CONDESCENDRE

verbe

[T-L : condescendre ; GD : condescendre ; GDC : condescendre ; AND : condescendre ; FEW (II-2, 1018b) : condescendere ; TLF (V, 1274b) : condescendre]

I. -Au propre.

A. -Faire condescendre qqc. Faire descendre qqc., faire aller qqc. du haut en bas.

...le chevalier aux armes vermeilles s'approca de son homme l'espee haulcee, laquelle il fist condescendre tellement sur l'escu d'icelluy conte, qu'il le party en deux et envoia le conte tomber sur l'erbage, les jambes contremont. (Jehan d'Avennes F., c.1465-1468, 83)

B. -Faire condescendre qqc. qq. part. Faire descendre qqc. qq. part.

O fortune ! que tu es espouvantable et bien à craindre en tes secrètes malicieuses machinations que tu apprestes si estranges aucunes fois, quand un si glorieux siège comme le trosne françois , mesmes pour le confuter, tu le fais condescendre en la court de son vitupère ['au plus bas degré de mépris' (Éd.)] (Chastell., Chron. K., t.1, c.1456-1471, 163)

C. -Emploi intransitif. Descendre complètement.

Remarque : MIÉLOT, Papaliste B., 1460, In : E. Barale, Romania 2019, t.137, 160 (Il entrera povre et considerera haultes choses, finablement il condescendera tout en bas).

II. -Au figuré.

A. -Emploi transitif. Condescendre qqc. à qqc. Établir un rapport entre une chose et une autre, accorder, rapporter une chose à une autre.

...retourner nous convient à nostre matiere, veant se nous pourrons condescendre cestes nobles muses ou sciences aux vertus de nostre sage roy Charles, vray disciple de sapience (Chr. Piz., Faits meurs Ch. V, S., II, 1404, 12)

B. -Emploi transitif indirect. Condescendre à qqn/qqc./de qqc.

1.Condescendre à qqn

a)Être attentif à qqn, consentir à lui accorder ce qu'il désire.

Adonc li rois de France, pour li mieulz enfourmer de verité et condescendre à ses gens et garder les droitures de son royaume, fist mettre avant et aporter en le cambre de conseil toutes les chartres de le pais. (Froiss., Chron. L., VII, c.1375-1400, 86)

Si veulles ung petit condescendre S'il te plait a nous et entendre Les humbles supplications Des ordenes et des legions Lesquelz tu ordonnas jadis En ton glorieux paradis (Marcadé, Myst. Pass. Arras R., a.1440, 9)

Se prêter à la volonté de qqn, obéir à qqn, céder à qqn.

Point à eulx ne cedoie ne condescendoie (Psaut. Ludolphe le Chartreux D., c.1495, 74)

L''EMPEREUR JULIEN CESAR. (...) L'ymperialle rommayne monarchie Et du bas trosne toute la gerarchie Dessoubz ma main est present increpee. Condescendente n'est a nul ne fleschie, Fors a moy seul qui l'ay moult enrichie (La Vigne, S.M., 1496, 154)

Emploi absolu.

...et pour ce qu'il ne voult condescendre, fu le pape sommez non mie hastivement mais a tres grant humilité, reverence, instance et tres meurement ; et finablement ne voult riens changier en son advis. (Vote soustr. obédience M.P., 1398, 52)

b)Accepter qqn.

...pour ce que ledit de Vitry s'estoit autrefois offert de ce faire et qu'il avoit longuement frequenté la Court, on avoit bien voulu condescendre à sa personne pour la solicitation de l'expedicion dudit roole (Fauq., III, 1431-1435, 132)

2.Condescendre à qqc.

a)Condescendre à qqc. Se mettre au niveau (plus bas) de qqc..

Comme la nourrice parle aucune foys imparfaictement et en begueant pour condescendre a la parole de son enfant, puis masche sa viande, puis siet a terre, puis rit a luy, puis pleure, et briefment elle se fait enfant avec son enfant (Gers., P. Paul, a.1394, 507)

b)Consentir, acquiescer, adhérer à qqc..

