'y consens. (Villon, Test. R.H., 1461-1462, 140)

Affin de mieulx et plus clerement donner à entendre la grand differance qui est entre la science d'astrologie et les ars divinatoires et supersticieux, j'ay pensé descripre l'un auprès de l'autre, sans riens entremesler (Simon De Phares, Astrol., c.1494-1498, f° 9 v°)

Victor Capuanus fut en ce temps souverain astrologien et fut moult extimé et monstra bien l'excellance de astrologie, quant il descripvit les cicles paschaux si subtillement. (Simon De Phares, Astrol., c.1494-1498, f° 96 v°)

Et la doctrine, que present t'a descripte, Veille nocter sans aulcun contredit (La Vigne, S.M., 1496, 165)

Descrire que. Expliquer que.

Mais un escript Truis qui descript De Jhesu Crit Qu'il convenoit que il souffrist Pour entrer en sa gloire, Et qu'il venist Et descendist... (Mach., Les lays, 1377, 400)

A l'exemple de Jhesu Crist, Pour mon peuple je veul souffrir, Car l'euvangile nous descript Qu'ainsin devons le corps offrir. (Flamang, Vie Pass. st Didier S., 1482, v.5814)

D. -Édicter.

Après quiconque a crestien Fera autre chose que bien, J'ordene qu'ainsi soit descript, Pour l'amour du doulx Jhesu Crist, Car aux biens de lui on s'aherde Et toute la moitié en perde. (Mir. st Sev., 1362, 213)

E. -[Idée d'inventaire, de dénombrement, de mesure...]

1.Inventorier.

...ledit Bernard, doubtant rigueur de justice, s'est mis en franchise. Et pour cause de ce il a esté appellé à ban par les cappitouliers de Thoulouse, et ses biens descrips et annotés. (Ch. VI, D., t.2, 1418, 171)

2.Dénombrer, recenser (la population).

Quant a la temporalité de la chose publique c'est certain, selon toutes hystoires des rommains qui parlent de ce temps, que paix universele fut donnee par tout le monde qui estoit lors subject a l'empire de Romme, comme le segnifie l'evangile qui dit que Augustus Cesar Octovien manda que tout le monde fust nombré et descript (Gers., Noël, p.1404, 300)

3.Mesurer, délimiter qqc..

Cestui fist descripre toute la terre par Erathostenem et d'icelui dit Vincent : ' Qui adiutus a mensoribus Ptholomei...' (Simon De Phares, Astrol., c.1494-1498, f° 59 r°)

Fist le livre de Cent parolles et le Cosmographe ouquel toute la mer et la terre est descripte, c'est assavoir toutes regions, villes el citez, pors, destrois, havres et passages, isles, fleuves, montagnes, lacs, desers, forestz, chacune chose selon sa longitude, altitude et latitude et profondité (Simon De Phares, Astrol., c.1494-1498, f° 85 r°)

II. -Tracer (une figure, un mouvement).

...se une lance estoit portee tout droit en travers et une mouche montast tout droit contremont ceste lance, le mouvement de la mouche seroit mixte de .II. mouvemens drois, c'est a savoir de celui dont elle est meue aveques la lance et du sien propre, et decriroit par son mouvement une ligne dyametrale ou biese. (Oresme, C.M., c.1377, 62)

Et semblablement, se un meisme corps du ciel estoit meu de .III. ou de plusseurs mouvemens, pousé que un seul de [ces] mouvemens fust inconmensurable as autres, je di que, ce posé ce corps est touzjours en nouvelle disposicion et son centre en tel endroit ou en tel point inmobile ou onques mes ne fu ne jamais ne sera, et descript touzjours nouvelle ligne et fera perpetuelement. (Oresme, C.M., c.1377, 198)

Et est assavoir que les .VII. planettes tousdis sont dessoubz le zodiac du firmament et se meuvent dessoubz ly, et par leurs propre mouvemens descrivent tout le zodiac chascun par diverses espaces de temps comme il appert ycy aprés. (Fusoris, Traité cosmogr. G., 1432, 32)

[D'une trace] Estre descrit. Être marqué, être imprimé.

Et darrier la chappelle est l'autre pierre ou l'autre pié senestre de Nostre Seigneur est descript. (Voy. Jérus., c.1395, 19)

Au figuré. Tracer, inscrire.

Parler d'amant, par Jesus Crist, C'est la copie sans escript De ce qui est ou cuer descript Par passïon, Dont a grant visitacïon Verité fait collacïon Et la bouche relacïon En la presence De celle qui a pouoir en ce (Chart., L. Dames, 1416, 278)