Si vous y devez condescendre [var. tout descendre, dont descendre, constertendre] Assez legierement et tendre Que procheinnement on la face, Non de droit, mais de pure grace. (Mach., D. Lyon, 1342, 230)

...car, à assembler ceste chose, il semble que tous hommes de bonne condicion y doivent condescendre, car en brief temps, celle taille et cuillecte porte moult grant gaing (Oresme, Monnoies W., c.1365, LXVI)

Et ceulz qui en peuent avoir plus ou qui en ont plus, ilz les abandonnent, eslargissent et emploient en leurs concupiscences pour acomplir du tout leurs passions et leurs desirriers, en condescendant et obeïssant a la partie de l'ame qui est irracionele. (Oresme, E.A., c.1370, 478)

...pluseurs du conseil sont condescenduz à ceste oppinion (Ch. VI, D., t.1, 1385, 61)

Sire, que bien devons amer Tous ensemble vous mercïons Tant humblement com nous povons, Et regracïons chierement Qu'il vous a pleu benignement Condescendre a nostre priere (Gris., 1395, 17)

A quoy, pour certaines considéracions et causes, avons incliné et y sommes condescenduz. (Ch. VI, D., t.1, 1396, 135)

Et jà soit ce qu'ilz feussent requis moult instamment qu'ilz voulsissent souffrir que la voye de justice feust ouverte aux personnes par eulx prinses et détenues prisonniers, comme dit est, et que nostre court de parlement en eust la congnoissance, comme raison est, néantmoins ilz n'y vouldrent oncques obtempérer ne condescendre (Doc. 1413. In : MONSTRELET, Chron. D.-A., t.6 c.1444-1453, 119-120)

Quelque chose qu'on dist a ceste bonne dame, ne raison qu'on luy sceust amener de apparence en cestuy fait, elle ne vouloit condescendre a ce mariage (C.n.n., c.1456-1467, 423)

Quant Jason entendy la dame et vey qu'elle condescendoit a son depart, il fu moult joyeux et lui promist et jura solempnelement devant la representacion de la dieuesse Pallas, qui la estoit, que devers elle retourneroit s'il venoit achief de son emprise (LEFÈVRE (R.), Hist. Jason P., c.1460, 176)

MISERICORDE. O Justice, condescendez Au vouloir de Dieu, nostre juge. (Myst. Pass. Troyes B., a.1482, 688)

Condescendre à mal. Consentir à faire le mal.

JUDAS. ...Le pire suis, je croy, qui soit ; A tout mal suis condescendu. (Gréban, Pass. J., c.1450, 150)

Se Dieu m'eust donné rencontrer Ung autre piteux Alixandre Qui m'eust fait en bon eur entrer, Et lors qui m'eust veu condescendre A mal, estre ars et mis en cendre Jugié me feusse de ma voys. Neccessité fait gens mesprendre Et fain saillir le loup du boys. (Villon, Test. R.H., 1461-1462, 33)

Condescendre à pitié. Céder à la pitié.

Mais quant il avoit ampoigné le glaive dont il la cuidoit persecuter, Nature se mesloit et mettoit entre d'eux, qui de celle cruauté le faisoit a pitié condescendre et lui enseignoit a remettre son glaive ou fourreau (LEFÈVRE (R.), Hist. Troyes A., c.1464, 187)

Condescendre à/de + inf.

Selon l'ordre, sans plus attendre, Il fault à présent condescendre à déclarer en franc langage De quel viande et quel bevrage Semble bon et convénient, Et de fait est expédient User en temps de pestillenc, (La Haye, P. peste, 1426, 88)

Quand la bonne femme voit que son mary veult condescendre a croire ce qu'el luy dit, elle n'est moyennement joyeuse. (C.n.n., c.1456-1467, 128)

Condescendre + inf.

Ne souffit-il pas mal entendre Toy [l. Tes ?] sainctes loix, sans condescendre Les aultres vouloir surmonter...? (Rivière, Nef folz D., 1497, 687)

Condescendre que. Admettre que.

Mais, se vous voulez condescendre Qu'avant que Crist doive descendre, Ceste unction soit deperie, La chose est ja toute adverie (Gréban, Pass. J., c.1450, 131)

Mon oppinion condescend, Veu le ou sommes submis, Qu'ilz ne doivent pas estre mis Ou tronc ou sont les autres dons Qu'au temple donnons et rendons. (Gréban, Pass. J., c.1450, 290)

3.Laisser libre cours à qqc..

Quant Curtius, un chevaucheur de Rome qui affluoit en delices et les queroit trop fort, ainsi comme il disnoit avec Cesar, vit en son escuelle un maigre oisel et sec, il, qui estoit moult condescendant a sa langue, si le prist et demanda se c'estoit bon que il le gettast par les fenestres. (Foul., Policrat. B., III, 1372, 244)

4.[D'une chose] Condescendre de qqc.

a)Être en rapport avec qqc., dériver de qqc., ressembler à qqc..

Je vous reffois le secunde priere Condescendant du tout de la première Et jasoit ce que ce soit neufve subtance (Compl. lion G., c.1470, 298)

b)Provenir de qqc..

Comme il convient que cil qui mal a, die Dont la douleur d'icelle malladie Luy condescent Selon le cas de l'angoisse qu'il scent, Et en quel lieu la painne luy descent, Pour y pourvoir, Vueillés au vray considerer et voir Sy par raison doy la mort recevoir De la douleur. (Du Prier, Songe past. D.-M., c.1477-1508, 106)

C. -Emploi pronominal.

Se condescendre à qqc. Consentir à qqc..

Laquelle chose elle refusa et contredit aucunement, en disant qu'il la vouloit deshonnorer. Et finablement se condescendi à sa requeste et prière, et sans grant refuz ou violence le congnust charnelment. (Ch. VI, D., t.2, 1382, 228)

Porrus mesler a Alixandre Se veult, s'il s'i veult condescendre (Chr. Piz., M.F., IV, 1400-1403, 53)

A quoy pour le bien de la paix lesdits ambassadeurs se condessendirent. (Chart. J., Chron. Ch. VII, V., t.2, c.1437-1464, 57)

CAÿN. Perturbé suis en admirance De veoir celle fumee descendre, Car j'apparçoy sans difference Que Dieu ne s'y veult condescendre. (Myst. Pass. Troyes B., a.1482, 104)

Se condescendre en qqc. Consentir à qqc..

...depuis oulrent lesdits ambassadeurs plussieurs collations avec le pappe et les cardinaulx sur les articles de la pacifficacion de l'Église dessus touchée, et en aucuns le pappe se condessendit et ès autres non. (Chart. J., Chron. Ch. VII, V., t.2, c.1437-1464, 56-57)

Se condescendre à/de + inf. Consentir à faire qqc..

...en conclusion s'est condescendu de donner desdiz gros balay et 7 autres balaiz, de deux gros saphirs et des 16 meschans petis saphirs mil et cinq cens escus (Aff. Jacques Coeur M., 1453-1457, 110)

...lesquelz voyans ledit Garsia Arnault estre jeune le ceduisirent tellement qu'il se condescendi et consenti a estre larron avec eulx. (Berger Fr. K.-G., 1455, 173)

...et apres que les murailles de la dite ville ont esté fort batues, les gens d'Eglise, cappitaines, nobles, bourgois, gens de guerre et autres estans en la dite ville d'Aire, doubtans estre prins d'assault ou autrement, se sont condescenduz à eulx mectre en notre obeyssance (Hist. dr. munic. E., t.1, 1482, 123)

Se condescendre que. Accepter que.

Et enfin le roy se condescendi que les trois estas se tendroient et assembleroient ; et, pour ce faire, leur fut lieu assigné en la ville de Tours, pour ilec eulx y trouver au premier jour d'avril IIIIcLXVII. (Roye, Chron. scand., I, 1460-1483, 198)

D. -Faire condescendre qqn. Faire consentir, faire adhérer qqn.

Aucuns dient qu'il fut Romain et stipendié de Papirus consul, lequel Medemus fist condescendre Pappirus et aller contre les Samites, contre le vouloir des Auguristes (Simon De Phares, Astrol., c.1494-1498, f° 57 r°)

Faire condescendre qqn à qqc. Faire reconnaître, faire adhérer qqn à qqc..

Vous savez que pour l'alegeance Et pour humaine delivrance En ce monde ai volu descendre Et a ce m'a fait condescendre Amour et vraye charité, Esmeut de tres grande pité, Veant trestout l'humain linage Perir et estre en grant servage Par le pechié du premier pere. (Marcadé, Myst. Pass. Arras R., a.1440, 128)

Car par mariage et amytié povoit-il ayséement joindre à sa couronne toutes ces grandz seigneuries, ès quelles il ne povoit autrement pretendre nul droit ; et en eust faict ce qu'il eust voulu, et les eust faict condescendre à toutes ses voulentéz soubz l'ombre et condicion dudit mariage, veü le grand desconfort, povreté et debilitation en quoy ces seigneuries estoient (Comm., II, 1489-1491, 168)

...et tant y vacqua et estudia, que finablement il y fut très expert, et tellement que par disputacions il fist condescendre les plus sages de toute Egipte à son oppinion touchant le cours du Soleil (Simon De Phares, Astrol., c.1494-1498, f° 69 v°)

Faire condescendre qqn à + inf. Faire consentir qqn à faire qqc..

...et fut envoyé vers ceulx de Rouen, que tenoit assiegés ledit roy Phelippe, lesquelx, au moïen de ses prenosticacions et predictions astrologalles, il fist condescendre à eulx rendre et se rendirent au roy Phelippe, l'an mil IIc et deux (Simon De Phares, Astrol., c.1494-1498, f° 120 r°)